Александар Стојанов – Kurir.mk

СВР-Штип распиша потерница по Александар Стојанов од Кочани

Катерина Бојаџиева — Wed, 15 Mar 2023 14:17:09 +0000

Распишана е централна потерница за Александар Стојанов познат како Џуката од Кочани, кој од куќен притвор се дал во бегство, потврди за МИА, портпаролот на СВР-Штип, Гордана Панајотова. Стојанов е повеќекратен сторител на кривични дела, а последното го има сторено на 27 февруари, кога физичка ја напаѓа адвокатката Цветанка Тунџева, полномошник на неколку жртви во случаите за кои е обвинет Стојанов. Тунџева вели дека по брзо и професионално постапување на Јавниот обвинител и на судија на претходна постапка му била определена мерка притвор во траење од осум дена во Куманово, но по истекот на затворскиот притвор кривичниот судски совет во Основниот суд во Кочани носи одлука Стојанов да замине во куќен притвор. -По истекот на осумте дена кривичниот совет при Основен Суд Кочани мерката притвор му ја земани со домашен притвор, без никаква релевантна и оправдана причина. Од овде е и прашањето зошто е куќен притвор, кога знаеме дека се работи за познат строител на кривични дела, за лице кое има повќе преставки, за лице кое повеќе пати се дава во бегство и самиот кривичен совет знае дека со куќниот притвор не може да го обезбеди, ниту МВР не може да го обезбеди и тоа се случи, вели Тунџева. Стојанов и Тунџева денеска требаше да се соочат на првото судско рочиште за физичкиот напад во нејзината канцеларија, но полицијата не може да го обезбеди, бидејќи меѓу 13 и 14 март е даден во бегство и не е пронајден во неговиот дом. Тунџева посочува дека Стојанов кој е познат на кочанската јавност по низата сторени кривични дела разбојништо, изнуда и насилство пред две години во судница има нападнато и судија при изрекување на пресуда.

Почина познатиот штипски гинеколог Стојанов, доживеал инфаркт во Грција

Ивона Петрова — Thu, 22 Jul 2021 09:35:26 +0000

Познатиот доктор и поранешен директор на Клиничката болница Штип, Александар Стојанов почина. Според информации на ТВ Стар доктор Стојанов починал во Грција. -Ненадејно во Грција почина познатиот штипски гинеколог-специјалист, д-р Александар Стојанов кој пред неколку години беше и директор на Клиничката болница -Штип, објави телевизијата. Штипската телевизија „Стар“ објави дека Стојанов претрпел масивен инфаркт.

„Нема доволно вакцинирани и луѓето уште умираат од ковид“ – доктор Стојанов смета дека свадбите не треба да се дозволат

Ивана Ефремовски — Fri, 28 May 2021 10:25:29 +0000

Мерките кои ги предложи Комисијата за заразни болести, да се дозволат свадби со половичен капацитет на присутни и да се зголеми бројот на присутни на една маса во рестораните и кафулињата се преуранети и не треба да се имплементираат, затоа што опсегот на вакцинирани граѓани е мал, колективниот имунитет не е постигнат, а бројот на починати пациенти од коронавирусот е голем. Ова за Слободен печат го тврди поранешниот член на Комисијата за заразни болести и екс директор на Центарот за јавно здравје Скопје, професор доктор Александар Стојанов. -Преуранети се дел од мерките. Дозволувањето на свадбите не треба да се прави и тоа сметам дека е најмногу од се, притисок од угостителите. Свадбите се притисок од свадбарите, кои во текот на целата пандемија и онака работеа и ги прекршуваа протоколите. Никој не се придржуваше до протоколите да се почитува бројот на гости на една маса, масите беа преблиску поставени една до друга, и јас лично не би ги пуштил свадбите имајќи ја предвид оваа блиска слика од минатото. Што се однесува до мерката да не се носат маски на отворено, сметам дека таа мерка е оправдана, со оглед на тоа што и досега немаше логика. Меѓутоа, дефинитивно не сум поборник да се опуштаат мерките затоа што смртноста во нашата земја не е занемарлива работа. Точно е дека падна бројот на новозаболени, ама не доволно за се така лефтерно да се опушти. Уште немаме доволен број на вакцинирани за да кажеме дека имаме колективен имунитет, кој се создава со вакцинација барем на 60 проценти од населението. Ние сме далеку од таа бројка, изјави доктор Стојанов за Слободен печат.