александар тодоров – Kurir.mk

Тодоров: Бев дел од нешто ново што се создава и ќе трае во наредните 10-15 години

Тале Кристо — Tue, 23 Feb 2021 13:46:11 +0000

Селекторот на македонската кошаркарска репрезентација Александар Тодоров, е задоволен од изданието на неговите избраници на квалификацискиот турнир во Перм и покрај тоа што „црвено-жолтите“ не изборија пласман на Евробаскет 2022. – Ми беше задоволство да работам со оваа група на играчи, независно од крајниот резултат. Ако се осврнеме наназад на овие шест натпревари од овие квалификации, можам да кажам дека има два спротивставени моменти: едниот разочарувањето поради необезбедувањето пласман на ЕП, и вториот огромното задоволство дека бев дел од нешто ново што се создава и што ќе трае во наредните 10-15 години, истакна Тодоров. Вели дека повторно би одел по овој пат… – Кога за првпат ја добив понудата за селектор, ми требаше речиси еден месец да одлучам дали сакам да се впуштам во една нова авантура, посебно што првичниот впечаток, и мој и на луѓето со кои разговарав, беше дека речиси се минимални шанси за макар и една победа. Сепак, од денешен агол, ако повторно е ноември 2019 година, и ја добијам истата таа понуда, сигурен сум дека пак би ја прифатил, бидејќи навистина ми беше задоволство да работам со оваа група на играчи, независно од крајниот резултат, истакнува македонскиот селектор во интервјуто за веб-страницата на КФСМ. Македонската репрезентација квалификациите ги заврши со биланс од две победи и четири порази, и поради полоша меѓусебна кош-диференција со Естонија, не обезбеди учество на Европското првенство. зс/

Тодоров: „Само ние со две победи останавме без ЕП“

Ивана Ефремовски — Mon, 22 Feb 2021 17:40:09 +0000

Разочараност од неуспехот да обезбеди пласман со македонската кошаркарска репрезентација на Европското првенство, и покрај две победи во квалификациите, изрази вечерва селекторот Александар Тодоров. -Ние сме единствениот тим во овие квалификации кој со две победи не оди на Евробаскетот. Лично, јас сум разочаран, но истовремено сум многу горд на оваа група момци бидејќи навистина успеавме да создадеме еден тим, но овој пат тоа не се покажа како доволно, изјави Тодоров на прес-конференцијата по натпреварот со Естонија. (86 :84). Македонските кошаркари останаа без пласман на Европското првенство, откако попладнево не успеаја да ја совладаат Естонија со поголема разлика од девет поени. -Го загубивме натпреварот во првото полувреме, кога дозволивме многу отворени шутеви на противникот. Потоа се обидовме да направиме нешто како вчера, но тоа не беше доволно. Се обидовме да се избориме за продолжение, но Естонија очигледно ја прочита нашата идеја, па почнаа и намерно да промашуваат шутеви на крајот, истакна македонскиот селектор. (МИА)

Тодоров: Многу важна победа за нас,утре одиме на триумф и против Естонија

Бошко Тасиќ — Sun, 21 Feb 2021 14:37:57 +0000

Македонската машка кошаркарсска селекција стигна до првата победа во квалификациите на Евробаскетот, откако денес славеше против Италија со 87-78. . Селекторот Александар Тодоров по натпреварот изјави дека е среќен за победата, но за жал затоа дека Ненад Димитријевиќ нема да може да игра на последниот натпревар со Естонија. „Ова е многу поважна победа за нас. Ни дава шанса да веруваме и да сонуваме барем до утре. Останавме во игра за последното место на ЕП. Започнавме добро, но Италија имаше одличен шут за три поени, а тоа резултираше со предност за нив на полувреме. Знаевме дека кога ќе престанат да погодуваат, ќе се вратиме во натпреварот. Ги лимитиравме на одреден број поени, па така дојдовме во добра позиција. Одличен резултат за нас, особено за тим кој е во реконструкција и подмладување. Мораме да ја победиме и Естонија, инаку никој нема да ја памети победата. Голем проблем за нас е дека нема да игра Димитријевиќ утре, па тоа е дополнителен проблем. За утре нема да има премногу промени, мора ги лимитираме грешките и да го кренеме нивото на агресивност во одбрана против Естонија. Покажавме карактер со Италија, но утре пак мора да докажеме дека победата не е случајна. Без оглед на тоа што ќе направиме утре против Естонија, јас сум горд на оваа група играчи. “, изјави по мечот македонскиот селектор.

Тодоров: По поразот на Италија од Естонија беше тешко да се игра

Бошко Тасиќ — Fri, 19 Feb 2021 16:42:36 +0000

Македонската машка кошаркарска репрезентација го доживеа вториот пораз во „балонот“ во Перм. Денес славеше токму домаќинот Русија 94-77 и сега шансите за пласман на Евробаскетот се сведени на теорија. По натпреварот, селекторот Александар Тодоров истакна дека победата на Естонија над Италија сите ги изненадила и била шок за кошаркарите пред мешот со Русија. „Имавме еден тежок меч, посебно по она што се случи во првиот натпревар од денот и победата на Естонија над Италија. Очекувавме мечот со Естонија да биде клучен за нас, го гледавме дуелот со Италија во соблекувална и видовме што се случи. Ментално беше тешко да се игра по тој резултат, затоа што сега ни се потребни две победи. Исто така имавме проблем и со скоковите. За време на мечот загубивме и еден важен играч поради повреда. Ротиравме со три бека во наредните минути. Ако ги сумираме сите статистички категории, со исклучок на скоковите и тројките, ние бевме во егал со противникот. Мора да ги држиме главите горе и да се фокусираме на следните два меча, затоа што ќе ни бидат потребни две победи“, изјави Тодоров. Нашите кошаркари следниот натпревар го играат в недела, кога вторпат се среќаваат со селекцијата на Италија. На Македонија за пласман на ЕП сега и се потребни две победи, но Естонија мора да загуби во дуелот со Русија.

Две нови имиња во составот на македонската кошаркарска репрезентација

Ивана Ефремовски — Fri, 19 Feb 2021 09:20:29 +0000

Две нови имиња во составот на македонската кошаркарска репрезентација за денешниот меч со Русија кој стартува од 15:30 часот во Арената „Молот“ во Перм. Селекторот Александар Тодоров го промени ростерот во однос на вчерашниот натпревар со Италија. На местото на Теодор Симиќ и Андреј Митревски, пријавени се Бакоч и Ефремовски. Се одлучи на натпреварот со домашната селекција да им укаже доверба на следниве играчи: Дамјан Робев Виктор Ефремовски Бојан Крстевски Дамјан Стојановски Кристијан Николов Андреј Магдевски Бојан Трајковски Филип Бакоч Џејкоб Вајли Војдан Стојановски Ненад Димитријевиќ Стојан Ѓуроски. По три кола во квалификациите за Европското првенство „црвено-жолтите“ имаат три порази. (МИА)

Тодоров: Оваа група на момци има светла иднина и горд сум на нив

Бошко Тасиќ — Thu, 18 Feb 2021 17:53:00 +0000

Македонската машка кошаркарска репрезентација е поразена во квалификациите за следното Европско првенство од селекецијата на Италија. Италија не совлада со 92-84, а селекторот Александар Тодоров по натпреварот на официјалната прес-конференција изјави: „Игравме против селекција која е прва на ФИБА ранкингот. Успеавме, не само да одиграме една добра четвртина, туку долго време го имавме водството кај себе. Покажавме сосема друго лице, во однос на она од пред една година. Оваа група момци имаат светла иднина и горд сум на нив. Нè чекаат уште три натпревари, кои се екстремно тешки, но на крај се ќе се сведе на еден дуел, в понеделник против Естонија“. Следен противник на нашите избраници е селекцијата на Русија, дуел кој се игра утре, исто така од 15:30 часот.

Александар Тодоров го одреди конечниот список на кошаркари за Перм

Бошко Тасиќ — Sun, 14 Feb 2021 16:44:47 +0000

Селекторот машката кошаркарска репрезентација Александар Тодоров, го одреди списокот на 15 кошаркари кои ќе патуваат за Перм, каде во периодот од 18.до 22. февруари же ги одиграат четирите квалификациски натпревари за пласман Европското првенство во 2022 година. По неколкуте одработени тренинзи во Скопје, и второто ПЦР тестирање од Ковид-19 кое беше реализирано пред саботниот тренинг во малата сала на СЦ „Јане Сандански“, шанса добија вкупно 13. кошаркари на кои во текот на утрешниот ден, пред тргнувањето за Перм ќе им се приклучат уште Ненад Димитријевиќ и Стојан Ѓуроски. КОНЕЧЕН СПИСОК НА ПАТНИЦИ ЗА ПЕРМ Дамјан Робев Андреј Митревски Бојан Крстевски Дамјан Стојановски Кристијан Николов Андреј Магдевски Бојан Трајковски Теодор Симиќ Виктор Ефремовски Филип Бакоч Џејкоб Вајли Војдан Стојановски Лука Савиќевиќ Ненад Димитријевиќ Стојан Ѓуроски

Тодоров : На мака се познават јунаците

Бошко Тасиќ — Wed, 10 Feb 2021 18:39:23 +0000

Селекторот на македонската кошаркарска репрезентација, Александар Тодоров од денеска ги започна подготовките за натпреварите од завршната рунда во квалификациите за пласман на Европското првенство. Предводникот на националниот тим на стартот на располагање имаше 14 од вкупно 17 повикани играчи. Покрај повредениот Марко Симоновски на репрезентацијата во текот на неделата ќе се приклучат Стојан Ѓуроски и Ненад Димитриевиќ. Нашиот состав во Перм го очекува тежок распоред со оглед на фактот дека за пет дена мора да одиграме четири натпревари. “Четири натпревари во пет дена се навистина огромен напор за било кој спортист, не само за еден кошаркар. Но тоа е што е, ФИБА така проценила, наше е да се подготвиме и да направиме не само тактика, туку и стратегија како да настапиме на овие четири средби во Перм. Го имаме речиси идентичниот состав од Талин, со тоа што ги додадовме и оние играчи кои поради позитивни Ковид-тестови не беа во можност да отпатуваат за Естонија, како и Теодор Симиќ. Овој пат ќе отпатуваме со 15 кошаркари, како би можеле да ротираме на одредени средби. Нормално доколку се наложи или доколку прецениме дека е потребен одмор за одредени играчи”, изјави Тодоров. Кошаркарите во Скопје ќе тренираат до недела, следниот ден патуваат за Перм, а првиот натпревар го играме на 18 февруари против селекцијата на Италија.

Проблеми за селекторот Тодоров: Младеновски позитивен, неизвесни Трајковски и Вајли

Ивана Ефремовски — Sat, 28 Nov 2020 13:08:41 +0000

Македонската кошаркарска репрезентација ќе биде сериозно ослабена за денешниот дуел против селекцијата на Италија. Од Талин доаѓа информација дека центарот Љубомир Младеновски има позитивен тест на коронавирус, додека неизвесно е дали селекторот Александар Тодоров ќе може да смета на услугите на Бојан Трајковски и на Џејкоб Вајли. -И покрај сите преземени мерки од страна на федерацијата, спроведени пред почетокот на подготовките во Скопје, но и за време на престојот во главниот град на Естонија, „PCR тестирањето“ покажа присуство на вирусот кај еден наш кошаркар, а лекарскиот тим предводен од докторот Слободан Николиќ ги очекува дополнителните здравствени наоди од дополнителните испитувања за другите двајца наши репрезентативци, чиј настап сега е доведен под знак прашалник, стои во соопштението на КФМ. Натпреварот е закажан за денес во 15 часот во Арената „Саку Сурхал“ во Талин. (МИА)

Tодоров го објави поширокиот список за ноемврискиот „прозорец“ на ФИБА

Ивона Петрова — Sun, 15 Nov 2020 14:16:32 +0000

Согласно со определениот рок од страна на ФИБА, за доставување на поширокиот список на играчи за ноемврискиот квалификациски циклус, селекторот на македонската репрезентација, Александар Тодоров, денес ги објави имињата на кошаркарите на кои ќе смета за претстојниот турнир кој од 28. до 30. ноември ќе се игра во Талин (Естонија), и натпреварите со селекциите на Италија (28. ноември) и Естонија (30. ноември). На списокот на Тодоров се наоѓаат: Филип Бакоч (МЗТ Скопје Аеродром) Ненад Димитријевиќ (Хувентуд-Шпанија) Виктор Ефремовски (Работнички) Стојан Ѓуроски (ХЛА Аликанте – Шпанија) Ренато Димитриевски (Гостивар) Андреј Андоноски (МЗТ Скопје Уни Банка) Андреј Магдевски (МЗТ Скопје Аеродром) Леонид Тодоровски (МЗТ Скопје Уни Банка) Адем Мекиќ (МЗТ Скопје Аеродром) Никола Караколев (Еуро Никел 2005) Андреј Митревски (ТФТ) Љубомир Младеновски (Работнички) Кристијан Николов (МЗТ Скопје Аеродром) Кирил Николовски (Работнички) Дамјан Робев (Куманово) Лука Савиќевиќ (МЗТ Скопје Уни Банка) Марјан Младеновиќ (Работнички) Марко Симоновски (Кожув) Бобан Стајиќ (Пелистер) Дамјан Стојановски (МЗТ Скопје Аеродром) Војдан Стојановски (Гравелин-Данкерк-Франција) Бојан Трајковски (Пелистер) Јетмир Зекири (Пелистер) Џејкоб Вајли (Гран Канарија-Шпанија).