Александра Јанева – Kurir.mk

Новата песна на Александра Јанева е посветена на сите манипулатори (ВИДЕО)

Ивана Ефремовски — Wed, 31 May 2023 07:49:53 +0000

Доволно храбра да наметне нови стандарди и доволно своја и автентична да влијае на прогресот и трансформацијата на поп кулутрата кај нас. Таа дефинитивно е една од најталентираните и најуникатните женски вокали што некогаш се појавиле на македонската музичка сцена. Нејзиното име е Александра Јанева и токму таа, на јавноста и го претстави своето ново музичко парче кое го носи насловот „Утрото ќе промени се“, а со својот глас и чиста емоција и овој пат никого не остави рамнодушен. -Оваа песна беше затворена во фиока повеќе од една година, го чекавме вистинскиот момент за да ја објавиме и еве конечно дојде. Секој стих од мојата музика е вистинска приказна. „Утрото ќе промени се“ зборува за тоа дека понекогаш е подобро да кажете не и да кажете доста е, затоа што тоа е половина здравје. Ми требаше многу време и храброст да научам да кажам не и да се борам за она што е добро за мене. Затоа што кога ќе го научите тоа, ќе ви биде многу полесно во животот. Барем мене ми е, вели Александра. И за овој проект Александра работеше со одбрана екипа. Зад текстот се потпишуваат Драган Величковиќ - Тајзи и Лазар Цветкоски, музиката е на Александра и Лазе, а видео записот е дело на Горан Симјаноски. Во маестралноста и квалитетите на Александра Јанева досега се имаме уверено многупати. А сигурни сме и дека она што допрва ке го чуеме од неа ќе биде исто толку добро и емотивно како и се што досега има сработено! Во продолжение слушнете ја „Утрото ќе промени се“.

Вака се „раѓаат“ хитови: Александра Јанева добила навредлив коментар од обожавател, па се инспирирала за нова песна! (ВИДЕО)

Дарко Андоновски — Fri, 01 Apr 2022 10:15:45 +0000

Велат дека оние песни кои се пишуваат во еден здив се токму тие, вистинските, најубавите, а токму такво нешто и се случи на познатата пејачка Александра Јанева пред извесно време.. Нејзината нова нумера со наслов „Глумиме“ е направена буквално во еден здив. „Испровоцирана“ од обожавател кој на социјалните мрежи се дрзнал и напишал навредлива порака, било доволно Јанева да се инспирира и заедно со композиторот Лазар Цветкоски да создадат музичко дело кое сигурни сме дека ќе допре до секој од вас. Дека инспирацијата е навистина поради пораката од обожавателот, потврдува и Јанева. „Секој пејач кој често настапува во живо знае дека очите на публиката се постојано вперени во него и секој негов чекор буди најразлични чувства и поделени коментари кај нив. Инспирацијата за „Глумиме“ дојде после една необична порака која ја добив во инбокс, од лажен профил. Се насмеав на пораката и првото нешто што ми дојде на памет беше колку им е забавно на поединци да ѕиркаат во туѓи животи. И така почнав да си реплицирам, со рефрен за нова песна. Инаку за неколку дена и јавно сакам да ја објавам пораката која ја добив, сметам дека мојата публика треба да го види тоа“ - вели пејачката Јанева. Рефренот има доста силни зборови во кои веруваме дека ќе се пронајдат многумина од вас, а тој гласи вака: „Сите можеме да глумиме и туѓи животи да судиме, но каков живот имаш ти, кажи ми?“. Александра токму со овие зборови се појавила пред студиото на Лазар Цветкоски и двајцата песната ја создале за кратко време... Инаку Јанева и за оваа песна соработува со режисерот Ѓорѓи Вацев, а покрај неа, во спотот се појавува и моделот Илија Андов кој одлично си ја заврши својата работа. За нивниот стајлинг повторно се погрижи стилистката Милена Танаскоска, со која соработката трае веќе неколку години. Да потсетиме. Таа се врати на македонската музичка сцена по пауза од две години, на минатогодишниот „Макфест“ со автобиографската и моќна балада „Денот што ни носи“, авторско дело на Лазар Цветкоски. Преку „Денот што ни носи“ и „Глумиме“, Александра јасно покажува дека секој стих од нејзината музика е вистинска приказна и произлегува од емоциите кои ја обземаат. Како што вели таа, ова е само почетокот на нејзините неискажани приказни. Следуваат уште многу проекти кои ќе се најдат на нејзиниот втор албум. До тогаш уживајте во: „Глумиме“...

„Комета“- новиот хит на Александра Јанева (ВИДЕО)

Ивана Ефремовски — Sat, 31 Aug 2019 07:42:59 +0000

Александра Јанева го објави видео спотот за третата соработка со Иван Јованов Iwayo. Новиот сингл носи наслов „Комета“ и е секојдневна женска приказна со летен ритам. Зад текстот повторно се потпишува Александра Јанева, а музиката, аранжманот, миксот и мастерот се на Иван.

„Фустанот ми стигна две недели пред матурата“: Вака изгледаше Александра Јанева како матурантка (ФОТО)

Предраг Кукиќ — Wed, 29 May 2019 14:28:32 +0000

Започна периодот на матурите и матурските прослави, а матурантите брзаат да ја најдат соодветната комбинација за таа вечер. Шминка, фризура, високи потпетици, модни комбинации се нивните грижи за тој посебен ден кoга завршува едно образовно поглавје во својот живот. И македонските јавни личности некогаш биле матуранти. Александра Јанева се потсети на својата матурска вечер, па во интервју за „Бекстејџ“ откри како изгледала таа вечер. „Една многу позитивна и весела атмосфера, многу играње и најмногу изиграни ора во мојот живот“ вели Јанева. Таа истакна дека била матурантка која не размислувала за таа вечер. „Се договорив со тетка ми да ми испрати еден фустан.Ми стигна две недели пред матурата и едноставно немаше простор да размислувам дали ќе ми биде добар, дали ќе ми се допадне“ вели Александра. Пејачката откри дека таа вечер била под дејство на алкохол, но не била пијана, а дека дома се вратила во раните утрински часови. За потсетување, оваа година Андријана беше придружен вокал на евровизиската претставничка Тамара Тодевска.

Александра Јанева го објави својот „Одговор“ (ВИДЕО)

Ивана Ефремовски — Fri, 29 Mar 2019 07:47:03 +0000

На неполн месец од промовирањето на последниот сингл „Срце отвори“ поп-пејачката Александра Јанева денес објави уште една нова песна. Текстот на песната „Одговор“ е на Александра, а зад музиката се потпишуваат заедно со Тино Стојановски. На аранжманот работеле со продуцентот Иван Јованов Iwayo. Видеото е изработено од Pinestel продукција. -За мене „Одговор“ е една нова страна во музиката. Премолчувањето станува внатрешна борба со сопствените потиснати чувства. „Одговор“ е за изневерената толеранција, доверба, љубов, вели пејачката за своето прво авторско дело. Песната ќе се најде на деби-албумот на Јанева насловен „Срце отвори“.

Александра Јанева си го отвори срцето: Слушнете ја нејзината нова песна (ВИДЕО)

Ивана Ефремовски — Thu, 28 Feb 2019 12:33:05 +0000

Поп-пејачката Александра Јанева има нова песна со видео-запис насловена „Срце отвори“. По успехот на минатогодишниот сингл „Ќе се вратам некој ден“, Александра ја продолжува соработката со авторите Панче Илиев и Иле Спасев, а текстот е на Огнен Неделковски. -Срце отвори е песна за сите нас кои секој ден се трудиме да се допаднеме некому, а сè што треба е искрено да се отвориме за да доживееме љубов, влезени во свој филм, вели Јанева.