Александер Зверев – Kurir.mk

Зверев: Мојата игра е ужасна!

Ивана Ефремовски — Mon, 16 Oct 2023 14:37:56 +0000

Германскиот тенисер Александер Зверев втор АТП турнир од серијата 500 е елиминиран веќе во првото коло, откако денеска загуби во Токио од Австралиецот Џордан Томсон со 6-3, 6-4. „Ова што го одиграв денеска беше ужасно. Немам друг коментар за својата игра“, рече видно разочараниот Зверев по дуелот против 60. светски тенисер на АТП листата. За Зверев ова беше втор АТП турнир во низа на кој беше елиминиран на самиот старт. Претходно германскиот тенисер загуби во првото коло на турнирот во Шангај, каде уште полесно беше совладан од Русинот Роман Сафјулин со 6-3, 6-1. (МИА)

Зверев прв носител на турнирот во Сеул

Тале Кристо — Wed, 31 Aug 2022 19:51:28 +0000

Германскиот тенисер Александер Зверев, кој сè уште се рехабилитира од повредата на глуждот во полуфиналето на Ролан Гарос, ќе се врати на АТП Тур на турнирот во Сеул. Зверев денеска беше назначен за прв носител на турнирот во јужнокорејскиот главен град што е на програмата од 24 септември до 2 октомври. Организаторите на турнирот објавија дека, покрај Зверев, ќе настапат уште двајца тенисери кои се меѓу ТОП 10 на АТП листата – Каспер Руд од Норвешка и Камерон Нори од Велика Британија. Сеул првпат од 1996 година ќе биде домаќин на АТП турнир. Станува збор за еден од шесте турнири кои требаше да се одржат во Кина, а се откажани поради коронавирусот.

Надал по казната за Зверев: Би сакал да видам построги санкции за ваквото однесување

Ивана Ефремовски — Fri, 11 Mar 2022 21:25:56 +0000

Рускиот тенисер Александер Зверев имаше несекојдневен испад во Акапулко, поради што му беше изречена условна и парична казна од страна на АТП. Висината на казната според Рафаел Надал не беше доволна за такво однесување на теренот. Шпанецот смета дека начинот на кој што моментално се доделуваат санкциите не носат промена на однесувањето на играчите. „Ова е тешка позиција за мене. Имам поделено мислење бидејќи негувам добар однос со Саша и тој е некој што го ценам, но сигурен сум дека знае за неговата голема грешка. Тоа е позитивно, но од друга страна, ако не можеме да го контролираме ваквото однесување на теренот или да најдеме начин да го казниме на соодветен начин, тогаш играчите може да имаат чувство на неказнивост. Како и во сите спортови, мора да бидеме позитивни примери за младите кои нè гледаат. Така што, од една страна не сакам Саша да биде казнет, но од друга страна, би сакал да видам построги санкции за ваквото однесување, бидејќи тоа ќе го заштити спортот, судиите и сите присутни на натпреварите“, вели тенисерот од Мајорка. Надал е без пораз на почетокот од сезоната. Го освои трофејот на Австралија опен, а потоа продолжи без пораз на турнирот во Акапулко.

Петто сезонско АТП финале за Зверев

Тале Кристо — Sat, 30 Oct 2021 18:20:59 +0000

Германецот Александер Зверев и Американецот Френсис Тијафо ќе играат во утрешното финале на АТП турнирот во Виена. Зверев, кој претходно оваа недела ја запиша својата 300. победа во кариерата, обезбеди петто АТП финале оваа сезона со триумфот над Шпанецот Карлос Алкараз со 6-3, 6-3 за 68 минути игра. Негов противник во финалето ќе биде 49. рангираниот на АTП листата Тијафо, кој со 2-1 во сетови (3-6, 7-5, 6-2) беше поуспешен од Италијанецот Јаник Синер.

СЕКС БОМБА: Новата девојка на Зверев е убавица, не се исплашила од неговото минато (ФОТО)

Ивана Ефремовски — Fri, 08 Oct 2021 17:30:11 +0000

Германскиот тенисер Александер Зверев е во врска со актерката Софија Томала, пишува БИЛД. Убавата германска актерка е осум години постара од тенисерот, но тоа на Зверев не му е пречка. Се чини дека ниту на Софија не и пречи бурното минато на тенисерот, односно обвинувањата од поранешните девојки за физичко и психичко вознемирување.

View this post on Instagram

A post shared by S O P H I A T H O M A L L A (@sophiathomalla)