Александар Митровиќ – Kurir.mk

Александар Митровиќ три години во Ал Хилал

Бошко Тасиќ — Sat, 19 Aug 2023 14:35:57 +0000

Фулам ќе инкасира 50 милиони фунти за репрезентативецот на Србија, Александар Митровиќ кој станува нов играч на тимот на Ал Хилал. Напаѓачот потпишува тригодишен договор, и се обврзува на соработка, до 2026 година во една од најголемите трансфер саги во последните години. Митровиќ едноставно одби повеќе да биде дел од тимот на Фулам и инсистираше на трансфер. Сето тоа во Англија воопшто не беше добро прифатено, но на крајот Фулам мораше да се согласи на преселба на напаѓачот. Со ова Митровиќ ќе се придружи на ни помалку ни повеќе туку Нејмар, кој пристигна во Ал Хилал пред неколку дена, како и на неговиот сонародник Сергеј Милинковиќ Савиќ. Малколм исто така е дел од овој тим.

Митровиќ кај СМС и Нејмар, Фулам добива 40 милиони евра

Ристе Здравков — Tue, 15 Aug 2023 11:13:18 +0000

Најдобриот стрелец во историјата на српската репрезентација Александар Митровиќ, кариерата ја продолжува во Ал-Хилал. Клубот од Саудиска Арабија ги договори сите детали со Фулам и со самиот фудбалер за трансфер на Србинот, кој ќе заработи вистинско богатство. Фулам не можеше да одолее на сумата од 40 милиони евра која ќе ја добие од Ал Хилал за овој трансфер. Тоа беше и најновата понуда на клубот, откако претходно едната беше одбиена. Митровиќ така ќе стане соиграч со неговиот сонародник Сергеј Милинковиќ-Савиќ, кој неодамна се пресели во овој клуб, а исто така се очекува и комплетирање на трансферот на Нејмар од ПСЖ.

Ѓоковиќ не можеше да остане „нем“ на зборовите на Александар Митровиќ

Ристе Здравков — Thu, 03 Aug 2023 09:23:13 +0000

Српскиот фудбалски репрезентативец Александар Митровиќ призна дека е во состојба и физички да се пресмета со своите соиграчи бранејќи го ликот и делото на Новак Ѓоковиќ, притоа раскажувајќи за ситуација која се случила во клубот. „Бев тогаш во Англија, и навивав за Ѓоковиќ. Па, јас бев во состојба и да се тепам. Бев неколку пати на раб тоа да го направам. Се сеќавам на едно финале на Вимблдон, кога играше против Федерер. Од 30 играчи и членови на стручен штаб, само јас и голманот Шпанец бевме за Новак, сите други 28 за Федерер“ – открива Митровиќ. Српскиот фудбалер исклучително цени се што прави Новак за спортот. „Не знам. Кога кажуваат нешто лошо против Новак нешто врие во мене и подготвен сум да се тепам. Го сакам како роден брат. Криво ми е што луѓето го оспоруваат, па и кај нас. А, тој е навистина добар човек, карактер, фер-плеј, а тие секогаш му наоѓаат нешто. А, убедливо е најдобар на сите времиња. Но, ако… Што повеќе го навредуваат, тој уште повеќе игра“ – дополнува Митровиќ.

Александар Митровиќ пред трансфер во Интер

Бошко Тасиќ — Wed, 02 Aug 2023 16:58:01 +0000

Српскиот фудбалер Александар Митровиќ оваа лето ќе го напушти Фулам, но нема да замине во Саудиска Арабија и да му се приклучи на Ал-Хилал, туку ќе замине во Италија. Европскиот вицепрвак Интер е заинтересиран за напаѓачот на Фулам. Одличниот напаѓач е силно посакуван од тренерот на тимот, Симоне Инзаги. „Нероаѕурите“ наводно понудиле 35 милиони евра за Александар Митровиќ, а одговорот треба да го понуди Фулам.

Фулам ја прифати понудата за Митровиќ кој се сели во Саудиска Арабија

Бошко Тасиќ — Wed, 12 Jul 2023 16:44:11 +0000

Александар Митровиќ тргнува по стапките на Сергеј Милинковиќ Савиќ – српскиот фудбалер нема ништо против да се пресели во Саудиска Арабија. Како што јавува Скај Спорт, Фулам ја прифатил понудата од 30 милиони евра од Ал Хилал. – Извори блиски до играчот ни кажаа дека Митровиќ е подготвен да ја напушти Премиер лигата и да игра во Про лигата на Саудиска Арабија – се наведува во текстот на еден од најценетите и највлијателните англиски спортски медиуми. Ал Хилал веќе заврши се околу доведувањето на Митровиќ, кој се очекува во следните 24 часа да ги направи лекарските прегледи и официјално да биде промовиран. За него на Лацио му платени платени 40 милиони евра.

Драконска казна за Александар Митровиќ од ФА

Бошко Тасиќ — Wed, 05 Apr 2023 04:38:04 +0000

Фудбалерот на Фулам, Александар Митровиќ доби суспензија од осум натпревари од независната регулаторна комисија поради неговото однесување кон судијата во поразот на Фулам од Манчестер Јунајтед во ФА купот на почетокот на овој месец. ФА сега ги потврди санкциите, откако Митровиќ веќе отслужи еден натпревар од казната, а ќе ги пропушти и следните седум натпревари на Фулам. Менаџерот на Фулам Марко Силва доби суспензија од два натпревари и дополнителна казна од 20.000 фунти покрај 20.000 фунти што веќе требаше да ги плати. Во соопштението на ФА објавено денеска се вели дека Силва признал дека употребил навредливи зборови, гестови и однесување кон судијата на натпреварот.

ВИДЕО: Митровиќ збесна и го турна судијата, Јунајтед со пресврт до полуфинале во ФА Купот

Ристе Здравков — Sun, 19 Mar 2023 19:28:14 +0000

Манчестер Јунајтед се пласираше во полуфиналето од ФА Купот каде што ќе игра против Брајтон, во второто полуфинале ќе се сретнат Сити и Шефилд. Денес во интересен натпревар „ѓаволите“ го совладаа Фулам со 3:1. Митровиќ во 50-тата минута донесе предност за Фулам, а водството на тимот од Лондон беше актуелно се до 20-тина минути пред крајот. Џејдон Санчо имаше добра прилика, а откако промаши по реакција на ВАР се досуди пенал, но и Вилијан доби црвен картон. Тогаш српскиот напаѓач Александар Митровиќ збесна и го турна судијата добивајќи црвен картон. Во целата турканица се вмеша и тренерот Марко Силва, па и тој беше исклучен.

MITROVIC RED CARD! 🟥 #MUNFUL pic.twitter.com/3929mXoNcs
— The Premier League Club (@TPLCSports) March 19, 2023

Пеналот за израмнување го реализираше Бруно Фернандеш, а само две минути подоцна Забицер постигна гол за водство од 2:1. Во самата завршнциа длабоко во судиското продолжение Фернандеш постигна уште еден гол за конечни 3:1.

Кога ќе видите како изгледа во минијатурно бикини сопругата на Митровиќ нема да ви биде добро – особено фудбалерот е горд на овој дел од телото (ФОТО)

Дарко Андоновски — Fri, 25 Nov 2022 09:13:53 +0000

Најголемата поддршка на Александар Митровиќ дефинитивно е неговата сопруга Кристина Митровиќ која несомнено беше страстена навивачка и на вчерашниот меч на српската репрезентација против Бразил.

View this post on Instagram

A post shared by Kristina Mitrovic (@mitrovic__kristina)

Нејзината последна фотографија буквално ги „размрда“ социјалните мрежи, а стегната во пантолани, црно сако и розови високи потпетици уште еднаш докажа дека се разбира во модата. Во истата нијанса и беа и нејзиниот шешир на главата како и чантата, по што позитивните коментари само се нижеа.

View this post on Instagram

A post shared by Kristina Mitrovic (@mitrovic__kristina)

Во меѓувреме српските медиуми се присетија на атрактивната Кристина и нејзините жешки фотографии од ова лето каде позира во бикини.

View this post on Instagram

A post shared by Kristina Mitrovic (@mitrovic__kristina)

На дел од нив се гледа дека таа и покрај тоа што има родено има фантастична линија и стомачни.

View this post on Instagram

A post shared by Kristina Mitrovic (@mitrovic__kristina)

Стојковиќ: Митровиќ, ако треба, и со една нога ќе оди на мундијалот во Катар

Ивана Ефремовски — Mon, 14 Nov 2022 17:29:56 +0000

Ако треба и со една нога, ако треба и „за глава ќе го скратиме“, но Александар Митровиќ, ќе оди на мундијалот во Катар, објави денеска селекторот на фудбалската репрезентација на Србија, Драган Стојковиќ. -Слушнав дека е со патерици – јас не сум го видел. Него и за глава да го скратиме, тој ќе оди на мундијалот. Ние до вечерва имаме можност за измени во составот, се сомневам дека до тоа ќе дојде, но велам, Митровиќ и со една нога ќе оди, рече Стојковиќ на денешната прес-конференција во тренинг кампот на репрезентацијата во Стара Пазова. Најдобриот стрелец во редовите на Србија се повреди пред еден месец во натпревар на неговиот премиерлигашки тим Фулам против Њукасл. -Митровиќ со своето однесување, игрите менталитет, па и повредите кои ги имаше, го заслужи Катар, порача српскиот селектор. Србија го отвора Мундијалот против Бразил. (МИА)

Манчестер Јунајтед тргнува по Митровиќ

Ристе Здравков — Tue, 25 Oct 2022 19:01:13 +0000

Приоритет на Манчестер Јунајтед во зимскиот преоден рок ќе биде доведување на централен напаѓач. Тен Хаг сака да се ослободи од Роналдо и да донесе робусен напаѓач, а прва мета е напаѓачот на Фулам, Александар Митровиќ. Митровиќ е трет стрелец во англиската лига, па „ѓаволите“ би можеле наскоро да испратат понуда. Србинот треба да биде замена за Роналдо во нападот, зашто Португалецот е на излезна врата од „Олд Трафорд“.