Арестович: Украина нема да прави компромис со Русија

Ивана Ефремовски — Thu, 19 May 2022 07:05:47 +0000

Советникот на украинскиот претседател Алексиј Арестович изјави дека Украина нема да направи компромис со Русија и оти нема да се откажи од територија. -Единствена опција за помирување е капитулација на Русија, повлекување на трупите и разговор за отштета. Тоа е принципиелниот став на Владата, посочи Арестович. Тој додаде дека некои држави сакаат повторување на договорот од Минск, со кој безуспешно се обидуваа да стават крај на војната во украинскиот регион Донбас во 2014 година, а други земји ќе се обидат да преговараат. -Нема да има опција во која ќе им дозволиме на Русите да останат овде, посочи Арестович. (МИА)

Арестович: Итна истрага поради наводно злоставување на заробеници

Тале Кристо — Mon, 28 Mar 2022 06:57:37 +0000

Советникот на украинскиот претседател, Алексиј Арестович вети итна истрага по појавувањето на видео на кое се гледа како украински војници пукаат во колената на мажи, кои очигледно се руски заробеници. – Владата ова го сфаќа многу сериозно и ќе се спроведе итна истрага. Ние сме европска армија и не ги исмеваме нашите затвореници. Ако ова се покаже како точно, тоа е апсолутно неприфатливо однесување, нагласи Арестович. Тој истакна дека Украина ги третира затворениците во согласност со Женевската конвенција. Си-Ен-Ен побара коментар од украинското Министерство за одбрана. – Со цел да ги дискредитира украинските одбранбени сили, непријателот снима и дистрибуира монтирани видеа кои го покажуваат нехуманиот третман на наводните „украински војници“ кон руските затвореници. Нагласувам дека војниците на вооружените сили на Украина и другите легитимни воени формации строго се придржуваат до нормите на меѓународното хуманитарно право, изјави началникот на украинските вооружени сили Валери Залужни.

Алексиј Арестович – Kurir.mk

Арестович: Украина нема да прави компромис со Русија

Арестович: Итна истрага поради наводно злоставување на заробеници