Александар Митовски – Kurir.mk

Митовски обвинува: И во вибер преписките може да се види дека полицијата се изживува врз новинарите на Инфомакс

Ристе Здравков — Tue, 26 Oct 2021 12:24:25 +0000

Сопственикот и новинар на порталот infomax.mk на својот профил на Фејсбук објави дел од вибер преписките за која ВМРО-ДПМНЕ обвини дека група полицајци се координираат за локалните избори во корист на СДСМ. -Вака изгледа демократијата во Македонија. Со нарачки да “им се ебе крвта”, “изживувај се колега ќе бидеш награден”, “застани ги и знаеш што да правиш”, на новинарите на Инфомакс кои само професионално си ја вршеа својата работна задача во Прилеп. Овие ашљаци ги апсеа новинарите на Инфомакс, се изживуваа, неколку пати им земаа изјави во полициска станица. За овие нарачки, и последиците од овие нарачки тек ќе видите како ќе бидете наградени, напиша Митовски на Фејсбук.

Стејт Департмент застана во одбрана на новинарите Љупчо Златев и Александар Митовски кои власта ги гони за оддавање државна тајна

Магдалена Андонова — Wed, 31 Mar 2021 15:01:08 +0000

Стејт Департменот, односно највисоката институција за надворешна политика на САД, застанаа во одбрана на новинарите Љупчо Златев и Александар Митовски, кои се гонети од страна на власта поради оддавање на државна тајна, посочувајќи дека се прекршени граѓански права во нивниот случај. – Владата ги гонеше новинарите во текот на годината за откривање на доверливи или класифицирани документи. На 4-ти март, скопскиот Кривичен суд го осуди новинарот Александар Митовски и го осуди на шест месеци условна казна затвор за откривање доверливи документи поврзани со кривичната истрага „Рекет“. Тој ја објави првата страница од изјавата на сведок на неговиот портал, „Инфомакс“, во август 2019 година. На 30-ти јули, ОЈО поднесе обвинение против Љупчо Златев, уредникот на финансиска новинска агенција „Лидер“, за откривање на класифицирани документи од Агенцијата за национална безбедност во два текста на порталот објавени во јули, се вели во извештајот на Стејт Департменот. Целиот извештај може да го погледнете ТУКА.

Митовски: Апасиев со 1200 амандмани му купува врема на Заев да се испазари

Ивана Ефремовски — Mon, 15 Feb 2021 10:07:11 +0000

Александар Митовски, уредник на Инфомакс, ги коментираше актуелните случувања поврзани со Законот за лични карти кој предизвика бурни реакции кај јавноста, откако коалициониот партнер на Заев, БЕСА, побара да биде внесена и етничката припадност на граѓаните. Митовски појасни дека според актуелните законски регулативи, во личните карти би стоело граѓанин на Република Северна Македонија, а државјанствата кои што ќе се издаваат ќе бидат за Македонците коси црти, а за другите етнички заедници ќе бидат Албанец, Србин, Ром, Бошњак, кој како сака освен за Македонците за кои ќе биде коса црта. „Ако се донесе овој закон, во таа ситуација ќе бидеме Македонци, за жал, поради договорот од Преспа, од Северна Македонија“, појасни Митовски. Митовски посочи дека прв чекор кон враќање на идентитетот е на Македонецот е токму овој закон. Блокирањето на овој закон е само продолжување на политичка кариера на Зоран Заев, со оглед на тоа дека условот на БЕСА за влез во коалиција со СДСМ беше токму овој закон. „Сега се наоѓа Заев во ситуација тонч, ем мора ваму да исполни ветување, Грците му викаат ако не го исполниш ветувањето нема да идеш у Европска Унија, не само Бугарија, туку и Грција повторно ќе не блокира, и улетува Апасиев со 1200 амандмани, време да се испазари или да се блокира тој закон“, објасни Митовски.

Митовски: И вестите на Телма станале “куртон” вести?

Курир — Sat, 14 Nov 2020 21:12:31 +0000

-Шо бе, и вестите на Телма станале “куртон” вести? Ни еден прилог од опозиција не пуштаат, сетики маршалот Заев мора да биде еден и единствен :), напиша новинарот Александар Митовски на социјалните мрежи.

Шо бе, и вестите на Телма станале “куртон” вести? Ни еден прилог од опозиција не пуштаат, сетики маршалот Заев мора да биде еден и единствен :)
Posted by Александар Митовски on Saturday, November 14, 2020

Митовски: Срамота за министер, ова од Бојан Маричиќ е лажна вест

Ивана Ефремовски — Sun, 04 Oct 2020 14:15:07 +0000

Ова од Бојан Маричиќ е лажна вест. Срамота за министер! Не знам само, дали не знае што пишува или едноставно шири „фејк њуз“, пишува новинарот Александар Митовски на својот Фејсбук профил. „Судот во Стразбур дал 12 недели на владата да направи спогодби со луѓето кои се во процес на судење или осудени, а добиле веќе прекин на постапките. Ако не направат спогодби во рок од 12 недели, од Стразбур ќе ги испратат пресудите до македонските судовите и согласно измените и дополнувањата во Законот за судови од 2019 година, македонските судии се должни да ги применуваат. Во спротивно им се закануваат казна на судиите, а највисоката предвидена казна е разрешување на судија заради непочитување на Законот, односно непочитување на одлука на судот во Стразбур. Дури и сега политички да ги штити СДСМ, првиот ден кога ќе падне СДСМ ќе бидат разрешени судиите, а членовите на Судскиот совет кривично ќе одговараат што не ги разрешиле навреме, заради работење спротивно на закон. По ова веројатно ќе следат тужби од обвинетите за барање на финасиска надомест од државата што ги малтретираат по судови за предмети за кои не би требало да има постапка! Маричиќ, министер за „лажни вести“- пишува Митовски! https://www.facebook.com/MitovskiAleksandar/posts/184104153173313

Митовски: Денес оставка од Мицкоски побара МК „Мериот ДООЕЛ“

Ристе Здравков — Fri, 21 Aug 2020 11:45:24 +0000

Оставка од Мицкоски денес побараа: - СДСМ - МК „Мериот ДООЕЛ“

Митовски: Државата ни ја снемува додека си куцаме на тастатурите

Ивона Петрова — Mon, 10 Aug 2020 10:56:45 +0000

Додека ние си куцаме на тастатурите, државата ни ја снемува, пишува на Фејсбук новинарот Александар Митовски. Денес, на ред дојдоа и униформите на полицијата. Претходно униформите на АРМ беа обезличени. Македонија реално постои до Групчин. Кај и да е, Македонија ќе ја снемува и вдолж Повардарието, и кон исток и кон запад. Следи економска/финансиска криза. Невработеност, сиромаштија и глад. Онака како што беше во 90-те кога се правеше приватизацијата. Сега продолжете да кршите тастатури на ФБ...

Митовски: Срамота Заев, досега беше хибриден диктатор – отсега, диктатор

Ивана Ефремовски — Tue, 04 Aug 2020 17:36:49 +0000

Јас не знам кои медиуми пишувале од штабот на ВМРО, ама знам кои новинари еднаш неделно јадат ручек со Заев. Јас не знам кои новинари не се критични, но знам кои новинари се сопственост на политички елити, порача уредникот на Инфомакс, Александар Митовски. Неговиот Фејбук статус ви го пренесуваме во продолжение: Јас не знам кој медиум колку леб јаде од Заев, но знам, дека тие што го јадат тој леб немаат ни грам совест, морал, професионализам и образ да зборуваат за други. Јас знам, дека во Македонија има луѓе на кои ќе остане иднината. Луѓе како Фуркан Салиу кој и покрај несогласувањата на сите други полиња, остана доследен и принципиелен во одбрана на новинарската фела, и за тоа му благодарам. А, што се однесува до Зоран Заев, него, не знам како да го искоментирам. Тој човек нема скрупули. Нема лимит. Нема основна култура. Тој човек, кој еднаш вечера со новинари кои потоа ги нарекува „педери“, а потоа руча со други новинари кои според него се „објективни“ за мене е нестабилна личност. Но, нестабилноста е она што ме плаши. За среќа, денес имаше можност јавноста да се запознае со неговата друга страна. Човекот презентираше дека сака да има целосна контрола врз секој аспект на општествениот живот. Сака да контролира медиуми - па оние кои не го хвалоспеваат вели дека се вакви или онакви. Неговата потрпетседателка Шекеринска дури и ме прогласи за анти-државен елемент. Структурите на Заев во тајната полиција дури и ме следеле - за тоа има и досие под назив „Атлантик“ (инаку предмет со кој си ги оправдаа средствата кои ги злоупотребија од даночните обврзници на САД) И внимавајте, Заев вели дека „децата му плачеле“ од мене или новинарите како мене - демек, многу сме го критикувале. Еее, види мајката... А, си се запрашал ли Зоран колку деца плачеа од твоите политики? Колку деца плачеа кога се затвараа бизнисмени затоа што не бил доволен рекетот? Колку семејства се завиени во црно затоа што ги лажеше дека ќе им ја обелодениш вистината? Знаеш ли Заев колку деца плачат поради поскапувањето на струјата, а? Или, колку деца се расплакани затоа што немаат вода во Синичане? Колку деца плачат затоа што денес таткото и мајката вработени во администрација се расправаат затоа што најави дека ќе ги бркаш? Знаеш ли Заев, колку деца плачат по сценариото „Диво Насеље“, а? Срамота Заев, досега беше хибриден диктатор - отсега, диктатор.

Митовски: „Марш“ не може да претходи на „јас влегувам во таа работа“

Ивана Ефремовски — Sun, 12 Jul 2020 15:16:10 +0000

Уредникот на Инфомакс Александар Митовски реагира по објавите на порталот А1ОН каде на свој начин ја толкуваат изјавата на Заев во новата аудио бомба која е доказ за земање на рекет. Коментарот на Митовски го пренесуваме во продолжение: Заев рекол „марш“, наместо „важи“... „Колега“ Ландов, сигурно си учел дека разговорниот јазик секогаш треба да ги следи правилата на логиката, која од случај до случај може да биде алтерирана согласно сленгот на двајцата соговорници. Ако ја преслушаш снимката повторно, „марш“ не може да претходи на „јас влегувам во таа работа“. Барем не според твојата логика. Дури и да рекол „марш“, а јас тврдам дека е „важи“, тогаш можеме да протолкуваме дека Заев го „маршира“ Димишков, и ТОЈ ВЛЕГУВА во работата. Зошто да ги дели 6-те милиони евра со Димишков, кога може да го измаршира и да си ги земе за себе. Какви рекетари, ццц....

Митовски: Во Македонија се прислушкувале новинари, политичари и активисти на движење кое било против референдум на кој требаше да се легитимира промената на името

Дарко Андоновски — Tue, 07 Jul 2020 13:31:53 +0000

Новинарот Александар Митовски преку статус на Фејсбук пишува дека иако во Македонија се прислушкувале новинари, политичари и активисти на движење кое било против референдум на кој требаше да се легитимира промената на името за среќа истиот бил неуспешен. -Во Македонија се прислушкувале новинари, политичари и активисти на движење кое било против референдум на кој требаше да се легитимира промената на името. За среќа, референдумот беше неуспешен. Еден од следените сум бил и јас. Ви благодарам. Ме запишавте во историја како борец за Македонија и нејзиното име. И никогаш нема да се откажам од таа борба. Но, друг ми е муабетот. Иако денес беше најавена прес-конференцијата на Љупчо Палевски на која беа подготвени папки со документи од прислушкувањето да бидат поделени на колеги новинари, имаше само две екипи - нашата и на порталот „Лидер“. И една новинарка од друга редакција. По завршувањето на пресот, само две редакции решија да побараат моја изјава, на „Алфа“ и на „Нетпрес“. За Палевски претпоставувам никој се уште не се потрудил да му се јави. Не, не ви е Зоран Заев, Сашо Мијалков, Џони, Јовче и редица други виновни што ве/не прислушкуваат. Никој не ви е виновен што живееме во држава во која сопственото убедување е криминал и тероризам. Во држава во која демократското право на самоопределување е право само на оној кој ќе ви се јави по телефон и ќе ви каже како да бидете убедени. Од новинари ќе Ве сведат на држачи на микрофони. Сите нас, цела новинарска фела. Што се однесува до Зоран Заев, немам што да кажам. Воајер со кого треба да се позанимава психопатолог. Слушаше 120.000 телефонски разговори за да дојде до власт. Сега слуша новинари и политичари. Не може Заев ништо повеќе да зборува. Ни за демократија, ниту за слобода, ниту за институции кои не се злоупотребувале, ниту дека немало прислушкување. Заев е диктатор, а државата е позаробена од било кога досега. Или да бидам попрецизен, државата се претвори во терористичка организација. Организација која тероризира народ, пишува Митовски на својот Фејсбук статус.

Во Македонија се прислушкувале новинари, политичари и активисти на движење кое било против референдум на кој требаше да... Posted by Александар Митовски on Tuesday, July 7, 2020