александар николовски – Kurir.mk

Николоски: Криминалот и корупцијата го јадат јавното здравство, по класична форма на непотизам од случајот „Пановски“ нема

Ристе Здравков — Sat, 30 Sep 2023 13:40:07 +0000

По класична форма на нептизам нема. Но, овдека веќе навлегуваме и во делот на возможен криминал, затоа што е интересно што на овие јавни повици има само по еден понудувач. Па легитимно прашање е зошто другите не се охрабруваат да и тие дадат понуда и да се намалува цената и да добијат граѓаните ем квалитетна здравствена заштита, ем по поевтина цена. Така што ова се два фактори кои што стојат, надлежните институции треба ова да го испитаат, а како што гледате не го испитуваат, вели потпретседателот на ВМРО-ДПМНЕ, Александар Николоски во денешното гостување во вестите на телевизија Алфа, во врска со случајот на скопската клиника за Хематологија каде што е доделен неколку милионски тендер на веледрогеријата Пановски, која е во сопственост на таткото на директорката на клиниката. Николоски истакна дека во здравството ќе имаме многу работа, има многу криминал, има многу корупција, а според мене криминалот и корупцијата го јадат јавното здравство во Македонија и тоа ќе е една од главните фокуси на партијата во следниот период после формирањето на влада предводена од ВМРО-ДПМНЕ. Николоски зборуваше за криминалот и корупцијата кој исто така е проширен во сите сегменти на целокупното македонско општество, но исто така и во регионот, што ги тера младите трајно да ги напуштаат и да се иселуваат од сите држави во нашиот регион. „За жал, целиот регион страда од истата констатација, би рекол од истата болест, а тоа е широко распространета корупција и криминал кој што ги уништуваат и државите и општествата. А, тоа е нешто што го гледаме во Македонија, го гледаме и во регионот и според мене треба да е приоритет број еден во следниот период доколку сакаме да се надминуваат овие состојби кои што се далеку од добри и кои што според мое мислење, го влечат регионот назад и ги тераат луѓето да си заминуваат од целиот овој регион. Во Босна и Херцеговина имав една исклучително значајна мисија, каде што сум известител за парламентарното собрание на Советот на Европа. Тоа е една престижна улога, до сега немало од Македонија политичар пратеник кој што бил на една ваква позиција“, истакна Николоски. Во однос на новата задача за известување на состојбите во Босна и Херцеговина, Николоски посочи дека тоа е многу значајно за имиџот на државата, каде што од една мала држава како што е Македонија, со една кревка демократија да добиете шанса да ја оценувате, која што во моментов е една од нај невралгичните точки во Европа и да пишувате извештаи врз основа на кој ќе се цени напредокот на државата.

Николоски: Уставни измени под бугарски диктат нема да има, признанието на Османи дека ова не е последно барање требаше да донесе и оставка на целата влада која го постави ова како прашање број 1

Ристе Здравков — Sat, 30 Sep 2023 13:39:06 +0000

Ако внимателно ги следите тезите на ВМРО-ДПМНЕ, ќе видите дека и ние истото го кажуваме дека Бугарија нема да запре овде. И конечно тоа го призна министерот за надворешни работи. Се поставува логично прашање зошто да се исполнат овие бугарски барања кога немаме никаква гаранција дека нема да стават вето за 6 или 12 месеци и дека нема да испорачаат нови барања и нема да се бара од нас и тоа да се реализира, изјави потпретседателот на ВМРО-ДПМНЕ, Александар Николоски за вестите на Алфа. Николоски истакна дека признанието на Османи е најдобар доказ дека ја лажат македонската јавност со години, како најдобар доказ за дволичната политика што ја водат. - Министер за надворешни работи кој би имал доволно самопочит после вакво признание би се повлекол а владата би си дала оставка затоа што поставуваат ова како прашање број 1 во Македонија, рече Николоски. Тој додаде дека јавноста повеќе од година дена е оптеретена со уставните измени кои нема да се случат. - Уставни измени нема да има, ВМРО-ДПМНЕ нема да поддржи и дозволи уставни измени под бугарски диктат. Но, ова признание на Османи е најдобар доказ за тоа што кажуваме дека барањата на Бугарија немаат крај, изјави Николоски.

Николоски: Досега не добивме кредибилен демант дека граѓаните и ВМРО-ДПМНЕ не се следени од власта, по изборите сериозно ќе истражиме и ќе има одговорност

Ристе Здравков — Sat, 30 Sep 2023 13:38:01 +0000

Ние разгледавме извештаи на надлежните институции во државава на АНБ, на Агенцијата за разузнавање, воено разузнавање, МВР и според нив кои се државна тајна и не можам да одам до детали, но можам да кажам дека не добивме кредибилен демант на сомнежите дека македонските граѓани не се следени, изјави потпретседателот на ВМРО-ДПМНЕ, Александар Николоски за вестите на Алфа. - Во однос на нас како политичари и најголема опозициска партија, имаме сомнежи подолг временски период дека сме и физички следени и дека се следи нашата комуникација, телефонски интернет и така натаму. До денес немаме добиено кредибилен демант што зборува многу за состојбата во која се наоѓа Македонија, додаде Николоски. Тој посочи дека тука е секако злоупотребата на некои софтверски алатки преку малициозен софтвер кој е незаконски, познати во јавноста се повеќе форми од типот на Пегасус. - За тоа ќе расправа и Советот на Европа, во октомври ќе има сесија на која ќе се зборува и очекувам оваа тема да ја отворам и таму. А по промената на власта детално ќе ја истражиме секоја институција да видиме каде се злоупотребувале мерките на следење и зошто тоа се прави врз ВМРО-ДПМНЕ. Оние кои го правеле тоа ќе одговараат, нагласи Николоски. Во однос на неговата посета на Босна и Херцеговина како известител, тој истакна дека тоа е добро за имиџот на Македонија да има еден ваков претставник и да оценува друга држава. Во Босна и Херцеговина имав една исклучително значајна мисија, јас сум известител за Парламентарното Собрание на Советот на Европа за оваа држава. Тоа престижна улога, досега немало од Македонија пратеник, политичар кој бил на ваква позиција. Тоа дава можност да се оцени состојбата таму и да се презентира пред Советот на Европа. За жал целиот регион страда од широко распространета корупција и криминал кои ги уништуваат и државите и општествата. Тоа е нешто што го гледаме во Македонија и регионот и според мене треба да биде приоритет број еден доколку сакаме да се надминуваат овие состојби кои се далеку од добри и кои ги мотивираат луѓето да си заминуваат од целиот овој регион, рече Николоски.

Николовски: За прв пат Македонец оценува друга држава, деновиве сум во БиХ во мониторинг мисија по која ќе напишам извештај за СЕ

Ристе Здравков — Wed, 27 Sep 2023 14:26:37 +0000

Деновиве во функција на известител определен од Мониторинг комисијата на Парламентарното Собрание на Советот на Европа, учествувам во мисија за утврдување на фактите во Босна и Херцеговина, напиша на Фејсбук потпретседателот на ВМРО-ДПМНЕ, Александар Николовски. -Ова е првпат член на македонската Делегација во Парламентарното собрание на Советот на Европа во функција на известител да учествува во мониторинг мисија и да известува за напредокот на друга држава. По посетата ќе изготвиме извештај за напредокот на државата, кој прво ќе биде претставен пред членовите на Мониторинг комисијата, а потоа, заедно со препораките за идните чекори прво ќе биде предмет на дебата на пленарна седница, а потоа ќе следи гласање за текстот, кој ќе ја претставува заедничката позиција на Парламентарното собрание на Советот на Европа, истакна Николовски.

Николоски од Брисел како дел од Европскиот избор на 40 највлијателни личности под 40 години: Разговарам со претставници од ЕУ за случувањата во Македонија, криминалот цвета, а економијата тоне, потребни се избори

Ристе Здравков — Fri, 10 Mar 2023 12:33:06 +0000

Во овие три дена сум во работна посета на Брисел каде што имам чест да бидам дел од изборот на 40 највлијателни личности во Европа под 40 години. Овој престижен избор на пријателите на Европа обединува околу себе политичари, бизнисмени, новинари, активисти и борци за човекови права од сите страни на Европа. И навистина е привилегија да се биде во еден ваков избор и да се претстават состојбите во Македонија, изјави потпретседателот на ВМРО-ДПМНЕ, Александар Николоски. -Разговараме за состојбата во економијата во Македонија, за состојбата во политиката во Македонија, разговараме за можностите кои што Македонија ги нуди како потенцијално место за инвестиции. Но, исто така разговараме и за проблемите кои што и се случуваат во Македонија. За жал во Македонија корупцијата цвета, а економијата тоне. Ова високо ниво на корупција ги уништува сите шанси за напредок на државата. Високото ниво на корупција и организиран криминал ги одвраќа инвеститорите од инвестиции во Македонија, а ги тера младите да ја барат перспективата надвор. И затоа дискутираме како можат овие состојби да се променат. Јас зборувам дека се потребни брзи предвремени избори на кои што ќе дојде до промена во Македонија и една влада предводена од ВМРО-ДПМНЕ. Ќе го постави патот напред кон економски просперитет и борба со организираниот криминал и корупција. Но, исто така и кон достоинствена Македонија и достоинствен македонски народ, со заштитен македонски јазик , македонски идентитет, признат и прифатен од сите, истакна Николоски. За тоа зборувам и со претставници на Европската комисија, тука се претставници и потпретседателот на Европската комисија, тука е премиерот на Естонија, тука се бројни европски пратеници како и пратеници од националните парламенти, додаде Николоски.

Николоски: Граѓаните да земаат повисока плата, а не „Паразитите“, висината на платите треба да соодветствува со тежината на работата

Ивана Ефремовски — Sat, 19 Nov 2022 13:29:57 +0000

При денешната посета на општина Велес потпретседателот на ВМРО-ДПМНЕ, Александар Николовски одговарајќи на новинарско прашање во однос на аферата „Паразити“ истакна дека висината на платите треба да соодветствува со тежината на работата а граѓаните кои што вистински работат треба да имаат повисоки плати а не оние што ги нарекуваат паразити, кои што ништо не работат а земаат плата.

„Ние излегуваме со факти, најдобар доказ дека точно сме погодиле онаму каде што треба е тоа што никој од овие кои што до сега се споменати не демантираше дека не зема толку висока плата, напротив сите потврдија со некои смешни образложенија, висината на платите треба да соодветствува со тежината на работата, а овде за жал каде што ние објавуваме висината на платите воопшто не соодветствува со тежината на работата еве само еден пример, објавивме за високата плата на директорот на АЕК на агенцијата за електронски комуникации дали било кој граѓанин во државата знае што работи агенцијата за електронски комуникации и уште повеќе дали знае кој е директор и дали знае што тој директор работи. Така што во такви услови да се цица македонскиот буџет во услови кога граѓаните не можат да врзат крај со крај една расипничка политика не случајно буџетот за 2023 година има највисока стапка за дискрециони трошења од рекордни 924 милиони евра, скоро една милијарда евра владата дискреционо ќе троши на вакви така наречени трансфери, плати и така натаму што само покажува во која расипничка фаза се, овие трошења треба да се скратат, да се насочат кон продуктивни трошоци пред се тука мислам на развојни инфраструктурни проекти и секако кон поддршка на граѓаните, затоа што развојни проекти ќе ја подобрат економијата а тоа ќе го зголеми животниот стандард на граѓаните и треба граѓаните кои што вистински работат да имаат повисоки плати а не овие како што ги нарекуваме паразити, кои што ништо не работат а земаат плата“, нагласи Николоски.

Николоски: Кој стои позади клубовите за “пријателство“ и каква е улогата на Претседателот Пендаровски?

Ивона Петрова — Mon, 24 Oct 2022 09:25:43 +0000

Во мојата претходна колумна „Шпионски игри“ пишував во детали за случувањата во безбедносниот сектор во Македонија. Очигледно работат се освен она што им е основна задача- заштита на уставниот поредок на Македонија. Така низ државава се отвораат клубови со контроверзни имиња, чија цел е поделби и раздор како и уривање на уставно-правниот поредок на Македонија, и наместо да се занимаваат со спречување на овие активности како и собирање доволно податоци за нивните намери, тие се занимаваат со ВМРО-ДПМНЕ. Нешто со што недоволно се занимава јавноста е финансирањето на бугарските клубови со што би сакал да ги повикам надлежните институции во Македонија, пред се мислам на Агенцијата за разузнавање, на Агенцијата за национална безбедност и на Финансиското разузнавање да дадат одговори на овие прашања и да ја заштитат Македонија од надворешни непријателски влијанија. Тоа е нивна работа да испитаат кој “хара” по Македонија и кој финансира отворање на овие бугарски клубови во Македонија? Бугарските клубови во Македонија се финансирани од фондација која што е во сопственост на еден исклучително богат човек од Бугарија кој што главно се занимава со бизнис кој што е во медицината односно има болници и е добро познат на нашите служби. Тие клубови не се финансирани со домашни средства, не се финансирани од основачите на тие клубови, ниту се финансирани директно од бугарската држава преку програма за поддршка на националните малцинства, туку од фондација за која може да постои сомнеж дека е на директна линија со безбедносните служби во Бугарија со цел реализација на активности против македонскиот народ, самобитност и засебност, оспорувајќи ја македонската историја и македонскиот јазик. Оваа недела побарав безбедносните служби да поводат сметка што и како прави финансиерот на овие клубови и како е возможно да доаѓа во Охрид на отворање на клубот „Цар Борис како што го нарекоа и како е возможно да овие клубови се финансираат, тоа е директно мешање на внатрешни работи на суверена држава. И наместо јавност да добие одговор за потенцијален ангажман гледаме дека поранешниот Премиер Заев и претседателот Пендаровски се среќавале со ова лице според негова сопствена изјава. Ова е сериозно рушење на уставно- правниот поредок на Македонија. Ако безбедносните служби не ги предупредиле Заев и Пендаровски за намерите на ова лице тоа е огромен скандал и пропуст и мора да се понесе одговорност. Ако пак безбедносните служби ги предупредиле Заев и Пендаровски и тие сепак решиле да се сретнат, тоа е кршење на правилата и потврда за анти-државната политика на државниот врв и целосната сервилност кон Бугарија која може да е проследена и со корупција. Нема друго логично образложение. Загрижува што првиот човек на државата молчи околу овој скандал а должи многу одговори. На пример дали направил белешка од разговорот и ја предал на Агенцијата за разузнавање која е под негова надлежност и како што е редот? Или дали ставот на Пендаровски за Гоце Делчев со кој даде потврда и храна за цела бугарска пропаганда е можеби резултат на оваа средба и некакви лични интереси можеби и лукративни? Дали промената на ставот на Пендаровски околу т.н. француски предлог е исто така резултат на вакви влијанија? Се сеќавате прво беше против па наеднаш смени мислење. Исто така се поставува прашање дали преку наведеното лице дејствуваат безбедносните служби на Бугарија и дали на тој начин е компромитиран Претседателот на Македонија? И уште многу прашања на кои јавноста очекува одговор, а од кои Пендаровски бега и за кои молчи. Чувањето на територијалниот интегритет на Македонија не е само работа на физичка заштита на границите, туку многу повеќе од тоа. Го знае ли тоа Пендаровски или интересите, а можеби и корупцијата го прават своето? Многу прашања, а малку одговори... колумна на Александар Николоски, потпретседател на ВМРО-ДПМНЕ, за неделникот Фокус

Николоски: Преку три чекори ќе спречиме асимилација на Македонија од страна на СДСМ, Ковачевски, Османи и Маричиќ

Тале Кристо — Fri, 08 Jul 2022 17:48:20 +0000

Потпретседателот на ВМРО-ДПМНЕ и пратеник Александар Николоски во вечерашното интервју во емисијата Што не е јасно на ТВ Алфа, ги објасни трите чекори преку кои ВМРО-ДПМНЕ ги уверува граѓаните дека нема да дозволат како најголема политичка партија да се случи асимилација на Македонија и македонските граѓани со францускиот предлог кој што владата на СДСМ, Ковачевски, Османи и Маричиќ се обидуваат да го протнат по секоја цена. Николоски рече дека првиот чекор е масовност на протестите и ги повика сите граѓани кои што се двоумат да се приклучат на протестите бидејќи како што рече потребна е народна поддршка. Планот е едноставен и јасен составен од три чекори. Првиот чекор е масовни протести, мора да продолжат протестите и да се масовни. Многу сум благодарен на сите што излегуваат, ги поканувам да продолжат да излегуваат. Сите оние кои што сакаат да излезат а се двоумат дали да излезат дојдат и да ни се приклучат, рече Николоски. Вториот чекор е брзи предвремени избори, да ја срушиме оваа влада во следните неколку недели со цел да можат да се случат на есен брзи предвремени избори со цел целиот овој договор да не биде прифатен, потенцираше и додаде дека третиот чекор е уставна блокада, бидејќи ВМРО-ДПМНЕ јасно стои на ставот дека не прифаќа отворање на македонскиот Устав и внесување на Бугарите во него со што францускиот предлог пропаѓа. И третиот чекор е блокада на уставните измени, односно без ВМРО-ДПМНЕ нема двотретинско мнозинство, не може да се смени уставот, а доколку има предвремени избори ВМРО-ДПМНЕ ќе има апсолутно мнозинство и воопшто нема да разговараме за промена на Уставот. Тоа се трите чекори за кои ни треба народна поддршка, посочи потпретседателот Николоски.

ТАЖНА ВЕСТ: На 48 годишна возраст почина познатиот македонски музичар

Тале Кристо — Wed, 08 Dec 2021 11:16:38 +0000

По кратко боледување на 48 годишна возраст почина џез музичарот, трубач и професор по труба Александар Николовски. -Александар Николовски работеше како наставник по труба во ДМБУЦ Илија Николовски-Луј, со голема љубов и посветеност кон инструментот и учениците, за да ги насочи и запознае со музиката и светот од другата страна на животот,поблескавата. Беше тивок и свој, без многу муабети, ишаретите ни ги кажуваше преку очите или гримаса и се беше јасно. Воглавно една добрица од човек,колегијален и секогаш спремен за убави нешта, се вели во дел од соопштението од колективот. Александар Николовски свиреше со голем број џез и латино бендови. Настапуваше на голем број музички џез фестивали со разни музичари и музички формации. Тој потекнува од музичко семејство, чии родители Благоја и Марија Николовски беа познати и признати македонски музички уметници, а неговата сестра Сузана долгогодишен музички соработник во програмите и емисиите на МРТВ. Еден од неговите последни настапи беше на минатогодишниот „Џез фестивал 2020“ во Куманово, од чиј извадок се простуваме од прерано згаснатиот живот на македонскиот музички уметник.

Николоски: Христо Кондовски е најголемиот бандит кој што е кандидиран за градоначалник, ќе одговараат за поткупот веднаш по промената на власта

Ивана Ефремовски — Tue, 12 Oct 2021 14:55:17 +0000

„По она што го видовме во Битола е сериозен знак на очајот со кој што е соочен СДСМ и особено нивниот кандидат во Битола, Христо Кондовски, кој што е најголемиот бандит воопшто кандидиран за градоначалник било каде низ Македонија. Кажав како што од Струмица прават Заевград, сакаат од Битола да направат Стентонград, но нема да им успее тоа“, нагласи потпретседателот на ВМРО-ДПМНЕ, Александар Николовски при средбата со граѓаните во Радовиш, одговарајќи на новинарско прашање. Николоски додаде дека битолчани за овој обид на поткуп ќе го казнат СДСМ. „И во очај соочени со јасниот пораз што им следува на изборите, се обидуваат да прават поткуп особено помеѓу ромското население на Баиро. Веројатно знаат но еве да ги информираме пред јавност дека изборниот поткуп е сериозно кривично дело за кое што казна затвор е од пет години нагоре. И ќе одговараат после овие избори. А, го повикувам и МВР уште веднаш да ги процесуира, доколку тоа не го направи затоа што се работи за кандидат од владејачката СДСМ, тоа ќе се направи после промената на Владата кога ќе бидат ослободени институциите, а пред се судството и обвинителството“, рече Николоски. Николоски апелираше до сите останати кандидати за градоначалници на СДСМ да не се обидуваат да одат по стапките на Христо Кондовски, бидејќи и тие ќе одговараат пред Законот. „Прашање за него да одговори, дали ова што се обидува да го подели како изборен поткуп е резултат на парите кои што ги добива од тендери, дали е за РЕК Битола, дали е за браната Отиња, или пак за останатите големи проекти, или за оној легендарен мост во Прилеп кој што буквално е некој 200 метри, а е најскапиот мост во светот. Дури мостот чини милион евра со три анекси кои што беа направени. Така да за сето ова ќе има одговорност после промената на власта“, нагласи Николоски.