александар тарабунов – Kurir.mk

Александар Тарабунов сними дует со Тамара Тодевска, а снимаше спот без неа за- „Само ти ми фалиш“ (ВИДЕО)

Катерина Бојаџиева — Fri, 09 Dec 2022 12:06:09 +0000

Поп-пејачот Александар Тарабунов дефинитивно е вредно момче, односно еден од најконстантните автори и изведувачи на домашната поп естрада. Популарниот Тара покрај пеењето се почесто е активен во создавањето нова музика, нови песни, нови видеоспотови… И за себе и за дуги или заедно со некои други колеги и колешки, како што е и случајот со најновата тема насловена: „Само ти ми фалиш“ која е своевиден дует со Тамара Тодевска. Жанровски овој пат обајцата отстапуваат од својот препознатлив стил, Тара од латино фазонот кој во последно време обилно го практикуваше, а Тамара од својата ар ен би и баладачна приказна која ја турка последниве години. Едноставно, обајцата заедно овој пат завршиле во старите добро познати и проверени жарови – фанк и диско, што е добредојдено за песна што излегува пред Нова Година. Впрочем, целата атмосфера не само музички, туку преку сценографијата и костимите и визуелно во видеото кое го режирал стариот соработник Зоран Стојановски – Зонде, потсетува на златната ера на диско музиката од крајот на 70-ите и 80-ите години, кога овој жанр царуваше на светските топ листи. Во видеото покрај Тарабунов се појавуваат и многу познати музички фаци од македонската поп естрада, како Роберт Билбилов на бас... …Или Калина Велковска, Полина Тасева, Лаура Крлиу… како придружни вокали на пример. Но и уште многу други, помалку или повеќе познати музичари и изведувачи, но не и онаа најпозната, која е дел од дуетот и пее во рефренот – Тамара Тодевска!? Впрочем, како што гласи и самиот наслов на песната, односно кога истиот би го парафразирале… „Само ТАА фали“! Музиката и текстот се заедничко дело на Тара и Билбилов, односно Тара и Зонде, кога се стиховите во прашање. Како звучи кога Тара пее во дует со Тамара, а како потоа изгледа кога на истата песна (сн)има видео без неа, проследете во продолжение во „Само ти ми фалиш“.

Уште еден радиски хит на Александар Тарабунов: Слушнете ја „Празен град“ (ВИДЕО)

Дарко Андоновски — Thu, 17 Mar 2022 12:47:56 +0000

Поп-пејачот Александар Тарабунов слободно може да се прогласи за еден од највредните изведувачи на нашата естрада. Буквално, популарниот Тара не запира кога станува збор за создавањето нова музика, нови песни, нови видеоспотови... Токму по тој повод вчеравечер на скоро сите социјални мрежи ја објави својата најнова песна со наслов „Празен град“. Ова е уште една во низата одлични песни кои Тарабунов ги создава за својата публика. Првите реакции за „Празен град“ се одлични. Композицијата наиде на позитивни коментари, а особено пофалби добива и видеоспотот, на кој и овојпат како режисер се потпишува добро познатиот Зоран Зонде Стојановски. За малку ќе заборавевме. За оваа нова песна музиката, аранжманот и мастерот ги направи токму Александар, додека пак режисерот Зонде овојпат ја имаше улогата и на текстописец. - Верувам дека ќе се допадне на публиката, бидејќи се што гледате и слушате во оваа нова песна е работено со многу љубов, а публиката тоа го препознава и го почитува. Јас сум задоволен од реакциите на луѓето кога првпат ја слушнаа, еве ќе ви откријам дека песната многу му се допаѓа на Игор Џамбазов, вели дека има светски звук- ни изјави познатиот пејач и музичар Александар Тарабунов. Инаку, како што кажавме, Тара е еден од највредните на нашата сцена, па нема да бидеме изненадени ако во блиска иднина тој изненади со уште еден музички производ од неговата „кујна“. Дотогаш слушајте и уживајте во „Празен град“:

ФОТО: Македонскиот пејач Александар Тарабунов доцна синоќа уапсен во Битола

Магдалена Андонова — Sun, 20 Feb 2022 14:54:13 +0000

Македонскиот поп пејач Александар Тарабунов преку својот инстаграм-профил соопшти дека вчера бил уапсен. - Вчера вечерта бев уапсен во Битола каде што настапувава, како да сум најголем криминалец. Со лисици, со туркање во комбе ме однесоа во станица, буквално за ништо. Изрежираа дека се противам на началникот и дека немам лична карта, иако се обидов да ја покажам и заедно со сопственикот на локалот не’ држеа до 8 сабајле. Спијте мирно луѓе, нема веќе криминал, се’ е решено, напиша Тарабунов на својот инстаграм профил.

Новата песна и спот на Камилоски ќе ви ги пробуди сите сетилни страсти (ВИДЕО)

Super Admin — Fri, 22 Oct 2021 08:23:02 +0000

Македонскиот изведувач и уметник Павле Камилоски ја промовираше неговата трета авторска песна и видеоспот „Универзумот си работи за нас“ на коктел забавата во Хотел Парк. Спотот се одликува со многу страст и љубовен занес кој Камилоски го носи со убавицата Бојана Нушкова, а хармоничната мелодија на песната ја оживува оваа впечатлива емотивна инспирација. Музиката, текстот и аранжманот за Павле ги напиша Александар Тарабунов, инаку негов близок пријател за кој Камилоски коментира – „Тара успеа да ја прикаже мојата природа во едно извонредно музичко парче кое од прва ми залепи на душа“. Оваа љубовна композиција и страст ја режира Александар Ристовски - Принц, кој е воедно и видео продуцент, а постпродукцијата ја изработува студиото на Тарабунов. Придружниот вокал на Сара Пројковска го истакнува балансот во непосредноста во гласот на Павле, а минималистичкиот и префинет моден стил кој суптилно ја наметнува романтичната црта на Камилоски и Нушкова го остварува дизајнерката Мала Камила. Павле оваа година ја објави и неговата втора авторска песна и видеоспот „Љубовна рапсодија“.

Тарабунов ја објави „Безвременска“ – сигурно ќе ви се допадне (ВИДЕО)

Ивана Ефремовски — Fri, 27 Nov 2020 13:19:13 +0000

Александар Тарабунов со прекрасна нова песна ги изненади своите фанови. Нејзиниот наслов е „Безвременска“. Освен со неговиот прекрасен вокал, Тарабунов даде огромен придонес за оваа песна да испадне вистински погодок. Имено, тој е автор на музиката и аранжманот, а учествувал и во пишување на текстот заедно со Зоран Зонде Стојановски.