александар велјаноски – Kurir.mk

Велјаноски: ВМРО-ДПМНЕ ќе гласа ЗА сетот на економски мерки, Заев докажа дека поважна му е коалицијата, а не граѓаните

Ивана Ефремовски — Mon, 22 Mar 2021 10:08:40 +0000

„Како пратеничка група ние секогаш во минатото па и сега се залагаме за сетот на закони кои што треба да се донесат, во наредните денови. Тие сет на закони ние ќе ги поддржиме и ќе учествуваме активно во нивното донесување за тоа што сметаме дека финансиските проблеми кои што ги имаат граѓаните треба да бидат надминати, а обврска на државата е да помогне“, рече Александар Велјаноски, пратеник од ВМРО-ДПМНЕ и Коалицијата „За обнова на Македонија“ во „Утрински Брифинг“. Велјаноски истакна дека утре два закони ќе се на дневен ред на седницата во Собранието од законите кои што треба да бидат донесени. Истакна дека и утре ќе се гласа за тие два закони и за нивната потреба, и пратеничката група на ВМРО-ДПМНЕ ќе гласа ЗА потребата за донесување на овие закони. „Но, нашата забелешка е зошто се доцни со поднесување на овие закони, ако се има во предвид дека уште на трети март Зоран Заев можеше да бидат овие закони ставени и изгласани на седницата во Собранието бидејќи тогаш имаа 62 пратеник од владејачкото мнозинство. Тогаш се работеше на промашени приоритети и Зоран Заев докажа дека приоритет му се политиките на неговата коалиција, а не здравјето и справување со сиромаштијата во Република Македонија“, истакна Велјаноски.

Велјаноски со апел: Владејачкото мнозинство да собере храброст и да се поништи актуелниот Закон за попис, самите признаваат дека не е време за ваква операција

Ивана Ефремовски — Mon, 22 Mar 2021 10:02:03 +0000

„Мојата информација е дека законот за повлекување на Законот за попис ќе биде ставен на дневен ред на утрешната седница на Собранието. Мое мислење е дека мнозинството ќе најде доблест и храброст за тоа што кога и ние разговараме надвор од седниците и самите признаваат пратениците на мнозинството дека не е време за попис, имајќи во предвид дека имаме огромен број на починати лица од КОВИД-19, еве само вчера имавме 25 починати, и дека во услови на една ваква пандемија не е вистинско време да се одржи овој попис“, нагласи Александар Велјаноски, пратеник од ВМРО-ДПМНЕ и Коалицијата „За обнова на Македонија“ во „Утрински Брифинг“. Велјаноски апелираше до пратениците од владејачкото мнозинство да дадат поддршка на ВМРО-ДПМНЕ со цел да се заштити здравјето на граѓаните. Попис во Македонија, вели, треба да има во вид на статистичка операција, а не како политичка како што сака владата да ја протурка. „Имајќи во предвид дека власта упорно го турка пописот да започне од први април сметам дека се многу мали шансите да се прифати нашиот закон, но да почекаме и да видиме што ќе се случи во текот на утрешниот ден со надеж дека ќе се повлече актуелниот Закон за попис“, рече Велјаноски.

Велјаноски: Македонија додека питачи по белиот свет за донации за вакцини, владата сака да исплати на Макпетрол 33 милиони евра

Магдалена Андонова — Fri, 25 Dec 2020 16:01:38 +0000

Денес на собраниската седница се обрати и Александар Велјаноски, пратеник од редовите на ВМРО-ДПМНЕ и Коалицијата „За обнова на Македонија“. Тој посочи дека денес на дневен ред на оваа седница е поставен предлог на закон за решавање на спорот помеѓу Владата и Макпетрол по пат на спогодба. - Законот е составен од 5 члена кој што е однесен до Собранието и до нас пратениците и со кој се бара ние како Собрание да дадеме зелено светло за да може Владата да донесе одлука односно да склучи спогодба по спор кој што е стар 15 години. Сметам дека со поднесувањето на ваков закон за решавање на спорот со Макпетрол по скратена постапка Владата има намера да му исплати на Макпетрол 33 милиони евра, со што уште еднаш се докажува дека Владата воопшто не се грижи за граѓаните на Република Македонија, нагласи Велјаноски. Велјаноски додаде дека премиерот Зоран Заев со овој предлог на Закон докажува дека единствен негов интерес се неговите бизниси, провизии и интереси. - Се поставува прашањето зошто упорно се турка овој закон, зошто Зоран Заев сака сега и веднаш да изврши исплата од буџетот на Република Македонија за гасовод стар 22 години во време на најголема економска и здравствена криза, запраша Велјаноски. Велјаноски посочи дека дека во услови во кои само годинава имаме повеќе од 50.000 невработени поради пандемијата КОВИД, во услови кога повеќе од 30.000 деца немаат услови да следат онлајн настава, во услови кога Македонија буквално питачи по белиот свет за донации за вакцини, наместо владата одговорно да ги насочи парите кон суштествените работи таа ги насочува парите за исплата на спогодба на која што не и местово Собранието. - Со овој предлог закон Владата врши директен упад во работата на Собранието, рече Велјаноски.