александар наумовски – Kurir.mk

Андоновска: Наумоски 2 години нема дојдено на седница, а 4 години нема одговорено на нити едно прашање од интерес на граѓаните

Тале Кристо — Thu, 15 Jul 2021 16:12:12 +0000

Градоначалникот Наумоски 2 години нема дојдено на седница, а 4 години нема одговорено на нити едно прашање од интерес на граѓаните, рече во своето денешно излагање на седница на совет на општина Ѓорче Петров советничката од редовите на ВМРО-ДПМНЕ Марија Андоновска, притоа прашувајќи дали за да му се постави прашање да го бараат по кафеани. -Дел од денешната седница на совет на општина Ѓорче Петров. Градоначалникот Наумоски 2 години нема дојдено на седница, а 4 години нема одговорено на нити едно прашање од интерес на граѓаните. Треба ли да го бараме по кафеани да му поставиме прашање!? Каде е неговото работно место, во општината,во советот на општината или кафеаните!? Граѓаните се жалат дека неможат да го најдат, нема приемен ден за граѓани. Од друга страна неможеме ниту ние советниците да му ги поставиме прашањата што ги засегаат граѓаните. 4 години расипничко однесување, 4 години немање интерес за потребите на граѓаните од страна на Наумоски. Нешто повеќе од 2 месеци до крајот на арогантното владеење на СДС во Ѓорче, пишува во својата објава Андоновска.

Дури 68% од жителите на Ѓорче Петров не се задоволни од работата на Наумовски, а повеќе од половина сметаат дека не треба да биде реизбран

Дарко Андоновски — Wed, 16 Jun 2021 11:21:30 +0000

Најновото национално истражување во Македонија од страна на Центарот за анкетни истражувања на Меѓународниот републикански институт (ИРИ) покажува дека граѓаните на Македонија се чувствуваат обесхрабрени од градоначалниците и локалните претставници пред изборите кои треба да се одржат оваа есен. Анкетата покажува дека граѓаните на Македонија имаат ниска доверба во нивните локални претставници пред изборите што се очекува да се одржат во октомври. Според анкетата дури 68 проценти од анкетираните граѓани на Ѓорче Петров не се задоволни од работата на градоначалникот Александар Наумовски, додека 59 проценти сметаат дека тој не треба да биде реизбран.

Ѓорчевци со закана кон Наумовски: Ќе поставиме барикади ако не го ревидираш ДУП-от

Ристе Здравков — Tue, 01 Sep 2020 18:19:19 +0000

ЃОРЧЕВСКИ БЕТОНСКИ ЅИД !!!! Во самото образложените на ДУП СЗ 24 Јурија во Дексион кое е изготвено од бирото што го правело планот стојат овие податоци ! Секој што сака да изврши увид нека пише документот ќе му биде испратен директно ! Дали е нормално на толку мал простор како Јурија да се изградат по предвидувањата 774 СТАНОВИ, а знаејќи го наравот на нашите градежници и многу повеќе !? НОВИ СКОРО 3000 ЖИТЕЛИ ! 90544 м2 БРУТО РАЗВИЕНА ГРАДЕЖНА ПОВРШИНА ! Со катност П+1+17 и ВИСИНА ОД 58 МЕТРИ ! БЕТОНСКИ ЅИД ОД 17 КАТА И 58 МЕТРИ ВИСИНА ! Ова значително ќе ја промени демографската слика во тој дел од населбата ! Каде ќе се паркираат овие автомобили ако по просек се пресметува 1,5 автомобил по семејство ? Каде ќе одат во училиште и градинка овие дечиња ? Дали има свестост и свест за хумано живеење или само профитот е важен, а градоначалнику Aleksandar Naumoski ? Формирана е Иницијатива на граѓани од Дексион кои бараат ревидирање на овој ДУП со цел инкорпорирање на начелата за хумано живеење, доколку барањата не се исполнат ЌЕ СЛЕДАТ БЛОКАДИ НА УЛ. ЃОРЧЕПЕТРОВСКА !

И тоа го има: Наумовски забрани сушење на алишта во Ѓорче Петров (ФОТО)

Дарко Андоновски — Tue, 25 Aug 2020 17:59:26 +0000

Градоначалникот на општина Ѓорче Петров, Александар Наумовски, во објава на својата фејсбук-страница соопшти дека Советот на општината усвоил измени во Одлуката за комунален ред, со кои се забранува сушењето алишта во дворовите во општината кои имаат поглед кон улица или кон плоштад. „Да почнеме од поблагите мерки, со цел доследно спроведување на прописите. За да не стигнеме до казни. Превенција пред репресија“, напиша Наумовски во коментар под објавата. Веста предизвика многу коментари на социјалните мрежи, а дел од граѓаните му забележаа на градоначалникот дека се занимава со неважни работи, додека во општината има многу поголеми проблеми.

Општина Ѓорче Петров ја измени одлуката за комунален ред и мерки за нејзино спроведување. Целата дополна е објавена на Службениот гласник бр 5. http://opstinagpetrov.gov.mk/images/pdf1/SG2020/SGBR5-2020.pdf Posted by Aleksandar Naumoski on Monday, August 24, 2020

Заев револтирана жителка нарече дека сценира претстава, таа нему и на Наумовски му докажа дека не и е асфалтирана улицата и нема канализација

Дарко Андоновски — Thu, 05 Dec 2019 13:56:37 +0000

Денеска премиерот Зоран Заев присуствуваше на увид на изградба на спортска сала во ОУ Јоаким Крчоски во Волково. Таму беше нападнат од неколку револтирани жители на горното маало во селото дека не била направена канализацијата. Откако градоначалникот Александар Наумовски објасни дека минатиот проект е згрешен, и дека ќе биде направено, жителката не отстапуваше да бидат одговорени нејзините прашања. „Вакви исценирани престави… Одете прашајте ја жената дали до нејзината куќа е направена канализација и дали е асфалтирана улицата. Асфалтирана е“, рече Заев. По ова новинарот Фуркан Салиу ја однесе до дома револтираната жителка за да бидат уверени граѓаните дали навистина била асфалтирана нејзината улица и дали имаат канализација и тротоари. -Ако јас лажам , а градоначалникот е во право нека повели со премиерот да види дали јас лажам или они. Почнувајќи од тука нагоре нема канализација, домот за стари лица во кои сме ние 70 луѓе е без канализација, водата им тече низ двор, летно време ние не можеме да седнеме на тераса од смрдеа, верувајте. Во домот канализацијата ја чистат со цистерни, вели револтираната жителка на Волково. Ова е уште еден доказ дека Заев и градоначалникот Наумовски одговараат само на нарачани прашања покажувајќи ја општината преку розови очила.

Родителите се иcкараа со градоначалникот: Александар Наумовски исвиpкан од poдителите избeга од нeзгоднте прaшања

Дарко Андоновски — Wed, 25 Sep 2019 13:49:14 +0000

Децата во основното училиште „Димитар Поп Георгиев Беровски“ во населбата Хром, општина Ѓорче Петров учат во крaјно нeзавидни услови, нaпикaни по 25 ученици во 20м2, спpoтивно на сите законски и подзаконски акто кои го уредуваат Образованието. Поради игнорантскиот однос на надлежните проблемот се провлекува со години. Со цел да се изнајде решение на проблемот, родителите одржаа срeдба на која присуствуваше градоначалникот на Општина Ѓорче Петров. Редакцијата на Инфомакс, која кој проследи состанокот разговараше со неколку родители кои изјавија дека се разочарани поради одолговлекувањето на проблемот, посебно што бројот на запишани дечиња се зголемува. На средбата родителите побараа да се обeзбедат основни услови за престој и учење. Меѓу другато беше разгледана и можноста да децата да се преместат во објектот на основното училиште. Тие негодуваа бидејќи градоначалникот не издејствувал преку ребалансот на буџетот средства за доизградба на простории. Градоначалникот изјави дека има финансиски средства, но дека проблемот не е решен поради нерешени имотни правни односи, кој сега е решен. Но тој додаде дека проблмот е заглавен кај советот на родители, кои не дале одобрение проектот. Ситуацијата ескалираше кога граѓаните револтирани изјавија дека се свесни дека нема да добијат ново школо по што настана сеопшта кapaница и нaдвикување со градоначалникот, кој избeга без да одговори на нeзгодните прашања.

„Дали уништувањето на овој парк ќе му донесе на Наумовски повисока вредност на семејниот имот во Ѓорче Петров“?

Ивана Ефремовски — Thu, 12 Sep 2019 12:10:25 +0000

Наумовски очигледно ги заборави предизборните ветувања, реагираат од Комисија за инфраструктура, урбанизам и транспорт на ВМРО-ДПМНЕ. Нивниот статус на Фејсбук ви го пренесуваме во продолжение: ОД ПАРКОТ НЕМА ДА СЕ ОДЗЕМЕ НИТУ МИЛИМЕТАР ЗЕЛЕНА ПОВРШИНА, ОДГОВОРНО ТВРДИМЕ - на 16.04.2019та изјави градоначалникот на Ѓорче Петров Александар Наумовски. „Зборот е збор" според толкување на СДСМ изгледа вака: Денес во единствениот парк во Ѓорче Петров е донесена градежна механизација која веќе го раскопува паркот. Истиот парк за кој советниците на ВМРО - ДПМНЕ со месеци предупредуваат дека градоначалникот на Ѓорче Петров има намери да го претвори во асфалт, бетон и згради. Истиот парк каде градоначалникот Александар Наумовски има личен имот и имот на неговото најтесно семејство. Дали уништувањето на овој парк ќе му донесе на Наумовски повисока вредност на семејниот имот, за кој веќе сам на себе си донесе ДУП за во иднина да може да има зграда ? Дали е вистина дека за денешниве градежни активности воопшто не постои ДУП ? Дали во актуелниот ДУП на оваа локација сеуште стои зеленило ? За потсетување, општина Ѓорче Петров е една од урбаните општини со најмал процент на изведена атмосферска канализација, и наместо да гради атмосферска канализација низ општината градоначалникот Наумовски со општински средства ја уништува зелената површина во Ѓорче Петров. Наумовски очигледно ги заборави предизборните ветувања. Интересот за граѓаните на општина Ѓорче Петров се претвори во интерес за најтесното семејство. Оставката е неминовна.

„Скопската Венеција “- улиците во Ѓорче Петров поплавени по невремето, жителите гневни на НЕгрижата на градоначалникот Наумовски (ФОТО)

Дарко Андоновски — Thu, 20 Jun 2019 16:28:23 +0000

Жителите на скопско Ѓорче Петров пред околу половина час беа погодени од силно невреме проследено со дожд, град, силен ветер и грмотевици. Тие веднаш по невремето излегоа на своите улици за да ги одзатнат шахтите кои ги поплавија улиците низ повеќе маала во општината. Револтираните жители на социјалните мрежи споделуваат фотографии од улиците кои наликуваат на Венеција додека градоначалникот и општинските служби никаде ги нема. Тие велат и дека на Александар Наумовски му завршило работното време па нема потреба да се санираат штетите и да се одблокираат улиците во Ѓорче Петров. Дел од коментарите се и „Европо чекај не“ и дека Ѓорче е скопска Венеција.

„Макфакс“: Наумовски си ја зголеми платата, а Ѓорче Петров нема пари за ветените базен и градинка (ВИДЕО)

Ивана Ефремовски — Fri, 18 Jan 2019 14:10:16 +0000

Градоначалникот на општина Ѓорче Петров, Александар Наумовски, годинава ќе зема повисока плата, а планирани се и нови вработувања во општината во време кога владејачките структури ветуваат намалување на бројот на администрацијата, објавува порталот Макфакс. Според буџетот што го изгласал Советот на општината, платата на Наумовски ќе му биде повисока 4.100 денари и ќе изнесува 65.000 денари, без пресметани давачки за пензиско и здравствено осигурување. Вклучително со овие давачки, на годишно ниво произлегува дека од буџетот на Општината ќе се одвојуваат 1,5 милион денари за градоначалничката плата. Тој на располагање ќе има и 1 милион денари за репрезентација, односно за јадење, пиење и за претставување на Општината. Во буџетот повисоки суми се одвоени и за плати, односно ако лани биле одвоени 17.370.000 денари, за годинава испланирани се 20.823.000 денари. И покрај ветувањата на владејачките структури дека ќе се намалуваат вработувањата во јавната и државната администрација, буџетот на Општината Ѓорче Петров се зголемува речиси 1 милион денари за привремени вработувања. За нови работни сили, кои привремено ќе бидат ангажирани во Општината, на годишно ниво се издвоени 12 милиони денари. Повеќе на оваа тема, прочитајте на МАКФАКС.

Градоначалникот на Ѓорче Петров ќе плати 13 илјади евра за набавка на верски календари и роковници со вештачка кожа

Ристе Здравков — Tue, 11 Dec 2018 14:36:18 +0000

За роковници со тврда корица, вештачка кожа и ластик, ѕидни календари со логото на општината, но и со верски обележја, општината Ѓорче Петров ќе потроши 800.000 денари или 13 илјади евра. Градоначалникот Александар Наумовски го распишал овој тендер, евидентиран како стоки за новогодишна репрезентација. Освен овие продукти, фирмата која ќе го добие овој тендер ќе треба да изработи и печатење на папки и пенкала. Критериумот за избирање на фирма која ќе ги изработи овие „неопходни“ материјали ќе биде по принципот најниска цена. Времето за изработка е два месеци, а пак аукцијата е два месеци. Пред една недела, советник од ВМРО-ДПМНЕ во Општина Ѓорче Петров обвини дека градоначалникот Наумовски ќе потроши над 2 милиони денари за 20 нови партиски вработувања. Тој посочи дека со оваа анти-реформа администрацијата во општина Ѓорче Петров ќе се искачи до 84 вработени. Извор: skopje1.mk