александар петровиќ – Kurir.mk

МЗТ го отпушти Петровиќ – Новиот тренер ќе дојде од Србија

Бошко Тасиќ — Sat, 24 Dec 2022 18:22:57 +0000

Поразот од Сплит го вклучи алармо во редовите на македонскиот шампион МЗТ Скопје Аеродром. Клупските челници решија да се разделат со тренерот Александар Петровиќ. МЗТ има лош скор во АБА лигата, победи два пати во 12 натпревари. Победите македонскиот шампион ги забележа против СЦ Дерби и Мега. Петровиќ доби отказ бидејќи загуби на домашен терен од директните конкуренти во борбата за опстанок, Борац и Сплит. Во домашниот шампионат МЗТ забележа девет победи во првите 10 натпревари. „На Петровиќ му благодариме за сѐ што направи на клупата на нашиот клуб и му посакуваме среќа во понатамошната кариера. Потрагата по неговата замена веќе е почната, а со оглед на обрските кои нѐ очекуваат во домашна и регионална сцена, веруваме дека името на новиот тренер ќе можеме набрзо да го објавиме“, стои во клупското соопштение. Наследникот на Петровиќ ќе дојде од Србија. Во конкуренција се двајца тренери Ненад Трајковиќ и темпераментниот Драган Николиќ. Николиќ е поранешен тренер на Карпош Соколи, со оваа екипа играше во финалето од плеј-офот во домашното првенство. Трајковиќ е искусен тренер, кој работеше во Студентски центар. Со овој клуб се раздели во 2021 година. Работел како асистент во познати европски и НБА клубови: Патизан, Реал, Кливленд, Феникс.

АБА лига: Петровиќ разочаран по поразот од Сплит

Катерина Бојаџиева — Fri, 23 Dec 2022 07:38:04 +0000

Тренерот на МЗТ Скопје Аеродром, Александар Петровиќ, изрази разочараност по синоќешниот пораз на македонскиот кошаркарски првак против Сплит на домашен терен (80-85) во рамки на регионалната кошаркарска АНА лига. -Игравме како што се договоривме до последната четвртина во која апсолутно не бевме активни во нападот. Премногу ја држевме топката, немавме контрола на офанзивните акции и сето тоа ни се одрази. Две грешки во одбраната доведоа до две тројки и тоа беше веќе крај, изјави Петровиќ. -Ова е навистина тежок пораз иако има уште многу да се игра во лигата. Штета е на ваков начин да се губи натпревар во кој имаш контрола. Сметам дека имавме големи шанси да победиме, ама тоа не се случи, додаде стратегот на МЗТ Скопје. Македонскиот претставник во АБА лигата со овој пораз остана на дното на табелата, а до крајот на оваа година го очекува тешко гостување во Загреб против на 30. декември.

Петровиќ: Бевме надиграни во секој сегмент на кошаркарската игра

Бошко Тасиќ — Fri, 16 Dec 2022 21:53:54 +0000

Тренер на македонскиот кошаркарски шампион Александар Петровиќ има причина за загриженост по новото слабо издание на МЗТ Скопје и убедливиот пораз на гостувањето против Задар. На кормиларот на „металците“ на прес-конференцијата по мечот не му преостана ништо друго освен да му честита на поквалитетниот противник.

„Честитки на тимот на Задар на феноменалниот натпревар. Бевме надиграни во секој сегмент на кошаркарската игра, доминираа во скокот, имаа и двојно повеќе желба да се надигруваат од моите кошаркари. Таквиот пристап им ја донесе оваа убедлива победа“, кратко изјави Петровиќ по поразот.

Петровиќ: Со ваква игра не се опстанува во една од најсилните лиги во Европа

Бошко Тасиќ — Sat, 10 Dec 2022 18:02:03 +0000

Тренерот на македонскиот кошаркарски шампион, Александар Петровиќ, по поразот од Борац потенцираше дека со ваква игра и ваков ростер тешко може да се опстане во една од најсилните лиги во Европа. „Од почетокот бркавме резултат, се чувствуваше дека ни фали еден плејмејкер. Не можам да им забележам на играчите на залагањето, а проблемите кои ги имавме неделава (неочекуваното заминување на Ајви-н.з.) не се алиби. Има уште многу да се игра, но секој натпревар за нас е важен. Не смееме да си дозволуваме да губиме на домашен терен, но факт е дека бевме разнишани од целата ситуација во клубот. Одиме понатаму, ќе работиме, веројатно в понеделник ќе добиеме нов плејмејкер. Потребни ни се засилувања, тоа не е спорно. Ова е една од најсилните лиги во Европа, ако остане вака ќе ни биде тешко. Пред нас се натпревари со Задар, Сплит и Цибона, некаде мора да се вадиме. Жал ми е за публиката. Лошо шутиравме, како да бевме во грч, Борац нѐ натскока, примивме шутеви преку рака. Го загубивме натпреварот во првиот дел, иако се вративме на два разлика, не успеавме да го свртиме резултатот“, изјави Петровиќ.

Петровиќ: Во првиот дел одбраната ни беше шуплива како „сирење“

Бошко Тасиќ — Mon, 05 Dec 2022 06:15:22 +0000

Тренерот на македонскиот кошаркарски шампион Александар Петровиќ на средбата со новинарите го анализираше настапот на неговиот тим на мечот о Игокеа. „Честитки до екипата на Игокеа за победата, ова беше интересен натпревар. Дојдовме до ситуација да поведеме на две минути пред крајот, меѓутоа Харис Делалиќ погоди две тројки и ја донесе победата за Игокеа. Можам да сум задоволен од второто полувреме, бидејќи во првото не го одигравме договореното, обраната ни беше шуплива како „сирење“. Во продолжението ја променивме одбраната, конечно натскокавме една екипа, и тоа тим како Игокеа. Имавме шанса која ја испуштивме, па се насочуваме кон следното коло и мечот со Борац“, изјави Петровиќ. МЗТ Скопје се наоѓа на 12. позиција во АБА лигата, а во наредната рунда ги очекува битка со Борац кој е еден чекор поназад.

Петровиќ: Ако ни се укаже можност, ќе сториме сè да го изненадиме силниот домаќин

Бошко Тасиќ — Sun, 04 Dec 2022 07:16:58 +0000

Кошаркарите на МЗТ Скопје Аеродром гостуваат кај Игокеа во рамките на АБА лигата. По домашната победа над Мега Лекс македонскиот кошаркарски шампион оди во Лакташи за нов предизвик на Јадранот. Во пресрет на натпреварот своите очекувања ги изнесе тренерот Александар Петровиќ. „Пред сè, очекувам добар натпревар бидејќи Игокеа е една од екипите кои играат најубава кошарка во АБА лигата. Најопасна им е надворешната линија, на која ќе посветиме внимание при подготовката за дуелот. Ако успеееме да ги сопреме нивните бекови и ја исконтролираме играта два на два, тогаш ќе може да се надеваме на добар резултат. Во Лакташии сигурно нема да одиме да се предадеме однапред, туку одиме да се бориме до крајот. Ако ни се укаже можност, ќе сториме сè да го изненадиме силниот домаќин“, изјави Петровиќ.

Петровиќ до АБА: Треба да се лимитира бројот на странци во клубовите

Бошко Тасиќ — Thu, 01 Dec 2022 06:24:59 +0000

Хрватскиот кошаркарски стратег, Александар Петровиќ, смета дека АБА лигата треба да ја разгледа опцијата за ограничување на бројот на странци во регионалните тимови. Со години се зборува за бројот на странски кошаркари во тимовите, а тоа конкретно се случува со двата најголеми српски клуба. -Еве еден предлог до АБА лигата. Треба да го ограничиме бројот на странци и да дозволиме играчите од регионот да не влегуваат во квотата на странци. Но, кога тимовите играат во Евролигата или Еврокупот, можат да играат со 12 странци ако сакаат и имаат финансиска покритие за тоа, е ставот е Петровиќ.

Петровиќ: Моите играчи беа одлични

Бошко Тасиќ — Mon, 28 Nov 2022 05:55:27 +0000

Тренерот на македоснкиот кошаркарски шампион МЗТ, Александар Петровиќ изјави дека неговиот тим одигра одлично и дека имаше контрола на целиот натпревар. – Тоа што се договоривме, момците го испочитуваа. Пак малку затаивме во првото полувреме во скокот. Но, со добра игра го регулиравме скокот во вториот дел. Ривалот во првиот дел имаше 10 офанзивни скокови, а три-четири во второто полувреме на почетокот од третата четвртина. Во тој сегмент беа подобри, но ние бевме одлични во сите други параметри. Имавме седум играчи со двоцифрен број на поени, дисциплината беше на врвно ниво, презадоволен сум. Одиме напред, ништо не е решено, ова е голема победа за нас. Со едно залагање, со тимска игра можеме да направиме добри резултати сезонава со цел да се обезбеди опстанок – рече Петровиќ по мечот со Мега МИС. Следен јадрански ривал на македонскиот шампион е Игокеа на која ѝ гостуваат следната недела.

Петровиќ: Немавме среќа, покажавме карактер

Бошко Тасиќ — Fri, 18 Nov 2022 20:24:59 +0000

Тренерот на македонскиот кошаркарски шампион МЗТ Скопје Аеродром Александар Петровиќ по средбата му честита на противникот, но и на своите момци за покажаниот карактер. „Во третиот период се вративме по негатива со 15 поени, дојдовме на еден посед од победа, но немавме среќа во финишот. Причина за поразот гледам во скокот, имавме 15 скока помалку од ФМП, поради што ќе мора да поработиме на тој сегмент од играта. Честитки и за моите момцина покажаниот карактер“, изјави Петровиќ. Аеродромци сега се на скор 1-6, а прва следна шанса за втора победа во регионалното натпреварување ќе ја имаат на 27 ноември на домашен терен против Мега баскет.

Петровиќ: Ривалот нè натскока и повеќе ја посакуваше победата

Бошко Тасиќ — Fri, 04 Nov 2022 19:44:25 +0000

По средбата со Морнар, на прес-конференцијата зборуваше тренерот Александар Петровиќ кој ги изнесе своите импресии. „Честитки до Морнар за победата. Јас го гледам поразот во скок играта, имаа доста, дури 12 офанзивни и потоа реализираа отворени шутеви. Во третиот период не реализиравме контра напади, направивме грешки и фрлавме во аут. Нè фати некаква непотребна паника, а ривалот знаеше што сака во нападот. Расел и Михаиловиќ ја држеа топката и кога требаше погодуваа и делеа асистенции. Скокот ни беше катастрофален, па сметам дека тука ја загубивме средбата. Штета, добро отворивме, ама не успеавме. Падот на енергијата беше клучен, тие едноставно повеќе ја посакуваа победата. Ова е тешка лига, можеби нас ни недостигаат неколку играчи, ама имавме и кадровски проблеми. Како и да е, МЗТ ќе се бори во продолжението од сезоната за подобри резултати“, изјави Петровиќ. Следи репрезентативна пауза, а потоа во седмото коло МЗТ Скопје гостува кај ФМП во јадранското друштво.