Саша Везенков ќе го засили Сакраменто Кингс

Бошко Тасиќ — Sat, 27 May 2023 04:29:46 +0000

Најкорисниот кошаркар (МВП) оваа сезона во Евролигата, Александар Саша Везенков, по се изгледа нема да игра во грчкиот Олимпијакос следната сезона. Тој ќе ја напушти и европската кошарка и ќе се пресели во НБА лигата. Бугаринот ги предводеше „црвено-белите“ од Пиреја се до финалето на елитното европско натпреварување, но грчкиот клуб на крајот остана без титулата европски првак. Крилниот кошаркар импресионираше со своите игри, а тие не останаа незабележани од Сакраменто Кингс, кои донесоа конечна одлука да го ангажираат, потврдија медиумите во Грција. НБА тимот ќе одвои 1.500.000 евра колку што е откупната клаузула на 27-годишниот Везенков. Сакраменто на најкорисниот играч на Евролигата му нуди двегодишен договор вреден 4.500.000 евра по сезона, но можно е соработката да биде и двојно подолга.

Везенков: МВП наградата ја посветувам на мајка ми

Бошко Тасиќ — Fri, 19 May 2023 04:47:49 +0000

Алесксандар Везенков е изборот на Евролигата за најкорисен играч на сезоната 2022/23. Бугарскиот репрезенттивец имаше импресивна статистика предводејќи го Олимпијакос до првата позиција на табелата со просек од 17.2 поени, 6.8 скокови и 1.8 асистенции по натпревар. МВП наградата Бугаринот ја посвети на неговата фамилија, посебно на неговата мајка за кој вели дека жртвувала многу за тој да биде тука денеска. „Фамилијата е се за мене, тие ме поттикнаа да се занимавам со кошарка, да бидам подобар човек. Пример ми беше татко ми кој играше кошарка. Нему, на мојата мајка и мојата сестра им должам се бидејќи беа со мене низ целиот пат. И покрај тоа што односот со татко ми е специјален, оваа награда морам да ја посветам на мојата мајка. Додека татко ми мораше да работи како главен менаџер во Бугарија во Лукоил на мои шест години таа ме израсна. Ме носеше на тренинг и до училиште секој ден во Солун“, вели Везенков.

Александар Везенков – Kurir.mk

Саша Везенков ќе го засили Сакраменто Кингс

Везенков: МВП наградата ја посветувам на мајка ми