александар кирацовски – Kurir.mk

Кирацовски: Очекував целосна оставка од раководството на СДСМ

Ристе Здравков — Thu, 04 Nov 2021 17:51:55 +0000

Поранешниот генерален секретар на СДСМ, Александар Кирацовски во изјава за “Утрински брифинг” вели дека очекувал целосна оставка од актуелното раководство на партијата, пред се како што вели од солидарност кон лидерот Зоран Заев. -Партијата треба да биде отоврена за нови личности кои ќе умеаат и сакаат да придонесат, но тоа треба да се заснова на принципиелност. Лидер од политички калибар не се создава преку ноќ. Таа личност треба да поседува, храброст, мудрост и визија. Заев со своите атрибути според мојата лична проценка е повеќе од 70 проценти од перцепцијата и персонификацијата за СДСМ, ќе биде тешко да се најде негова замена. Во однос на оставките очекував целосна оставка од раководството пред се од солидарност кон Заев. Иако лидерот условно кажано сам потенцираше дека се чувствува најодговорен за случувањата не е единствено одговорен, вели Кирацовски.

Кирацовски призна: Лошиот резултат во Битола и Македонија е поради неостварените ветувања на СДСМ и лошите политики

Катерина Бојаџиева — Thu, 04 Nov 2021 08:24:02 +0000

Генезата на изборниот резултат на СДСМ според мене е повеќеслојна , прво неизлезноста на традиционалните гласачи, и неопределеното гласачко тело кое што на некој начин даваше поддршка во изминатите изборни циклуси, коалициското раслојување на СДСМ и секако одреден ден на слабости во самото функционирање. Знаете граѓаните оценуваат севкупно, тие разликуваат претседателски, локални или парламентарни избори. Сепак на изборниот ден преку чинот на гласање испраќаат одредена порака. Затоа што знаат дека тоа е најдиректниот начин пораката да биде испратена, да биде примена, и истата да боли, истакна Александар Кирацовски од СДСМ. Кирацовски додаде дека пораката од граѓаните кон СДСМ беше кон внатрепартиските слабости, и владино и централно. „За Битола, сепак јас живеам тука и постојано сум во контакт со граѓаните, и не бев вчудоневиден од резултатите. Имајќи предвид дека најискрено и само критично кажано колку е направено, т.е. не е направено за Битола, првенствено и од централна власт, но и од страна на локалната самоуправа“, нагласи Кирацовски. Кирацовски посочи дека битолчани се гневни на СДСМ порани неостварените ветувања кои ги даваа во 2017-тата година. „Дополнително за неуспехот во Битола мора да додадам при првиот круг е кога ЛДП излезе со самостоен настап која што во Битола на некој начин котира. Тие со својот самостоен настап успеаја да направат штета сопствена и нашиот кандидат односно да ги одземат коалициските гласови овозможувајќи му предност на противкандидатот“, појасни Кирацовски.

Кирацовски од СДСМ: Ако опстои Бугарија на ветото, Димитров да си даде оставка

Дарко Андоновски — Mon, 30 Nov 2020 13:17:15 +0000

Поранешниот генерален секретар на СДСМ и пратеник, Александар Кирацовски, во интервју за Фокус вели дека вицепремиерот за евроинтеграции Никола Димитров треба да поднесе оставка доколку земјава не добие датум за преговори со ЕУ во декември. –Базирајќи се на фактичката состојба, сè уште присутната реторика на Каракачанов и министерката Екатерина Захариева и претстојните избори во Бугарија следната година, веројатноста да добиеме датум за преговори во декември е многу мала. Неправедно е, но таа е реалноста која наместо во канонада напади едни кон други треба да ја преточиме во демонстрација на национално единство. Но, во тој случај соодветна реакција кон меѓународната јавност мора да има. Не пишана или соопштена, туку реална и изразена преку достоинствена оставка на ексминистерот за надворешни работи и актуелен министер за евроинтеграции Никола Димитров. За да не бидам веднаш погрешно разбран – зборувам за херојска и достоинствена оставка која ќе испрати силна порака дека неоправданото одолговлекување на нашата ЕУ интеграција, вон наша моќ и вина, станува неприфатлива и не чини многу. Првиот аргумент кон тој потег лежи во депласираноста на неговата актуелна функција (која како порака треба да остане празна) без почеток на преговорите со ЕУ, а вториот аргумент е поврзан со наивноста (за време на неговото, за волја на вистината, мошне успешно министерување со надворешната политика) да се потпише и ратификува договор со Р. Бугарија кој нема цврсти меѓународни гаранции дека историјата останува на историчарите, а нашиот почеток на ЕУ преговорите е безусловен и независен од исходот на Комисијата за историски и образовни прашања. Тоа не спречува истиот да биде повторно ангажиран во значајните процеси, а во иднина, штом се отпочнат преговорите, да направи уште подостоинствен камбек – вели Кирацовски во интервјуто за Фокус.

Арсовски: Кирацовски призна на Суд дека бил на состанок за Старечки дом со Силјан Мицевски, Боки 13 и Наташа Петровска

Ивана Ефремовски — Fri, 25 Sep 2020 11:49:24 +0000

Димче Арсовски, портпарол на ВМРО-ДПМНЕ денес беше на рочиште, каде што е тужен од страна на поранешниот пратеник и генерален секретар на СДСМ, Александар Кирацовски. Неговата изјава дадена по рочиштето, ја пренесуваме во продолжение: Рочиште кое беше одложувано неколку пати, но конечно еве седнавме во судските клупи и можевме да покажеме она што треба да го кажеме односно граѓаните да имаат што да чујат. Во интерес на денешното рочиште кое што се одржа морам да истакнам неколку работи иако не присуствуваа медиумите. Тука сум јас јавно да ги кажам кои што се во интерес на јавноста бидејќи сум сепак тужен за еден предмет каде што ме обвинува господинот Кирацовски мене како портпарол на ВМРО-ДПМНЕ за клеветење поврзано со случајот „Рекет“. Она што интересно е што денеска господинот Кирацовски пред судот, пред нашите полномошни адвокати, пред мене лично одговори на неколку прашања на кои што умешно, вешто, свесно или несвесно, а тоа треба самиот да каже изминатата година и повеќе ги одбегнуваше да ги одговори на јавноста. Денеска тој јавно призна пред судот дека се познавал, лично се познавал со г. Силјан Мицевски имено бизнисмен од неговиот град од каде е тој избран во тоа време за пратеник од редовите на СДСМ. Се познавал лично со градоначалничката на Општина Битола, г-ѓа. Наташа Петровска и заедно со уште едно лице тоа е г. Бојан Јовановски познат во јавност како Боки 13 на состанок повикан од страна на овие луѓе вклучително и на бизнисменот Силјан Мицевски да присуствува на состанок поврзан за изградба на старечки дом во Општина Битола, нормално инвеститор каде би бил г. Силјан Мицевски. Ова е една друга димензија на целиот случај вклучително и на случајот каде што јас сум клеветен. Ова се прашања, практично кои што беа јавно поставени претходно на наши јавни настапи, беа поставени од медиумите, беа поставувани од граѓаните кои што беа целите во прашалници, вклучително и на мојата прес конференција. Еве уште еднаш јавно го повикувам господинот Кирацовски во интерес на вистината да излезе уште еднаш да каже во кое својство бил на тие состаноци со овие луѓе кои што ги споменав, за кои што лично призна дека лично се познава и дека присуствувал на таков состанок, што всушност правел на тие состаноци, и како што имаше одговорено јавно на новинарско прашање, дека пратениците кои што доаѓаат од одредени места имаат право и интерес да лобираат за одредени работи. Сакаме да прашаме за што всушност тој имал интерес и лобирал во однос на овој предмет и овие луѓе еве јавно уште еднаш ги поставуваме овие прашања. Нејасно беше зошто беа избегнувани одредено време повеќе од година дена, нејасно беше зошто тогаш не беа одговорени вака јавно и транспарентно како што денеска ги одговори во Судот на денешното рочиште. Можеби сакал свесно да скрие од јавноста но тоа е веќе неважно. Важно е дека денеска одговори дека лично се познава со овие луѓе, дека лично седел на состанок. Сега остана уште непознато, при што уште еднаш еве го повикувам да каже која било неговата улога на тие состаноци? Што всушност се зборувало и што всушност правел на тие состаноци во интерес на јавноста. Уште еднаш сакам да потенцирам дека ВМРО-ДПМНЕ, вклучително и вчера потпретседателот Николоски, за истиот случај „Рекет“, тужен од страна на премиерот Зоран Заев. Денеска јас како тужен од страна на тогашниот пратеник, Александар Кирацовски. Морам да потенцирам дека овие тужби кон нас, на кои беа поставени прашања кои всушност, еве веќе полека излегуваат на виделина, можеме да ги оцениме само како еден политички притисок, да јавноста биде доведена во заблуда по одредени прашања. Но, еве уште еднаш ќе потенцирам по трет пат, после признавањето за личните познанства на господинот Кирацовски, кој што денеска ги изнесе во судот, уште една сакам да прашам, која била неговата улога на тие состаноци, што се разговарало и за што тој имал можност да лобира во своето место на живеење.

Боки призна: Првата средба со Силјан Мицевски ми ја организираше Кирацовски, тогаш генерален секретар на СДСМ

Љупчо Цветаноски — Thu, 23 Jul 2020 10:33:22 +0000

Проектот за изградба на станови не беше никаква измама или криминал туку реален проект. Како може да се помисли дека јас можам да го измамам еден Силјан Мицевски, истакна во воведните зборови Бојан Јовановски. Како доказ тој го наведе фактот дека се слушнал со Мицевски на денот кога бил уапсен на граница. -Ми рече, Бојанче, бидејќи така ме викаше, среќен пат и убаво да си поминеш-отрки Боки. Тој рече дека првата средба со бизнисменот Мицевски ја организирал Александар Кирацовски, тогаш како генерален секретар на СДСМ, и оти на 4 јануари бил потпишан меморандум со Општина Битола. Јавноста од сите ликови, се уште не дозна јасно кој е Кики во прикаската на Геровски, кој беше еден од оние кои ја обелоденија аферата Рекет. Сите останати ликови и се дефинитивно познати на македонската и пошироката јавност, само Кики остана мистерија...

Веселата математика на Кирацовски: Сака да “собере“ 1.300 килограми дрога, ама не му појде од рака

Ивана Ефремовски — Fri, 21 Feb 2020 14:18:50 +0000

Александар Кирацовски од СДСМ со весела математика. Тој напиша статус на тема запленетата дрога, сакајќи вината да ја тргне од криминалци блиски со раководството на СДСМ, па се обиде да ја искритикува опозицијата. Но, на Кирацовски нешто не му појде од рака, па според неговата математика разликата меѓу 1.300 и 1 изнесува 1.229. Сакаше да собере бројки кои ќе доведат до 1.300 килограми дрога, но не успеа. Ако целта му беше да стигне до тие 1,3 тони, далеку е од сопствената равенка. Ако на 1 додадете 1.229, ќе добиете 1.230. За останатите 70 килограми дрога најверојатно ќе бара одговори во некој друг статус.

Џафери за барањето на Кирацовски за седница за Мизрахи: Ха ха ха, јас немам Фејсбук

Дарко Андоновски — Thu, 13 Feb 2020 17:15:04 +0000

Ха ха ха, јас немам Фејсбук. Ова е коментарот на претседателот на Собранието Талат Џафери на повикот на пратеникот на СДСМ Александар Кирацовски собранискиот спикер сега и веднаш да ја закаже собраниската седница за разрешување на министерката за труд Рашела Мизрахи, објавува ПлусИнфо. На прашање на Плусинфо, Џафери, сепак не прецизира дали и кога ќе закаже седница за разрешување на министерката од редовите на ВМРО-ДПМНЕ. Од ДУИ пак, за повикот на Кирацовски до Џафери коментираат дека пратеникот „Кики така може да му се обраќа само на Боки 13“. Неофицијално, неизвесно е дали Џафери ќе закаже седница за разрешување на министерката за труд. Според информации од Собранието, доколку се оди на разрешување на Мизрахи можно е да се искомплицира целиот изборен процес. Објаснувањата се дека Мизрахи е министерка во техничката влада која произлегува од Пржинскиот договор зад кој стојат меѓународни гаранции. Доколку Мизрахи биде разрешена, се наметнува дилемата дека некоја од партиите во случајов ВМРО-ДПМНЕ доколку не и одговара изборниот резултат, да ги оспори парламентарните избори. Односно толкувањето е дека разрешувањето на министерката од техничката влада може да предизвика сериозни политички турболенции и да има импликации врз целиот изборен процес. Особено дека сега ни требаат беспрекорно одржани избори, без трошка сомнеж во процедурите и во резултатот. ВМРО-ДПМНЕ е убедена дека Мизрахи нема да биде разрешена. Од ДУИ се воздржани дали би гласале за разрешување на министерката, додека СДСМ инсистира Џафери веднаш да закаже собраниска седница за разрешување. Премиерот Оливер Спасовски денеска повтори дека Мизрахи треба да биде разрешена и го повика лидерот на ВМРО-ДПМНЕ Христијан Мицкоски да достави нов предлог за министер за труд и социјала. Кирацовски попладнево на Фејсбук го повика Џафери да закаже седница и дека „не смее повторно да го стави Собранието во улога на штитеник на неподобни кадри, како што тоа го изведе во случајот со (не)одземањето на имунитетот на пратеникот Трајко Велјановски.

ВМРО-ДПМНЕ: Истрагата за „Рекет“ е компромитирана, зошто сè уште Кирацовски не е во притвор?

Ивана Ефремовски — Fri, 06 Sep 2019 07:33:13 +0000

Истрагата за случајот РЕКЕТ е компромитирана. Таа не ги исполнува очекувањата на правото и правдата, реагираат од ВМРО-ДПМНЕ. -Од ден во ден Вилма Русковска се повеќе ја развлекува истрагата за милионскиот РЕКЕТ, се со една цел, да се заштитат вистинските нарачатели. Вилма Русковска и обвинителството доцнат повеќе од четири месеци со распитот на сите инволвирани. Цели четири месеци и требаа на Русковска да го повика на распит Кирацовски, иако за инволвираноста на ликот Кики се пишуваше во продолженија. Четири месеци им требаа за да смислат лага дека Кирацовски само еднаш се сликал со Боки, како главно оградување од неговото учество во рекетирањето. Кирацовски вчера призна дека бил посредник на средбите на Боки 13 со градоначалници и бизнисмени кои биле предмет на рекетирање. Во целиот случај посредникот помеѓу Боки 13 и оштетениот бизнисмен од излезените снимки веќе е во притвор како второ осомничен, се наведува во сооштението на партијата. од ВМРО-ДПМНЕ прашуваат: „Зошто сè уште Кирацовски не е во притвор“? -Очигледни се намерите на СДСМ и Русковска обвинителството да го развлечат и забошотат целиот случај. Правда во Република Македонија мора да има за да одговараат сите инволвирани во овој криминално-мафијашко-рекетарски скандал. Потребни се предвремени парламентарни избори, а веднаш по падот на СДСМ од власт, ќе се случи Обнова на Македонија, порачуваат од ВМРО-ДПМНЕ.

Кирацовски: Геровски ми призна дека за мене направил фаул

Ивона Петрова — Thu, 05 Sep 2019 10:21:54 +0000

Пратеникот на СДСМ, Александар Кирацовски денес беше на распит во Обвинителството за организиран криминал и корупција, а врска со случајот „Рекет“. Кирацовски, одговарајќи ја новинарско прашање, истакна дека не се препознава во псевдонимите „кири и Фрики“. -Ќе ми прости Геровски што ќе го споменам, имавме една средба со него. Лично сакав да проверам што тоа значи, дали ме препознава мене или некој друг. Геровски ми призна лично дека во однос на мене направил фаул, така се изрази. Сакав да го споделам ова со јавноста, се надевам дека и тој ќе го сподели, рече пратеникот на СДСМ.

Кирацовски пристигна во Обвинителството на распит за „Рекет“

Ивона Петрова — Thu, 05 Sep 2019 08:05:22 +0000

Пратеникот Александар Кирацовски претпладнево дојде во Обвинителството за организиран криминал и корупција за да даде исказ во врска со случајот „Рекет“. На влегување во Обвинителството, Кирацовски рече дека е повикан како сведок и оти по распитот ќе даде изјава за медиумите. Исказ за „Рекет“ во Обвинителството, вчера даде пратеничката Фросина Ременски, а претходно неделава и водителката Лила Филиповска и бизнисмените Силјан Мицевски и Ардијан Амзоски. Во врска со „Рекет“ осомничени и во притвор се Бојан Јовановски – Боки 13, Зоран Милевски – Кичеец и специјалната јавна обвинителка Катица Јанева.