александра нацев – Kurir.mk

Нацев на одбележувањето на 12 годишнината од трагичната хеликоптерска несреќа кај Блаце, на одбележувањето не присуствуваа Шеќеринска, ниту Пендаровски

Тале Кристо — Sun, 12 Jan 2020 13:00:47 +0000

Денеска се одбележаа дванаесет години од хеликоптерската несреќа кај Блаце, каде животот го загубија 11 лица, припадници на Армијата на Република Македонија. Со Почит и неизмерна благодарност кон нивната пожртвуваност, пишува на Фејсбук универзитетскиот професор Александар Нацев кој што присуствуваше на одбележувањето од трагичната несреќа. ПС. Многу говори фактот што овој чин денеска беше заборавен од врвот на власта и надлежните, срамно, без поклон кон изгубените животи. Вечна им слава на овие храбри луѓе, нека почиваат во мир! Инаку, на одбележувањето од оваа трагична хеликоптерска несреќа во која загинаа 11 припадници на Армијата на Република Македонија не присуствуваа, министерката за одбрана Радмила Шеќеринска, ниту пак врховниот командант на АРМ, Стево Пендаровски. Армискиот хеликоптер Ми-17 на овој ден пред 12 години се урна во селото Блаце кај Катланово, на само 50-ина метри од последните куќи во селото. Во услови на намалена видливост, поради маглата, хеликоптерот ја започнал постапката за слетување на аеродромот „Александар Велики“. На падот на армискиот хеликоптер му претходела експлозија. Во несреќата немаше преживеани, а загинаа потполковник Тони Спасовски, водник Александар Васиќ, водник Александар Тасковски, заставник Тони Давитковски, постар водник Јанко Шириќ, мајор Горан Ристовски, десетар Златко Вељановски, капетан Бране Спасовски, водник Мики Ивановски, заставник Славчо Василев и капетан Игор Ѓоревски. Единаесетте мировници се враќаа од мисијата АЛТЕА во Босна и Херцеговина.

Нацев: Припадниците на Армијата оставени без греење, на војниците им се наредува да се собираат во една просторија за да се затоплат

Тале Кристо — Sat, 11 Jan 2020 12:37:16 +0000

Кога ви е поважно да одвоите цел ден за да се клатите пред камера во украден видео спот, а не ве интересираат условите во кои работи Армијата на Република Македонија, јасно е дека војската ќе ја плати цената, изјави на денешната прес-конференција Александар Нацев од ВМРО-ДПМНЕ. Кога ви е приоритет да одговарате на прашања од типот „благо без кое не може да живеете?”, јасно е дека војниците ќе мрзнат, вели Нацев. -Почитувани, овие греалки се сликата за условите во кои работат припадниците на Армијата во 21 век. Ова не се НАТО стандарди. Во касарната „Илинден“ веќе неколку дена војниците и старешните се оставени без греење. Војниците се насочуваат да земаат слободни денови, за да има помалку луѓе во работните простории. Целта е да се исклучуваат некои грејни тела, бидејќи ако секаде се вклучат грејни тела во павилјоните, паѓаат и избиваат осигурувачи, открива тој. -На војниците им се наредува да се собираат во една просторија, каде што групно ќе се греат на греалици, кои им било кажано да ги донесат од дома. Дополнително, војниците дури и потценувачки се охрабруваат да издржат уште неколку дена без парно, бидејќи ќе се затоплело времето, па немало да биде толку ладно, додава НАцев. -До кога со декларативни заложби и лажна загриженост за војската? До кога војниците ќе ги трпат на свој грб незаинтересираноста и неефикасноста на тимот на Шекеринска, кој е составен од партиски послушници, а не од професионалци кои ја сакаат Армијата и кои сакаат да придонесат за нејзино оптимално функционирање, прашува Александар Нацев од ВМРО-ДПМНЕ. -После 12-ти април следува обнова на Македонија, а обезбедувањето на соодветни финансиски и материјални услови за припадниците на Армијата ќе стане приоритет, порача Нацев на Денешната прес-конференција.

Нацев: Поминаа две години од лагата на Заев дека ќе го објави прислушкуваниот материјал за случајот кај Смилковско езеро

Дарко Андоновски — Fri, 27 Apr 2018 12:38:09 +0000

Каде се осудените Алил Демири и Африм Исмаиловиќ? Двајцата имаат доживотни казни за грозоморната ликвидација на петте момчиња, а власта не презема ништо за да ги обезбеди и спроведе на издржување на казната за случајот Монструм, ова на денешна прес конференција го истакна Александар Нацев од ВМРО-ДПМНЕ. -Наместо да ургира како косовските власти да ги испорачаат, Зоран Заев не запира со морбидната кампања во врска со свирепо убиство кај Смилковско езеро. Заев 6 години си поигрува со семејствата на убиените. Заев го искористи случајот во морбидна кампања и ја лажеше јавноста, велејќи дека се што поседува како прислушкуван материјал за случајот ќе објави. Две години подоцна Заев се уште ја нема обелоденето вистината, која тврдеше дека ја знае. Поминаа две долги години со манипулација и морбидна кампања. Заев и криминалниот картел кој го води го искористија овој случај за добивање политички поени, ветувајќи дека ќе ја кажат вистината. Си поиграа со судбината на семејствата на убиените и со чувствата на граѓаните. Криминогениот Заев вчера од собраниска говорница рече дека доколку имал конкретни докази тоа и ќе го објавел, потенцира Нацев. Тој додава дека Заев презеде обврска со Тиранската платформа, убијците од случајот Смилковско езеро да бидат ослободени. Случајот кој беше правосилно осуден со доаѓањето на Заев и криминалниот картел на власт вратен е на повторно судење, а осудените се пуштени на слобода. -Зоран Заев и криминалниот картел кој го води, со години ги манипулираа родителите на убиените, но и целата јавност. Од родителите слушавме како Заев им давал транскрипти од разговори помеѓу Невзет Бејта и Фејзи Азири, но и како ги уверувал дека петте броеви со кои комуницирале убијците на денот на убиството, а се заведени како државна тајна се на функционери на ДУИ. Сега Заев ретерира. Лаже и манипулира. Наместо вистината која тврдеше дека ја знае вчера кажа дека ништо не знае и дека нема докази за она што го зборел. Оваа морбидна кампања и играње со чувствата на граѓаните мора да запре. Правната држава е императив и таа мора да биде вратена. Заев и криминалниот картел кој го води тоа не можат да го направат. Граѓаните заслужуваат подобро, истакна Нацев.

Нацев: Одговорност за масакрот во Јасен мора да има

Катерина Бојаџиева — Wed, 11 Apr 2018 09:25:06 +0000

СДСМ не знае да стопанисува со природните ресурси и подрачјата од државен интерес. Масакрот на 57 диви свињи на подрачјето на резерватот „Јасен“ во време на ловостој и размножување е пример за аздисаноста на оваа власт. Недозволив е масакрот на 57 диви свињи во сезона на размножување, истакна Александар Нацев од ВМРО-ДПМНЕ. -Управата на ЈП „Јасен“ и Зечевиќ не смеат да бегаат од одговорност. Управата на ЈП „Јасен“ и директорот Новица Зечевиќ, мора да понесат одговорност за овој масакр. Недозволиво и непромислено е однесувањето на управата на ЈП „Јасен“ со природните ресурси и животинскиот потенцијал на ловиштето. Недозволиво е масакрот да се прикрива под превезот на санитарен лов. Скандалозна е изјавата на Зечевиќ дадена во медиумите дека се работи за санитарен лов, а од оваа слика јасно се гледа дека дивечот го ловеле комерцијални ловџии. Не може да биде санитарен лов масакр на 57 диви свињи, меѓу кои и 20-тина трофејни свињи, вели Нацев и додава: „Санитарен лов не се врши од страна на комерцијални ловџии, туку од страна на самото претпријатие на строго претходно утврден број на единки. Не може овој лов да се претставува како санитарен лов и со тоа покрај самиот масакр кој е недозволив да се нанесува директно материјална штета на државата, односно ЈП „Јасен“ да се оштетува за десетици илјади евра со неплаќање за отстрелот. Управата на ЈП „Јасен“ и Зечевиќ мора да дадат одговори. Граѓаните имаат право да знаат“. ВМРО-ДПМНЕ уште еднаш го повика ОЈО да преземе мерки по допрен глас и да ја утврди фактичката состојба, законските прекршувања и сторените кривични дела по Законот за ловство, евентуално сторените дела од областа на финансискиот криминал и други злоупотреби направени од, како што велат, оваа неодговорна власт. Инаку, како што пишуваше порталот Нетпрес, дел од ловџискиот тим за „масакр“ биле и Хари Костов (поранешен премиер и министер во МВР), Нано Ружин (поранешен амбасадор) и Бранко Бојчевски (поранешен директор на Бирото за јавна безбедност). За своето задоволство групата ловџии платиле само 2400 евра.