Алексис Мекалистер – Kurir.mk

Ливерпул го претстави првото засилување за наредната сезона

Бошко Тасиќ — Thu, 08 Jun 2023 20:52:30 +0000

Поранешниот фудбалер на Брајтон, Алексис Мекалистер денеска потпиша повеќегодишен договор со Ливерпул. Почетната цена на трансферот е 35 милиони фунти, а некои извори наведуваат дека трансферот би можел да достигне 55 милиони фунти, објави Скај. Медиумите наведуваат дека договорот е потпишан до јуни 2028 година. Со Брајтон сезонава го зазеде шестото место во Премиер лигата, една позиција послабо од Ливерпул. „Ова е остварување на сонот, неверојатно е да се биде тука, едвај чекам да започнам. Сакам да бидам фит од првиот ден на тренинг, па добро е што се е готово. Со нетрпение чекам да ги сретнам моите нови соиграчи. Беше фантастична година за мене, Светското првенство и она што го направивме во Брајтон.

Ливерпул подготви 50 милиони евра за аргентинската ѕвезда

Бошко Тасиќ — Sun, 09 Apr 2023 07:43:44 +0000

Најновата желба на Клоп е аргентинскиот репрезентативец и играч на Брајтон, Алексис Мекалистер.23-годишиот играч за врска пристигна во Брајтон од Бока Јуниорс за 12 милиони евра и неодамна го продолжи договорот со англислиот клуб до 2025 година. Неговата цела после Мундијалот значително порасна, а Ливерпул е спремен да понуди 50 милиони евра за неговиот потпис. „Црвените“ веќе стапиле во контакт со неговиот агент и работат на трансферот бидејќи сакаат да ја победат конкуренцијата.

Реал Мадрид заинтересиран за Мекалистер

Бошко Тасиќ — Sat, 01 Apr 2023 11:12:39 +0000

Шпанскиот фудбалски гигант Реал Мадрид е заинтересиран за потписот на играчот од средниот ред на Брајтон, Алексис Мекалистер. На „Сантијаго Бернабеу“ бараат опции за замена на Лука Модриќ, кому му истекува договорот, а се насочиле кон светскиот шампион со Аргентина, тврди „Тутомеркато“. Мекалистер блесна со настапот на Светското првенство во Катар, каде одигра клучна улога на патот на Аргентина до светската титула. Во Брајтон исто така се претстави одлично оваа сезона, со 26 настапи, девет гола и една асистенција во сите натпреварувања. Сепак, Реал Мадрид би можел да има сериозна конкуренција за потписот на 24-годишниот фудбалер, кого го бараат и Манчестер Јунајтед, Манчестер Сити и Пари Сен Жермен.