Александар Пандов – Kurir.mk

Пандов: ВМРО е завет за секој еден Македонец, ВМРО-ДПМНЕ ќе остане да биде заштитник на Македонија и македонските национални интереси

Ивана Ефремовски — Mon, 23 Oct 2023 12:37:48 +0000

Секој пат почнува со прв чекор. Патот на Македонската револуционерна борба за слобода почнува со првиот чекор кој го направија Дамјан Груев, д-р Христо Татарчев, Петар Поп Арсов, Иван Хаџи Николов, Христо Батанџиев и Андон Димитров, кои пред точно 130 години на овој ден ја основаа Македонската револуционерна организација која беше внатрешна затоа што произлегуваше и делуваше за македонскиот народ и за македонската слобода, истакна Александар Пандов, претседател на Патриотски институт на ВМРО-ДПМНЕ „Гоце Делчев“. -Во Солун во 1893 година овие родољуби ја втемелија идејата. Ниту една борба не почнала веднаш масовно, туку тлеела и се всадувала од херои и визионери какви што биле овие великани. Но малку се примерите во светот, каде што еден ваков чист идеал бил толку брзо и толку масовно прифатен од народот, каков што е примерот со идеалот за ВМРО. Организацијата станала потоприштето на целата борба, но и надежта на поробениот македонски народ за слобода после векови туѓа власт. Зошто било тоа така? Затоа што организацијата била автохтона, била посветена и пожртвувана кон остварувањето на таа цел, рече тој. Пандов порача дека организацијата и народот биле едно, душата и телото на Македонија. -Македонци, вие не сте само херои, туку и светци. За вас, сите жртви се заслужени – рече Иван Хаџи Николов, еден од основачите на македонската револуционерна организација и на тој начин ќе го покаже својот стремеж, но и стремежот на илјадници синови и ќерки на Македонија кои потоа ќе се жртвуваат за својата Татковина. Овие зборови, но и делата на Организацијата, биле искрата во мракот кај напатениот и подјармен народ. Ваквите зборови мобилизирале старо и младо да се вклучи во револуционерното движење, кое било искрено и чисто и кое по многу што освен на отоманската империја им се спротивставувало и на околните хегемонски и империјални аспирации на другите земји. Не случајно Дамјан Груев, еден од основачите на ВМРО ќе истакне дека освен грчка и српска пропаганда, постои и бугарска. “Таа постои. Има бугарски политичари кои праќаат платеници во Македонија. Под имињата на мошне познати шефови тие испраќаат чети во Македонија да агитираат за анексионистичката идеја. Тука има место само за една организација, народната, македонската“ – ќе каже безмалку пророчки Груев, затоа што тие негови зборови се толку актуелни и ден денес, посочи тој. Пандов истакна: “Со народот, Организацијата, го делеше и доброто, но најчесто лошото што и се случи на оваа напатена и со крв натопена македонска земја низ целиот овој век. Македонија за нив беше мајка со која сострадуваа. Апостолот на Македонската револуционерна борба Гоце Делчев, како еден од најголемите и најхрабрите синови на Организацијата и на Македонија беше свесен дека успехот може да се темели само на внатрешните усилби и сили за внатрешно востание, кое ќе произлезат преку духовно воздигнување на народот, па во таа насока ќе каже: Внатрешната организација не се стреми само да им дава оружје на луѓето, ами да го разбие нивниот ропски дух“. -Затоа нивното дело е толку велико. Затоа нивните имиња со златни букви се запишани во македонската колективната меморија и во македонската историја. Тие го посеаа семето за национално будење на македонскиот народ и создадоа корен на македонската државност. Не само Илинден 1903, туку и Илинден 1944 година се плодот на нивното револуционерно дело. После Илинденското Востание и Крушевската Република врските со народот не прекинаа, туку напротив продолжија. Организацијата стана трн во око на надворешните непријатели, затоа што сватија дека нејзината идеа за слободна македонска држава им ги пореметува нивните планови за својатање на Македонија. Но Организација или слободно можеме да речеме Подземната република со институции како држава, успешно одолеваше на сите тие напади и предизвици, и одново, одново како феникс се издигаше благодарение на народот и на идеалот. Идеалите се бесмртни, а македонскиот идеал е просто како пиреј, колку повеќе го корнеш, толку повеќе излегува на површината, рече тој. Посочи дека со поголеми или помали успеси, нескршливиот дух опстои во текот на големите војни кои се прекршуваа на грбот на Македонија. Организацијата ја одржа идеата за македонска држава и покрај сите премрежја. -Впрочем борбата за слобода која се водеше во НОБ почнуваше и беше окончана со успех водена од идеалите втемелени во 1893 година. Партизанските одреди ги носеа имињата на хероите од илинденската епопеја, повиците за омасовување на отпорот се повикуваа на континуитетот на македонската борба и на крајот ветераните на Организацијата како Павел Шатев и Панко Брашнаров беа клучни учесници на АСНОМ кога се поставува македонската државност. Прогоните кои потоа уследија врз членови на ВМРО беа производ на едно идеолошко слепило, кое затворајќи ги неправедно луѓето за вмровските идеи, сакаа да го затворат и македонското прашање, но и тоа не успеа. ВМРО продолжи да живее во секој Македонец како симбол на слобода и независноста на Македонија. Во дијаспората, но пред се во Македонија огромно мнозинство остана верни на аманетот на Организација и тој аманет го крунисавме на 8-ми септември 1991 година, кога на референдумот јасно и гласно го кажаа својот стремеж за независност, рече Пандов. Порача дека организацијата е завет и ќе продолжи да биде завет за секој Македонец додека е векот и векува. -ВМРО и денес е стожерот на македонската борба за правдини и македонските интереси. И денес кога се атакува по Македонија и кога се пљачка со цел да не дотераат до питачки стап и нашата мила и богата земја Македонија да заприлега на пуста пустина, ВМРО е тоа кое што под бајракот на Македонија ги обединува сите граѓани и застанува напред во борбата за достоинство и напредна иднина. Ќе ми дозволите во оваа прилика да истакнам огромна и посебна благодарност до претседателот на ВМРО-ДПМНЕ Христијан Мицкоски кој дава сесрдна и сестрана поддршка на патриoтскиот институт на ВМРО-ДПМНЕ „Гоце Делчев“ чие партиско живеење, свој почеток и сега она што сме е последица и производ на негова заслуга. Имаше визија но и мудрост да го направи чекорот со формирање на овој институт затоа што тој и е неопходен на ВМРО и на Македонија. Благодарам Претседателе, во мое име и во името на сите членови на Патриотскиот институт, а сите заедно еден до друг сме во битката да ја кренеме повторно Македонија на нозе. Таа е нашата најважна битка. Народот е ВМРО, ВМРО е народот, а заедно се и ќе останеме заштитници на Македонија и на македонските национални интереси. Тоа е наша обврска како генерација. ВМРО го обединувало народот во минатото, ВМРО-ДПМНЕ го обединува народот денес. Тоа е традиција која обврзува за иднината која доаѓа, заклучи тој.

Пандов: Парламентарните и претседателските избори треба да се на ист датум, доста оваа Влада ги троши недомаќински и краде од парите на граѓаните

Катерина Бојаџиева — Fri, 06 Oct 2023 07:52:53 +0000

Лидер е оној кој се бори да ја направи својата татковина подобро место за живеење, економски, социјално, да не биде вака како што е сега, бидејќи сега ситуцаијата сега е многу лоша за сите, условите за живот се многу лоши. Мора да се работи на тоа секој еден граѓанин да ја сака својата татковина. Надвор во европските земји, во САД секој еден граѓанин има коректен однос кон својата татковина, рече Александар Пандов, претседател на Патриотскиот институт на ВМРО-ДПМНЕ на гостување во утринската програма на телевизија Алфа. Пандов се осврна и на актуелната тема датум за избори. „Чекорите кои ги влечат СДСМ и ДУИ се неразбирливи, нив ги интересира само функцијата и ништо повеќе, а во една нормална држава лидерите треба да седнат и да се договорат за избори кога ќе има и слично. Дополнително кај нас има и 100 дена пред избори техничка влада, а сега не се знае ни кога ќе бидат изборите, а на пролет има велигденски, рамазански пости и треба да се договори датум за избори. На сите треба им е јасно дека ВМРО-ДПМНЕ и сите 44 пратеници нема да гласаат за уставни измени, тоа е завршена работа“, кажа Пандов. Според Пандов изборите се најдобра анкета. „На СДСМ ќе им се случи торнадо на изборите, ќе бидат поклопени. Секој еден изборен цуиклус чини многу и затоа треба изборите да се во ист датум парламентарните избори и претседателските. Ние не треба да трошиме толку пари на избори за да има одвоени избори. Наместо посебни избори во два три месеци што е неразумно трошење на парите на граѓаните, претседателските и парламентарните избори треба да има во ист термин. Да не се трошат пари на избори и да не се губи време, парите треба да се трошат за здравство, образование“, вели Пандов. Пандов заклучи дека оваа Влада става во фокус само крадење или само корупција и криминал и купување на ден повеќе да бидат на функциите.

Пандов: Уставните измени не ни се билет за ЕУ, а најголем проблем за Македонија е корупцијата и криминалот на СДСМ и ДУИ

Катерина Бојаџиева — Thu, 03 Aug 2023 17:34:03 +0000

Оваа власт не може ништо да направи за Македонија и прави само штета, рече Александар Пандов, претседател на Патриотскиот институт при ВМРО-ДПМНЕ на вечерашното гостување во емисијата За или против што се емитува на телевизија Алфа. Според него начинот на кој беше организирана вчерашната прослава на 2-ри Август говори многу за оваа власт. „Оваа власт не знае ништо друго освен корупција и криминал. Немањето на правда, постоење на повласетена каста на СДСМ, корупцијата тоа ги тера младите да заминуваат. Македонија може да биде во ред ако има нормална власт, ако има патриоти кои и мислат добро на татковината и си ја сакаат, луѓе кои ќе направат се да функционираат институциите. Ние сега имаме институции во кои довербата е на ниво на статистичка грешка“, кажа Пандов. Пандов се осврна и на уставните измени и односот на Бугарија. „Уставните измени не ни се билет за ЕУ. Сите сакаме во ЕУ, но ние самите треба да ги смениме институциите и навиките на луѓето како да функционираат, а не како сега само со корупција и криминал. По сите основи има индиции за криминал, а никој надлежен не презема ништо. Оваа власт гледа само одредени странски центри да не им забележат“, посочи Пандов кој укажа дека на Македонија најголем проблем се СДСМ и ДУИ. „Бројките од анкетите кажуваат едно, СДСМ и ДУИ се проблем на Македонија. Тоа го чувствувам и секојдневно, ми приоѓаат луѓе и зборуваат многу лошо за оваа владеачка гарнитура“, заклучи Пандов.

Пандов за прославата на 2-ри Август: Имаше сенародна прослава без народ!

Катерина Бојаџиева — Thu, 03 Aug 2023 16:59:46 +0000

Во Македонија може да се каже дека имаше сенародна прослава без народ, организацијата на прослава на Илинден личи на се не само на сенародна прослава, рече Александар Пандов, претседател на Патриотскиот институт при ВМРО-ДПМНЕ на вечерашното гостување во емисијата За или против што се емитува на телевизија Алфа коментирајќи го вчерашното одбележување на 2-ри Август, односно 120 години Илинден и 79 години од АСНОМ. Според Пандов во контекст на празнувањето на Илинден има разлика во начинот на одбележување во однос на тоа кој е на власт. „Кога било ВМРО-ДПМНЕ на власт имало сосема поинакво прославување на 2-ри Авгус. Сега државата не прави ништо за тој ден да се одбележи онака како што треба. Со начинот на тоа како настапуваат на одбележување на овој голем ден за македонија и за Македонците“, рече Пандов. Пандов се осврна и на говорите на државните претставници по повод двата големи датуми за Македонија. Во текот на обраќањата воопшто не го користеа зборот Македонија. Каква е таа прослава кога државните претставници не можат да го сторат тоа. Низ годините откако овие партии се на власт се бега од името Македонија“, кажа Пандов. Пандов се осврна и на поддржувачите на оваа власт. „Сфаќаат верувам и тие дека со таквите настапи и кај своите поддржувачи нема да имаат симпатии“, заклучи Пандов. Пандов информираше дка за Илинденскиот марш немало разбирање од министерството за култура. „Ние кга видовме каква е ситуацијата, од министерството немаше никаков интерес и ние одлучивме се да инвестираме сами“, рече Пандов.

Пандов: ВМРО-ДПМНЕ е со збиени редови, пратениците нема да гласаат за уставни измени под овие услови

Ивона Петрова — Tue, 30 May 2023 17:00:54 +0000

Во вечерашната емисија „За или Против“ на ТВ Алфа гостуваше Александар Пандов, од Патриотскиот институт на ВМРО-ДПМНЕ кој во однос на уставните измени истакна дека ВМРО-ДПМНЕ и нејзините пратеници се 100 посто против овие уставни измени и пратениците нема да гласаат за уставни измени под овие услови. „Можат и Стево Пендаровски и Талат Џафери да си ја тераат својата агенда нивната агенда одамна е јасна, а тоа е да спроведуваат штетни политики кон Македонија и македонскиот народ тоа е во континуитет веќе 6 години. Во 2018 го потпишаа оној бугарски договор, поради кој што сега еве е дојдено до тие уставни измени кои треба да се прават, подоцна го потпишаа Преспанскиот договор и тие си ја тераат својата агенда.За цела среќа во Македонија постои ВМРО-ДПМНЕ, партија која што е во буквална смисла на зборот на браникот на македонските национални интереси. Претседателот на Патриотскиот институт на ВМРО-ДПМНЕ ,Пандов додаде и дека ВМРО-ДПМНЕ е со збиени редови и пратениците на ВМРО-ДПМНЕ нема да гласаат за уставни измени. „ВМРО-ДПМНЕ и нејзините пратеници се 100 отсто против овие уставни измени нивно право е тоа да го буткаат и тоа го прават незаконски. ВМРО-ДПМНЕ е против носење на овие уставни измени на ваков начин под овие услови, причините се јасни. Јас во опозиција ВМРО-ДПМНЕ никогаш не сум го познавал покомпактно, по со збиени редови и што е најважно пратеничката група на ВМРО-ДПМНЕ цврсто стои на тоа дека под вакви услови нема да гласаат уставни измени“ нагласи Пандов.

Пандов : Пратеници од ДУИ и СДС поднеле измена на закони за изградба на коридорите, а не го виделе договорот со Бехтел и Енка

Ристе Здравков — Fri, 14 Apr 2023 18:26:32 +0000

Во вечерашното гостување во емисијата „За или против“ на Алфа Телевизија гостуваше претседателот на патриотскиот институт „Гоце Делчев“ при ВМРО-ДПМНЕ Александар Пандов. Тој посочи дека договорот за изградбата на Коридорите 8 и 10д власта го крие што отвора многу сомнежи во јавноста. „Проблемот во Македонија е затоа што толку криминал и корупција гледаме и веќе македонските граѓани се отапени што и да направи актуелната власт на ДУИ и СДС. “, рече Пандов. „Се наоѓаме во ситуација каде го немаме видено договорот со Бехтел и Енка. Имаме пратеници во македонското собрание кои ги поднеле законите за измена а истите тие пратеници главниот договор помеѓу Македонската Влада и Бехтел и Енка го немаат видено договорот склучен“, кажа Пандов. Тој посочи дека актуелната власт нема ништо направено и го има зголемено само Буџетот. „Сега ништо не е направено, буџетот е зголемен неколкукратно а ништо не е направено. Што е најтрагично договорите што се потпишани ние ќе ги плаќаме понатака македонските граѓани а автопати нема да видиме“, изјава Пандов. Тој додаде дека четворица експерти имаат земено по 300.000 евра за месец дена за Коридорите 8 и 10д, а човек со средно образование двојкаш за работа ќе е платен 5,500 евра.

Пандов: Уставни измени под бугарски диктат нема да има, планот на ВМРО-ДПМНЕ е да се спаси Македонија на национален, политички и економски план

Ристе Здравков — Fri, 24 Mar 2023 18:32:22 +0000

„За да дојдеме ние до планот, ние треба да дојдеме до најава за предвремени парламентарни избори, затоа што оваа Влада, овој Парламент нема мандат да го менува Уставот. Не посебно кога над 80% од македонското население отфрла промена на Устав“, истакна Александар Пандов, претседател на Патриотскиот институт на ВМРО-ДПМНЕ во гостување во емисијата „Само вистина“ на Канал 5 телевизија. Пандов додаде дека во првиот и вториот столб, односно во националниот и политичкиот дел од планот ВМРО-ДПМНЕ бара гаранција за македонскиот идентитет, македонската историја, македонската култура и македонскиот јазик. Додека во третиот столб од планот, поточно економскиот дел е за да се подобри економската и финансиска состојба на државата, бидејќи сегашните политики на оваа Влада предводена од СДСМ и ДУИ не носат подобрување. За притисоците кои се зачестени Пандов само го потврди ставот на претседателот на ВМРО-ДПМНЕ, Христијан Мицкоски дека нема ниту милиметар да се отстапи од ставовите за уставните измени. Уставни измени под бугарски диктат нема да има. „Власта со Договорот за добрососедство со Бугарија не вратија во 19-тиот, раниот 20-ти век за да говориме што бил Гоце Делчев, дали Тито и Кардељ не направиле нас Македонци “, рече Пандов. Тој посочи дека ВМРО-ДПМНЕ нема да дозволи веќе власта да ја понижува Македонија и македонскиот народ.

Пандов: Нема да има никакво подобрување со реконструкцијата на оваа Влада, таа е направена за заштита на Артан Груби од страна на „Огнената Група“ во ДУИ

Ивана Ефремовски — Tue, 28 Feb 2023 18:49:31 +0000

„Не мислам дека било какво подобрување ќе има во економскиот дел ниту во било кој дел со оваа реконструкција на Влада. Тотално непознати се предложените кадри во реконструкцијата на оваа Влада“ , изјави Претседателот на патриотскиот институт на ВМРО-ДПМНЕ, Александар Пандов во вечерашното гостување во емисијата „Само вистина“ на Канал 5 Телевизија. Тој додаде дека реконструкцијата на Влада е и заради „Огнената група“ во ДУИ. „Друга работа зошто е оваа реконструкција на Влада направена е заради т.н „Огнена група“ во ДУИ која гледаме дека е многу моќна и многу масовна и на сите внатрепартиски собири имаат супер посетеност и под директен удар на нив е вицепремиер и за што се не министер Артан Груби“, рече Пандов. Пандов посочи дека во оваа реконструкцијата на Влада има министри за кои поима немаме ниту што се ниту кои се тие, а со Димитар Ковачевски, Арган Груби, Бујар Османи, Оливер Спасовски, Бојан Маричиќ или Љупчо Николовски ние не можеме да имаме промена. „Не можеме да имаме македонско национално единство со македонска партија како СДСМ која немакедонски се однесува. Кај нив личниот интерес и партискиот интерес им е се. За жал конкретен пример за тоа е ова со реконструкција на Влада со влез на Таравари кој силно ја критикуваше власта и ДУИ“, вели Пандов. Тој е дециден дека имаме луѓе на власт кој не знаат да кажат не, политички луѓе кои некој нешто не им побарал, а они не испорачале без никаков обзир кон македонските национални интереси. Во институциите во државата внатре имаме криминалци и корумпирани луѓе кои не си ја работат нивната работа.

Пандов: ВМРО-ДПМНЕ ќе направи се за чесно и достоинствено да се прослави 4 февруари

Катерина Бојаџиева — Wed, 01 Feb 2023 19:50:24 +0000

Ние како ВМРО-ДПМНЕ ќе направиме се за чесно, достоинствено да се прослави роденденот на Гоце Делчев на 4 февруари, рече Александар Пандов, прв човек на Патриотскиот институт на ВМРО-ДПМНЕ на гостување во емисијата Што не е јасно што се емитува на телевизија Алфа. Според него секој што гледа со пиете на Гоце Делчев може да дојде на гробот, но не е дозволиво да има навреди како што беше на 13 јануари на чествувањето на Мара Бунева кога имаше низа на несоодветни квалификации за Македонија и Македонците. „Не смееме да дозволиме никој да ги оцрнува револуционерите, гробот пак на Делчев е свето место. Убеден сум дека многумина ќе дојдат во сабота, никој веќе не му се плаши на Оливер Спасовски“, посочи Пандов укажувајќи дека очекува МВР да си ја заврши работата како што треба. Пандов посочи „ние одиме таму да го чествуваме денот, а не да правиме било какви проблеми“. Според него сето ова што се случува во Бугарија, меѓу другото и случајот Пендиков, е затоа што ќе имаат избори и повторно Македонија ја наметнуваат како тема. Пандов се осврна и воопшто на ситуацијата во земјава при што укажа дека единствен начин за излез од ситуацијата е да се одржат избори. „Ние имаме институции во кои довербата е во рамки на статистичка грешка, Проблемот на имање на корумпирани политичари е што тие се уценети, а под уцена прифаќаат се. Таква е ситуацијата во Македонија“, рече Пандов.

Пандов: Негирањето на македонскиот јазик и идентитет од бугарска страна е директно удирање врз македонскиот народ и држава

Тале Кристо — Tue, 31 Jan 2023 20:42:08 +0000

Вечерва ќе се одржи трибина Гоце е Македонија по повод 151 година од раѓањето на македонскиот револуционер, великан, апостол на Македонската Револуционерна Борба, татко на македонската нација Гоце Делчев. Зошто е Гоце Македонија? Не само историската наука, туку и чувството на Македонец кое што го имаме јас или било кој во Македонија е дека токму Гоце Делчев е татко на македонската нација. Не само тука присутните секој еден Македонец, секој еден добро намерен Mакедонец, секој еден кој што ја сака Македонија, треба да го сака Гоце Делчев и чествувањето на неговиот роденден треба да биде радост за секој еден во Македонија. за жал ние сме сведоци дека Македонија се наоѓа во специјална војна под хибриден напад на соседната Република Бугарија, вели Александар Пандов претседател на Патриотскиот институт на ВМРО-ДПМНЕ Гоце Делчев во изјава пред почетокот на трибината во Ѓорче Петров. Пандов потенцираше дека отворањето и именувањето на бугарски клубови во Охрид и Битола и негирање на македонскиот јазик, идентитет и култура од страна на Бугарија е директно удирање врз македонската држава и народ, додавајќи дека верува дека МВР ќе реагира на провокациите и ќе спречи омаловажување на ликот и делото на Делчев доколку се случат на 4ти февруари од страна на бугарски граѓани. Ние сме сведоци на немање на македонската држава. Зошто ова го тврдам? Ако ги тргнеме на страна сите провокации кои претходно доаѓаа што од политичкиот врв на Бугарија, почнувајќи од Румен Радев, министер за надворешни работи, премиер или пратеници, ние дочекавме да во Македонијa се отвораат како ги нарекуваат културни клубови со докажан историски фашист во ликот и делото на Борис Трети и за да тоа биде малку 13 јануари беше чествувањето на тетовчанката Мара Бунева при што ја видовме целата иконографија имавме показна вежба од страна на нивни европратеник со толпа шарлатани кои да потсетам носеа бугарска иконографија, носеа транспаренти Македонија е Бугарија, носеа знаме на ликот со шлем на оној Борис Трети значи повторно ќе речам докажан фашист подеднакво е исто дали со неговиот лик или со Адолф Хитлер носат или со свастика носат знамиња, а притоа да излезат да даваат изјави во кои на највулгарен начин ја плукаат и ударање врз македонската држава и народ. И притоа да видиме дека министерот за внатрешни работи во буквална смисла на зборот не мрдна со прст. Малку беше тоа па ни беше најавено недела дена подоцна од истите тие луѓе дека ќе дојдат на гробот на Гоце Делчев и дека со истата сценографија со истата иконографија, реторика ќе го повторат тоа. За ВМРО-ДПМНЕ и Патриотскиот институт тоа не е дозволено и ние како што е веќе познато на македонската јавност на 4 февруари ќе присуствуваме таму. Она што се информации таму, имаме информации дека и МВР и полицијата ќе бидат таму и сме во надеж дека најжестоко ќе биде спречено било какво омаловажување на ликот и делото на Гоце Делчев, а тоа така ќе биде сфатено не само од мене од секој еден Македонец ако повторно ги слушнеме тие пароли, тоа скандирање, рече Пандов.