Српски историчар за „Алфа“: Македонија ќе се преименува и федерализира

Александар Михаилов — Fri, 29 Dec 2017 17:24:12 +0000

Александар Раковиќ, вели дека е извесно оти врвот на македонската влада веќе дала некакво ветување за промена на името. Централнобалканска република е името за промена на македонското, што го предлага коалициониот партнер во грчката влада, партијата „Независни Грци“. Во интервју за грчко радио ова го изјави потпретседателот на партијата Панајотис Сгуридис. „Оваа држава може да игра важна улога на Балканот и нивната интеграција во Европската Унија, нивната интеграција во НАТО ќе создаде продуктивност на Балканот. Според тоа треба да постои без иредентизам и затоа го предлагаме името Централнобалканска република. Она што ние го предлагаме е и дека во еден таков случај треба да постои и референдум“ , вели Сгуридис за грчко радио „Фокус“. Овој предлог се совпаѓа со последната порака на министерот за одбрана Панос Каменос, кој категорично рече дека е против решение за спорот во кое ќе се содржи нашето име. Дека Централнобалканска република е во игра, за Алфа изјави и српскиот историчар од Институтот за понова историја на Србија, Александар Раковиќ. Вели дека ова го знае од добро упатени високи извори во Македонија, кои располагаат со релевантни информации. Освен ова историчарот зборува и за федерализација на Македонија по белгиски модел. -Централнобалканска република е предлог кој постои од порано и секогаш бил неприфатлив. Не е прв пат овој предлог да циркулира како можно решение за името на Република Македонија. Можеби на ова би се согласиле и Грците, оти го нема името Македонија во себе. Но многу повеќе загрижувачки е што постојат сериозни индиции дека се подготвува федерализација на Македонија по етнички принципи, по белгиски модел. Постои Република Илирида на запад, Република Македонија на исток и Скопје, Раковиќ. Раковиќ вели дека е извесно оти врвот на македонската влада веќе дала некакво ветување. -Извесно е дека македонскиот премиер Зоран Заев нешто ветил, дека добил поддршка за тоа, и извесно е дека се работи за идентитетот на Република Македонија. Тоа се гледа во неговите изјави и е јасно, додава Раковиќ. Грчката опозициска Неа Демократија останува на ставот дека нема да дадат поддршка за решавање на спорот за името ако Ципрас и Каменос не се договорат за заедничка позиција.

Српски историчар тврди: Ова ќе биде новото име на Македонија

Курир — Fri, 29 Dec 2017 11:47:20 +0000

Српскиот историчар Александар Раковиќ во изјава за српските медиуми вели дека е договорено новото име на нашата земја. После влезот на Црна Гора во НАТО, следен чекор на Вашингтон на Балканот ќе биде решение за кризата во Македонија, државата треба да добие ново име за да се реши деценискиот спор со Грција и да се овозможи прием во НАТО. Историчарот др. Александар Раковиќ изјави дека наместо досегашната Република Македонија, односно Поранешна Југословенска Република Македонија (ПЈРМ), сега е договорено ново име- Централнобалканска република (ЦБР).

александар раковиќ – Kurir.mk

Српски историчар за „Алфа“: Македонија ќе се преименува и федерализира

Српски историчар тврди: Ова ќе биде новото име на Македонија