александар чичаковски – Kurir.mk

Чичаковски почнува да суди во Управниот суд

Катерина Бојаџиева — Wed, 25 Dec 2019 10:12:24 +0000

Поранешниот претседател на Државната изборна комисија, Александар Чичаковски кој конкурираше за судија во Управниот суд, започнува да работи како судија, по правосилното завршување на постапката. Чичаковски беше избран од страна на Судскиот совет за судија во Управниот суд во конкуренција на 31 кандидати за 2 судиски места. Покрај него, беше избрана и Елеонора Ајро, сопруга на специјалниот обвинител Артан Ајро. Инаку, Чичаковски заедно со членовите на ДИК поднесоа оставка по парламентарните избори во 2016 година, откако беше обелоденета аферата со делење бонуси, покрај високите плати.

Бившиот претседател на ДИК Чичаковски и сопругата на Артан Ајро од СЈО, избрани за управни судии

Катерина Бојаџиева — Wed, 02 Oct 2019 12:15:19 +0000

Поранешниот претседател на Државната изборна комисија Александар Чичаковски е избран за судија во Управниот суд во конкуренција на 31 кандидати за 2 судиски места, на денешната седница на Судскиот совет, пренесува СДК.мк. За него беше кажано дека покрај богатата биографија што ја имал, пресудно за да го дадат гласот некои членови на Советот за него, било што во жестоките партиски расправии во ДИК, успеал никогаш да не заземе страна. Покрај него, од заедниците беше избрана и Елеонора Ајро, сопруга на специјалниот обвинител Артан Ајро, чиј најпознат предмет што го застапува е „Тврдина-Таргет“. Елеонора Ајро само што дипломираше на Академијата. При последното рангирање на оценките таа немала доволно бодови за судија во кривичниот или граѓанскиот суд и поради тоа ја ставиле на листата да биде обвинител. Член на Судскиот совет рече дека немало кој да ѝ ги надува оценките, како на други, за да го оствари нејзиниот сон да биде судијка. Таа е првата судијка избрана во Управниот суд од Академијата, иако денешниот избор е по стариот закон, бидејќи по новите закони, сега и за во овој суд кандидатите ќе мора да доаѓаат од Академијата. Ајро е поранешен стручен соработник во Управниот суд.

Чичаковски сака да биде управен судија

Предраг Кукиќ — Mon, 10 Jun 2019 11:53:24 +0000

Поранешниот претседател на Државната изборна комисија, Александар Чичаковски конкурирал за судија во Управниот суд, беше соопштено на денешната седница на Судскиот совет на Република Македонија. Чичаковски, како што беше посочено на седницата, може да оди понатаму во изборот заедно со другите кандидати кои положиле компјутерски вештини. Тој заедно со членовите на ДИК поднесоа оставка по парламентарните избори во 2016 година, откако беше обелоденета аферата со делење бонуси, покрај високите плати.