александар јовановски – Kurir.mk

Јовановски: Здружено, заеднички, можеме и одиме на победа!

Магдалена Андонова — Fri, 29 Oct 2021 20:10:02 +0000

Почитувани сограѓани, почитувани жители на Општина Кичево. Со вечерашниот мини-митинг ја завршуваме кампањата, на наше огромно задоволство со нас беше и потпретседателот на ВМРО-ДПМНЕ г-дин Vlado Misajlovski, стои во Фејсбук статусот на Д-р Александар Јовановски, кандидат за градоначалник на ВМРО-ДПМНЕ за општина Кичево. Тој ги повика кичевчани во бедела на 31-ви октомври да заокружат број 7 за да создадат нова иднина за сите луѓе! - Здружено, заеднички, можеме, одиме на ПОБЕДА! Ви благодарам од дното на душата за големата поддршка, пишува Јовановски во својата објава.

Јовановски: Народот покажа дека сака промени, нови инвестиции во Кичево за повеќе работни места, да го запреме иселувањето, како и дислокација на дивите депонии кои ни го загорчуваат животот

Дарко Андоновски — Mon, 25 Oct 2021 17:16:26 +0000

Народот покажа дека сака промени, дека сака светлина, а не мрак, дека избира чесност, а не корупција и расипништво, изјави кандидатот за градоначалник од ВМРО-ДПМНЕ за Кичево, Александар Јовановски, на денешниот предизборен собир, додавајќи дека народот сака работа и решенија на проблемите, а не поделби и нови проблеми. - Успеавме да покажаме дека не е невозможно да се спротивставиме на актуелната локална власт и да поведеме со поголем број на гласови,а ќе се бориме тоа водство да го зголемиме и да го крунисаме со победа на 31 октомври. Сакам да ви се заблагодарам на довербата која ми ја укажавте и ги дадовте своите гласови за мене,без вас успехот е невозможен, изјави Јовановски. Јовановски даде ветување дека како иден градоначалник ќе расчисти со корумпираните, но ќе ги проблемите, како комуналните, така и еден од најгорливите, односно ќе работи на тоа да се спречи трендот на иселување од Кичево. - Да створиме услови нашите деца и нашите млади да можат нормално да се развиваат, функционираат и да се реализираат, секој во својата сфера на интерес. Ветувам дека безрезервно ќе се заложам да створам услови да дојдат инвеститори кој ќе отворат нови работни места, со што ќе се смали невработеноста, а со самото тоа ќе порасне и цената на трудот на работникот. Во мојата програма има реални и веднаш остварливи проекти како што се промена на азбезтните водоводни цевки, изградба на канализациона мрежа во сите места каде недостасува, дислокација на дивите депонии кои ни го загорчуваат животот, промена и реновирање на дотраените трошни фасади и кровови на старите згради, односно нивна замена со енергетски ефикасни, формирање на социјален фонд за деца со посебни потреби, истакна Јовановски. Тој додаде дека кон реализација а овие проекти ќе се пристапи веднаш и без одлагање, со тенденција да се остварат и пред зададените рокови и затоа ја бара поддршката од кичевчани. - Затоа ве повикувам, активирајте се, убедете ги вашите роднини, пријатели комшии, без разлика на партиска, верска или национална определба, дека јас како кандидат за градоначалник ќе бидам вреден работник и застапник за интересите на сите наши граѓани. Нека излезат и на 31.октомври да го дадат својот глас за мене,како човек кој ќе работи во интерес на сите луѓе. За промени, за проекти, за победи! – изјави Јовановски.

Заев со поддршка за ДУИ во сите општини каде што се натпреварува со опозицијата: Во Кичево ќе го поддржат Фатмир Дехари, наместо Александар Јовановски

Катерина Бојаџиева — Sat, 23 Oct 2021 19:00:46 +0000

СДСМ во неколку општини ги поддржа кандидатите за градоначалници на ДУИ, а истото ќе го стори и во вториот изборен круг. Ја потврдија поддршката за кандидатите на ДУИ во сите општини каде што се натпреварува со опозицијата, па така во Кичево ќе го поддржат Фатмир Дехари, наместо Александар Јовановски. Премиерот и лидер на СДСМ Зоран Заев отворено порача дека во Чаир, Гостивар, Струга и Кичево, СДСМ ќе ја поддржи ДУИ. -Во Струга го поддржуваме Рамиз Мерко, во Кичево го поддржуваме Фатмир Дехари, во Гостивар го поддржуваме Невзат Бејта, во Чаир го поддржуваме Висар Гани и обратно во другите општини, како и очекуваме поддршка. Каде се нашите двајца коалициски партнери ДУИ и БЕСА, оставаме граѓаните сами да одлучат, вели лидерот на СДСМ, Зоран Заев.

Јовановски: Кичевчани гласно ги препознаваат проектите, одиме кон нова заедничка победа

Ивона Петрова — Sat, 23 Oct 2021 11:19:12 +0000

Кандидатот за градоначалник на Општина Кичево од ВМРО-ДПМНЕ, Александар Јовановски истакнува дека неговите проекти ќе донесат напредок во општината. -Кичевчани гласно ги препознаваат проектите кои ќе донесат развој и напредок на нашата Општина. Мораме заедно, одиме кон нова заедничка победа, вели Јовановски.

Јовановски: Решавање на проблемот со кучињата скитници и изградба на фекална канализација во Другово и Србјани, веднаш по преземањето на функцијата

Катерина Бојаџиева — Thu, 21 Oct 2021 14:36:33 +0000

Сакам да ви се заблагодарам на поддршката која што ми ја дадовте гласајќи за мене во првиот круг. Покажавте дека без разлика на национална, верска или партиска припадност не сакате да живеете во смрдеа од фекалии и диви депонии, не сакате да живеете во страв од диви кучиња скитници, и не сакате да живеете во урбан хаос, истакна Александар Јовановски, кандидат за градоначалник од ВМРО-ДПМНЕ во општина Кичево. -Со вашиот глас покажавте дека ви е доста од корупција и беззаконие, покажавте дека сакате промени, дека сакате да живеете во почист, помирен и поуреден град. Затоа ве повикувам здружени и посилни да излезете во што поголем број и да ја заокружиме победата во вториот круг. Ви ветувам дека со стапувањето на функцијата градоначалник на општина Кичево веднаш ќе го решам проблемот со кучињата скитници бидејќи имам проект со изградена финансиска конструкција и соработка со активистите за заштита на животните. Веднаш ќе пристапам кон реализација на проектот за изградба на фекална канализација во село Другово и село Србјани и решавање на фекалиите кои се слеваат во реката Сушица. Ќе пристапам кон реконструкција на канализациските мрежи и доизградба на канализациска мрежа во бившите општини Осломеј и Зајас. Нема да губам ниту секунда од драгоценото време во решавањето на горливиот проблем со дивите депонии и загадувањето. Ќе инсистирам да се доврши магистралниот гасовод за кој веќе имаме проект и план да го дочекаме спремни за поврзување на примарната мрежа. Сакам да соопштам дека со сите сили се бориме да донесеме нова инвестиција во нашиот град која ќе овозможи вработување на минимум 300 граѓани, преговорите се веќе во тек. Ве повикувам заедно во победа и подобар живот. Можеме подобро, мораме заедно, додава Јовановски.

Јовановски: Се бориме Кичево да остане кичевско, да биде и на Македонците, и Албанците, и Турците, и Ромите, Власите и сите останати кои живеат во него

Магдалена Андонова — Mon, 18 Oct 2021 18:10:50 +0000

Кандидатот на ВМРО-ДПМНЕ за општина Кичево, д-р Александар Јовановски преку Фејсбук објава им се заблагодари на сите оние кои го дале гласот за него и неговиот тим и приота допринеле за заедничка победа во првиот круг на локалните избори.

- Пред се, сакам да се заблагодарам на Кичевчани. На сите оние кои на мирен и достоинствен начин излегоа на гласање и со тоа придонесоа нашата општина да не биде запомнета како некое партиско трло, туку како општина која заслужува светла и европска иднина. Посебна благодарност до оние кои и покрај наредбите и притисоците покажаа храброст и истрајност и го дадоа својот глас за вистинската опција #КичевоПредСе Во оваа прилика сакам да им честитам и на сите оние, а посебно на нашите сограѓани Албанци, кои покажаа голема храброст и се спротивставија на политичкото сивило префарбано во зелено кое веќе 20 години преку злоупотреба на демократијата, нацијата и на верата владее во Македонија. Храброста и праведноста се едни од најголемите доблести на човекот. Доблести кои може да ги препознае секоја вера, секоја нација и секоја визија. Сакам сите да знаете дека јас и мојот тим не се бориме Кичево да биде бастион на една нација, или една политичка опција, како што се обидуваат да го претстават нашите политички противници преку паролата „Кичево беше, и ќе остане албанско“. Не почитувани Кичевчани! Ние се бориме Кичево да остане кичевско. Да биде и на Македонците, и на Албанците, и на Турците, и на Ромите, Власите и сите останати кои живеат во него, пишува тој.

Во продолжение може да го прочитате во целост неговиот Фејсбук статус:

Кандидатот на ВМРО-ДПМНЕ со водство во Кичево

Ивана Ефремовски — Mon, 18 Oct 2021 08:51:11 +0000

Kандидатот на ВМРО-ДПМНЕ за градоначалник на Кичево, Александар Јовановски, со водство влегува во вториот круг од локалните избори. Тој освои 38,42% од гласовите на кичевчани. Зад него е кандидатот на ДУИ, Фатмир Дехари, со 37,30% од гласовите. Следува Фатмир Лимани кој освои 19,76% од гласовите, а за Ѓорѓи Билески гласале 0,60% од гласачите.

Јовановски: Како иден градоначалник на Кичево, беспоштедно ќе се заложам на решавање на горливите проблеми и ќе створам услови за живот на младите

Ристе Здравков — Fri, 15 Oct 2021 09:14:33 +0000

Како иден градоначалник, доколку граѓаните ми ја дадат довербата, беспоштедно ќе се заложам да овозможам услови за живот во Кичево, вели кандидатот за градоначалник на Општина Кичево од редовите на ВМРО-ДПМНЕ, Александар Јовановски. Тој во емисијата „Десет минути“ која се емитува на телевизија Тв21 истакна дека иако општината не е работодавач, тој како раководител на локалната самоуправа ќе овозможи услови за инвестирање во градот, така што за сите заинтересирани сите администра работи би му ги завршила опшината и бирократските бариери целосно ќе ги отстрани. И на овој начин со инвестирања во градот Кичево, додава Јовановски, ќе ги задрже младите иднината да ја градат во нивниот град. „Општината не е работодавач, но како локална самоуправа би можел да овозможам услови за било кој што е заинтересиран да инвестира во нашиот град, да му излеземе во пресрет, ние да му ги завршиме сите работи, да ги тргнеме сите административни пречки, како некој би инвестирал и би задржал нашите млади да останат о нашиот град“, истакна Јовановски. Тој додаде дека има план за решавање и на еден од најголемите проблеми во општина Кичево како што се уличните кучиња кои не им даваат мир на кичевчани. За решавања на овој проблем, Јовановски планира простории кои се во сопственост на Република Македонија и на општината и кои седат празни да ги пренамени во изградба на стационар за кучињата, каде што истите би имале хумани услови, медицинска помош и редовна храна. „Имаме план за згрижување на уличните кучиња. Во градот има неискористени простории кои се или на Република Македонија или сопственост на општината кои можат да се пренаменат и во кои може да се изгради стационар. И нормално, во комуникација со неколку здруженија за заштита на животни изразивме спремност и желба да соработуваме со цел да ги згрижиме кучињата скитници да бидат хумано згрижени на едно место, каде што ќе имаат и медицинска помош и храна. Второ ќе спроведеме и акции, со цел љубителите на животни да се охрабрат и да посвојат кучиња“, посочи Јовановски. Јовановски порача дека има и проект, финасиски средстав и тим кој во најкус можен рок ќе се ангажира за решавање на канализација во Другово, Зајас и Осломеј, кои преставуваат еден од најгорливите проблеми на општината. „Друг горлив проблем е канализацијата во Другово, Зајас и Осломеј. А за решавање на овој проблем имаме проект и финсиска конструкција и комплетен тим кој би се зафатил и би го решавал во најкус можен рок“, рече кандидатот Јовановски. Друг важен проблем кој што Јовановски ќе го реши веднаш после преземањето на одговорноста како градоначалник на општина Кичево е изградба на спортска сала во централното основното училиште Кузман Јосифовски Питу, затоа што како што вели, во зимскиот период децата немаат каде да вежбат, нешто што е особено важно за нивниот психо физички раст и развој. „Спортската сала во основното училиште Кузман Јосифовски Питу, кое што е централно училиште и кое за жал нема спортска сала каде што во есенски и зимски услови кога е постудено, децата не можат да оддржуваат настава по физичко образование. А од друга страна тоа е основно за нормален психо физички развој. Ќе изградам и многу детски игралишта и катчиња каде што и помали и поголеми деца би се дружеле пред се, затоа што сметам дека нашите млади недоволно се познаваат“, порача Јовановски.

Јовановски од Кичево: Создаваме нова иднина, ќе основаме социјален фонд за помош на лица со посебни потреби

Ивана Ефремовски — Mon, 11 Oct 2021 15:52:20 +0000

„Ви го честитам 11-ти Октомври денот на народното востание против фашистичките окупатори на нашата заедничка татковина Република Македонија! Чест ми е да се претставам пред вас на овој светол и многу значаен ден во историјата на Република Македонија, бидејќи херојските подвизи и саможртвите на Мирко Милески, Исеин Акиоски, Реџо Рушит Зајази и огромен број знајни и незнајни јунаци наши сограѓани се уште одекнува и ни остава аманет да живееме слободно, среќно и сплотени заедно“, истакна кандидатот за градоначалник на општина Кичево, Александар Јовановски на митингот.

Јовановски додаде дека од досегашното долгогодишно владеење на градоначалникот, задоволен е само тој и уште десетина негови пајташи со кои заедно ги множат и делат буџетските пари на општината.

„Во меѓувреме Кичево стана град каде има повеќе кучиња скитници отколку што има спортисти, повеќе диви депонии отколку детски градинки, повеќе корупција отколку развој. Кичево е град со незадоволни граѓани и презадоволен градоначалник“, нагласи Јовановски.

Јовановски ги повика граѓаните да Кичево биде нивната заедничка идеја на 17-ти октомври и нивна заедничка иднина засекогаш.

„Јас нема да ви зборувам за детски градинки, спортски сали, канализации и водоводи, дупки по улици. Сметам дека тоа се основни и насушни потреби кои ги заслужуваат и треба да ги имаат нашите деца и секој наш сограѓанин! За нив не смее да се разговара, треба веднаш да се реализираат“, рече Јовановски.

Јовановски посочи дека сака да го направи Кичево град од 21-ви век, а не град од 19-ти век. Град во кој луѓето ќе се препознаваат по насмевките, град без загадување, град без депонии туку со фабрики за рециклирање, град со еколошко греење, град со енергетски ефикасни фасади, град со нови работни места во кој ќе се цени трудот на поединецот и реално ќе се вреднува.

„Сакам да ви ја соопштам и заедничката одлука моја и на советниците, имено одлучивме сите заедно доколку бидеме избрани да основаме социјален фонд во кој ќе одвојуваме дел од нашите примања и хонорари и кој ќе се користи за помош на лицата со посебни потреби. За ова имам готови проекти, имам тим кој знае како и ветувам дека ако станам градоначалник чесно, макотрпно и беспоштедно ќе работам на остварување на мојата визија за сите луѓе, бидејќи сакам, можам и знам“, истакна Јовановски.

Јовановски ги повика граѓаните да гласаат за идеи, да гласаат за проекти,да гласаат за заедничко Кичево.

Јовановски: Создаваме нова иднина – гасификација на Кичево и изградба на нова спортска сала

Ристе Здравков — Mon, 04 Oct 2021 10:24:33 +0000

Почитувани сограѓани, жители на Општина Кичево, ви се обраќам како кандидат за градоначалник на општината Кичево. Сакам да ви презентирам два од моите најважни и најприоритетни проекти кон кои ќе пристапам веднаш по стапувањето на функција, секако доколку одлучите и сметате да го дадете својот глас за мене, ова го кажа во своето видео обраќање кандидатот на ВМРО-ДПМНЕ за градоначалник на општина Кичево, Александар Јовановски. -Јас како татко на три мали дечиња од кои едното девојче веќе стана првоодделенка сметам дека психофизичкиот развој нашите деца е од приоритетно и врвно значење, бидејќи од нив треба да израснат здрави, способни и спремни индивидуи кои ќе го развиваат нашето општество и во иднина. Затоа сметам дека мора да им обезбедиме нормални, модерни и современи услови за образование бидејќи постојат училишта во нашиот град кои иако се централно поставени како Основното училиште „Кузман Јосифоски – Питу“, се уште нема спортска сала во која учениците би ја изведувале својата настава по физичко образование. Тоа е жално бидејќи од мои сознанија дознав дека има изготвено техничка документација изготвен е основен проект за изградба на спортската сала, меѓутоа не знам од кои причини локалната самоуправа не сака да пристапи кон решавање на овој горлив проблем. Затоа размислувајќи за иднината на нашите деца, за нивниот правилен психофизички развој одлучив приоритетен проект да ми биде изградбата на спортската сала токму на ова место кај што се наоѓаме за да можат нашите дечиња кои се спречени особено во есенски или зимски услови да изведуваат нормална настава по физичко образование, да можат нормално да се образуваат, да вежбаат фискултура, да вежбаат гимнастика и да го поттикнат својот психофизички развој. Освен изградбата на спортската сала во ОУ „Кузман Јосифоски – Питу“ , како втор приоритетен проект кој секако тесно е поврзан со првиот би ја напомнал гасификацијата на општината Кичево. Се надевам дека во најскоро време ќе заврши изградбата на магистралниот крак кој се протега од Скопје, низ Тетово и Гостивар ќе пристапиме кон поврзување на нашата општина Кичево со магистралниот гасовод со што би овозможиле поврзување во основа на сите спортски сали градинки, училишта, здравствени установи и сите институции кои се под надлежност на локалната самоуправа во нашата општина. Со тоа не само што би добиле поевтино затоплување, туку би добиле повеќе придобивки. Би ги издвоил дека загадувањето на општината драстично би се намалило во нашата општина бидејќи ќе преминеме од еколошки неиздржани горива како што се мазут и нафта, кон еколошки чисто гориво како што е природниот гас. Како втора придобивка морам да напоменам дека ќе им се олесни работата, производството и трошоците на инвеститорите кои во моментов во трговско развојната зона во Кичево и нормално со тоа би поттикнале нови инвеститори да дојдат знаејќи дека ќе овозможиме подобра инфраструктура и дека ќе овозможиме подобри услови за работа. Со развојот на втората фаза, со приклучувањето на домаќинствата кон локалниот гасовод ќе добиеме исто така поголем број на придобивки за граѓаните за подобрување на нивниот квалитетот на живот и за подобрување на нивниот буџет. Не само што ќе можат да се греат на природен гас, односно да ги заменат цврстите фосилни горива кои допринесуваат за загадување на нашата околина ќе почнат да се греат на природен гас со што ќе им се намалат и трошоците, а исто така ќе можат природниот гас да си го користат во домаќинствата за разни други потреби како на пример готвење, истакна Јовановски. Затоа сметам дека овие два проекти се приоритетни и кон нив ќе пристапиме веднаш затоа што знаме, сакаме и можеме да го оствариме сето тоа. Да изградиме заедничка иднина, Ве повикувам за промени, проекти и победи! Потенцираше тој.