Александер Шаленберг – Kurir.mk

Шаленберг: Имам чувство дека го губиме Балканот

Ивона Петрова — Mon, 20 Jun 2022 06:33:29 +0000

Министерот за надворешни работи на Австрија, Александер Шаленберг се надева дека на самитот на Европската Унија ќе има јасно упатен сигнал не само во правец кон истокот, туку и кон југоистокот на Европа. Според Шаленберг, Украина не е во конкуренција со државите од Западен Балкан. Се работи за веродостојноста на ЕУ, смета Шаленберг, во постигнувањето напредок и за државите од југоисточна Европа, што добија ветување од Унијата во Солун, пред 19 години. Тој зборуваше и за давањето статус на кандидат на Босна и Херцеговина и на Косово. – Имам чувство дека го губиме Балканот, појасни министерот. Шаленберг истака дека во Србија расположението кон ЕУ е понегативно од претходно. – Тоа не е дворот во задниот дел на Европа, туку во центарот. Затоа мора да дејствуваме. Тоа е нашата најважна стратешка задача што е пред нас, предупреди министерот. Со учество на земјите од Балканот на советите на ЕУ и во фондовите, тој смета оти може јасно да се покаже дека тие се пред влез во Унијата. – Не разбирам зошто Кина купува автопати во регионот, а ние тоа го набљудуваме. Понекогаш не ја разбирам нашата логика, подвлече Шаленберг. Тој додаде дека „ако делуваме силно во Украина и Молдавија, тогаш тоа мораме да го направиме и на Западен Балкан“.

Шаленберг: ЕУ да премине од зборови на дела во однос на евроинтеграцијата на Западен Балкан

Тале Кристо — Mon, 16 May 2022 12:58:58 +0000

Неопходно е ЕУ да помине од зборови на дела во однос на она што пред две децении му го вети на Западен Балкан, побара денеска шефот на австриската дипломатија Александер Шаленберг. Во пресрет на Советот на министри за надворешни работи на ЕУ, Шаленберг рече дека е потребен јасен сигнал во однос на Западен Балкан. – Пред 20 години му ветивме на регионот дека нивната иднина е во ЕУ. Сега треба да преминеме од зборови на дела, истакна австрискиот министер. Шаленберг порача дека ЕУ не смее да ги „изгуби“ земјите од Западен Балкан. – Знаеме дека Русија таму има голем потенцијал за да предизвика штета дури и без ниту еден испукан истрел. Тоа мора да биде предупредување, бидејќи тој регион е во центарот на Европа и за нас е клучен и геостратешки важен, подвлече тој. Шаленберг порача дека ЕУ не смее да дозволи на Западен Балкан да се наметне „туѓ“ модел на живот, туку тој мора да остане европски. – Треба сè јасно да се каже. Имаме големи очекувања од Франција, која претседава со ЕУ и која го најави Самитот за Западен Балкан. Мора да донесеме визна либерализација за Косово, како и да започнеме пристапни преговори со Северна Македонија и Албанија. Ако зборуваме за Украина, мора да зборуваме и за БиХ, подвлече Шаленберг. Што се однесува до новиот пакет санкции на ЕУ кон Русија, тој вели дека не треба однавдор да се гледа неединството на Унијата. – Русија нè следи, а исто така и другите. Со пет пакети санкции досега успеавме да излеземе во јавност дури откако постогнавме договор, па ајде да го направиме тоа и сега, побара шефот на австриската дипломатија.

Австрија размислува повторно да воведе контроли на границата

Ивона Петрова — Sat, 20 Jun 2020 12:44:50 +0000

Австрија размислува повторно да воведе контрола на границата со цел спречување на ширењето на коронавирусот, јави дописникот на МИА. Ова го најави министерот за надворешни работи Александер Шаленберг, а според него тоа би се направило само доколку продолжи да се зголемува бројот на новозаразени со вирусот. – Тоа што воспоставивме „зелен појас“ со цел граѓаните непречено да ја минуваат границата не значи дека не ја следиме ситуацијата. Доколку се покаже дека има потреба, секако повторно ќе воведеме контролни мерки, изјави Шаленберг за Австриската информативна агенција (АПА). Инаку, Австрија веќе ги отвори своите граници за 31 европска држава.