александар стојкоски – Kurir.mk

Стојкоски: Институциите да не молчат за опасниот отпад од отровно олово складиран во Орман и да превземаат мерки што е можно побргу

Тале Кристо — Wed, 01 Nov 2023 18:37:30 +0000

Во вечерашната емисија „За или Против“ на Алфа Тв гостуваше градоначалникот на општина Ѓорче Петров, Александар Стојкоски кој што истакна дека проблем број еден е опасниот отпад од отровно олово складиран во Орман а институциите да не молчат и што е можно побргу да дејствуваат во интерес на заштита на животната средина и граѓаните. „Во делот на заштита на животната средина многу е важно не само за општината Ѓорче Петров, не само за Скопје, можеби и за државата проблем број еден е опасниот отпад од отровно олово складиран во Орман. Ингеренциите ги има државниот инспекторат за животна средина. Но важно е тоа дека го лоциравме проблемот, течат сите постапки и оние кои што беа од наша страна во моментот целосно законски исполнети. Целата работа ја превзема државниот инспекторат за заштита на животната средина. Чекаме одговори и мерките да ги видиме кои ќе бидат превземани во однос на прекршителите“ истакна Стојкоски. Стојкоски посочи дека компанија е единствена во тој дел која што се занимава со таков тип на преработка а дали ги има потребните дозволи за да го работи тоа во моментов треба да испитаат институциите. „Мислам дека таа компанија е единствена во тој дел која што се занимава со таков тип на преработка дали ги има потребните дозволи за да го работи тоа во моментов и тој момент треба да се испита тоа е исто така надлежност на министерството за животна средина, дали ја поседува А интегрираната дозвола за работа со ваков тип на опасни материјали, дали е во постапка и мислам дека треба и на тој момент да се фокусираме “ посочи Стојкоски. Стојкоски додаде дека се работи за преработки кои што се од олово што е доволно сериозно само по себе и институциите треба да превземаат мерки што е можно побргу. „Поминаа неколку дена, до сега требаше да се вклучи министерството за внатрешни работи, да се вклучат и други надлежни органи, можеби обвинителството, да се покренат одредени постапки по службена должност бидејќи како што кажав ние имаме право на одредено дејствување до одреден момент понатаму ингеренциите ги превземаат повисоките институции. Како се делува, дали се делува во тој правец со каква динамика не знам но би сакал нештата да се случуваат многу побргу. Се работи за преработки кои што се од олово доволно сериозно само по себе тие истите преработки треба да се депонираат на соодветен таков тип на депонија, таков тип на депонија барем во околината на Скопје нема и не сум сигурен дури и дека има и во Македонија“ кажа Стојкоски.

Стојкоски: Пречистителната станица во Орман ги задоволува најсовремените европски и светски стандарди

Тале Кристо — Thu, 26 Oct 2023 10:39:44 +0000

Денеска заедно со претседателот на ВМРО-ДПМНЕ, Христијан Мицкоски и пратеникот Бојан Стојаноски сме на локација во селото Орман каде што вршиме увид на завршните градежни работи на новата пречистителна станица која што се изгради и која што има за цел да ги прибере фекалните води од селото Орман, изјави денеска градоначалникот на општина Ѓорче Петров Александар Стојкоски. -Оваа пречистителна станица можам да кажам дека сум многу горд затоа што пред се е македонски производ и сите компоненти на оваа пречистителна станица се македонски. Истата таа пречистителна станица ги задоволува најсовремените европски и светски стандарди за третман на отпадни води. И работи по принципот на биолошки филтер со микроорганизми и ќе задоволи капацитет во моментот некаде и до 1.200 еквивалент партиципиенти зборувам како население во овој дел на селото, рече Стојкоски. -Самата изградба на пречистителна станица финансирана е со 20% од Општина Ѓорче Петров, исто толку и министерството за локална самоуправа, а остатокот од парите се финансирани преку ЕУ, преку проектот за меѓугранична соработка со општината Ново Брдо во Косово. И тоа ни даде еден дополнителен мотив бидејќи е прв проект во општината кој што го работиме со меѓународна поддршка и прекугранична соработка. И со изградбата на оваа пречистителна станица и фекалниот колектор од 600 метри кој што го направивме го затвораме процесот со решавање на фекалните води во селото Орман. Бидејќи претходно преку програмата на ТАВ се реализираше целосно нова примарна и секундарна канализациона мрежа овдека со вкупна должина некаде околу 3.600 метри. Тоа ќе значи еден голем благодет за луѓето во овој дел на Ѓорче Петров и исто така ќе значи многу за зачувување на животната средина во овој дел бидејќи сите тие септички јами кои што досега постоеја во овој дел ќе заминат во историјата. И практично во руралниот дел на Ѓорче Петров е втора пречистителна станица, втората пред повеќе од десет години ја отворивме во селото Ново Село која што служи да ги прими водите на Волково, Ново Село, Кисела Јабука, Стопански двор, и сега еве ова за овој дел од општината, изјави градоначалникот Стојкоски. Со почит,

СЛЕДЕТЕ ВО ЖИВО: „Важно е! Од тебе зависат промените“ во Ѓорче Петров, Мицкоски и Стојкоски на увид

Ивана Ефремовски — Thu, 26 Oct 2023 08:57:01 +0000

Денеска (26.10.2023) со почеток во 11:45 часот, претседателот на ВМРО-ДПМНЕ, Христијан Мицкоски заедно со градоначалникот на општина Ѓорче Петров, Александар Стојкоски, во рамките на активноста „Важно е! Од тебе зависат промените“, ќе извршат увид на градежни активности на пречистителна станица во населено место Орман. По завршувањето на настанот изјава за медиуми ќе даде Христијан Мицкоски. Изјавата можете да ја следите во живо на линкот во продолжение:

Стојкоски: Општина Ѓорче Петров стои на располагање за брзо и ефикасно дислоцирање на опасниот отпад од преработка на акумулатори и батерии во село Орман

Тале Кристо — Wed, 25 Oct 2023 11:28:22 +0000

Оваа нова ситуација која што ја имаме со откриената депонија во Орман, која што е лоцирана на приватен имот е откриена од страна на нашиот општински инспектор за животна средина. Среќа што ние сепак имаме инспектор, дел од општините немаат, во тој дел кубуриме со ресурси. Отпочнати се сите правни процедури како што треба, вчера излезе и државниот инспектор за животна средина, Генералниот инспектор зема мостри точно да се утврди што е и дадени се налози за отстранување на овој отпад од локацијата каде што е пронајден и имаат рок од 30 дена, вели градоначалникот на општина Ѓорче Петров, Александар Стојкоски во денешното гостување на утринска емисија на Канал 5 телевизија. Стојкоски посочи дека како општина постапиле законски во согласност со нивните ресурси и ќе прават голем притисок бидејќи е сериозен проблем, се работи за отпад за кој што треба да се обезбеди депонија со А интегрирана дозвола, која што во регионот во Скопје ја нема, а мисли и дека во Македонија не постои таков тип на депонија. „Тоа е отпад од преработка на акумулатори, батерии што значи оловна преработка, за каков точен тип јас не сум доволно стручен да зборувам, тоа ќе го покажат лабораториските испитувања, но во секој случај е сериозно посебно затоа што местото не е бетонски изолирано, може со секој продор на вода и врнежи на дожд за сето тоа да се влее во почвата и понатаму во подземните води. Јас сум сериозно загрижен, будно ќе го следиме случајот ги повикувам и медиумите заеднички да делуваме со сите форми на притисок за да може сето тоа да се заврши што е можно побрзо за да не ни се случи ситуација како линданот во Охис, кој што со децении стои, сите го знаеме проблемот, но се наоѓаат парцијални или никакви решенија“, рече Стојкоски. Вели дека општината стои на располагање за обезбедување, ако се потребни, дополнителни средства за дислокација на опасниот отпад, при што додаде треба да има зачестени контроли за да се спречи настанувањето на диви депонии. „Ние како општина стоиме на располагање ако треба да обезбедиме дополнителни средства и што и да било друго што ќе се побара од нас како законска обврска да го исполниме и со позачестени контроли треба да го спречиме настанувањето депонии на вакви локации. Ние имаме многу отпадни места кои што луѓето ги злоупотребуваат, а тие се оние најубавите покрај реки, во шуми каде што има помала фреквенција на луѓе и на тие места, најчесто, за жал се формираат диви депонии“, истакна Стојкоски.

Стојкоски: Се утврдува составот на најдениот отпад, со најбрзи рокови пристапуваме во интерес на здравјето на граѓаните

Ивана Ефремовски — Tue, 24 Oct 2023 12:53:53 +0000

Отворен е предмет како постапка за отпадот кој го лоцираше инспекторот од општина Ѓорче Петров, во близина на селото Орман. Информиран е Државниот инспекторат за животна средина и случајот е даден на понатамошно постапување. Градоначалникот на Ѓорче Петров, Александар Стојкоски, денес истакна дека од страна на овластениот инспектор даден е рок, согласно закон, од 30 дена за да се дислоцира отпадот кој што е пронајден. -Во координација сме со Државниот инспекторат за Државниот инспекторат за животна средина. И во моментов се на терен за да го утврдат точно составот за да видиме за каков отпад станува збор. Максимално гледаме да ги запазиме сите процедури, со најбрзи рокови да пристапиме во интерес на здравјето на граѓаните да може тоа што е можно побрзо да се дислоцира, истакна градоначалникот. Целата негова изјава на оваа тема, проследете ја во продолжение:

Стојкоски: Општина Ѓорче Петров добива нова и ефикасна општинска зграда, жителите повеќе нема да трчаат на 5 различни локации

Катерина Бојаџиева — Wed, 20 Sep 2023 16:54:06 +0000

Добредојдовте во Општина Ѓорче Петров на 20 септември – Денот на општината Ѓорче Петров, ден на кој славиме 27 години постоење на општината како единица на локалната самоуправа и 107 години од формирање на населеното место Ѓорче Петров, истакна Александар Стојкоски, градоначалник на општина Ѓорче Петров. -Денеска сме пресреќни затоа што можеме да го означиме и официјалниот почеток, односно влезот во новиот општински објект кој се реализираше во изминатите 10 години денес ја имаме можноста свечено да го отвориме, да присуствуваме на еден ваков настан со кој ќе го одбележиме почетокот на новиот дом во Ѓорче Петров. Сакам да се заблагодарам на сите чинители кои имаа можност досега да бидат вклучени во реализацијата на овој капитален проект, кој и носи на општината 1200 метри квадратни административен простор, во кој конечно на едно место ќе работат сите служби наместо просторот кој го користевме досега на 5 различни локации. Многу ќе им олесни на жителите во извршување на нивните потреби кои ги имаат од страна на општинските служби, а воедно и многукратно ја зголемуваме функционалноста и оперативноста на општинската администрација Би истакнал и нешто друго што е многу важно, се наоѓаме пред сериозни искушенија поминавме енергетска криза, овој објект е енергетски ефикасен и во изминатиов период ги реализиравме можеби за повеќе од 50% сите трошоци кои ги имавме во делот на електрична енергија, а секако ќе реализираме други трошоци кои се јавуваат како резултат на последното движење на локациите кои ги имаме. Горд сум што бев вклучен во овој проект од самиот стар, најпрвин како претседател на Советот, и еве сега во функција на градоначалник да го означиме стартот на новата општинска зграда, додава Стојкоски.

Стојкоски: Бранителите од 2001 од Ѓорче Петров конечно добиваат низа поволности за своите семејства

Тале Кристо — Fri, 15 Sep 2023 10:24:26 +0000

Бранителите од 2001 од Ѓорче Петров конечно добиваат низа поволности за своите семејства, објави на социјалната мрежа на Фејсбук градоначалникот на општина Ѓорче Петров Александар Стојкоски. Бранителите од 2001 година се нашата гордост. Нивната храброст е лекција за сите како се сака државата и како се брани интегритетот. Советот на Општина Ѓорче Петров во изминатите две години носи одлуки во нивна чест, но и одлуки кои имаат за цел финансиско олеснување на секојдневието на нивните семејства. На предлог на претседателот на Советот на Општина Ѓорче Петров Ленче Нелоска, којашто на една од изминатите седници ја поднесе иницијативата, советниците на денешната седница позитивно се изјаснија по точките посветени на овие македонски херои кои ги изгубија своите животи во конфликтот во 2001 година. Со денешната одлука, припадниците на безбедносните сили на Република Македонија и членовите на нивните семејства, жители на Општина Ѓорче Петров, кои се родители на деца се ослободуваат од плаќање на месечните износи на цените на услугите што ги дава детската градинка „Росица“ и износите за надоместоци на трошоци за престој во детската градинка. Оваа одлука се однесува на директните потомци на бранителите, односно за нивните внуци, бидејќи нивните деца се веќе возрасни. Припадниците на безбедносните сили на Република Македонија и членовите на нивните семејства кои се родители на деца, имаат првенство на запишување на децата во детската градинка „Росица“. Припадниците на безбедносните сили на Република Македонија и членовите на нивните семејства, жители на Општина Ѓорче Петров, кои се родители на деца кои учат во основно училиште на подрачјето на Општина Ѓорче Петров, се ослободуваат од плаќање на трошоците за: -оброкот (ужинка) и оброците (појадок и ручек); -воннаставните активности утврдени со Годишната програма за работа на училиштето, кои се незадолжителни активности, а се однесуваат: на посета на театарски и кино претстави, концерти, фестивали, и други настани што се поврзани со воспитно-образовниот процес на учениците; на претплата за ученички списанија; за организирани екскурзии, летувања/зимувања. -Овие трошоци ќе бидат на товар на Општина Ѓорче Петров. -Со оваа одлука припадниците на безбедносните сили и членовите на нивните семејства, жители на Општина Ѓорче Петров, се целосно ослободени и од обврската за плаќање на надоместокот за делумно уредување на градежното земјиште на територија на Општина Ѓорче Петров, за делот кој се уплаќа на сметка на Општина Ѓорче Петров за: - станбени објекти за индивидуално домување (класа на намена „А1“) со вкупна површина до 100 m2 корисна нето површина за семејно домување во семејна куќа. Ослободувањето од обврската за плаќање може да биде искористено еднократно од страна на барателот. -Дадовме ветувања и ги остваривме. Бранителите ќе добијат и улици во Ѓорче Петров кои ќе ги носат нивните имиња. Македонските херои никогаш нема да бидат заборавени. Тие се столбот на Република Македонија.

Стојкоски: Општина Ѓорче Петров ја развиваме во сите сегменти во сите населени места, буџетските средства ги искористуваме максимално во интерес жителите

Ристе Здравков — Wed, 13 Sep 2023 10:40:46 +0000

Денеска се наоѓаме на локација во населбата Даме Груев, во Општина Ѓорче Петров заедно со претседателот Мицкоски и потпретседателот Мисајлоски, пратеникот Стојаноски и претседателот на Советот Ленче Нелоска и вработени во општината Ѓорче Петров, да извршиме увид во градежните активности кои што се одвиваат на сервисната улица долж улицата Шарпланинска, изјави градоначалникот на општина Ѓорче Петров, Александар Стојкоски. -Ова е улица која што ја користат луѓето во состојба, ваква каква што беше до сега негде 50 години, сега ме информираа негде 1983-1984 година изградена. Ова место многу пати во минатото било ветувано дека ќе се направи, меѓутоа не се направи. Најдовме сили со сопствени средства, буџетски средства од општината да им излеземе во пресрет на овие граѓани за конечно и тие да добијат нормални услови за живеење. Покрај оваа улица која што е во должина, негде приближно околу 500 метри, во наредниот ден во општината Ѓорче Петров ќе бидат изведени повеќе улици во различни населени места, вклучувајќи ги и месните заедници Дексион, Мирче Ацев, селото Никиштани, селото Волково, Стопански Двор, Ново Село. Значи повторно имаме една поголема градежна офанзива на терен, а дополнително на овие градежни активности во делот на инфраструктурата, исто така ќе се изврши реконструкција на неколку спортски игралишта на територија на општината Ѓорче Петров, истакна Стојкоски. Продолжуваме интензивно и посветено да работиме за развој на општината во сите сегменти и така ќе продолжиме и понатаму. Се она што имаме во можност на располагање како општина, како буџетски средства, секогаш ќе ги искористуваме максимално во интерес на жителите на Ѓорче Петров, додаде Стојкоски.

Стојкоски: Проектот за центар за ресоцијализација и рехабилитација на дечиња што се избориле со карцином е од исклучително значење за Ѓорче Петров, тој е прв таков центар во Република Македонија и регионот

Тале Кристо — Mon, 04 Sep 2023 14:58:01 +0000

„Се наоѓаме во локалитетот Кучково на местото на старото основно училиште каде отпочнуваме со реализација на еден исклучително значаен проект од национално значење, а не само од регионално. Приказната продолжува, а се однесува на рехабилитација на овој стар објект овдека и негова пренамена во центар за ресоцијализација и рехабилитација на дечиња што се избориле со карцином“, истакна градоначалникот на Општина Ѓорче Петров, Александар Стојкоски при денешната активност во рамки на промоција на центар за ресоцијализација и рехабилитација на дечиња што се избориле со карцином. Тој додаде дека објектот ќе има капацитет да прими 15 дечиња со по еден родител, односно капацитет со 30 присутни. „Идејата, односно проектот го спроведуваме преку „Скопски плански регион“ и истиот е финансиран и поддржан од швајцарската агенција за развој, министерството за локална самоуправа и општината Ѓорче Петров, а го работиме партнерски заедно со невладината организација „Сано“ која има долгогодишно искуство во работа на ваков тип на проекти“, посочи Стојкоски. Тој кажа дека самиот центар има благородна и хумана мисија затоа што тука ќе бидат згрижени дечиња кои го победиле карциномот со нивните родители. „Она што не прави исклучително горди е тоа што ова е ваков прв тип на објект кој ќе го добие не само Ѓорче Петров, туку Република Македонија и регионот. Ваков тип на центри имаме во најблиска близина во Љубљана во Словенија и во Франција“, изјави Стојкоски. Тој заклучи дека на оваа категорија дечиња им е посебно битно делот на ресоцијализацијата, рехабилитацијата и поддршката од секој можен аспект.

Стојкоски: Основните училишта во Ѓорче Петров се подготвени за почеток на новата учебна година

Дарко Андоновски — Thu, 31 Aug 2023 10:21:35 +0000

Градоначакникот на општината Ѓорче Петров преку статус на Фејсбук пишува дека основните училишта во општината се подготвени за новата учебна година. „🧑🏻‍🏫👩‍🏫ОСНОВНИТЕ УЧИЛИШТА ВО НАШАТА ОПШТИНА СЕ ПОДГОТВЕНИ ЗА ПОЧЕТОКОТ НА НОВАТА УЧЕБНА ГОДИНА ✅Целото лето беше искористено за подобрување на условите во секое училиште. Бевме посветени на реконструкција на постоечките капацитети, но на наша голема радост ќе пуштиме во употреба и нови 6 училници во подрачното училиште “Димитар Поп Георгиев – Беровски” во населба Хром, со што драстично ќе се подобрат условите за посетување настава на дечињата од ова училиште. ❤️Општина Ѓорче Петров и оваа година обезбеди ранче и училишен прибор за секое прваче, што ќе биде од особена помош на секој родител во пресрет на почетокот на учебната година, кога секое семејство треба да го подготви своето дете за посетување настава. 🥐Првачињата во основните училишта во нашата општина ќе имаат и обезбеден појадок и ужинка секој ден. 🧑👧🏻Продолжуваме да се грижиме за нашите најмлади жители, нашите дечиња. За Ѓорче!❤️“, стои во неговиот статус на Фејсбук.