Александар Станков – Kurir.mk

Станков за Топ Тема: Најголем број од човечките тела се пронајдени кај задната врата од автобусот, која за жал не можела да се отвори

Катерина Бојаџиева — Mon, 29 Nov 2021 18:19:55 +0000

Директорот на судска медицина Александар Станков не може да зборува за причините за несреќата, но вели дека посмртни останки биле пронајдени на неколку места во автобусот а во најголем број кај задната врата која за жал не можела да се отвори. Директорот на судска медицина, Александар Станков не може да зборува за причините за несреќата но вели дека тела биле пронајдени на неколку места во автобусот, а во најголем број кај задната врата која за жал не можела да се отвори. Судските вештаци беа на лице место заедно со обвинителите веднаш по несреќата. Двајца експерти се од неделата заминати во Софија каде ќе ја мониторираат или ќе помагаат доколку е потребно во идентификацијата на жртвите. Можно е таа да да заврши до крајот на неделава, а потоа нашата држава да организира транспоорт на посмртните останки до роднините.

Станков за МИА: Додека не заврши ДНК анализата, не може да се утврди точниот број лица настрадани во несреќата

Катерина Бојаџиева — Thu, 25 Nov 2021 11:19:33 +0000

Директорот на Институтот за судска медицина Александар Станков во изјава за МИА вели дека на местото на автобуската несреќа во Бугарија се пронајдени 44 тела и остатоци од тела, коишто ќе се поврзат со ДНК анализата. –Додека не заврши ДНК анализата не може да се утврди точниот број на настрадани лица. Направени се 44 обдукции, но увидени се и остатоци од тела коишто ќе се поврзат со ДНК анализата. Треба да почекаме да се испитаат овие остатоци и тогаш точно ќе видиме колку лица биле настрадани, изјави Станков за МИА. Станков потврди дека кога ќе бидат готови извештаите од македонските лекари од судска медицина, кои овие денови беа во Софија, истите ќе бидат предадени на бугарските власти. Претходно, портпаролката на главниот обвинител на Бугарија Сијка Милева, на прес-конференција со заменик-јавниот обвинител на Бугарија Борислав Сарафов изјави дека на местото на трагедијата се пронајдени 44 тела. Таа информира дека се сретнала со преживеаниот маж кој и раскажал како го скршил стаклото на автобусот и рекол дека спасил осум лица, а не седум. –Според податоците со кои располагаме, патувале 52 лица, ние пронајдовме 44 тела, а се хоспитализирани седум лица – четворица мажи и три жени. Останува големата загатка, каде е осмото лице. Работиме на таа верзија, не сакаме да шириме дезинформации, може да се работи и за лошо сеќавање на сведокот, истакна Милева.

Директорот на судска медицина контра бугарските обвинители: Видов 44 целосни тела и делови од 45-то тело

Катерина Бојаџиева — Thu, 25 Nov 2021 11:03:06 +0000

Директорот на институтот за судска медицина доктор Александар Станков во телефонска изјава за „Слободен печат“ вели дека завршени се 44 обдукции на целосни тела, но и делови од 45 тело. Станков децидно тврди дека видел делови од 45-то тело. Неговото тврдење е спротивно на тврдењето на бугарското обвинителство дека на местото на трагедијата се пронајдени 44 тела, а дека 8 лица се спасиле од несреќата. -Можно е некој од туристите да се качил на територијата на Бугарија во некој од другите автобуси на туристичката група и затоа патниците се еден помалку, изјави шефот на тимот истражители што го истражува случајот Маријан Маринов. Според него, има сведоштва од бензинската пумпа каде одмарале автобусите, дека патниците биле разменети во возила.