Александар Лаказет – Kurir.mk

Лаказет и Дембеле нападнати од рој оси

Тале Кристо — Fri, 22 Jul 2022 13:34:45 +0000

Фудбалерите на францускиот прволигаш Лион, Александар Лаказет и Муса Дембеле, биле нападнати од рој оси во клупскиот камп на подготовките во Холандија, објавија денеска повеќе француски и англиски медиуми. Париски „Л’Екип“ објави дека Лаказет претрпел бројни убоди и неговиот настап на пријателскиот натпревар против Феенорд в недела е неизвесен. Лаказет ова лето се врати од Арсенал во Лион, од каде прејде во лондонскиот премиерлигаш во 2017 година за сума од 53 милиони евра. Од друга страна, Дембеле заздравил од убодите и вчера тренирал со соиграчите.

Лаказет не сака да го продолжи договорот со Арсенал

Магдалена Андонова — Thu, 23 Sep 2021 08:13:04 +0000

Напаѓачот на Арсенал, Александар Лаказет не планира да го продолжи договорот со клубот. Според „le10sport“преговорите за продолжување на договорот со 30-годишниот Французин се неуспешни, и затоа веројатноста фудбалерот да го напушти клубот расте. Се појавија гласини дека играчот може да се пресели во Атлетико на слободен трансфер следното лето. Лаказет игра за Арсенал од летото 2017 година. Во сезоната 2021/22, напаѓачот одигра три натпревари за „Топџиите“, постигна два гола и една асистенција. Актуелниот договор на играчот е со важност до крајот на јуни 2022 година

Лаказет пред трансфер во Барселона или Јувентус

Дарко Андоновски — Tue, 09 Mar 2021 15:47:30 +0000

Напаѓачот на премиерлигашот Арсенал, Александар Лаказет, ќе ја продолжи кариерата во шпанскиот прволигаш Барселона или актуелниот италијански првак Јувентус, објави весникот „Калчомеркато“. Клубот од Лондон сака да потпише нов договор со Лаказет, но, како што пишува италијанскиот весник, францускиот репрезентативец веќе донел одлука да бара нов предизвик на клупски план. Интерес за напаѓачот има и од Атлетико Мадрид, но во овој момент Барселона и Јувентус се главните кандидати за потпис со Французинот, тврди „Калчомеркато“. Лаказет досега сезонава одигра 23 натпревари во дресот на Арсенал со ефект од девет голови.

Арсенал може да го пушти Лаказет во Јувентус во замена за Даглас Коста

Магдалена Андонова — Wed, 12 Aug 2020 07:20:16 +0000

Фудбалерот на Арсенал, Александар Лаказет може да ја продолжи кариерата во Италија, пренесува „Football Italia“. Според изворот, 29-годишниот Французин може да се пресели во Јувентус, лондонскиот клуб е заинтересиран да го размени за напаѓачот Даглас Коста. Претходно беше објавено дека Арсенал е подготвен да се раздели со играчот за 35 милиони евра. Минатата сезона Лаказет одигра 39 натпревари на сите турнири, во кои постигна 12 голови и направи четири асистенции. (МИА)

Лаказет: Одлуката на Венгер не шокираше

Даниел Василев — Mon, 23 Apr 2018 12:49:26 +0000

Фудбалерот на Арсенал, Александар Лаказет изјави дека сите во клубот биле затечени од изненадната одлука на менаџерот Арсен Венгер да го напушти клубот на крајот на сезоната. Францускиот менаџер во петокот соопшти дека летово, по 22 години ќе го напушти Арсенал. -Сите бевме во шок, никој не очекуваше дека Венгер ќе го соопшти тоа, но сето тоа е дел од фудбалот. Знаевме дека во некој момент тоа ќе мора да се случи, но никако оваа година, но мораме да се помириме со тоа. Нам ни останува да ја освоиме Лига Европа за него, изјави Лаказет за француските медиуми. Венгер со лондонскиот клуб освои 17 трофеи, меѓу кои и три пати првак на Англија, по 7 ФА Купови и Комјунити шилдови, а тимот го предводеше и до финалето на Лигата на шампионите и Купот на УЕФА.