александар георгиевски – Kurir.mk

Георгиевски: Општина Илинден наидува на многу опструкции од власта, пример за тоа е изградбата на Здравствениот дом

Дарко Андоновски — Fri, 29 Sep 2023 08:47:01 +0000

„Веќе година и скоро 11 месеци оперативно сум градоначалник со мојата администрација. И можам да кажам дека иако влеговме во еден тежок период во 2021 година, каде што и самата општина имаше извесни долгови, но бевме и затечени од една голема економска криза, криза која што беше во светски рамки. И во тој период исто така драстично поскапи електричната енергија и јавните претпријатија во рамки на Општината беа во една тешка и безизлезна ситуација. Се случи војната во Украина и се случи инфлацијата, која што покрена еден бран на поскапувања каде што неминовно не не избегна и нас локалните институции. И во сите тие околности мислам дека општина Илинден и те како добро се држеше“, истакна градоначалникот на општина Илинден, Александар Георгиевски во утринска емисија на Алфа телевизија. Георгиевски додаде дека денеска Општина Илинден е во многу подобра ситуација и финансиски и кондиционо од она што беше пред две години. Тој дури нагласи дека се надева дека општина Илинден ќе биде успешна општина како што и доликува. „Во однос на Програмата, таа се одвива согласно зацртаните параметри и до сега си се реализира согласно проекциите кои што ги имавме зададено. Овие работи можеби на почетокот малку се изместија во однос на проекциите, но, како изминува времето не само што одиме согласно Програмата, туку и одиме над остварувањето на Програмата, со многу проекти“, рече градоначалникот на општина Илинден. Тој посочи дека за жал освен Општината што се труди со свои капацитети и со свои ресурси да работи на реализација на проектите и овозможување на подобри услови за живеење во истата општина, друг никој не помага. Односно Општината наидува на многу опструкции од централната власт. И истата таа централна власт не дава поддршка на Општината. „Изминатиов период се што побаравме, за се бевме закочени“, нагласи Георгиевски. „Имаше многу проекти кои што се поврзани со централната власт, ние баравме соработка со нив за да можеме да ги реализираме. И тоа иако не се директна надлежност на Општината. Ние сакаме да помогнеме и тие да ги реализираме. Но, еве баравме конкретна соработка со нив. Општината со свои ресурси направи целосно нов проект за изградба на нов Здравствен дом во Илинден. И ние бевме спречени да влеземе и да го финансираме. Истиот за да се финансира треба согласност од министерството за здравство. Но истото тоа министерство не дозволи. Уште во 2022 година се обративме неколку пати и имавме со тогашниот министер и средби, т.е. со Кабинетот негов. И од таму ни беше ветувано дека ќе се разгледа нашето барање и од тогаш нема ништо“, појасни Георгиевски. Тој рече дека тоа е едно од есенцијалните барања на граѓаните во општина Илинден.

Георгиевски: Општина Илинден започнува самостојно изградба и доградба на градинката „Гоце Делчев“ во населено место Марино

Дарко Андоновски — Wed, 27 Sep 2023 10:50:57 +0000

Најнапред да се заблагодарам на Вас медиумите што денеска сте со нас и што го овекувате овој настан. Да му се заблагодарам и на претседателот Христијан Мицкоски за неговата посета денеска, што ни укажа чест да присуствува на еден ваков убав настан каде што Општина Илинден започнува самостојно изградба и доградба на градинката „Гоце Делчев“ во населено место Марино, ова денеска преку изјава го истакна градоначалникот на Илинден, Александар Георгиевски. -Оваа градинка како што е познато ги згрижува нашите дечиња од најмала возраст и е централна градинка. Со оваа доградба го решаваме проблемот на веќе листите кои што ни се за престој на најмалите деца, на возраст од 9 до 24 месеци. Конкретно јаслените групи. Со оваа доградба со капацитетите што ќе се создадат, а тоа се над 300 квадратни метри, неколку занимални, и каде што ќе можат да се примат 40-50 мали дечиња, го решаваме трајно проблемот со јаслените групи. И во Илинден веќе ќе немаме на листа на чекање ниедно дете. Сакам да напоменам дека оваа инвестиција е комплетно наша инвестиција, на Општина Илинден без поддршка на централните институции. Од самиот почеток на градбата до завршетокот вклучително и опремувањето. Така да сум особено горд што еве успеавме за овој краток период да направиме комплетно нов проект, да ја отпочнеме оваа градба и се надевам дека до крајот на годината веќе да ја имаме завршено. Би сакал уште да истакнам неколку реченици за тековните проекти што ги работиме тука во општина Илинден. И ако имаме време со претседателот на дел од нив и ќе поминеме, вели Георгиевски. Тој додава дека моментално започнавме деновиве со еден капитален проект за изградба на фекална канализација во делот на населено место Илинден, место викано Плац и Ограѓе од вкупна должина од 4.200 метри со препунктни уреди која што ќе го реши трајно проблемот со фекална канализација на тој дел од Илинден каде што живеат над 1.300 граѓани. Еден од најтешките делови, каде што има бушење под автопат, и железнички пруги итн. Општина Илинден комплетно со свои средства ќе го реши овој горчлив проблем на граѓаните на населеното место Илинден. -Моментално паралелно на ова работиме на реконструкција на локалниот пат Илинден – Хиподром во должина од над 800 метри, заедно со Скопскиот плански регион. Главен пат кој што не поврзува со општината Гази Баба и со градот Скопје , и овој пат е од многу големо значење за сите жители на општина Илинден. На, овој начин го решаваме и овој проблем од наша страна, се надеваме дека во брзо време Градот Скопје ќе се охрабри да даде дозвола на Општина Гази Баба да го доврши и останатиот дел од страната на Гази Баба. Работиме на комплетна реконструкција деновиве, отпочна комплетна реконструкција на кровната конструкција „Ристо Крле“ школото, над 1.600 квадрати. Старо училиште каде што имаше азбестен кров. Со овој проект комплетно се менува кровот, и се заштитува животната средина и нормално добиваме комплетен кров кој што ќе биде во интерес најнапред на децата, но и на целата околина. Работиме на реконструкција на секундарни улици, помали улици, локални улици, моментално се асфалтираат деновиве 5-6. А, деновиве уште толку. Очекуваме дека до крајот на годината околу 30 улички ќе се асфалтираат во Илинден само за овие 2-3 месеци. Се работи паралелно и на други проекти на фекална канализација, работиме на спортските терени, комплетно со вештачка трева го реконструиравме со ново лед осветлување и со заштитни огради теренот во Кадино. Моментално се работи на комплетна реконструкција на теренот на Миладиновци. Периодов што следи ќе отпочнеме со изградба на ново комплетно мултифункционално игралиште тука во Илинден. Така да Општина Илинден работи 24/7 и се надеваме дека не само овие проекти, туку и во многу блиска иднина ќе започнеме со многу други, ќе ги довршиме постоечките. И тоа се со цел да ја направиме општина Илинден подобро место за живеење за нашите граѓани, вели Георгиевски.

Асфалтирање на улицата „415“ во населено место Марино

Ивана Ефремовски — Mon, 03 Jul 2023 15:16:27 +0000

Во рамки на програмата за Реконструкција, рехабилитација и изградба на локални улици и патишта на Општина Илинден, денеска се асфалтираше улица „415“ во населено место Марино која е во должина од 150 метри. - Увид во работните активности направи и градоначалникот на Општина Илинден, Александар Георгиевски кој истакна дека финансиските средства за асфалтирање на улиците се обезбедени од Буџетот на општината, а во наредниот период ќе се продолжи со асфалтирање и на други улици во повеќе населени места во Илинден, известуваат од општината.

Детско инклузивно игралиште во Кадино во општина Илинден

Ивана Ефремовски — Mon, 12 Jun 2023 14:15:43 +0000

Општина Илинден изврши целосна реконструкција на детското игралиште во населеното место Кадино. Станува збор за детско инклузивно игралиште на кое е поставена околу 300м2 гумирана подлога, видео надзор, детски реквизити, нишалки, лизгалки, клупи, канти за отпадоци за почиста и поубава средина, како и нова заштитна ограда. Градоначалникот на општина Илинден, Александар Георгиевски го посети детското инклузивно игралиште и истакна дека, Општината работи на изградба и реконструкција на детски игралишта, со цел најмладите жители од сите населени места да добијат убаво и безбедно место за игра и забава, каде ќе можат да го поминуваат слободното време. Градоначалникот Георгиевски упати голема благодарност до општествено одговорните компании, кои освен Општина Илинден и тие учествуваа во дел од реконструкцијата на ова детско инклузивно игралиште.

Прием кај градоначалникот на општина Илинден, Александар Георгиевски на надрадените ученици на државните натпревари

Дарко Андоновски — Thu, 08 Jun 2023 11:39:13 +0000

Градоначалникот на општина Илинден, Александар Георгиевски приреди прием на учениците од основните и средното училиште од општина Илинден кои освоија високи места на државните натпревари и им додели признанија за постигнатите резултати. Градоначалникот им ги честиташе големите успеси на учениците и нивните менторите и истакна дека прекрасно е чувството што има голем број наградени ученици од нашата општина. Ние како локална самоуправа посветено ќе работиме на дополнителна промоција на вашите успеси и достигнувања, додаде градоначалникот Георгиевски. Од ООУ ,,Гоце Делчев”, Никола Павловски од IX одделение освои второ место по предметот биологија, Дарија Јакимовска го освои третото место во Европски квиз на пари, а женската ракометна екипа го освоија второто место на Државен натпревар во ракомет. Од ООУ ,,Ристо Крле” од Кадино Михаил Митровски и Јасна Петковска ја освоија втора награда по предметот училишен оркестар-камерен, а училишниот хор ја освоија третата награда на државниот натпревар за основно образование во категоријата ХОР. Од ООУ ,,Браќа Миладиновци” од Миладиновци, Ева Станчевска ја освои втората награда по предметот природни науки, а женската екипа во фудбал го освои третото место. Од СОСУ ,,Илинден” од Илинден, Андреј Петковски го освои првото место од областа на кино и видео техника, Михаил Кузмановски освои второ место во областа на компјутерско програмирање и трето место во класификација на електротехничар за компјутерска техника и автоматика, Ана Анѓелковиќ го освои третото место во областа на фото техника. На образовно рандеву 2023 МАССУМ, учениците добија прво место за најдобра серва, а Ангела Арсоска за најдобра поетска творба го освои третото место. Михаил Кузмановски и Марко Петрушевски го освоија второто место на натпреварот во практична реализација на зададена задача.

Опремен нов кабинет по програмирање во средното општинско училиште во Илинден

Ивана Ефремовски — Wed, 03 May 2023 11:32:25 +0000

Опремен е нов кабинет во Средното општинско стручно училиште „Илинден“- Илинден, кој е наменет за потребите на учениците по предметот програмирање, уредување на веб страни, автоматика, мултимедија, како и за потребите на останатите стручни предмети. Набавени се 28 мини десктоп компјутери i5, со исто толку монитори, тастатури и мауси. Сите компјутери се со лиценциран Windows 11 Professional. Градоначалникот на Општина Илинден, Александар Георгиевски го посети средното училиште и истакна дека локалната самоуправа континуирано работи на обезбедување квалитетни услови во образованието и успешно реализирање на образовниот процес, затоа што една од најзначајните области за развој на општина Илинден е инвестирањето во образованието. Користењето на новата информатичка опрема ќе овозможи поуспешно реализирање на образовниот процес преку примена на нова и напредна информатичка техника и технологија, а учениците ќе можат да ги продлабочат и прошират своите знаења, вештини и умеења во квалификациите Електротехничар за компјутерска техника и автоматика и Електротехничар за електроника и телекомуникации.

Георгиевски на увид на градежни работи: Во тек е изградба на кружен тек во Илинден кој ќе ги спојува трите најглавни артерии во општината

Дарко Андоновски — Fri, 24 Mar 2023 12:06:37 +0000

Најпрво да изразам големо задоволство што денеска во Илинден на посета ни е претседателот на ВМРО-ДПМНЕ Христијан Мицкоски, кој е наш поддржувач и е поткрепа за сите активности кои што ги работиме ние како општина и сите други општини. Денеска сме на увид на изградба на кружен тек во населено место Илинден. Кружен тек кој што ќе ги спојува трите најглавни артерии во населено место Илинден, па може да кажеме и на општината, и уште една четврта ново планирана улица. Овој кружен тек и те како ќе биде подобрување за безбедноста во сообраќајот и ќе го среди сообраќајниот хаос во населеното место Илинден, ова денеска преку изјава за медиумите го истакна градоначалникот на општината Илинден Александар Георгиевски. -Паралелно со изградбата на овој кружен тек се работат и пешачки патеки околу него, ќе следи комплетно осветлување, партерно и хортикултурно уредување. Во овој момент исто така денеска ја завршуваме и пешачката патека која ја реконстуиравме на улица 2 од 620 метри. Овој период и следниот период се работи и на други проекти, само ќе спомена веќе во завршна фаза и во пуштање во употреба на колекторскиот систем во должина о д 4 и пол метри меѓу населените места Илинден и Марино веќе се работи на приклучоци. Во месноста Јака фекалната канализација во должина од 6300 метри е изграден, и таму може приклучоци да се поставуваат, вели Георгиевски. Тој додава дека во оваа година ќе започнеме со реализација на дел од планот за фекална канализација во населба Илинден месноста Плац. Се работи на нов проект на канализација во населено место Кадино, а исто така ќе ги реконструираме патот Миладиновци - Бујковци во должина од 1500 метри, патот Хиподром Илинден во должина од 700 метри, ќе започне втора фаза на реконструкција 532 во населено место Марино што го поврзува со Кадино и ќе градиме ново мултифункционално игралиште во населено место Илинден, а ќе се реконструираат и постоечки спортски игралишта во Кадино, Миладиновци и други населени места, ќе се градат детски паркови, ќе ја пробиеме новата трим патека, ќе работиме на доградба на градинката за проширување, нови 300 квадрати градинка и тоа е планирано оваа година, и многу други проекти кои што периодот ќе ги реализираме.

Георгиевски: Девојчето во Илинден починало од струен удар од жиците на вагон

Ристе Здравков — Sun, 26 Feb 2023 08:20:31 +0000

Градоначалникот на Општина Илинден, Александар Георгиевски во изјава за Телевизија 24, вчеравечер изјави дека според информациите што ги добил од МВР и ПП бригада до несреќата во која почина малолетно девојче дошло откако група малолетници самоиницијативно, најверојатно од забава и несвесно се качувале на паркиран вагон во близина на ЖСТ Илинден. Притоа дошло до струен удар од висок напон каде на местото на несреќата животот го загуби малолетно девојче, изјави Георгиевски и изрази сочувство до семејството. Во 21:05 часот во ПО-Петровец, С.К. пријавил дека во населбата Илинден кај железничката станица од страна на малолетни лица е опожарена цистерна. Двете малолетни лица се кај него дома и по извршениот разговор со децата посочено е дека во цистерната најверојатно има малолетно женско лице и истото е починато, соопштија вчера од МВР. Од Територијалната противпожарна бригада, која интервенираше на местото на несреќата, за МИА вчера изјавија дека има починато лице најверојатно од струен удар на вагон. На терен биле испратени две возила и седум пожарникари.

Одбележан патрониот празник на детската градинка „Гоце Делчев” во општина Илинден

Ивана Ефремовски — Fri, 03 Feb 2023 14:38:52 +0000

Со прекрасно подготвена приредба, пред поголем број гости, меѓу кои и градоначалникот на општина Илинден, Александар Георгиевски, на свечен начин го одбележа 14-тиот патронен празник и 151 годишнина од раѓањето на Гоце Делчев. Градоначалникот Георгиевски честитајќи им го патрониот празник на вработените, истакна дека градинката „Гоце Делчев“ уште од самото постоење претставува пример и репер за другите како треба да функционира една институција. Ова мислење за детската градинка го делат и граѓаните, односно оние најзасегнатите, а тоа се родителите. На приредбата учествуваа дечињата од групите Пеперутка, Пепелашка, Црвенкапа, Верверичка и Срничка, кои низ песна и игра се потрудија да ја разбудат еколошката свест, за што беа наградени со бројни аплаузи од присутните.

Општина Илинден заедно со граѓаните го креира Буџетот за 2023-та година

Ивана Ефремовски — Tue, 29 Nov 2022 10:13:39 +0000

Креирањето на буџетот на Општина Илинден зависи од потребите на граѓаните, заеднички да се гради иднината на Општината, идеите и предлозите и тие се интегрираат во финансиската програма за работа. Градоначалникот на Општина Илинден, Александар Георгиeвски преку отворени и интензивни средби во сите населени места, го слуша гласот и потребите на граѓаните, идеите кои ги добиваме преку пополнетиот прашалник ќе ги имплементираме согласно реално остварливите финансиски можности и издржливоста на проектите. Општина Илинден е во финална фаза во креирањето на буџетот, и во наредната година ќе работи исклучиво и во служба на граѓаните, важни се Вашите предлози за подобра, модерна и просперитетна Општина. Воедно, Општина Илинден ги информира граѓаните дека следниот викенд ќе организира средба во Општината на која ги очекуваме вашите конструктивни предлози. Граѓаните на Општина Илинден, имаат можност сите свои предлози да ги достават и преку електронски пат ([email protected]) со пополнување на прашалник на нашиот сајт www.ilinden.gov.mk, или да ги достават во архивата на Општината секој работен ден до 30.11.2022 година.