Алексис Санчез – Kurir.mk

Санчез: Отсекогаш сакав да останам во Марсеј, но тоа не зависеше само од мене

Ивона Петрова — Sat, 26 Aug 2023 12:28:08 +0000

Напаѓачот Алексис Санчез го коментираше неговото заминување од Марсеј. - Не ми останува ништо друго освен да му се заблагодарам на клубот, неговиот медицински тим, персоналот и на целиот тим. Споделив многу убави моменти со моите партнери. Ви благодарам што ме поддржувавте и извинете што вршев притисок врз вас на секој натпревар и на секој тренинг. Голема благодарност до целата јавност во Марсеј која секогаш ме поддржуваше срдечно во добри и лоши моменти. Прекрасно си поминав и имам многу убави спомени од тоа. Исто така, би сакал да разјаснам некои теми и да кажам дека од моја страна отсекогаш сум сакал да останам во Марсеј. Ова е она што отсекогаш го сакав, но не зависеше само од мене. Овој пат управата направи поинаков избор, но јас го почитувам, го цитира Санчез „Footmercato“. Во сезоната 2022/23, Чилеанецот одигра 44 натпревари за Марсеј и постигна 18 гола во сите натпреварувања. Санчез од денес официјално се врати во Интер, клуб за кој настапуваше од 2019 до 2022 година.

Алексис Санчез потпиша за Интер

Бошко Тасиќ — Sat, 26 Aug 2023 05:39:08 +0000

Интер го врати Алексис Санчез во своите редови, со што добива уште еден искусен и квалитетен офанзивен фудбалер во своите редови. Алексис се враќа од редовите на Олимпик Марсеј, каде ја мина претходната сезона. Санчез има над 100 одиграни натпревари во дресот на Интер, при што постигна 20 гола и испрати 23 асистенции.

Санчез би можел да се пресели во Интер

Ивона Петрова — Mon, 21 Aug 2023 14:00:47 +0000

Извршниот директор на Интер, Џузепе Марота изјави дека поранешниот напаѓач на „нероаѕурите“ Алексис Санчез го известил за неговата желба да се врати во италијанскиот клуб. - Санчез сака да се врати овде. Алексис ни испрати јасни сигнали за неговата желба да се врати во Интер, вистина е, го цитира Марота новинарот Фабрицио Романо. Алексис Санчез играше за Интер од август 2019 до август 2022 година. Заедно со тимот го освои италијанското првенство, како и Купот и Суперкупот на земјата. Чилеанецот има 109 настапи за Интер во сите натпреварувања, постигнувајќи 20 гола и 23 асистенции. Во сезоната 2022/23, 34-годишниот Санчез одигра 44 натпревари за Марсеј и постигна 18 гола во сите натпреварувања. Во моментов има статус на слободен играч. зс/ На 4 август се појави информација дека Санчез би можел да се врати во Барселона, за која играше од јули 2011 до јули 2014 година.

Ди Марија и Санчез ги нудат своите услуги на Барселона, но тешко дека ќе бидат ангажирани, на Чави му требаат млади играчи

Дарко Андоновски — Tue, 07 Jun 2022 12:55:32 +0000

Анхел Ди Марија и Алексис Санчез сакаат да се преселат во Барселона. Според „Diario Sport“, играчите ги понудиле своите услуги на каталонскиот клуб, но нивниот трансфер во Барса во летниот преоден рок е малку веројатен. Чави сака да види квалитетни млади играчи во тимот. Главен претендент за засилување на десното крило на нападот во случај на заминување на Усман Дембеле од клубот е крилниот напаѓач на Лидс, Рафиња. Во Барса се оптимисти за неговиот можен трансфер, бидејќи играчот е подготвен на се за да биде во каталонскиот клуб на лето. Ди Марија и Санчез се далеку од првите кандидати на листата на можни новајлии во Барса, но во јули клубот ќе види каква ќе биде ситуацијата. Ди Марија има понуда од Јувентус, но реши да почека одлука од Барселона. Севиља покажува интерес за Санчез, но Чилеанецот засега не се договорил за ништо со клубот од Андалузија и исто така чека одлука од Барса. Да потсетиме дека Ди Марија го напушти ПСЖ и сега е во статус на слободен агент. Договорот на Санчез со Интер е до летото 2023 година. Претходно беше објавено дека италијанскиот клуб ќе се раздели со него. Двајцата играчи веќе играа во шпанското првенство. Санчез играше за Барселона од 2011 до 2014 година, додека Ди Марија играше за Реал Мадрид од 2010 до 2014 година.

Интер се ослободува од Алексис Санчез, Англија следна дестинација

Бошко Тасиќ — Sun, 09 Jan 2022 08:29:13 +0000

Фудбалерот на Интер Алексис Санчез би можел да се врати во Англија, каде што играше за Арсенал и Манчестер Јунајтед. Евертон во моментот е заинтересиран за 33-годишниот чилеански репрезентативец. Според англиските медиуми, Интер им понудил на „Карамелите“ да го земат Алексис без да платат обештетување со цел да се ослободи од високата плата на напаѓачот. Санчез е во Интер од 2020 година и има договор до 2023 година, но клубот сака да се раздели со него сега.

Познато е кога Санчез се враќа во составот на Интер

Ивана Ефремовски — Thu, 17 Dec 2020 19:43:21 +0000

Чилеанецот Алексис Санчез ќе ги пропушти и преостанатите два натпревари во Серија А во оваа календарска година и ќе биде подготвен да се врати на теренот на почетокот на 2021 година, јавија денеска италијанските медиуми. Според истите извори, рехабилитацијата на Санчез по повредата на мечот против Каљари се одвива добро, но тренерот на Интер, Антонио Конте, не сака да ризикува со здравјето на својот напаѓач и ќе почека тој целосно да биде подготвен за настап. Санчез ќе ги пропушти преостанатите два меча годинава против Специја и Верона, а се очекува да се врати во „сино – црниот дрес“ на 3 јануари против Кротоне. Чилеанскиот напаѓач сезонава одигра 14 натпревари за Интер и постигна два гола, додавајќи и три асистенции. (МИА)

Санчез официјално во Интер до 30.јуни 2023

Ристе Здравков — Thu, 06 Aug 2020 19:55:20 +0000

Интер ја потврди веста за ангажманот на Алексис Санчез која синоќа ја лансираше менаџерот на Манчестер Јунајтед, Оле Гунар Солксјаер, после триумфот над ЛАСК за место во четвртфиналето во Лигата на Европа. Напаѓачот од Чиле беше на позајмица сезонава на „Сан Сиро“, но Интер постигна договор за да го задржи 31-годишниот фудбалер до јуни 2023 без обештетување.Санчез постигна 4 гола на 29 мечеви за Интер оваа сезона.Претходно ,тој одигра 45 натпревари за Јунајтед и постигна само 5 гола откако дојде од Арсенал во 2018 година. Санчез во кариерата настапуваше и за Барселонa.Во Серија А дебитираше 2006 година кај Удинезе.

Ваков грабеж тешко дека ќе се случи повторно: Секој допир на топката на Санчез го чинел Манчестер јунајтед 28.800 фунти!

Ристе Здравков — Thu, 06 Aug 2020 13:55:20 +0000

Откако официјално беше потврден трансферот на Алексис Санчез во Интер, медиумите од „островото“ повторно направија пресметки колку Чилеанецот ги чинел „ѓаволите“. Алексис Санчез во Арсенал се промовираше во еден од најдобрите офанзивци во Премиерлигата, па Манчестер јунајтед не штедеше пари кога во јануари 2018 успеа да ги победи ривалите до потписот на Чилеанецот. „Тоа беше најголемиот пост на Манчестер јунајтед на Инстаграм со два милиони лајкови и коментари, најсподелуваниот пост на Манчестер јунајтед на Фејсбу како и постот кој доби најмногу ре-твитови на Твитер. Исто така, хаштагот Алексис7 беше трендинг топик на Твитер ширум целиот свет“ – се фалеше Ед Вудворд по комплетирањето на зделката. Очекувањата беа големи, но трансферот набрзо се претвори во кошмар, Алексис Санчез во дресот на „ѓаволите“ беше само бледа сенка од играчот кој ги полнеше противничките мрежи во Арсенал. Алекси Санчез стана најплатениот играч на Олд Трафорд, се шпекулира дека неделните примања му се 560.000 фунти, па бидејќи ефектот на терените беше никаков, раководството на клубот за кратко време почна да му бара нов клуб. Минатото лето конечно успеаја да го испратат на позајмица во Интер и тоа откако се сложија да плаќаат дел од платата. На „Меаца“ тој привремено покажа што умее, па „нероаѕурите“ решија да го задржат но под услов да не платат ниту едно евро за обештетување. Манчестер јунајтед се сложи (одредени извори велат дека „ѓаволите“ дури и му платиле на Алексис Санчез да си оди) со оглед на тоа дека ќе заштедат помеѓу 40 и 60 милиони фунти на име на плати во следните две сезони. За тоа колкаво промашување беше трансферот на Алексис Санчез на Олд Трафорд, говори пресметката која ја направи Сан. Весникот вели дека Манчестер јунајтед на Чилеанецот му платил речиси 60 милиони фунти, а тој постигнал само пет гола, па секој гол чини речиси 12 милиони фунти. Во Премиерлигата погоди само три пати, па секој гол во најсилното првенство на Англија чини речиси 20 милиони евра. Веројатно најразочарувачки е тоа што секој допир на топката чинел 28.000 фунти.

Интер потпиша договор со Санчез

Ивона Петрова — Thu, 06 Aug 2020 09:24:25 +0000

Интер го официјализира договорот за трансфер на напаѓачот Алексис Санчез. Манчестер јунајтед се откажа од правата на играчот, се објавува на веб-страницата на клубот од Милано. Договорот со 31-годишниот Чилеанец се пресметува до 2023 година. Во сезоната 2019/20, Санчез одигра 30 натпревари за Интер, со четири гола и 10 асистенции на негова сметка.

? | ANNOUNCEMENT@Alexis_Sanchez has joined Inter on a free transfer ?https://t.co/2IbrSjiogi
— Inter (@Inter_en) August 6, 2020

Интер е подготвен да го откупи Алексис со намалување на платата

Магдалена Андонова — Thu, 30 Jul 2020 09:42:00 +0000

Манчестер јунајтед нема да дозволи играчот од средниот ред Алексис Санчез да игра за Интер до завршувањето на Лигата на Европа, бидејќи може да се соочи со клубот од Милано во финалето на турнирот. Во исто време, англискиот клуб е подготвен да го продолжи закупот на 31-годишниот Чилеанец на крајот на сезоната, но повеќе би сакале да го продадат, пренесува „ESPN“. Од друга страна, Интер е заинтересиран да го откупи Санчез, под услов да се согласи на значително намалување на платата. Во Манчестер јунајтед, играчот од средниот ред заработува околу 400.000 фунти неделно. Договорот на Санчез со „црвените ѓаволи“ важи до 2022 година. (МИА)