Влахо си поднесе оставка во Работнички – кој ќе го замени?

Магдалена Андонова — Tue, 09 Nov 2021 12:29:05 +0000

Александар Влахо поднесе оставка на позицијата шеф на стручниот штаб во ФК Работнички. По 11 месеци на кормилото на сениорскиот тим, тој одлучи да се повлече по резултатите во последните неколку кола. – По долго размислување, а со цел да се извлече заедничко добро и за мене и за тимот, донесов одлука да се повлечам од позицијата шеф на стручниот штаб на Работнички. Поминав прекрасни 11 месеци во клубот, чиј пријател и голем навивач ќе останам и во иднина. Сега е време да се посветам на мојот следен проект кој го подготвувам подолг период. Би сакал да се заблагодарам за одличната соработка и за поддршката на раководството на ФК Работнички, сите мои соработници и пред се на фудбалерите. Им посакувам добро здравје и успеси во иднина и искрено се надевам дека Работнички ќе успее да го најде патот за враќање на европската сцена, изјави Александар Влахо. ФК Работнички му се заблагодарува на Александар Влахо за посветената работа и за максимално вложениот труд. – Би сакал да му се заблагодарам на Александар Влахо за посветеноста и напорната работа во ФК Работнички. Клубот му посакува се најдобро во понатамошната кариера. Во наредните денови ќе биде нaзначен нов шеф на стручниот штаб, изјави претседателот на ФК Работнички, Драган Поповски. По 13 кола во Првата македонска фудбалска лига, Работнички е седми на табелата со 18 освоени бодови.

Османовски ново засилување на Работнички

Ивона Петрова — Mon, 14 Jun 2021 11:03:42 +0000

Македонскиот фудбалски прволигаш Работнички го доведе второто ново име во пресрет на новата сезона. Анес Османовски е ново засилување за тимот предводен од тренерот Александар Влахо. Спортскиот директор Горан Станковски е задоволен што Османовски го прифати предизвикот да му пристапи на Работнички. – Анес Османовски е квалитетен фудбалер од средниот ред кој ја минал германската фудбалска школа во Минхен 1860, а потоа и во Унтерахинг. Успеавме да постигнеме договор да ни се придружи и лично се надевам дека ќе донесе квалитет плус и ќе ја зголеми конкуренцијата во тимот. И во наредниот период продолжуваме со активности на трансфер-пазарот во пресрет на новата сезона, изјави Станковски за клупскиот сајт. Претходно, за Работнички потпиша и дефанзивецот Бојан Илиевски кој дојде од редовите на Пелистер.

Александар Влахо – Kurir.mk

Влахо си поднесе оставка во Работнички – кој ќе го замени?

Османовски ново засилување на Работнички