Александар Тортевски – Kurir.mk

Тортевски за ТВ 24: Спасовски мора да поднесе оставка за несреќата на Беса Транс

Ивана Ефремовски — Wed, 18 Jan 2023 20:06:46 +0000

Адвокатот Александар Тортевски во емисијата 24 анализа во врска со барањето на Антикорупциска за одговорност за несреќата на Беса Транс во Бугарија истакна дека Оливер Спасовски има политичка одговорност и треба да понесе оставка зошто во неговото министерство организацијата не функционирала и некој затаил. -Тој што го чувал документот за техничките проблеми на превозникот, тој има кривична одговорност зошто направи злоупотреба на службената положба, му овозможил на некој субјект да обавува дејност спротивно на законите. Сигурно е дека МВР потфрлиле. Ако министерот поднесе одговорност, тој има морална обврска да го расчисти случајот и да поднесе одговорност, рече Тортевски.

Тортевски: Нема никакво оправдување што во овие 4 години правната држава не профункционира

Катерина Бојаџиева — Tue, 16 Mar 2021 19:31:11 +0000

Адвокатот Александар Тортевски во своето гостување во емисијата „24 Отворено“ зборуваше за тоа колку имаме правда држава и посочи дека во овие четири години нема никакво оправдување што правната држава не профункционира. -Вие ме навредувате со ова кога кажувате дека требало да дојде НАТО за да ни ја постави државата на шини, а што ќе беше ако не влезевме во НАТО дали ние ќе останевме заробеници на оваа гарнитура, а сите подлоги на власта ги имаше Зоран Заев и неговата екипа. Четири години Зоран Заев ја има целосната власт во државата, имаме снимки и разговори каде он кажува со кого се договарал, зашто се договарал, зошто глумел дека е против притворот за да може да му гласаат за Уставните измени, за гордо да го кажува она Северна. Сето тоа не е во функција на правна држава. 4 години имаме комплетна власт на една гарнитура со која што беше здраво разумско во ова држава, што и даваше полна поддршка за она после тоа да се одвои од сите оние луѓе, од сите оние луѓе кои си ја ставивме главата во торба за да ја тргнеме таа гарнитура, тие не бараат ниту совет, ниту да поразговараат, туку влегуваат во дилови. Сега одеднаш дошол НАТО и НАТО не однел на правата шина, тоа е навредувачки за една гарнитура, за една држава дека некој од надвор треба да влезе да дојде и да ги постапува прицините. Едноставно или имате капацитет или немате капацитет. Меѓутоа за овие четири години нема никакво оправдување што правната држава до сега не профункционира, рече Тортевски.

Тортевски: Три текстилни работнички за 33 години ќе заработат 270.000 евра колку што чини проектот за фризерницата

Ивана Ефремовски — Wed, 21 Oct 2020 18:37:01 +0000

Адвкатот Тортевски вечерва на Телевизија 24 со низа критики кон скандалозните грантови во илјадници евра кои излегоа во јавноста на Националната агенција кој ја води Лидија Димова, истакна дека три текстилни работници треба да работат по 33 години за да добијат 270 илајди евра колку што му е дадено на фризерскиот салон во проект за медиумска писменост. -270 илјади евра за медиумска писменост на фирма која има само еден мал фризерски дуќан или берберница, тоа е адекватно на платата на една текстилна работничка за 100 години, значи три текстилни работнички толку ќе заработат за 33 години, критикуваше Тортевски. Тој вели дека 83 илјади евра за проектот за „тренирање на хрватско магаре и коњ липицанец“, „липицанец“, а во проектот дури не знаат како се нарекува тој коњ, што зборува за една некреативност и не можноста да се смисли ниту еден наслов на проект што ќе личи на нешто за да добие финансиски средства. -Каква потреба и каква нужност во кој образовен процес во Македонија имаме за магаре и коњ, праша Тортевски. Адвокатот вели дека тука се гледа односот што го имаат јавните функционери кон парите, кога ќе дојдат во позиција да ги делат.

Тортевски: Сериозно треба да се преиспита работењето на Димова и Националната агенција, потребна е ревизија

Ивана Ефремовски — Wed, 21 Oct 2020 17:15:51 +0000

Aдвокатот Александар Тортевски вечерва на „24 Анализа“ на Телевизија 24, а во врска со скандалите поврзани со Националната агенција за европски програми и мобилност, истакна дека треба сериозно да се преиспита работата на Агенцијата, како и да се направи ревизија, затоа што има основани сомневања за скандалозни грантови за проекти. -Сериозни институции треба да ја преиспитаат работата на Националната агенција, затоа што единствено е важна вистината, да не се нагаѓа, тоа треба да се испита и да се открие, мене интуицијата ми вели дека таму ќе се откријат работи, но не можам да кажам ништо сигурно, истакна адвокатот. -Треба да се направи ревизија и вистински стручњаци да ја преиспитаат работата затоа што во јавноста излегоа доста луѓе кои сега ретерираат дека од оној проект „Фризерски салон“, фирма која добива 270 илјади евра за проекти за медиумска писменост, само формално биле ставени на списоците и добивале пари од проекти кои им биле барани назад, вели тој. Во претходниот период директорката на Националната агенција го обвини Тортевски дека има личен мотив за да ја напаѓа, тој вечерва негираше дека има било каква поврзаност со Националната агенција освен предмет кој го застапува за негов клиент. -Не се точни обвинувањата од Димова дека сум конкурирал за никаков грант, за никакви пари, кај мене се јави едно здружение кое сметаше дека е оштетено од Националната агенција, по основ на чие барање за несоновано задржани пари од страна на директорката Димова, чија странка и тужба ги застапувам, потенцираше Тортевски.

Тортевски: Преку Фондот за иновации се плаќаат партиски обврски во кампања

Предраг Кукиќ — Fri, 15 Nov 2019 10:23:03 +0000

Преку Фондот за иновации се плаќаат партиски обврски во кампања“, рече адвокатот Александар Тортевски во вчерашното издание на дебатниот магазин „Click Plus“ на ТВ21. Тортевски убедува дека исплатите на финансиски средства кон фирмите или поединци кои што Фондот за Иновации ги испаќа всушност бил вентил преку кој се исплаќаат партиските обврски платени за време на кампања. Тој исто така смета дека и големиот број на советници на премиерот се исто така фиктивни вработувања за партијата да се раздовжи со тие лица преку вработување како советници на премиерот. - Јас сум убеден и стојам зад тоа дека огромен дел од парите кои што Фондот за Иновации ги исплаќа, е вентил преку кој се плаќаат партиските обврски платени во кампања. Никој не може да ме убеди дека, нов дизајн за пластично шише е иновација платена 700 илјади евра, никој не може да ме убеди. Исто така, огромниот број на советници на премиерот, меѓу нив има доста луѓе кои што се раздовжуваат, партијата им се раздолжува преку вработување, практично фиктивно, во владата како советници на премиерот, рече Александар Тортевски.

Тортевски: „Рекет“ брзо ќе заврши и ќе има сериозни казни

Ивана Ефремовски — Thu, 14 Nov 2019 21:38:46 +0000

Случајот „Рекет“ ако се заврши брзо, на основа на докази и постапки, има надеж за судството, рече новинарот Александар Чомовски во вечерашното гостување во „КликПлус“ на 21ТВ. -Јас во периодот додека сум бил во СЈО немало ништо од овој случај, реплицираше адвокатот Александар Тортевски. Tој рече дека „Рекет“ брзо ќе биде процесиран и со сериозни казни за инволвираните. -Сигурен сум дека ќе оди брзо. Обвинителството прави грешка со мегапредмети. Кога имате 70-80 обвинети и голем број докази тешко оди, рече Тортевски.

Тортевски до директорката на Академијата за судии и обвинители: Дали сте примиле кандидати кои минатиот пат се обидоа да се запишат со фалсификувани дипломи за јазик?

Дарко Андоновски — Wed, 23 Oct 2019 15:49:53 +0000

Адвокатот Александар Тортевски на својот Твитер профил сподели статус во кои пишува дека веќе неколку недели не може да ја добие директорката на Академијата за судии и обвинители.

Веќе неколку недели се обидувам да ја добијам директорката на Академијата за судии и обвинители ама не успевам. Сакам да ја прашам дали се точни гласините дека примиле кандидати кои минатиот пат се обидоа да се запишат со фалсификувани дипломи за јазик. Би сакал да не е вистина.

Веќе неколку недели се обидувам да ја добијам директорката на Академијата за судии и обвинители ама не успевам. Сакам да ја прашам дали се точни гласините дека примиле кандидати кои минатиот пат се обидоа да се запишат со фалсификувани дипломи за јазик. Би сакал да не е вистина.
— Aleksandar Tortevski (@atortevski) October 22, 2019

Инаку во 2017 година управниот одбор на Академијата за судии и јавни обвинители „Павел Шатев“ го поништи огласот за прием на 60 слушатели на почетна обука-кандидати за јавни обвинители. Поништен конкурсот за јавни обвинители, 40-мина со фалсификувани дипломи

- Управниот одбор на Академијата за судии и јавни обвинители „Павел Шатев“ на седницата одржана на 11 декември 2017 година донесе одлука за поништување на јавниот оглас на Академијата за прием на 60 слушатели на почетна обука-кандидати за јавни обвинители, објавен во Службен весник на Република Македонија од 30.08.2016 година и во дневните весници „Лајм“ и „Нова Македонија“, се наведува во одлуката објавена на веб страницата на Академијата. Огласот е поништен, бидејќи против 41 лице од пријавените кандидати е поведена постапка од Основното јавно обвинителство Скопје за кривично дело „фалсификување исправа“, која се уште е во тек. Овие кандидати конкурирале на огласот со фалсификат сертификати за англиски јазик.

Тортевски: ЈО веднаш да го викне Верушевски!

Предраг Кукиќ — Wed, 25 Sep 2019 16:49:52 +0000

Адвокатот Александар Тортевски смета дека Јавното обвинителство треба веднаш да го повика Зоран Верушевски, пишува МКД.Мк. „Треба Верушевски да каже на кои снимени разговори мислел кога рекол дека се модифицирани и тоа треба сериозно да се провери. Обвинителството треба да го соочи со Лазаревски и со Костовски. Доколку се утврди дека во претходната постапка, во предистрагата, Верушевски кажал нешто сосема спротивно, тогаш треба да му се покрене постапка за лажно сведочење“, вели Тортевски и прашува зошто Верушевски досега молчел.

Тортевски: Тоа што Катица сега слободно се сунча во Калитеа значи само едно, некого мнооогу сериозно го уценува

Дарко Андоновски — Sat, 10 Aug 2019 10:25:36 +0000

Адвокатот Александар Тортевски во врска со случајот Рекет денеска објави три твитови на својот Твитер профил. Во првиот споменува дека „Тоа што Катица сега слободно се сунча во Калитеа значи само едно. Некого мнооогу сериозно го уценува“, вели тој.

Тоа што Катица сега слободно се сунча во Калитеа значи само едно. Некого мнооогу сериозно го уценува.
— Aleksandar Tortevski (@atortevski) August 10, 2019

Потоа пишува дека „Ако воопшто се врати на работа Катица, целиот колектив треба да си отиде и да ја остави сама внатре или пак да и застанат на врата и да не и дозволат да влезе внатре“.

Ако воопшто се врати на работа Катица, целиот колектив треба да си отиде и да ја остави сама внатре или пак да и застанат на врата и да не и дозволат да влезе внатре.
— Aleksandar Tortevski (@atortevski) August 10, 2019

Додека во третото продолжение пишува дека „Сега треба Специјално јавно обвинителство што ќе ги истражи кривичните дела што потекнуваат од содржината на разговорите на специјалната јавна обвинителка Катица Јанева“.

Сега треба Специјално јавно обвинителство што ќе ги истражи кривичните дела што потекнуваат од содржината на разговорите на специјалната јавна обвинителка Катица Јанева.
— Aleksandar Tortevski (@atortevski) August 10, 2019

Адвокатот Тортевски за Богоевски: Дали е кокаин или марихуана, казната е иста – една година затвор!

Ивана Ефремовски — Wed, 15 May 2019 18:30:57 +0000

Познатиот скопски адвокат, своевремено и соборец на Богоевски од „Шарената револуција“, кој важи за еден од најдобрите кривичари во Македонија, Александар Тортевски преку својот Твитер му порача на пратеникот Павле Богоевски дека за овој скандал мора да си даде оставка, а надлежното обвинителство да отвори случај. Како еден од најдобрите адвокати чија специјалност е кривичното право, Тортевски напиша дека без разлика дали се работи за 0,5 грама кокаин или 4,9 грама кокаин законски предвидената казна затвор е една година. „0,5 или 4,9 гр.марихуана или кокаин, е исто. Најмалку една година затвор. Законите мора да се почитуваат додека важат. Во спротивно некој ќе ве убие и ќе каже дека ве еутаназирал бидејќи многу сте биле болни и нејќел да се мачите. Така што Пајо, ОСТАВКА ВЕДНАШ, А ДРУГОТО ВО ОЈО“- со овој твит го повика пратеникот Богоевски да си поднесе оставка. Исто така во друг твит, адвокатот Тортевски порача дека има метод да се утврди дали пратеникот Богоевски конзумирал кокаин преку метафоричен твит за случај во Словенија. „Се сеќавате на една ептен јака женска што беше министерка за внатрешни работи во Словенија? Е премиерот таму наложи испитување на примерок од косата на сите министри и се утврди дека е позитивна на кокаин. Си даде веднаш оставка. Сакам да кажам си има методи“-напиша на Твитер Тортевски. Со ова адвокатот Тортевски индиректно му сугерираше на претседателот на Собранието, Талат Џафери, да наложи испитување врз пратеникот Богоевски дали консумирал кокаин. ИЗВОР: МАГАЗИН.МК