александар костовски – Kurir.mk

Александар Костоски е МВП на колото во АБА-2 лигата

Бошко Тасиќ — Wed, 21 Dec 2022 19:32:23 +0000

Македонскиот кошаркарски прволигаш ТФТ дојде до првата победа во АБА-2 лигата против Подгорица и така го скрши мразот во регионалното натпреварување. Човек на натпреварот беше Александар Костоски, кој постигна вкупно 39 поени, девет асистенции, пет скока, со уште три украдени топки и тоа му донесе 40 индекс-поени за вкупно 39 минути на паркетот. Со овој учинок Костоски е прогласен за играч на колото во АБА-2 лигата, во рамки на шестата рунда од регионалното натпреварување.

Александар Костовски се договори со ТФТ

Бошко Тасиќ — Sat, 04 Sep 2021 20:23:21 +0000

Екипата на ТФТ се договори со поранешниот македонски репрезентативец Александар Костоски. 33-годишниот кошаркар изминатите неколку сезони ги мина во Гостивар, но дојде до неочекуван раскин на договорот. Причините биле приватни, по барање на Костоски, клубот му излезе во пресрет и тој веднаш си најде нова средина. Костоски ќе го менува Тај Харис, кој беше главен играч на ТФТ минатата сезона, но замина во Турција. Некогашната македонска „единица“ и шутер за три се очекува да биде прв избор на плејмејкерската позиција во клубот.

Александар Костовски го напушти Гостивар

Бошко Тасиќ — Tue, 31 Aug 2021 15:40:49 +0000

Македонскиот поранешен репрезентативец Александар Костоски е слободен играч, откако спогодбено го раскина договорот и си замина од Гостивар. Пред нешто околу три месеци се најавуваше нова едногодишна соработка со шутерот, меѓутоа до такво нешто нема да дојде. Александар Костоски, сега е слободен и ќе бара нова средина. Причините за раскинот се приватни. Знаејќи ја потребата за квалитетните домашни кошаркари кај клубовите на домашната сцена, нема да биде тешко Костоски експресно да пронајде нов клуб. 33-годишниот кошаркар во Гостивар пристигна како важна алка во проектот во 2018 година од романски Питешти.

Александар Костоски се повлекува од репрезентацијата на Македонија

Предраг Кукиќ — Mon, 18 Feb 2019 09:40:00 +0000

Стартниот репрезентативен плејмејкер Александар Костоски нема да биде дел од националната селекција на Македонија на претстојниот претквалификациски дуел со Романија (четврток), но најверојатно и на ниту еден друг меч на жолто-црвените во иднина. Според информацијата од репрезентативниот табор, искусниот бек донел одлука да ја заврши репрезентативната кариера за што веќе го известил и стручниот штаб.