александар нацев – Kurir.mk

Нацев: Европската политичка заедница е иницијатива која сеуште ја бара својата улога на европската политичка сцена

Тале Кристо — Thu, 23 Mar 2023 06:42:21 +0000

Професорот Александар Нацев беше гостин во вечерната политичка емисија на унгарската национална телевизија М1. Главни теми за разговор беа очекувањата од Европската политичка заедница (European Political Community) и во каква насока ќе се движи оваа нова организација по следниот самит во Молдавија, кој треба да се одржи во првата половина на годинава. Исто така, во интервјуто беа опфатени и теми кои се однесуваа на евроинтеграциите и статусот на земјите од Западниот Балкан, како и очекувањата за темпото со кое ќе се движи Македонија во тие евроинтеграции. Професорот Нацев накусо даде и осврт на безбедносните и одбранбени предизвици со кои се соочува регионот, како и за некои геополитички случувања.

Нацев: Единствена константа во меѓународните односи е сопствениот стратешки интерес

Тале Кристо — Wed, 25 Jan 2023 19:09:09 +0000

Во своето гостување на утринската емисија на Радио Лидер, универзитетскиот професор Александар Нацев се осврна на потребата од водење конзистентни политики кога се во прашање националните стратешки интереси и заштитата на уставниот поредок. Исто така, професорот се осврна за потребата за одржување максимална будност и внимателност од страна на контраразузнавачките и безбедносните институции во моменталната безбедносна и политичка состојба, како и нивна подготвеност за постапување доколку се укаже одредена потреба. Она на што Нацев стави посебен акцент беше неговата теза дека „Единствена константа во меѓународните односи помеѓу државите е заштитата на своите сопствени национални и стратешки интереси.“ Ова може да се види преку голем број примери во далечната и во блиската историја, но и е прилично актуелна теза во денешните односи помеѓу државите. Целото гостување на Нацев можете да го погледнете во продолжение:

Нацев: Потребни се конзистентни политики за заштита на националните стратешки интереси

Тале Кристо — Wed, 25 Jan 2023 07:52:26 +0000

Во своето вчерашно гостување на утринската емисија на Радио Лидер, универзитетскиот професор Александар Нацев се осврна на потребата од водење конзистентни политики кога се во прашање националните стратешки интереси и заштитата на уставниот поредок. Исто така, професорот се осврна за потребата за одржување максимална будност и внимателност од страна на контраразузнавачките и безбедносните институции во моменталната безбедносна и политичка состојба, како и нивна подготвеност за постапување доколку се укаже одредена потреба. Она на што Нацев стави посебен акцент беше неговата теза дека „Единствена константа во меѓународните односи помеѓу државите е заштитата на своите сопствени национални и стратешки интереси.“ Ова може да се види преку голем број примери во далечната и во блиската историја, но и е прилично актуелна теза во денешните односи помеѓу државите. Во продолжение можете да го погледнете цолото гостување на Нацев:

Нацев: Дегутантно е за работата на Владата топката да се префрла кај опозицијата, цел на тој скрининг е токму власта и практиките кои што таа власт ги практикува

Тале Кристо — Fri, 14 Oct 2022 13:30:24 +0000

Универзитетскиот професор по одбрана и безбедност, Александар Нацев во своето вчершно гостување во емисијата „Заспиј ако можеш“ на Алфа телевизија во врска со ЕУ извештајот истакна дека дегутантно е за работата на Владата топката да се префрла кај опозицијата, бидејќи како што вели цел на тој скрининг е токму власта и практиките кои што таа власт ги практикува преку своето владеење. -Чудна му е констатацијата на премиерот, бидејќи како што знаеме цел на тој скрининг е токму власта и практиките кои што таа власт ги практикува преку своето владеење, преку своите функционери, преку својот начин на управување со буџетот, со економијата, со државата и т.н. Преку оние сите работи што ги прочитавме во извештајот тој најде да се фати за опозицијата и да го извлече како заклучок од овој цел извештај. Мислам дека е малку дегутантно и можеби некој политички му има смислено да избегне дговорност од она што го прави владата и да ја префрли топката кај опозицијата. Секој граѓанин кој што размислува критички, кој знае да седне да прочита и да види каква е ситуацијата ќе му стане јасно дека станува збор за префрлање на топката од една страна на друга и да неречам одбивање за сочување со реалноста која што во моментов ја гледаме во нашата држава, истакна Нацев. Нацев во своето гостување говореше за состојбите во АНБ, МВР, АР, ДБКИ, НАТО и други институции, а целото негово гостување во емисијата „Заспиј ако можеш“ можете да го погледнете во продолжение:

Нацев: Руско-украинската војна на крајот како и сите војни ќе заврши на маса!

Тале Кристо — Sat, 20 Aug 2022 10:12:57 +0000

Унивезитетскиот професор по одбрана и безбедност Александар Нацев со синиќешното негово гостување во емисијата „Вечерашно шоу“ истакна дека руско-украинската војна ќе заврши на маса, а и западот повеќе не го посветува истото внимание како на почетокот на конфликтот. -Во последните две три недели, она што повеќе да не речам ме изненадува доаѓа како повеќе или помалку очекувано во неколку текстови кои што излегоа во САД, во една анализа на Д'хил прочитав неколку текстови во кои веќе излегуваат од онаа рамка дека Украина ќе победи, дека нема зошто да се седнува на маса, дека сите опции за седнување за разговор со Русија се надвор од оној блок кој што може да се примени за завршување на конфликтот, и неколку текстови „Луѓе чекајте, можеби е време да закочиме!“. Нацев додава дека и оваа како и сите војни ќе заврши на маса. -Ова и како секоја друга војна на крајот ќе заврши на маса, сега ова е билдање својата позиција за тоа е да бидеш послин кога ќе седнеш на маса, вели Нацев. Во продолжение целото гостување на Нацев:

Нацев: МВР потфрли во справувањето со вооружените лица кај Мавровка

Тале Кристо — Thu, 07 Jul 2022 13:00:16 +0000

Универзитетскиот професор Александар Нацев со свој коментар дава опис на настаните кои се случија вчера кај плоштадот „Скендербег“, и ги детектира слабостите во постапувањето на МВР. -Гледајќи ги обидите на разно разни аналитичари, политичари, твитераши и слични „експерти“ да ја релативизираат фактичката состојба на вчерашните случувања кај плоштадот „Скендербег“, ќе се осмелам и јас да пишам два-три збора на таа тема, прво од личен аспект, бидејќи бев присутен на лице место како дел од протестниот марш, но и од професионален (безбедносен) аспект, коментира Нацев на својата Фејсбук страница -Прво, не може никој да ме убеди во нивната верзија на настаните, затоа што бев таму на лице место, и ја видов целата генеза на настанатата ситуација. Се почна со навидум вербални препукувања, кои се чинеше дека немаат капацитет да прераснат во нешто поголемо, бидејќи имаше присутни припадници на Полицијата на неколку метри до лицата кои почнаа да фрлаат со разни работи (пластични шишиња претежно) надолу кон поворката која се движеше. Но, отсуството на било каква реакција од страна на полициските службеници само ги охрабри лицата да го засилат интензитетот и во тој момент почнаа да фрлаат столици и како што се гледа на една слика, цели палети. Дури тогаш почна повратна реакција од лица кои беа дел од протестниот марш, и ситуацијата зовре. Во овој момент, повторно кикс на Полицијата која се наоѓаше таму (10-15 припадници), кои се најдоа затечени и како што гледаме на слики, со „џедајски“ методи пробаа да ги смират страстите, кои до тогаш веќе прераснаа кон вадење и употреба на огнено оружје. Следна небулоза од официјалното соопштение на МВР е дека специјалните полициски сили веднаш постапиле и спречиле ескалација. Уште една невистина, бидејќи бев на лице место и гледав што се случува. Специјалните полициски сили дојдоа со 10 минути задоцнување, и дури тогаш постапија против лицата, меѓу кои имаше минимум 5 (ПЕТ) лица кои извадија огнено оружје, вели университетскиот професор.. Ова е фактичката состојба, и ниту едно релативизирање за наводно кршење на хотелски стакла или етнички навреди (или еден куп други глупости што ги прочитав од разно разни „експерти“, а ги наведуваат како повод за инцидентот), не поминува во јавноста, особено не кај оние коишто бевме на лице место, пишува Нацев во својата објава.

Нацев на Глобалниот безбедносен форум „ГЛОБСЕК 2022“ во Братислава

Тале Кристо — Thu, 02 Jun 2022 08:19:15 +0000

Универзитетскиот провесор по одбрана и безбедност, Александар Нацев учесник на Глобалниот безбедносен форум „ГЛОБСЕК 2022“ во Братислава. -Деновиве присуствувам на Глобалниот безбедносен форум „ГЛОБСЕК 2022“ во Братислава, настан кој обединува голем број на водечки политички фигури, како и меѓународни безбедносни експерти и практичари. Во фокусот на годинешниот настан се случувањата во Украина, како и потребата за зајакнување на европскиот одбранбен систем, пишува во својата објава на социјалната мрежа на Фејсбук Нацев.

Нацев: Оправдан е револтот на професионалните војници, МО да изнајде достоинствено решение

Тале Кристо — Mon, 23 May 2022 16:44:30 +0000

Според мене нивниот револт е оправдан и треба на тие луѓе да им се најде достоинствено решение, вели Александар Нацев, универзитетски професор во денешното гостување во емисијата Филибастер на Радио Лидер, по вчерашниот протест од синдикалната организација на професионални војници, откако се постави лимит професионалните војници до 45 години да можат во Армијата на државата, додавајќи дека тоа се професионалци кои одговорно му служеле на системот дури и по 25 години. Го видовме вчерашното изразување на незадоволството од страна на професионалните војници. Вчерашниот протест беше од страна на синдикатот на професионални војници кои што излегоа со свои барања кои што се разумни и рационални, бидејќи најверојатно голем дел од тие барања им биле ветени од страна на нивниот работодавач, и кои што тие секако имаат интерес како синдикална организација да ги испорачаат на своите членови, додаде Нацев. Професионалните војници се една категорија кои што многу успешни во она што го работата, навистина врвни професионалци и сега тој лимит кој што државата го постави до 45 години да можат да работата во Армијата, според нив, а и според мене, можеби да за изведување на борбени операции тој лимит е доволен, но сепак тоа се луѓе кои што долги години, некои од нив по 20, 25 години служеле на системот, служеле во рамките на Министерството за одбрана, и според мене претставува вистинска штета такви професионалци кои што се научени да и служат на државата во една институција која што бара дисциплина и одговорност, да бидат заборавени и според мене нивниот револт е оправдан и треба на тие луѓе да им се најде достоинствено решение, смета тој.

Нацев во посета на Воениот музеј во Букурешт: Не било така лесно да се фалсификува историјата, тие со брусалиците ќе тргаат ли наваму?! (ФОТО)

Тале Кристо — Wed, 06 Apr 2022 15:42:11 +0000

Универзитетскиот професор по одбрана и безбедност кој деновиве престојува во Романија го посети Воениот музеј во Букуреш, при што наиде на интересна карта од минатото, односно на карта на која Македонија е претставена во нејзините природни граници. Па Нацев во свој стил се пошегува „Тие со брусалиците ќе тргаат ли наваму? “... -Денес, традиционално, бев на посета на Воениот музеј во Букурешт. И кога гледам таму, некои "небањати" дошле и ставиле огромна историска карта, па и напишале Македонија (на првата слика треба да се зумира малку, на втората се гледа убаво, го пишува и Стоби). ПС. "Ајде мајката", не било така лесно да се фалсификува историјата изгледа! ППС. Тие со брусалиците ќе тргаат ли наваму?, пишува Нацев во својата објава на Фејсбук.

Нацев: Македонски офицер вратен од мисија на КФОР поради немање безбедносен сертификат, од МО не ги сваќаат сериозно безбедносните процедури и регулативи

Тале Кристо — Fri, 18 Mar 2022 14:09:18 +0000

Македонски офицер вратен од мисија на КФОР поради немање безбедносен сертификат, од МО не ги сваќаат сериозно безбедносните процедури и регулативи, реагира преку социјалната мрежа на Фејсбук универзитетскиот по одбрана и Безбедност, Александар Нацев. Нацев и претходно реагираше дека од страна на Министерството не се почитуваат сите процедури и дека на вакви мисии се испраќаат и луѓе блиски до власта кои што не ги исполнуваат условите. -Во еден мој пост пред подолго време (линк до постот во коментари), јавно ги изложив моите сознанија и критики за компромитираноста на процесот на упатување припадници од АРМ на мировни мисии надвор од Република Македонија, односно упатување на лица кои не ги исполнуваат условите за упатување, конкретно поврзано со безбедносните сертификати. Добив таков жесток одговор од тогашната министерка и нејзиниот тим, кој беше исполнет со лични навреди и омаловажување (за што водам и постапка пред надлежен суд против Министерството за одбрана), дека зборувам невистини и слично. Но, еве денес дознаваме дека ни вратиле офицер од мисијата КФОР, затоа што немал безбедносен сертификат, што претставува сериозен пропуст на Воената служба за безбедност и разузнавање, и го руши угледот и на Министерството за одбрана, а меѓународно и на државата. Со ваквите постапки, минатото, но и моменталното раководство во Министерството за одбрана само докажува дека и покрај тоа што секој втор збор им е „НАТО“, „интеграција“ и слично, никој не ги сфаќа сериозно безбедносните процедури и регулативи, и мислат дека можат да прават што сакаат при упатување, унапредување и школување. Ама очигледно не е така, и очекувам остра реакција од безбедносните служби на НАТО за ваквите аматерски потези од страна на нашето Министерство, пишува Нацев во својата објава на Фесбук.