Александар Ѓорѓеевиќ – Kurir.mk

Ѓорѓевиќ: Кому му е до кошарка во Белград, одложете го мечот Партизан – Реал Мадрид

Бошко Тасиќ — Thu, 04 May 2023 04:29:43 +0000

Кошаркарската легенда Александар Саша Ѓорѓевиќ ги повика надлежните органи во Евролигата и клубовите да го одложат следниот натпревар помеѓу Партизан и Реал Мадрид , а причина е масакрот во основното училиште " Владислав Рибникар" во Белград. – Шок, неверување поради масакрот во белградското училиште. Сочувство до семејствата на жртвите. Секоја чест за нив. Господ да ги благослови нивните души. Моја Србија, мој Белград, мој Партизан и Реал Мадрид, реагирајте на прав човечки начин и одложете го натпреварот – кому му е до песни, радост и навивање по ваква трагедија? – напиша Ѓорѓевиќ на Твитер. Во четвртфиналето од кошаркарскиот плејоф во Евролигата Партизан води со 2:1 против Реал Мадрид, а четвртиот меч според најавите е закажан за денес во Белград со почеток од 20.30 часот.

Александар Ѓорѓевиќ не е тренер на Фенербахче

Бошко Тасиќ — Sat, 18 Jun 2022 06:09:27 +0000

Српскиот тренер Александар Ѓорѓевиќ повеќе не е тренер на турски Фенербахче, соопшти клубот од Истанбул За ваквиот расплет се шпекулираше подолго време, а потврдата за тоа стигна по завршувањето на турскиот шампионат. Ѓорѓевиќ на Фенер му ја донесе титулата шампион на оваа земја, откако во финалната серија го совлада шампионот на Европа, Анадолу Ефес. Наследник на српскиот стручњак на клупата на Фенербахче се очекува да биде Димитрис Итудис, сега веќе поранешниот тренер на ЦСКА Москва.

Фенербахче најде замена за Кокошков

Бошко Тасиќ — Sun, 01 Aug 2021 07:11:06 +0000

Турскиот кошаркарски прволигаш Фенербахче ја најде замената за досегашниот предводник Игор Кокошков.

Кокошков одлучи да си замине за да одново биде дел од НБА лигата и тоа во Далас Маверикс, па поради тоа клубот од Истанбул беше во потрага по нов стратег, потрага која заврши со ангажман на Александар Ѓорѓевиќ.

Ѓорѓевиќ кој во изминативе две години беше дел од Виртус Болоња се договори со Фенер и ќе го води истиот во наредните три сезони.

Александар Ѓорѓевиќ не е веќе тренер на Виртус Болоња

Бошко Тасиќ — Tue, 15 Jun 2021 18:22:16 +0000

Александар Ѓорѓевиќ и официјално повеќе не е тренер на Виртус Болоња. Само неколку дена откако го предводеше овој тим до шампионската титула која е прва по 20 години, поранешниот селектор на Србија си замина од клупата на новиот италијански првак. – Благодарност со Саша Ѓорѓевиќ за сите победи кои ни ги донесе. Со освојувањето на 16 шампионска титула засекогаш ќе остане запишан во историјата на нашиот клуб. Секогаш беше посветен на работата и тоа ни донесе резултат. Виртус ви посакува се најдобро во иднина – изјави директорот на Виртус Болоња, Лука Баралди. Според италијанските медиуми, нов тренер на Виртус треба да биде помошниот тренер во Торонто репторс, Серџо Скариоло.