александар љафтов – Kurir.mk

Љафтов: Нашиот сон стана реалност, да играме во осминафинале

Ристе Здравков — Sat, 02 Sep 2023 20:01:17 +0000

Одбојкарската репрезентација на Македонија ја оствари втората победа на Европското првенство, во СЦ „Борис Трајковски“ беше декласирана Црна Гора со 3-0 во сетови, а еден од најдобрите беше Александар Љафтов. „Прво сакам да им честитам на цела Македонија, на целата спортска јавност, на сите Македонци за тоа што сите изминати години не бодреа. Само ние си знаеме како стигнавме до тука. Реков по мечот со Данска дека треба и против Црна Гора да играме исто, сега имаше повеќе публика на трибините и фала им за тоа. Цело лето се подготвувавме за ова, имавме само три недели слободни, но нашиот сон стана реалност, на третото ЕП успеавме да играме во осминафинале. Бевме сигурни дека ќе победиме, но почнавме многу лошо. И со данска го загубивме првиот сет, но бевме подготвени психички, бевме подготвени во главите. Можеби изгледаше лесно, но не беше така за нас и ние си знаеме со каков притисок игравме“, изјави Љафтов.

ФОТО: Љафтов подготвен за Европско, македонското знаме и стихови од химната на специјално дизајнираните патики

Ивона Петрова — Tue, 29 Aug 2023 06:40:39 +0000

Европското првенство во одбојка официјално започна вчера, а Македонија утре против Данска ќе го одигра својот прв натпревар на ова ЕП. Натпреварот ќе се одржи во СЦ „Борис Трајковски“ во Скопје, кој е кодомаќин на првенството. За нашите репрезентативци ова ќе биде настап на трето европско првенство, но прв во Македонија, на домашен терен пред македонска публика. Момците на Јошко Миленковски се подготвени и мотивирани за победи. Репрезентативецот Александар Љафтов се одлучи на ЕП да настапи со специјално дизајнирани патики. На нив се наоѓа знамето на Македонија, стихови од македонската химна, но и илустрација на Љафтов, неговата сопругата Ана и синот Алексеј кој носи дрес со број „8“.

Љафтов: Со нов селектор мотивирани кон триумф

Бошко Тасиќ — Wed, 24 May 2023 07:08:29 +0000

Македонската машка одбојкарска репрезентација во сабота против Украина го почнува својот пат во годинашната Европска златна лига. Дуелот против Украинците Македонија ќе го игра во Полска верувајќи дека може да дојде до позитивен резултат како најава за се што ги очекува одбојкарите ова лето. Само првопласираните репрезентации од трите групи од Европската златна лига ќе се најдат на завршниот турнир во Задар на 24. и 25. јуни. Во групата во која е и Македонија постои можност и за второпласираниот да се најде на завршниот турнир, но само под услов Хрватска да биде на врвот на табелата по шесте кола. Своите очекувања од претстојното лето ги споделува и репрезентативецот Александар Љафтов. „Почниваме со Европската златна лига. Во сабота не очекува првиот меч против Украина кој ќе го играме во Полска. Минавме одлични подготовки во Маврово, како и сега во вториот дел во спортскиот центар „Борис Трајковски“ во Скопје. Сега се финализираат подготовките. Сите сме повеќе од доволно мотивирани, со желба за победа и покрај тоа што Украина е силен противник“ – вели репрезентативецот Александар Љафтов. „Работите одат многу добро сега и со нов селектор. Се подготвуваме во најдобри услови, со најдобра дисциплина, со многу желба на тренинг, верувам и убеден сум дека ќе направиме добри резултати. Не можеме да гарантираме ништо, како Фајнал-фор или финале во Европската златна лига, но важно е да бидеме добри, здрави и да ја играме нашата игра и мислам дека се ќе си дојде како што треба“ – дополнува Љафтов.

Љафтов: Подготвени сме, ако ја победи Финска гарантирам осминафинале

Бошко Тасиќ — Sun, 29 Aug 2021 06:41:52 +0000

Македонската машка одбојкарска репрезентација во Финска ќе го има вториот настап на европските првенства. Пред поаѓањето нашиот репрезентативец Александар Љафтов, најави дека оваа Македонија може да игра со сите. „Нормално ќе постои трема, бидејќи ние не сме селекција која константно е на големите натпреварувања. Атмосфератаво тимот е на високо ниво, тоа не краси како репрезентација. Подготвени сме, имаме таков менталитет, првите натпревари секогаш ги играме во грч. Финска на првото ЕП ни беше ривал што требаше да го добиеме, ама изгубивме со 3-1, се надевам дека сега ќе тргнеме подобро, дека научивме од грешките и ќе победиме. Ако успееме да ја победиме Финска,гарантирам дека ќе одиме во осминафиналето“ – изјави Љафтов. Шампионатот на Европа за одбојкари стартува на 1.септември.

Љафтов стана прв Македонец кој ќе игра во италијанската Супер одбојкарска лига

Бошко Тасиќ — Sat, 10 Jul 2021 07:56:27 +0000

Александар Љафтов потпиша договор со Порто Робур Коста од Равена. Нашиот одбојкар потпиша едногодишен договор со Порто Робур Коста и воедно испиша историја. Тој е првиот македонски одбојкар во италијанската Суперлига. Љафтов потпиша за екипата на Порто Робур Коста од Равена која се натпреварува во најсилната лига на Италија. Љафтов по заминување од Работнички во 2010 година, постојано е интернационалец. Играше за Галатасарај, Рибница Краљево, потоа во Кипар за тимот на Анагениси Деринеиас, во Египет во Саут Гас Спортинг, потоа повторно се врати во Турција во тимот на Анкара, играше и во Хрватска во Младост Рибола Каштела, а негов последен тим беше бугарски Хбар Пазарџик.

ФОТО: Македонскиот репрезентативец ја запроси девојката – „Таа е моја“

Ивона Петрова — Mon, 07 Jan 2019 09:09:28 +0000

-На некој паричка се паѓа, а на некој прстен. Таа е моја, објави македонскиот репрезентативец во одбојка, Александар Љафтов на „Фејсбук“. Тој за Бадник ја побара за жена својата долгогодишна девојка Ана Додевска.