александар филиповски – Kurir.mk

Муцунски го „покоси“ Цанде со скоро 10.000 гласови! (ФОТО)

Магдалена Андонова — Mon, 18 Oct 2021 16:18:49 +0000

Општина Аеродром го доби својот нов градоначалник - Тимчо Муцунски кој што беше кандидат на опозициската ВМРО-ДПМНЕ. Според најновите податоци на ДИК, на обработени 98,92% од избирачките места, Муцунски е со победа во првиот круг со скоро 10.000 гласови, поточно 9,698 гласови. Кратко по завршувањето на гласање во општина Аеродром почна да се чувствува победничката атмосфера на ВМРО-ДПМНЕ. https://kurir.mk/makedonija/vesti/gori-aerodrom-se-slavi-pobedata-na-vmro-dpmne-i-mucunski-video/

Муцунски пред голема победа во Аеродром, Филиповски поразен и во неговото избирачко место

Ивана Ефремовски — Sun, 17 Oct 2021 18:35:39 +0000

Тимчо Муцунски од ВМРО-ДПМНЕ се наоѓа пред голема победа во Аеродром, пишува Лидер. Од неофициалните информации до кои успеа да стигне Лидер, Александар Филиповски од СДСМ во неговото избрирачко место во населба Аеродром изгубил со 100 гласа. Имено, во тоа избирачко место Муцунски има 250 гласа, а Филиповски 150. Разликата од 100 гласа во избирачкото место на Цанде е приказател за големата победа на ВМРО-ДПМНЕ во Општина Аеродром, пишува порталот.

Стоилковски: Три милиони евра за семејната фирма на Цанде

Магдалена Андонова — Fri, 15 Oct 2021 11:17:11 +0000

Семејната фирма на Александар Филиповски- Цанде, кандидатот на СДСМ за Аеродром, од буџетот зема речиси три милиони евра! Три милиони евра од буџетот за фирма на кандидатот на СДСМ за Аеродром. На два дена пред крајот на кампањата медиумите објавија за набавка вредна 2.9 милиони евра набавка од ЈП „Македонија пат“ на возила за чистење снег од „Технокомерц“, семејна фирма на Александар Филиповски - Цанде, изјави на денешната прес конференција портпаролот на ВМРО-ДПМНЕ, Наум Стоилковски. Тој посочи дека ова дава точен показател за улогата и идејата што сака СДСМ да продолжи да прави во Аеродром и насекаде низ Македонија, бизниси за семејни фирми со пари од јавниот буџет! - Тоа е СДСМ тоа е таа матрица која што не се менува! Со СДСМ нема друго, со Цанде не може поинаку, нема кандидат од СДСМ што не знае подруго од ставање раце во јавниот буџет! Та нели Заев избира луѓе што личат на него! ЈП „Македонија пат“ купува возила за чистење снег од семејната фирма на Филиповски – Цанде, кандидатот на СДСМ за Аеродром,„Технокомерц“.Сумата е 177 милиони денари 2,9 милиони евра! „Македонија пат“ соопштува дека набавката е направена „по подолг период“, а нема одговор зошто сега, кога Филиповски е во кампања. Според информациите, парите на „Македонија пат“ и се пуштени од Владата, од ланскиот буџет, а набавката е направена без електронска аукција. Добиени биле две понуди со иста вредност, ама одбрана е фирмата на Филиповски. Фирма во рацете на лица - политичари од транзицијата, татко и чичко на Цанде, пари од буџетот за семејната фирма каде стои потписот на братучед на Цанде Филиповски, појасни Стоилковски. Портпароло додаде дека се даваат пари од буџетот, на сметка на Филиповски, а тој тера кампања. - СДСМ ви го нуди Цанде, којшто во очи на избори од буџетот на семејна фирма му легнуваат речиси 3 милиони евра! Всушност Цанде Филиповски добил 3 милиони евра за да финансира кампања! Поинава логика нема. Прашањето е, што се Цанде Филиповски треба да направи за да се оддолжи на спонзорите? СДСМ го опустоши Аеродром четири години, скандалозните тендери и набавки ја згрозија јавноста, како онаа набавка од 300 евра за метар даска. Ова не е ништо поразлично од скандалот во Битола, со договорите со РЕК Битола, ова не е ништо поразлично од било каде во Македонија и кандидатите на СДСМ, додава Стоилковски. Тој е убеден дека нема полошо од СДСМ, ниту за Аеродром, нема полошо од СДСМ за било каде во Македонија.

Филиповски: Сликата на повторно миење на улиците со цистерни станува реалност во Аеродром

Ивана Ефремовски — Fri, 08 Oct 2021 18:28:57 +0000

„Сликата на повторно миење на улиците со цистерни станува реалност во Аеродром. Значително ќе ја подигнеме јавната хигиена. Предвидуваме набавка на нова механизација за миење на платоата, плоштадите, плочниците меѓу зградите и другите јавни површини“, истакна Александар Филиповски, кандидат на СДСМ за градоначалник во Аеродром. Филиповски истакна дека СДСМ во изминатите четири години во Аеродром направи шест нови паркови. -Исто така, во новиот мандат ќе се направи нов парк на површина од 5.000 м2, на потегот од популарното „авионче“ до автобуската постојка на последна „5 – ка“, рече тој.

Муцунски побара, но Филиповски НЕ се оградува од срамните гестикулации на Заев (ВИДЕО)

Ивана Ефремовски — Fri, 08 Oct 2021 17:45:21 +0000

Кандидатот за градоначалник на ВМРО-ДПМНЕ за општина Аеродром, Тимчо Муцунски вечерва побара од својот противкандидат Александар Филиповски од СДСМ да покаже трошка доблест, не не ја доби. Имено, Муцунски побара од Филиповски да се огради од срамната гестикулација на премиерот Зоран Заев, која ја направи како срамен потег на партискиот митинг на СДСМ во Аеродром.

На овој да му кажеш “кај си бе сељачиште недоделкано” ќе се насмее и ќе ти каже ФАЛА pic.twitter.com/qhlhltIlcg
— Bojan (@mordorea) October 5, 2021

-Господине Филиповски, еве оваа дебата е идеална прилика да се оградите од гестикулацијата која премиерот Заев ја направи и ги навреди сите жени. А, вие на тоа се смеевте и аплаудиравте. Утре, тоа може да биде и вашата сопруга, мајка. Оградете се доколку тоа не е ваш став, побара Муцунски. Филиповски се обиде да смени тема и не се огради од ваквото безобразно однесување на Заев, што значи дека се согласува со него.

Николоски: Филиповски живее на Водно, а не во Аеродром, во хациендите изградени од браќата Филиповски кои го пропаднаа ОХИС и македонското стопанство

Магдалена Андонова — Wed, 06 Oct 2021 11:25:27 +0000

Кандидатот на СДСМ за Аеродром, Филиповски живее на Водно, а не во Аеродром, во хациендите изградени од браќата Филиповски кои го пропаднаа ОХИС и македонското стопанство, изјави потпретседателот на ВМРО-ДПМНЕ, Александар Николоски, при посетата на општина Аеродром потенцирајќи дека со СДСМ се уште владее олигархијата која на овие избори ќе биде поразена. Николоски истакна дека Филиповски практично пошта е пратен во Аеродром и менува адреса на крајот на март оваа година со цел да биде кандидат за градоначалник на Аеродром. . - На Водно живее цел живот во една од најпознатите хациенди во Македонија, тоа се првите две хациенди кои се изградија на Водно во 90-тите години од криминалната олигархија на СДСМ и криминалната приватизација, рече Николоски. Тој додаде дека тие две хациенди се изградени од браќата Филиповски од кои едниот беше министер за економија, а другиот директор на аеродромот и едниот го пропадна „Охис“ а другиот македонското стопанство. - Тие и во криминалната приватизација се стекнаа со огромно богатство кое прво го инвестираа во две хациенди на Водно, од кои во едната сега живее актуелниот кандидат на СДСМ за градоначалник на Аеродром а после тоа го инвестираа и во други „бизниси“ како „Стоп и Го“ сопственост на актуелниот кандидат за градоначалник, скапи коли, хациенди на Галичник. Ова само покажува дека криминалната олигархија се уште владее со СДСМ, нагласи Николоски

Заев: Првпат слушам дека кандидатот на СДСМ за Аеродром е осудуван насилник!

Ивана Ефремовски — Mon, 04 Oct 2021 14:09:31 +0000

Премиерот Зоран Заев денеска од новинарите прв пат слушнал дека кандидатот на СДСМ за градоначалник на Општина Аеродром бил осуден за нанесување на тешки телесни повреди. Во делот за новинарски прашања по денешната прес-конференција на Заев, на самиот крај на Заев му беше посочено дека иако тој постојано напоменува како кандидира чесни и одговорни лица, а последните денови во јавноста излегоа документи за осудуваност на кандидатот на СДСМ за Општина Аеродром – Александар Филиповски. Документот за казната која Филиповски ја добил за нанесување на тешка телесна повреда или претепување на друго лице, беше најпрво објавен на социјалната мрежа Твитер, а потоа и од порталот „Плусинфо“.

Заев се прави наудрен дека Цанде е осудуван… Не проаѓаат веќе овие демагогии, ова е доказ дека СДСМ губи во Аеродром 😘 pic.twitter.com/kQRgmFoupX
— Јоцо Манго (@fapot_) October 4, 2021

КАНДИДАТОТ НА СДСМ ЗА АЕРОДРОМ Филиповски бил условно осуден за нанесување тешка телесна повреда (ФОТО)

Катерина Бојаџиева — Sat, 02 Oct 2021 16:25:46 +0000

Кандидатот на СДСМ за градоналник на Аеродром, Александар Филиповски, во 2005-2006 година бил осуден условно на 1 година затвор за нанесување тешки телесни повреди на лицето Р.П., открива извор близок до учесниците во кампањата, пренесува Плусинфо. Настанот се случил некаде пред 16 години, кога е поведена кривичната постапка. Предметот за оштетноти побарување на тешко повредениот се влечкал до 2012 година, кога е пресудено дека Филиповски мора да плати висока оштета. Сево ова се гледа и од документите што се доставени до Плуснфо. Еве две фотографии на дел од пресудите. – Како може вакво лице, осудено за насилство, да биде избрано за градоначалник? Дотолку повеќе што имаме сознанија дека ова не е единствениот ваков настан поврзан за Филиповски – вели изворот. Плусинфо консултираше правен експерт и утврди дека од формално-правен аспект, овие пресуди не го засегаат правото на Филиповски да избира и да биде биран. – Изречената казна одамна е избришана од казнената евиденција. Така налага законот. Тоа значи дека Филиповски ги има сите граѓански права и правно се смета за неосудуван. Друг е моралниот аспект на прашањето. Луѓето подолго од законот ги помнат ваквите дела и казните и затоа, не е невообичаено во кампањите заинтересираните страни да го вадат валканиот веш. Затоа е подобро кандидатите да имаат беспрекорни досиеја од овој аспект – вели експертот.

Граѓаните од Аеродром најмногу му веруваат на Тимчо Муцунски, кандидатот на ВМРО-ДПМНЕ за градоначалник на општината

Магдалена Андонова — Wed, 22 Sep 2021 09:21:31 +0000

Организацијата за граѓански активизам и независност” која се занимава со анализи, истражувања и граѓански активизам, за сопствени потреби направи теренско истражување поврзано со престојните локални избори во Република Македонија, кои ќе се одржат на 17 октомври 2021 годиниа. Теренското истражување се одвиваше во периодот од 13 септември до 17 септември 2021 на репрезентативен примерок во зависност од големината на општината/ градот Скопје. Резултатите од анкетата, во делот за Аеродром, покажуваат дека во оваа скопска општина најголема доверба ужива кандидатот на ВМРО-ДПМНЕ, Тимчо Муцунски. За него се изјасниле дека ќе гласаат 23.3% од испитаните граѓани. Зад него е кандидатот на СДСМ, Александар Филиповски за кој довербата ја дале 17,1% од граѓаните, кандидатот на Левица, Весна Кираџиева за која 8,4% од испинатиниците се изјасниле дека ќе гласаат, кандидатот на коалиција ЛДП-ДОМ, Билјана Аврамовска - Ѓореска со 4,2% и Миле Петковски од ТМРО со 1,8%.