Алексеј Арестович – Kurir.mk

Арестович: Русите се подготвуваат за најтешката битка во Херсон

Ивона Петрова — Wed, 26 Oct 2022 07:02:57 +0000

Руските сили се подготвуваат за најтешката битка во стратешки важниот јужен регион Керсон, соопшти украинскиот заменик претседател, Алексеј Арестович. „Со Херсон се е јасно. Русите довлекуваат резерви, ја зајакнуваат својата група таму. Тоа значи дека не планираат да се повлечат. Напротив, најтешката битка ќе се води за Херсон“, изјави Арестович на неговиот канал на Телеграм. Јуриј Соболевски, украински регионален заменик за Херсон, кажа дека властите назначени од Москва вршат зголемен притисок врз жителите на градот да се евакуираат. Руските власти претходно ги повикаа жителите на Херсонската област да се евакуираат и предупредија дека Украина планира офанзива против регионот. Лондонски „Гардијан“ оценува дека од четирите украински области кои во септември го објавија приклучувањето кон Русија, Херсон е веројатно стратегиски најважниот. Оваа област го поврзува единствениот копнен пат до полуостровот Крим, што Русија го анкетира во 2014 година, и устието на реката Днепар.

Арестович: Русија не може со сила да ја заземе челичаната Азовстал

Тале Кристо — Thu, 21 Apr 2022 12:01:23 +0000

Русија одлучи да ја блокира опколената фабрика за челик „Азовстал“ во градот Мариупол, бидејќи не може да ја заземе со сила, изјави денеска советникот на украинскиот претседател Алексеј Арестович. – Тие не можат физички да го земат Азовстал, тоа го сфатија, таму претрпеа огромни загуби. Нашите бранители сè уште го држат, рече Арестович на брифинг. Според Арестович, тоа може да се објасни и со фактот што тие преместија дел од своите сили од Мариупол на север, со цел да ги зајакнат трупите кои се обидуваат да ја исполнат својата главна цел – напредување до административните граници на Доњецк и Луганск. Претходно денеска рускиот претседател Владимир Путин и нареди на руската армија да ги откаже плановите за упад во Азовстал, рече дека сака челичаната да остане под строга блокада и ги повика преостанатите украински борци да се предадат.

Арестовиќ: Украинскиот претседател не го промени ставот, границите од 1991 година мора да се почитуваат

Ивана Ефремовски — Thu, 17 Mar 2022 12:28:50 +0000

Украинскиот претседател не го промени својот став во врска со тоа дека меѓународните граници кои постоеја во времето на распадот на Советскиот Сојуз во 1991 година и натаму мора да се почитуваат, изјави денеска советникот на украинскиот претседател Алексеј Арестович. „Неговата главна позиција не е променета. Никогаш нема да се откажеме од нашите национални интереси“, рече Арестовиќ. Москва го анектираше полуостровот Крим кон Руската Федерација во 2014 година, но Обединетите нации сè уште го сметаат регионот за дел од Украина. Русија исто така ги призна декларациите за независност на двете самопрогласени републики во источна Украина. (МИА)