александар лукашенко – Kurir.mk

Лукашенко: Добив сериозни информации за обид за убиство на Пригожин, самиот ми потврди дека Путин го предупредил

Ивона Петрова — Sat, 26 Aug 2023 09:39:32 +0000

Белорускиот претседател, Александар Лукашенко, изјави дека го предупредил шефот на паравоената група „Вагнер“ Евгениј Пригожин дека е во опасност да биде убиен. -Последниот пат кога полетавме за Емиратите, добив многу сериозни информации за обидт за атентат врз Евгениј Пригожин. Во рок од два часа го најдоа рускиот амбасадор во Емиратите и го повикаа кај мене, изјави Лукашенко, пренесен од белоруската агенција Белта. Тој додава дека на рускиот амбасадор му ја пренел шифрираната порака за Владимир Путин и шефот на ФСБ, Александар Бортников, „за обид за атентат врз Пригожин“. Лукашенко објасни дека по извесно време Пригожин му потврдил дека рускиот претседател го предупредил дека му се заканува обид за атентат. Белорускиот претседател посочи дека од своја страна тој исполнил се што му ветил на „Вагнер“, па дури и „повеќе од тоа“. -Вчера, по моја наредба, „Вагнер“ беа контактирани од КГБ и ја добија пораката - „ќе исполниме се што е договорено меѓу Пригожин и мене“, изјави белорускиот претседател.

Лукашенко: Пригожин не е веќе во Белорусија, се врати во Санкт Петербург

Катерина Бојаџиева — Thu, 06 Jul 2023 08:20:48 +0000

Белорускиот лидер Александар Лукашенко изјави дека лидерот на групата „Вагнер“, Евгениј Пригожин, веќе не е во Белорусија, туку во Санкт Петербург, пренесе Индекс, хр. -Тоа е руска компанија. Значи, прашањето очигледно не е за мене. Колку што сум информиран, борците се во нивните кампови. Што се однесува до Пригожин, тој е во Санкт Петербург. Тој не е на територијата на Белорусија, рече Лукашенко. По драматичните два дена од пред 10 дена во Русија, тогаш Лукашенко соопшти дека е постигнат договор со руските власти и Пригожин тој да замине во Белорусија, како дел од договорот за ставање крај на неговиот обид за вооружен бунт.

Лукашенко потпиша закон за забрана на медиуми од „непријателски земји“

Тале Кристо — Sat, 01 Jul 2023 19:12:55 +0000

Претседателот на Белорусија Александар Лукашенко потпиша закон со кој се предвидува можност за забрана на медиумите на земјите кои преземаат непријателски чекори против белоруските медиуми. Лукашенко го потпиша Законот за изменување и дополнување на Законот на Република Белорусија за масовни медиуми. Целта на документот е да се подобрат механизмите за заштита на националните интереси во медиумската сфера, како и да се прошират алатките за одговор на непријателските дејствија против Белорусија. Законот предвидува можност за воведување забрана за активности на странски медиуми на територијата на Република Белорусија во случај да покажат непријателски дејствија кон белоруските медиуми. Како што е наведено во извештајот, списокот на основи за одземање на сертификатите за државна регистрација на медиуми и ограничување на пристапот до интернет ресурсите се проширува. Утврдени се условите за активност на сопствениците на интернет ресурси кои ги дистрибуираат производите на телевизиските и радиодифузните медиуми. Претходно документот беше усвоен од белорускиот парламент.

Лукашенко со детали за текот на преговорите со Пригожин

Ивона Петрова — Wed, 28 Jun 2023 12:13:22 +0000

Претседателот на Белорусија Александар Лукашенко изјави дека го убедил претседателот на Русија, Владимир Путин, да не го „збрише“ основачот на приватната воена компанија „Вагнер“, Евгениј Пригожин. Лукашенко, по церемонијата на предавање на еполетите на високи офицери, ги кажа деталите за тоа како се одвивале преговорите на 24 јуни во контекст на обидот за вооружен бунт на приватната воена компанија „Вагнер“, а ги наведе и мотивите на својата постапка и својата позиција, пренесува БелТА. Според него, од саботата во 08:00 часот веќе добивал алармантни информации за ситуацијата во Русија, кога му пренеле што пишуваат на каналот Телеграм, Месинџер... „Преку ФСБ и нашиот Комитет за државна безбедност, преку генерал Тертел, ми велат: Претседателот Путин сака да контактира со тебе. Ве молиме“, прецизира Лукашенко. Тој рече дека се договориле во 9:30 часот да разговараат во секое време што му одговара на Путин. - Ми се јави во 10:10 часот и детално ме информираше за ситуацијата што се случува во Русија. Му поставив (Путин) неколку прашања, вклучително и за одење против ова, и сфатив дека ситуацијата е комплицирана. Нема да го елаборирам овој дел од разговорот, нагласи Лукашенко. Тој изјави дека според него најопасно е како може да се развие ситуацијата и нејзините последици. - Му предложив на Путин да не брза. Ајде да разговараме со Пригожин, со командантите, на што тој ми рече: „Слушај Саша, џабе е тоа. Не ни крева телефон, не сака да разговара со никого“. Лукашенко рече дека му се јавил на Пригожин во 11 часот. Тој изјавил дека го прашал што сака, на што Пригожин одговорил дека ги сака (министерот за одбрана Сергеј) Шојгу и (шефот на Генералштабот генерал Валери) Герасимов и дека треба да се сретне со Путин. „Јас велам: „ никој нема да ти ги даде ниту Шојгу ниту Герасимов, особено во оваа ситуација. Вие го познавате Путин исто како и јас. Второ, тој не само што нема да се сретне со вас - нема да разговара на телефон поради оваа ситуација“, посочи Лукашенко. Пригожин одговори дека тие сакаат правда. „Тие сакаат да не задават! Ајде да одиме во Москва!“, рекол Пригожин, на кого Лукашенко, како што изјавил, му рекол дека ќе бидат „смачкани како бубачка“ на половина пат. Претседателот на Белорусија изјави дека Пригожин му се јавил во 17 часот и му рекол дека ги прифаќа сите негови услови. „До вечерта стигнавме до крајот на преговорите. Брзав, бидејќи веќе беше изградена одбранбена линија на 200 километри од Москва. Сè беше направено (Тоа ми го кажа Путин вечерта), како во воените години. А питомците... И полицијата беше во резерва - 1.500. Односно, тие се собраа и во Кремљ и во близина на Кремљ. Имаше, мислам, околу 10 илјади бранители. И се плашев дека ако Вагнерците се судрат со нив на оваа линија (а ова беше нешто помалку од 200 километри од Москва), ќе се пролее крв“, нагласи Лукашенко. Претседателот на Белорусија изјави дека вечерта разговарал со Путин, кој рекол дека ќе направи се што ветил. „Така се избегна конфузијата. Опасните настани што можеше да се случат се отстранети. Ветените гаранции се обезбедени“, посочи Лукашенко.

Лукашенко потврди дека Пригожин пристигнал во Белорусија

Тале Кристо — Tue, 27 Jun 2023 16:08:52 +0000

Белорускиот претседател Александар Лукашенко потврди дека шефот на руската паравоена група „Вагнер“, Евгениј Пригожин е во Белорусија, јави белоруската државна агенција БЕЛТА. Според Договорот од 24 јуни, постигнат со посредство на Лукашенко заврши бунтот на „Вагнер“ во Русија, а Пригожин да се пресели во Белорусија. Додека на припадниците на „Вагнер“ им е понудено да се интегрираат во руската армија. БЕЛТА јави и дека Лукашенко не би имал ништо против да има единица како „Вагнер“ во белоруската армија и го задолжил министер за одбрана Виктор Хреников да преговара со Пригожин за тоа. Претходно денеска, авионот со Пригожин беше следен како заминува од Москва и слетува во Белорусија, а американски официјален претставник сугерираше дека тој престојува во еден од ретките хотели во Минск без никакви прозорци. Пригожин не е забележан во јавност откако во саботата го напушти јужниот руски град Ростов на Дон и им нареди на своите платеници да се повлечат.

Лукашенко: Заканата од нов глобален конфликт никогаш не била толку блиску како денеска

Тале Кристо — Tue, 27 Jun 2023 13:27:38 +0000

Белорускиот претседател, Александар Лукашенко, изјави дека заканата од нов глобален конфликт никогаш не била толку блиска, а ситуацијата во регионот се обидува да се разреши на сите можни начини, пренесе Тасс. -Заканата од нов глобален конфликт никогаш не била толку блиска како што е денеска. Уште еднаш се обидуваат да ја минираат нашата земја, целиот наш регион, да ги дезориентираат луѓето. Тие на секој начин се обидуваат да ја разгорат ситуацијата и да ги наметнат своите правила, да го воспоставиме нивниот поредок. Поредок во кој нема да ги има ниту нашите земји, ниту нашите народи, рече белорускиот претседател на церемонијата на именување на нови генерали во безбедносните сили. Лукашенко, исто така, посочи дека во врска со неодамнешните настани во Русија, никој не треба да се смета за херој, вклучително и тој и рускиот претседател Владимир Путин. -Реков, во никој случај не правете херој од мене, ниту од Путин, ниту од Пригожин, бидејќи ја изгубивме контролата врз ситуацијата, а потоа мислевме дека таа ќе се реши сама од себе, но таа не се реши само од себе. И се судрија двајцата кои се бореа на фронтот. Во такви случаи нема херои во такви случаи, искоментира Лукашенко.

Лукашенко нареди целосна борбена готовност на Белорусија

Ивона Петрова — Tue, 27 Jun 2023 09:01:24 +0000

Поради обидот за вооружен бунт во Русија, претседателот на Белорусија, Александар Лукашенко, издаде наредба за ставање на армијата во целосна борбена готовност. „Ги дадов сите наредби армијата да се подигне во состојба на целосна борбена готовност“, рече Лукашенко денеска во Минск, на церемонија на која именуваше генерали. Според Лукашенкo, граѓаните на Белорусија со загриженост го следele обидот за бунт во Русија.

Лукашенко: Белоруските сили во состојба на готовност

Тале Кристо — Tue, 16 May 2023 13:36:18 +0000

Белоруското воздухопловство и противвоздушната одбрана се во состојба на готовност веќе три дена, изјави денеска белорускиот претседател Александар Лукашенко. „Од настанот во Брјанската област пред три дена, кога беа соборени четири авиони, нашите сили се во состојба на готовност“, изјави Лукашенко, пренесува агенцијата Белта. „Многу често разговараме за безбедноста на земјата, особено за ситуацијата во воздушниот простор. Како што гледам, ситуацијата во моментов не е критична. Сепак, постојат загрижувачки фактори“, додаде белорускиот претседател.

После една недела Лукашенко се појави во јавност со завој на раката

Катерина Бојаџиева — Mon, 15 May 2023 17:09:49 +0000

Државниот информативен канал Белур денеска објави фотографија од претседателот Александар Лукашенко во, како што наведе, воен команден центар, што е негово прво појавување во јавноста по речиси една недела. Отсуството на Лукашенко предизвика шпекулации за неговото здравје. На Телеграм каналот Пул Первово, државен весник кој ги следи активностите на Лукашенко, беше објавено дека претседателот на Белорусија бил во централната воена воздухопловна база. Според фотографијата, се чини дека Лукашенко има завој на левата рака. Лукашенко последен пат беше виден во јавноста на 9 мај, Денот на победата, додека беше во Москва и Минск. После тоа тој не се појави во јавноста, по што следуваа силни гласини дека тој е пренесен во болница поради здравствени проблеми.

Белорусија воведе смртна казна за велепредавство

Ивона Петрова — Thu, 09 Mar 2023 18:44:16 +0000

Белорускиот претседател Александар Лукашенко денeскa го потпиша законот што овозможува примена на смртна казна врз службеници и припадници на вооружените сили осудени за велепредавство, соопшти кабинетот на шефот на државата. Белорусија, која е земја близок сојузник на Русија, е единствената во Европа што сè уште ја применува смртната казна. Досега смртната казна се применуваше за злосторства како убиство или терористички акти. Егзекуциите се извршуваат со еден истрел во задниот дел од главата. Споменатата промена е дел од измените на Кривичниот законик, чија најавена цел е зајакнување на борбата на Белорусија против „злосторствата од екстремистичка (терористичка) или антидржавна ориентација“. Според друга измена, што денеска исто така беше одобрена од Лукашенко, лице осудено за „дискредитација“ на белоруските вооружени сили ќе добие затворска казна. Русија донесе сличен закон по инвазијата врз соседна Украина, пред нешто повеќе од една година. Белорусија досега не испрати свои војници во Украина, но и дозволи на Русија да ја користи нејзината територија за да ја почне инвазијата врз Украина, на 24 февруари 2022 година. Ова земја, исто така, им дозволува на руските авиони и беспилотни летала да го користат воздушниот простор за напади врз Украина.