Александар Милојевиќ – Kurir.mk

БИБЛ лигата со признание за Александар Милојевиќ

Бошко Тасиќ — Fri, 30 Apr 2021 07:40:15 +0000

Завршницата на сезоната во Балканската лига официјално го означи крајот на судиската кариера на еден од најуспешните македонски судии во историјата, Александар Милојевиќ. Тој го го судеше финалето од БИБЛ лигата меѓу Хапоел Холон и Академик Бултекс на кој триумфираше израелскиот тим со 91-75 и ја освои титулата. По мечот, Милојевиќ доби специјално признание од директорот на лигата, Шај Штрикс. „Менаџментот на БИБЛ лигата сака да му честита на Александар Милојевиќ за неговата успешна кариера и за тоа што беше дел од нашето натпреварување од 2008 година. Финалето беше последно во неговата кариера и последен меч за него како судија. БИБЛ, Хапоел Холон и Академик му посакуваат се најубаво во иднина во неговите активности и во светот на кошарката“, стои на официјалната страница на БИБЛ.

Македонија ќе има двајца судии на завршницата од БИБЛ лигата

Бошко Тасиќ — Mon, 26 Apr 2021 18:02:35 +0000

Македонската кошарка ќе има двајца судиски претставници на завршниот турнир во регионалната кошаркарска БИБЛ-лига. Александар Милојевиќ и Александaр Павлов ќе бидат дел од завршниот турнир кој ќе се одигра во Израел. За Милојевиќ ова е втор „фајнaл-фор“, додека Павлов првпат е дел од завршницата на оваа лига. Павлов ќе го суди првото полуфинале меѓу бугарските Берое и Академик Пловдив, додека Милојевиќ е прв судија на израелскиот полуфинален двобој меѓу Холон и Гилбоа Галил. Ф4 турнирот ќе се одржи од 27 до 29 април во „Тото арена“ во оваа земја.

Александар Милојевиќ е нов комесар за натпреварување во сениорските лиги.

Бошко Тасиќ — Mon, 29 Mar 2021 18:17:09 +0000

Александар Милојевиќ е наследникот на Сречко Хорват на функцијата Комесар за натпреварување во сениорските лиги.

Ова е информација која ја пренесе куќата на кошарката е истата е донесана со одлука на  УО на КФСМ.

–Ве известуваме дека на Управниот одбор на КФСМ од 24.март.2021 година, донесена е одлука за разрешување на Сречко Хорват од функцијата Комесар за натпреварување во сениорски лиги. Согласно член 43 од Статутот на КФСМ, изборот на Комесар за натпреварување, а на предлог на Здружението сениорски лиги, по реализираното гласање, нашиот меѓународен судија со знакот на ФИБА, Александар Милојевиќ е избран на функцијата Комесар за натпреварување во сениорски лиги, на која стапува уште од денеска, 29. март, 2021 година. Федерацијата му изразува особена благодарност на Среќко Хорват, за досегашниот, а во исто време и успех во понатамошниот професионален ангажман. На Александар Милојевиќ му посакуваме успешна работа во периодот кој е пред нас, -се вели во соопштението на федерацијата.