александар ставрев – Kurir.mk

Александар Ставрев ќе го суди финалето од фудбалскиот Куп на Македонија

Бошко Тасиќ — Mon, 17 May 2021 19:26:42 +0000

Македонскиот најдобар судија, Александар Ставрев, ќе биде главен судија на финалето во Купот на Македонија. Финалето на националниот куп е на програмата е во среда на Националната Арена во Скопје. Познато е дека во битката за пехарот се среќаваат екипите на Академија Пандев и Силекс, а мечот стартува во 19:00 часот. На Ставрев ќе му помагаат Дејан Костадинов и Гоце Петрески, додека четврти ќе биде Марјан Маркоски, кој со овој меч веројатно се простува од својата долгогодишна успешна судиска кариера.

Александар Ставрев го судеше големото грчко дерби ПАОК- Олимпијакос

Бошко Тасиќ — Sun, 18 Apr 2021 19:00:01 +0000

Македонскиот фудбалски судија Александар Ставрев го судеше големото грчко дерби помеѓу ПАОК и Олимпијакос кој се одигра на „Тумба“ стадионот во Солун. ПАОК славеше со 2:0 со двата гола на срспкиот фудбалер Живковиќ во второто полувреме. И покрај многуте прекршоци на мечот ги имаше вкупно 35 фаули Ставрев покажа само два жолти картони и двата за гостите од Пиреја. И покрај поразот Олимпијакос е прв на табелата со 76 бодови, вториот Арис има 57, а ПАОК е трет со 54 бода исто колку и АЕК на четвртото место.

Александар Ставрев ќе биде главен судија на мечот Кипар-Словачка

Бошко Тасиќ — Sat, 20 Mar 2021 09:48:09 +0000

Најдобриот македонски фудбалски судија Александар Ставрев е одреден да биде главен судија на квалификациската средба за пласман на Светското првенство 2022 меѓу Кипар и Словачка која ќе се игра на 24. март во Никозија. Ќе му помагаат Дејан Костадинов и Гоце Петрески, а четврти судија е Игор Стојчевски. Покрај Ставрев и Стојчевски, од Македонија со знакот на ФИФА за главен судија е уште и Дејан Јакимовски, кој поради повреда и ангажираноста на работното место не судеше минатата година.

Единствениот контролор на судење од Македонија, претседалот на Судискиот одбор на ФФМ, Емил Божиновски, кој пред две недели беше контролор на мечот од Лига на Европа меѓу Гранада и Молде, доби уште една задача од УЕФА. Ќе биде контролор на судење на квалификациската средба за Светското првенство на 31. март меѓу репрезентациите на Сан Марино и Албанија.

Ќе патува и единствениот делегат за меѓународни натпревари од нашата држава Васко Дојчиновски. На 25. март ќе биде делегат исто така на квалификацискиот натпревар за Светското првенство меѓу Бугарија и Швајцарија што ќе се игра во Софија.

Александар Ставрев ќе биде главен судија на мечот Шкендија-Вардар

Бошко Тасиќ — Wed, 24 Feb 2021 18:29:05 +0000

Најдобриот македонски фудбалски судија Александар Ставрев е делегиран да биде главен судија на мечот меѓу големите ривали, Шкендија-Вардар, средба која ќе се игра во недела од 14 часот. Натпреварите од 20 коло започнуваат со дуелот Работнички – Силекс, га лавен судија е Грујоски од Кичево, аспирантот за титулата, Шкупи ја пречекува Академија Пандев со стружанецот Качевски како главен судија. Иванов од Велес ќе ја дели правдата на средбата Пелистер-Ренова, Трпчевски од Кавадарци е главен на мечот во Струмица, Беласица го пречекува тимот на Струга ТЛ, додека Стојчевски од Скопје ќе го суди мечот меѓу Македонија и Борец во Ѓорче Петров.

Александар Ставрев ќе го суди натпреварот Ференцварош-ЦСКА од ЛЕ

Ивона Петрова — Mon, 04 Nov 2019 11:26:04 +0000

Македонскиот судија Александар Ставрев ќе ја дели правдата на натпреварот во групната фаза од Лигата на Европа меѓу Ференцварош и ЦСКА, објавено е на веб-страницата на УЕФА. Натпреварот во Х-групата ќе се одржи на 7 ноември во Будимпешта. На Ставрев ќе му помагаат Маријан Кировски и Дејан Костадинов. Четврти судија ќе биде Димитар Мечкароски.

Ставрев ќе суди на натпреварот меѓу Малме и Бешикташ во Лига Европа

Ристе Здравков — Mon, 01 Oct 2018 14:42:41 +0000

Македонскиот фудбалски судија Александар Ставрев ќе суди на натпреварот од групата И во Лига Европа меѓу Малме и Бешикташ. Натпреварот ќе се игра во Шведска на четврти октомври на стадионот во Малме, а помошници на Ставрев ќе му бидат Марјан Кировски и Дејан Костадинов, додека четврти судија е Никола Караколев. За Ставрев ова ќе биде четврти натпревар во Лига Европа сезонава, откако претходно судеше на натпреварите Лајпциг - Хакен (второто квалификациско коло), Брага - Зорја (третото квалификациско коло) и плеј-оф натпреварот меѓу Карабах и Шериф.