александар николски – Kurir.mk

Николоски: 2020 година е најслаба во изградба на патишта, каде се парите?

Тале Кристо — Wed, 11 Aug 2021 13:26:00 +0000

Бројките покажуваат дека 2020 година е најслаба во изградба на патишта. Не се гради ни еден нов автопат, Клучното прашање на сите граѓани - КАДЕ СЕ ПАРИТЕ?, коментира на својата Фејсбук страница потпретседателот на ВМРО-ДПМНЕ Александар НИколоски. -Клучното прашање на сите граѓани - КАДЕ СЕ ПАРИТЕ? Одговорот е во криминалот на власта. Како што и бројките покажуваат 2020 е најслаба во изградба на патишта. Не се гради ни еден нов автопат, постојниот кон Охрид НЕ СЕ ГРАДИ, а НЕ СЕ ГРАДАТ ни експресните патишта ветени во Источна Македонија, како ни експресниот пат ГРАДСКО - ПРИЛЕП. Одговорност ќе има!, пишува во својата објава Николоски.

Николоски: Контрапродуктивно е однесувањето на Заев кој води тајни преговори, а не однесувањето на ВМРО-ДПМНЕ кое бара одговори, дали Заев подготвува да изврши национално предавство

Дарко Андоновски — Sat, 05 Jun 2021 13:20:03 +0000

Александар Николоски, потпретседател на ВМРО-ДПМНЕ при неговата денешна посета во Ѓорче Петров рече дека Зоран Заев треба да излезе пред македонската јавност и да каже за што точно преговараат со Бугарија затоа што сознанијата на ВМРО-ДПМНЕ се дека власта се подготвува да изврши национално предавство. -Мислам дека е чесно Зоран Заев да излезе пред македонската јавност и да каже за што точно преговараат со Бугарија, до денеска немаме никаков кредибилен одговор од негова страна за што преговараат. Гледаме дека во Македонија доаѓаат разни европски политичари кои што нудат одредени решенија, но за тоа Зоран Заев не ја запознава јавноста. Исто така се потврди дека Владо Бучковски е во тајни преговори во Софија за кој што нема никакви информација во јавноста. Нашите сознанија е дека се подготвуваат да извршат национално предавство и наша работа како опозиција, а и како најголема национална партија во Македонија, пред се партија на македонскиот народ и на сите останати кои што живеат во Македонија, партија на македонско национално единство е да ги изнесеме овие информации во јавноста, со цел да ја алармираме јавноста и да ја повикаме јавноста да спречат национално предавство. Така што контрапродуктивно е однесувањето на Зоран Заев кој што води тајни преговори, а не е контрапродуктивно однесувањето на ВМРО-ДПМНЕ кое што бара одговори на овие прашања, рече Николоски. Николоски исто така посочи дека основните причини поради кои Македонија не може да отпочне преговори за членство во ЕУ се високиот степен на криминал и корупција, немањето реформи во јавната администрација и економското уназадување. -Еве да најавам дека во понеделник ќе се случи седница на Националниот совет за евроинтеграции на кои што основна точка ќе е токму состојбата со европските интеграции и овие тајни преговори, а она што исто така сакам да го искоментирам е дека основната причина зошто Македонија е во ваква состојба да не може ни датум за преговори да почне, камоли да стане земја членка на ЕУ е високиот степен на криминал и корупција , немањето реформи во јавната администрација и економското уназадување. Тоа се трите причини зошто ЕУ не дава датум за преговори од причина што доколку беа убедени од страна на ЕУ дека беа убедени дека Македонија заслужува да почне преговори, верувајте дека ќе извршеа посебен притисок врз Бугарија затоа што треба да знае целокупната јавност дека не е одлуката за почеток на преговори единствена одлука која што се носи со консензус, бројни одлуки во рамки на ЕУ се носат со консензус во текот на годината, дел од нив секако се во корист и на Бугарија и доколку сите останати земји членки се убедени дека во Македонија нема криминал и корупција, дека има реформи и дека економијата напредува ќе извршеа силен притисок врз Бугарија да не става вето, но имајќи предвид дека не го прават тоа всушност јасно покажуваат на јавноста дека криминалот и корупцијата, немањето реформи и економското уназадување се основната причина зошто Македонија не почнува преговори, додаде Николоски.

Николоски оствари средба со амбасадорката на Португалија, а Заев во последните шест месеци нема ниту една средба со европски премиер

Магдалена Андонова — Tue, 02 Feb 2021 16:03:11 +0000

Денеска претседателот на Националниот совет за евроинтеграции, Александар Николоски, оствари средба со Н.Е. Марија Виргина Мендес де Силва Пина, вонреден и ополномоштен амбасадор на Република Португалија, со седиште во Белград, Република Србија, која ја покрива и нашата земја. Николоски е првиот политичар кој остварил средба со амбасадорката откако Португалија е актуелен претседавач со ЕУ, при што ја искористи можноста да упати покана амбасадорката да го посети Собранието, како и да се обрати пред Националниот совет за евроинтеграции. За разлика од ВМРО-ДПМНЕ, никој од актуелната власт на СДСМ не се сретна со амбасадорката на Португалија, претседавач на Европската Унија. Со ова слободно може да се каже дека премиерот Зоран Заев е тотално изолиран политичар од страна на светските, но и од страна на Балканските лидери. Изминативе 6 месеци премиерот Зоран Заев нема остварено ниту една билатерална средба со премиер на некоја европска или светска земја. Пред десетина дена претседателот на ВМРО-ДПМНЕ Христијан Мицкоски и потпретседателот Николоски остварија средба со премиерот на Унгарија, Виктор Орбан каде што соговрниците разговараа за одличните и пријатески односи, како и за блокираните европски интеграции на Македонија. На оваа средба претседателот на ВМРО-ДПМНЕ Мицкоски побарал од неговиот соговорник поддршка од страна на Унгарија за одблокирање на европскиот пат на Македонија. Исто така Мицкоски и Николоски остварија работни посети и во Република Словенија и Република Хрватска, каде што имаа средби со премиерите на овие две земји, Јанез Јанша и Андреј Пленковиќ. На овие средби се разменети искуства за светската здравствена криза со КОВИД-19, како и за економските предизвици кои се последица на оваа пандемија.

Николоски: „Лажните вести“ на СДСМ и Заев стануваат вистина!

Тале Кристо — Tue, 05 Jan 2021 12:06:23 +0000

Во неможност да одговорат со аргументи СДСМ и Заев во нервоза пробуваат да ме дискредитираат со етикетата “лажни вести”. Така им е најлесно. Се додека,, лажните вести" не станат вистина, реагира преку социјалната мрежа на Фејсбук потпретседателот на ВМРО-ДПМНЕ Александар Николоски, откако претходно менаџментот на Иловоца ги потврди наводите на Николоски за поврзаност во сопственоста со фирма од Кајманските острови. Во продолжение интегрално ви ја пренесуваме целата објава на Николоски: Со години објавувам за криминалите и злоупотребите како и неостварените ветувања на власта. Во неможност да одговорат со аргументи СДСМ и Заев во нервоза пробуваат да ме дискредитираат со етикетата “лажни вести”. Така им е најлесно. Се додека,, лажните вести" не станат вистина. ,,Лажна вест” беше ставањето на Македонија во иста група со Албанија за ЕУ интеграција, ,,лажна вест" беше дека Заев нема да добие датум за почеток на преговори, “лажна вест” беше дека на контроверзниот бизнисмен Дака му изгласаа ДУП од 200 милиони евра со сомнителен капитал од Панама. И Иловица и сопствеништвото од Кајмански Острови беа “лажна вест” ама до денес! Денес како и сите останати се потврди дека се вистина, самите од фирмата го признаа тоа што со недели говорам. До потврдата на следната лажна вест..., пишува Николоски во својата објава.

Николоски: Власта не успеа да го изгласа спорниот законот за ГаМа, продолжуваме со борбата за правда

Ивона Петрова — Sat, 26 Dec 2020 07:54:48 +0000

Собранието по повеќе од дваесет часа утрово ја прекина расправата по Предлог законот за решавање на спорот помеѓу Владата и Макпетрол АД Скопје по пат на спогодба, по скратена постапка. Ова законско решение предвидува да му се признае на Макпетрол сопственост на 50 отсто од гасоводот во земјата и да му се исплати цена од 33 милиони евра. Пратениците од ВМРО-ДПМНЕ сметаат дека предложеното законско решение е еден од серијата закони што ја убиваат правдата и ги прекршуваат основните начела на правото. Според нив, не може да има закон за спор зашто тој се решава со медијација и во судовите. -21 час непрекината битка во Собрание! Власта НЕ УСПЕА да го изгласа спорниот законот за преценета продажба на ГаМа. Ќе се обидат пак деновиве, но оваа битка во текот на два дена, две ноќи и едно утро покажа дека против ВМРО ДПМНЕ власта НЕ МОЖЕ! Честитки за големата и силна битка на сите пратеници од опозицијата! ПРОДОЛЖУВАМЕ со борбата за ПРАВДА и БОРБА СО КРИМИНАЛОТ во Македонија, пишува на Фејбук пратеникот Александар Николоски. Дваесеттата седница на чиј дневен ред е овој Предлог-закон ќе биде дополнително закажана.