Николоски: Ни милиметар нема да отстапиме од она што се наши ставови во врска со уставните измени

Ристе Здравков — Fri, 24 Mar 2023 17:50:13 +0000

„Сега државата има проблем зошто неодговорна власт прифатила работа која што не може да ја испорача“, истакна Александар Николоски, потпретседател на ВМРО-ДПМНЕ во гостување во „Аргумент плус“ на Телевизија 24. Николоски додаде дека во Собрание од власта најавуваа зголемено парламентарно мнозинство но се увиде дека бројките останаа исти, од 64 сега се само 65. Така да ништо од зголемено парламентарно мнозинство. Во текот на своето гостување потенцираше дека има средби кои се непријатни но ВМРО-ДПМНЕ нема да отстапи ни милиметар од своите ставови во врска со уставни измени. „Најчесто се работи за средби на кои што слушаат, на кои што добиваат информации, кажуваат кои се позициите на државата која што ја претставуваат и тоа е тоа. Секако дека има и понепријатни средби, има и средби на кои што има притисоци, но ние не сме спремни милиметар да отстапиме од ова што се наши ставови“, нагласи Николоски. Тој посочи дека ВМРО-ДПМНЕ нема од отстапи од позициите кои ги има сега. „Денес сме против промена на Уставот, затоа што сметаме дека тоа не е нешто што Македонија треба го направи особено што Бугарија со ништо не гарантира дека нема да продолжи да ја уценува Македонија“, рече потпретседателот на ВМРО-ДПМНЕ. Николоски нагласи дека ВМРО-ДПМНЕ има начин, има концепт како Македонија да излезе од тој ќорсокак во кој што е влезена. Планот на ВМРО-ДПМНЕ се состои од три сегменти на кој што предуслов се предвремените парламентарни избори. Првиот сегмент е национален, или национално издигнување на македонскиот народ. Вториот концепт е политичка заштита на идентитетот на македонскиот народ и македонскиот јазик. А, третиот концепт е финансиски напредок и бенефит за граѓаните. Значи планот содржи национален дел, политички и економски.

Николоски: Мора и ние да бараме гаранции во однос на Бугарија, потребни се цврсти гаранции за самобитноста на македонскиот јазик и македонскиот народ

Ристе Здравков — Tue, 01 Mar 2022 08:29:36 +0000

„На Македонија и се случува мек напад, каде што ние уште ноември 2019-та година после т.н. позиција на бугарското национално Собрание до денес имаме една агресивна бугарска политика која што директно удира во темелите на македонската држава и македонскиот народ. Што не е изненадување. Тие таа политика ја имаат веќе 150 години од основањето на бугарската држава, но ја гледаме поагресивна во изминатите години. И можеби ова што се случува во Украина треба да е еден поттик малку посериозно да ги поставиме нашите позиции“,истакна Александар Николоски, потпретседател на ВМРО-ДПМНЕ во „Утрински Брифинг“. Николоски додаде дека руско влијание во Бугарија има континуирано. „Тргнете од јазикот кој што неколку пати е кодифициран, после Втората Светска војна. Што значи дека теоретски бугарскиот јазик е помлад од македонскиот јазик ако сакаме да одиме во тој тип на апсурди. Неговата последна кодификација е практично русификација на јазикот. Но, тоа е помалиот дел. Но, ако гледаме историски секогаш Русија, дали е тоа Царска Русија, дали е Советска Русија, бирала партнери на Балканот кои што не се во Скопје, не се во Македонија туку се или во Софија или Белград, понекогаш и во Атина. Не, смее да се потцени тоа влијание во Бугарија, гледаме што се случува со поранешниот премиер актуелен министер за одбрана на Бугарија и неговите ставови и како претседателот Радев излегува да го брани“, рече Николоски. Николоски укажа дека е потребна поголема обединетост на Македонците и македонските политичари. „Нашиот став кој што го искажувавме пред месец ипол - два и континуирано од тогаш го кажуваме мислам дека не се фати сериозно, а тоа е дека доколку Бугарија бара гаранции, тогаш мора и ние да бараме гаранции во однос на Бугарија. И мора да добиеме цврсти гаранции за самобитноста на македонскиот јазик и македонскиот народ“, нагласи Николоски. Николоски посочи дека Македонија мора да добие цврсти гаранции во однос со спорот со Бугарија. „И конечно мора да се престане да се користи процесот на евроинтеграции за дневно политички цели. Мислам дека процесот на евроинтеграции е најзлоупотребуван процес во Македонија, и секогаш кога шкрипи на Владата се користи процесот на евроинтеграција или да се предизвикаат предвремени избори во едно не такво далечно минато, или да не се оди на избори сега. И имаме смешни ситуации од типот на Кастриот Реџепи, влегувањето на Атернатива во Влада, и мислам дека таа реторика треба да се напушти“, истакна Николоски.

алексндар николоски – Kurir.mk

Николоски: Ни милиметар нема да отстапиме од она што се наши ставови во врска со уставните измени

Николоски: Мора и ние да бараме гаранции во однос на Бугарија, потребни се цврсти гаранции за самобитноста на македонскиот јазик и македонскиот народ