Александар Кирацоски – Kurir.mk

„Фризерката на Кирацоски“ јавно го повика Заев да реагира: „Господ најмилото да му го земи на тие што прават вакви гнасни игри“

Дарко Андоновски — Sat, 16 May 2020 06:00:35 +0000

Павлина Котеска за која јавноста шпекулираше дека е „фризерката која во МЕПСО ја вработи Александар Кирацоски“, вечерва реши да се пресмета со раководителите на компанијата и притоа на помош ги повика Заев, Шилегов, Шекеринска, Манчевси, Адеми, Коста Костадинов, Самка Ибраимовски и Мила Царовска. „Јавно ја повикувам владата на Р. С. М. Да си превземат мерки Со моќницата во Мепсо. ЕВА ШУКЛЕВА. Да престани да ни се заканува на вработените. Да ни прави притисоци. И закани на претседателот Горан Стојановски на Синдикатот во Мепсо, а и мене лично со докази...“ „Некој меѓу нас не е наш“, вели Котеска, што веројатно алудира на партизираноста во МЕПСО со кадри на СДСМ и нејзината разочараност од некој надреден кој „не бил нивни“. Според фризерката, се работи за нешто нечисто „за тоа некој сака да покрија гнасотилоци“. Додава и дека „паднааја маските на ангелските лица...“ Фризерката се жали и дека директорката на МЕПСО ја нарекувала неа со погрдни зборови, на што нејзина соговорничка и советува на Котеска „да се обрати кај некои кои се над неа“, веројатно алудирајќи на влијателни лица во СДСМ кои и се блиски на Котеска. Фризерката повторно се жали дека никој немало да ја спаси бидејќи „друга стоела зад неа“ - веројатно мислејќи дека директорката на МЕПСО имала „појак (женски) грб“ во СДСМ во споредба со фризерката на Кирацовски. Тука се вмешува и трет соговорник кој зборува за заштитничката (чадорот) на директорката, која заштитувала „и други кои не се наши“ - со што и отворено се признава партизираноста во МЕПСО и на кој начин функционира оваа компанија, која се чини дека наместо државна, станала „приватна партиска своина“ на власта. „Да се ништат туѓи животи, за некој да се офајдува. Срам. Јас јавно кажувам Господ најмилото да му го земи. На тие што прават вакви гнасни игри. Зш и јас му сум на некој најмило.“, порачува Котеска, пред да додаде: „Нема правда, нема мир“. Знае ли Котеска за некаков криминал во МЕПСО кога зборува за нечие офајдување? Што е тоа што ја натерало фризерката на Кирацоски да посака „Господ најмилото да му го земи“ на луѓето за кои има замерки? Има и уште многу други посуштински прашања кои доведоа воопшто во една ваква важна компанија да има вакви превирања, колнења и партиски дворски игри. Срам и резил за целата држава, благодарение на моќниците од власта кои го овозможиле ова. Да не беше трагично и многу жално, ќе беше можеби смешно.

Героски: Кирацовски ми призна дека посредувал за средбата на Боки со Мицевски и со Петровска

Дарко Андоновски — Thu, 05 Sep 2019 13:15:48 +0000

Точно е дека со Александар Кирацовски се сретнавме во почетокот на август годинава и точно е дека во таа прилика му реков дека веројатно сум направил фаул кон него во моите написи за аферата „Рекет“. Во една колумна подоцна објаснив дека улогата на Кирацовски во аферата се состои во активности кои овозможиле рекетарската група да ги лови своите жртви или потенцијални соработници. И тоа Кирацовски го правел во својство на генерален секретар на СДСМ. Што, пак, не мора да значи дека и самиот учествувал во рекетирањето.

И јас ќе бидам индискретен и ќе кажам што мене ми кажа Кирацовски на таа средба, до која дојде на негово инсистирање, откако во текот на јули неколку пати упорно ме бараше и ме молеше јавно да соопштам дека тој не бил Кики. Имено, на таа средба Кирацовски ми призна дека посредувал во организирањето на состанокот помеѓу осомничениот Бојан Јованоски, бизнисменот Силјан Мицевски и битолската градоначалничка Наташа Петровска. Како што е познато, на таа средба, како и со два дописа до неа, е вршен притисок Петровска да одобри пренамена на парцела на Мицевски за изградба на хотел (демек, старски дом), без измена на Деталниот урбанистички план. „Моја задача, како генерален секретар на СДСМ, беше да ги спојувам луѓето. Освен тоа, јас сум личен пријател со Силјан Мицевски“, ми рече Кирацовски. Ете баш со тие зборови. На средбата Кирацовски ми кажа и неколку други интересни работи, но јас се надевам дека истите нешта тој денеска и ги кажал и на обвинителката Вилма Русковска. Да не ги прераскажувам сега јавно. Ако се наложи потреба, се разбира, може и тоа…

Според моето мислење, Кирацовски, Фросина Ременски и повеќе други видни личности од СДСМ сносат директна политичка одговорност за еден многу сериозен фаул – за фацилитацијата на рекетарските активности на осомничените, со пружање политичка, морална, но и логистичка поддршка. А истрагата допрва треба да покаже дали кај некои од овие лица има и повеќе од тоа, имено и директна кривична одговорност. (статус на Фејсбук на Бранко Героски)

Почна револтот во СДСМ, се бара одговорност од Кирацоски и Китанов

Катерина Бојаџиева — Mon, 22 Apr 2019 14:20:22 +0000

По неуспехот на претседателските избори во кои СДСМ, заедно со многу партии на власт кои не покажаа добри резултати за претседателската трка, на социјалните мрежи почнаа да го насочуваат прстот кон функционери на СДСМ. Зоран Китанов и Александар Кирацоски се двата најкритикувани ликови по неуспехот на претседателските избори, пренесува Лајм. Иако Китанов не е во високи партиски инстанци, тој е критикуван како директор кој не им служел на граѓаните заедно со многу други сопартијци, кои вчера наидоа на тежок удар на претседателските избори.