Александар Јовиќ – Kurir.mk

Го стресе ли Вардар и тренерското столче на Александар Јовиќ?

Бошко Тасиќ — Mon, 23 Oct 2023 06:11:00 +0000

Еурофарм Пелистер ја разочара битолската публика и иако го победи Вардар 1961 на домашен терен (29-25), нема причини за радост, затоа што битолчани останаа на втората позиција во суперлигашкиот дел поради подобриот меѓусебен скор на „црвено-црните“ оваа сезона. По оние 30-25 во Скопје, на пелистерци им беше потребна победа од најмалку пет гола за да го преземат врвот од вечниот ривал. Имаше Еурофарм Пелистер девет гола позитива, но не успеа да ја задржи. Ја прокоцка болно, со промашен последен напад и гол од контра на Ѓукиќ, за пораз на Вардар од четири гола. Еурофарм Пелистер ја разочара битолската публика и иако го победи Вардар 1961 на домашен терен (29-25), нема причини за радост, затоа што битолчани останаа на втората позиција во суперлигашкиот дел поради подобриот меѓусебен скор на „црвено-црните“ оваа сезона. По оние 30-25 во Скопје, на пелистерци им беше потребна победа од најмалку пет гола за да го преземат врвот од вечниот ривал. Имаше Еурофарм Пелистер девет гола позитива, но не успеа да ја задржи. Ја прокоцка болно, со промашен последен напад и гол од контра на Ѓукиќ, за пораз на Вардар од четири гола. Јовиќ, Шундовски и Ангеловски сега се во незавидна ситуција. Прашање е каков ќе биде следниот чекор на управата на Еурофарм Пелистер, кај која исто така постои незадоволство од актуелните резултати на тимот

Јовиќ: Немавме решение за последните 15 минути

Бошко Тасиќ — Fri, 20 Oct 2023 04:09:18 +0000

По натпреварот помеѓу Загреб и Еурофарм Пелистер период кој го потенцираше и тренерот Александар Јовиќ „Одигравме добри 45 минути, а потоа влеговме во една фаза во која немавме решение ниту во нападот ниту во одбраната. Истото ни се случуваше и на претходните натпревари и затоа мора да работиме повеќе на тоа, за да не ни се повторува и во иднина и за да можеме да победиме екипи во Лигата на шампионите. Честитки за противникот за победа“, изјави Јовиќ.

Јовиќ: Му посакувам на Раул Гонзалез да ја освои ЛШ сезонава со ПСЖ

Бошко Тасиќ — Fri, 13 Oct 2023 07:01:59 +0000

Тренерот на Еурофарм Пелистер Александар Јовиќ верува дека екипата од Битола е на добар пат. Воедно по завршувањето на натпреварот во Париз му посака на неговиот колега од спротивната страна, нашиот поранешен селектор Раул Гонзалез, сезонава да ја освои ЛШ со ПСЖ. – Сакам да им честитам на моите ракометари за настапот и секако на тимот на ПСЖ за победата. Не беше лесно да се игра во Париз, но мислам дека одигравме како екипа против моќен состав. Верувам дека сме на добар пат. Раул Гонзалез е голем пријател на македонскиот ракомет и сакам да му посакам баш оваа сезона да ја освои Лигата на шампионите со ПСЖ – рече Јовиќ. Во следното петто коло нашиот претставник на 19 октомври ќе му гостува на хрватскиот ППД Загреб.

Александар Јовиќ: Германскиот ракометен шампион Кил го пречекуваме во ново светло

Ивана Ефремовски — Mon, 25 Sep 2023 18:28:32 +0000

Во пресрет на ракометниот натпревар Еурофарм Пелистер-Кил, кој се игра во рамки на третото коло од европската Лига на шампионите, тренерот на битолчани Александар Јовиќ, доцна попладнево на прес-конференција изјави дека домаќините ќе се претстават во поинакво светло. Според Јовиќ, време е екипата по натпреварот да биде задоволна од одиграното. -Со сигурност тврдам дека Еурофарм Пелистер ќе ги исполни сите цели за оваа сезона. Имаме комплетно нова екипа и ни треба време. За брзо време ќе се претставиме во најдоброто светло. Добро ќе се подготвиме за Кил и ќе извадиме максимум од екипата. Направивме анализа на натпреварите на Кил, преферираат модерен ракомет и динамична игра. Ќе се обидеме да наметнеме темпо кое нам ни одговара. Еурофарм Пелистер само ќе расте, одигравме два натпревари од Суперлигата, играчите почувствуваа и добра игра и победи и прашање на денови е кога ќе проработиме, изјави Јовиќ. Влезниците за натпреварот Еурофарм Пелистер – Кил кој е закажан за во среда од 18:45 часот, се продаваат од денеска, потврдија од клубот. (МИА)

Јовиќ: Промашивме многу зицери, не заслуживме пораз од девет разлика

Бошко Тасиќ — Wed, 13 Sep 2023 18:47:30 +0000

Македонскиот тренер на клупата на Еурофарм Пелистер, Александар Јовиќ не го криеше незадоволството од убедливиот пораз. „Честитки за победата на противникот, му посакувам среќа и успех во понатамошните натпревари во ЛШ. Лошо го отворивме натпреварот, имавме голема желба и бевме борбени, но не реализиравме многу зицери. Затоа сметам дека не заслуживме пораз од девет разлика. Овој натпревар треба да биде поука за понатаму и големо искуство. Екипата е речиси нова, и затоа ни треба време. Ова не се алиби за поразот, туку тоа е реалност“, рече Јовиќ. Пелистер во второто коло во Лигата на шампионите гостува кај Алборг, а претходно на 17 овој месец го игра големото дерби во домашниот шампионат против Вардар.

Јовиќ: Чекавме 18 години да го вратиме пехарот каде што му е местото

Бошко Тасиќ — Sat, 27 May 2023 19:39:34 +0000

Пресреќен по успехот со Еурофарм Пелистер беше тренерот Александар Јовиќ. Човекот кој претходен пат кога клубот беше шампион беше играч, сега како предводник од клупата дојде до успехот. „18 години чекавме на овој прекрасен ден, да го вратиме шампионскиот пехар каде што му е местото. Мислам дека ова е заслуга на целиот тим, стручниот штаб и управата. Самата клупска визија беше најдобра годинава. Во разговори со управата ќе се направи сè за да бидеме конкурентни во Лигата на шампионите. Сакаме добро да се претставиме меѓу 16. најдобри во Европа. Сметам дека сега е моментот да удриме добри темели и да го стабилизираме клубот, за уште долго да бидеме шампиони на Македонија“, изјави Јовиќ. Пелистерци следната сезона ќе играат во Лигата на шампионите, а Јовиќ ги најави високите амбиции на управата да се направи стабилен проект.

Јовиќ: Алкалоид е квалитетен, но добро се подготвивме и заслужено победивме

Бошко Тасиќ — Fri, 14 Apr 2023 06:19:41 +0000

По победата над Алкаалоид Александар Јовиќ ги анализира шеесетте минути во Автокоманда. Тој го пофали ривалот и неговите млади ракометари, па се осврна и на својот колектив. „Мислам дека овој натпревар ќе им биде од голема корист на двете екипи. Знаеме дека Алкалоид има млади играчи, но и кај нас попладнево настапија неколку млади ракометари за кои искуството од ваков неизвесен натпревар ќе биде драгоцено за во иднина.Знаевме дека Алкалоид е одличен проект, самата победа против Вардар 1961 е јасен доказ за нивниот квалитет. Им посакувам да продолжат вака и понатаму. Знаевме дека нè чека тежок натпревар, добро се подготвивме и мислам дека заслужено победивме“, изјави тренерот на пелистерци. Со оваа победа Еурофарм Пелистер одржа чекор и со Вардар 1961 во директна битка на седми мај ќе се бори за титулата во Суперлигата.

Јовиќ: Заслуживме да играме на завршниот турнир во СЕХА лигата

Бошко Тасиќ — Tue, 11 Apr 2023 04:29:06 +0000

Составот на Еурофарм Пелистер го реши Татран Прешов и на втората битка во СЕХА лигата и со вкупни 73-55 се пласираше на завршниот турнир во ова натпреварување. Битолчани беа поубедливи во реваншот каде славеа со десет гола разлика (36-26), резултат на кој му се израдува тренерот, Александар Јовиќ. -Нашите добри настапи ни помогнаа да оствариме две победи над Татран Прешов. Заслуживме да обезбедиме место на завршниот турнир, -порача Јовиќ. Своето задоволство од прикажаното на теренот го искажа и Петар Атанасијевиќ кој беше автор на четири гола од шест обиди. -Дадовме се од себе, тоа е причината поради која добивме уште еден меч против квалитетен тим како Татран, -истакна нашиот репрезентативец.

Јовиќ: Ние по прекинот бевме друг тим

Бошко Тасиќ — Mon, 27 Mar 2023 04:57:00 +0000

По мечот, тренерот на пелистерци Александар Јовиќ направи анализа и изјави дека по прекинот тимот не изгледал исто на терен, а истовремено го апострофира искуството кое играчите на Вардар го имаат во овие дерби-натпревари. „Искрено, не очекувавме да одиграат нашите играчи на ваков начин. Почнавме добро, но по прекинот, што е недозволив на вакви натпревари, излеговме на терен како друга екипа. Дали заради тоа што имаме многу играчи што немаат почувствувано вакво нешто или нешто друго, ние бевме сосема други по прекинот. Вардар не ловеше на секоја грешка и заслужено победи со голема разлика. Вардар има голема предност, без разлика што нема широк ростер, ги има играчите-победници како што се Талески, Манасков, Георгиевски, Стоилов, Томовски, Ристовски, така што мислам дека имаме време да анализираме каде грешевме. Екипата ни покажа второ лице од она против Нексе и мора да ги детектираме сите аномалии пред вториот дуел во Битола. Нашето првенство е квалитетно, има и други натпревари за играње, не смееме да заборавиме на Тиквеш, Алкалоид, Охрид... Додека не се реши се, не може да кажеме кој е шампион. Вардар е во голема предност, но има уште да се игра“, изјави Јовиќ.

Јовиќ: Одлична победа и добар старт на моето поглавје

Бошко Тасиќ — Wed, 15 Mar 2023 06:00:56 +0000

Александар Јовиќ со триумф над Нексе ја почна својата „мисија“ на клупата на Еурофарм Пелистер. Неговиот тим во Битола славеше со четири разлика, со што го обезбеди второто место на табелата. Јовиќ по мечот истакна дека е задоволен од одличната победа и задоволство од добриот старт во неговото ново поглавје. „Одлична победа и добар старт на моето ново поглавје во кариерата. Одигравме добар натпревар против тим предводен од еден од најдобрите тренери во лигата Тамше. Во првиот дел не одигравме претерано добра одбрана, но со одлична енергија и емоција направивме разлика. Нашите голмани одбранија многу топки од кои четири пенали, а тоа ни даде одлична поддршка да победиме и да го обезбедиме второто место“, кажа Јовиќ.