Алфа Ромео – Kurir.mk

„Alfa Romeo“ го најави најубавиот автомобил на светот, можете да го видите преку „AI“ технологијата

Ристе Здравков — Thu, 24 Aug 2023 08:48:51 +0000

„Alfa Rome“ својот суперспортски новитет го најави за крајот на месецот, а некои можат да видат уште сега. Се што треба да направите е да дадете вистински опис на автомобилот преку шест клучни зборови, а сè останато ќе направи вештачката интелигенција. По тој повод „Alfa Romeo Australia“ претставува посебна страница на која сите заинтересирани можат да ги видат досега осмислените предлози, но и да претстават свој.

View this post on Instagram

A post shared by Alfa Romeo Australia (@alfaromeo_aus)

Компанијата досега објавила само неколку детали поврзани со новитетот, а ја оставила отворена и идејата дали навистина се работи за духовен наследник на моделот „33 Stradale“ од 1967-ма. Повеќето ќе се согласат дека тука единствено е важно дека „Stellantis“ учествува само како финансиска потпора, а дека притоа на експертите на „Alfa“ им е дадена целосна слобода. Се надеваме … Информациите кои досега најгласно одекнале одат во насока на тоа дека станува збор за автомобил на основа на „Maserati MC20“, со мотор од „Giulia QV“, односно 2.9 V6 битурбо. Наводно се освен цената е во знакот на бројот 33, па така освен бројчената ознака, серијата брои точно 33 примероци, а новата „Alfa“ може да забрза до 333 км/ч. Цената ќе изнесува околу милион евра. Се ќе биде познато за кратко време.

Alfa Romeo подготвува Giulia со 1.000 КС!

Ристе Здравков — Tue, 28 Feb 2023 15:36:03 +0000

Alfa Romeo ќе претстави Giulia Quadrifoglio со 1.000 КС. До 2027 година, сите нови модели на Alfa Romeo мора да станат електрични возила, но преминот кон такви погонски единици не значи дека брендот ќе ги напушти емотивните модели. Во интервју за AutoCar, шефот на Alfa Romeo, Жан-Филип Импарато, вети дека компанијата ќе го задржи моделот Giulia во својата гама, кој ќе биде сериозно преработен, па дури и делумно унифициран со спортските автомобили на Maserati. Моделот ќе се базира на надградена верзија на платформата STLA од новата генерација на кросоверот Peugeot 3008. Супер седанот може да се полни за 20 минути од 10% до 80%, а километражата без полнење ќе биде 700-800 километри. Дизајнерски, наследникот на Giulia, вели Жан-Филип Импарато, „ќе изгледа како Alfa Romeo што сите го посакуваме“ со „многу кул“ надворешност. Изгледот на моделот ќе биде поддржан од соодветните технички карактеристики. Моќноста на основниот електричен автомобил ќе биде околу 350 КС, верзијата Veloce веќе ќе произведува околу 790 КС, а водечката верзија на Quadrifolio ќе биде опремена со електричен тракт со моќност од околу 1.000 КС. Alfa Romeo Giulia Quadrifolio ќе добие погон на четири тркала, позајмен од Maserati Granturismo Folgore, кој користи три електрични мотори – еден на предната и два на задната оска – со векторирање на вртежниот момент. Овие агрегати ќе бидат инсталирани во ново тело, кое авторите во моментов го опишуваат како „пречекорување на линијата помеѓу седан и караван“.

Први детали за тешката несреќа во Формула 1

Ивона Петрова — Sun, 03 Jul 2022 15:28:00 +0000

Пилотот на Алфа Ромео, Гуанју Жоу е во стабилна и свесна состојба во медицинскиот центар во Силверстоун. Тој во денешниот инцидент на почетокот на трката во Формула 1 шампионатот за Големата награда на Велика Британија го извлече најдебелиот крај. По верижниот судар во кој учествуваа повеќе болиди, оштетени се болидите на Естебан Окон (Алпин), Џорџ Расел (Мерцедес), Јуки Цунода (Алфа Таури), а Жоу со својот болид се преврти и излета далеку дури до просторот меѓу трибините и заштитната ограда. Трката веднаш беше прекината со црвени знамиња и болидите беа испратени во боксот. Покрај Жоу, и Албон е пренесен во медицинскиот цента.

Ботас: Дојдов во нова средина, мојата мотивација е поголема од порано

Ивона Петрова — Tue, 22 Feb 2022 11:52:46 +0000

Пилотот на Алфа Ромео, Валтери Ботас изјави дека преминот од Мерцедес во нов тим му дал мотив плус. – Чувствувам дека сега мојата мотивација е уште поголема од порано, затоа што влегов во нова средина, што е одлично. Имам многу да научам за новиот тим, за новиот болид. За време на тестот на новиот автомобил, врнеше дожд, а температурата беше само 4 степени, но сепак беше одлично да се проба. И не се чувствуваше толку поразлично од машините од претходната генерација. Направивме добра работа. Секогаш е важно да се проверат и исправат некои работи пред тестовите. Но, генерално, сè помина добро. А за сензациите зад воланот на болидот веќе може да се суди на тестовите во Барселона. Тешко е да се донесат заклучоци за новите болиди по само неколку круга, изјави Ботас. Новата сезона во Формула 1 шампионатот ќе почна на 20 март со трката за Големата награда на Бахреин.

Валтери Ботас следната сезона ќе вози за Алфа Ромео

Магдалена Андонова — Mon, 06 Sep 2021 13:08:06 +0000

Пилотот на Мерцедес, Валтери Ботас следната сезона ќе вози за Алфа Ромео, информира прес -службата на Формула 1. Тој потпиша повеќегодишен договор со тимот. Финскиот возач во Алфа Ромео ќе го замени својот сонародник, поранешниот светски шампион Кими Раиконен, кој најави пензија на крајот од оваа сезона. Испразнетото место на Ботас во Мерцедес, многу веројатно ќе го пополни Џорџ Расел. Во Генералниот пласман на светскиот шампионат во Формула 1, Ботас во моментов се наоѓа на 3. место со освоени 123 бодови. (МИА)

Раиконен: Преговорите за нов договор со Алфа Ромео завршија брзо

Тале Кристо — Sat, 31 Oct 2020 10:41:53 +0000

Возачот на Алфа Ромео, Кими Раиконен, е задоволен од начинот на кој беа завршени преговорите за продолжување на договорот со тимот за сезоната 2021 година. – Го потпишавме договорот во четвртокот. Постојано ме прашуваа за иднината, но не сакав да лажам додека не потпишам ништо. Сè помина без проблеми, имаше само многу аспекти кои се однесуваат на работата на тимот и мојот тим. Преговорите не траеја долго, ги завршивме скоро веднаш откако започнавме. Сега никој во Алфа Ромео не е задоволен од позицијата на тимот, но таква е ситуацијата. Нашата цел е да станеме подобри. Треба само да работиме подобро следната година, се надевам дека ќе бидеме позадоволни од резултатите во сезоната 2021 година, изјави Раиконен. Покрај Финецот, договорот со Алфа Ромео го обнови и Антонио Џовинаци.

Алфа Ромео ќе го задржи името за сезоната 2021 година

Дарко Андоновски — Thu, 29 Oct 2020 20:15:50 +0000

Раководството на Формула 1 тимот Алфа Ромео преку својата официјална веб-страница соопшти дека ќе ја продолжат соработката со Заубер и во 2021 година. Италијанскиот производител на автомобили е партнер на тимот од 2018 година, во 2019 година швајцарскиот тим започна да настапува под името „Алфа Ромео“, кој ќе остане и следната сезона. За Алфа Ромеа возат пилотите Кими Раиконен и Антонио Џовинаци.

Раиконен: Чудно е да се вратиме на трки во сегашните услови, но зад воланот ќе заборавиме на сè

Тале Кристо — Thu, 02 Jul 2020 10:50:51 +0000

Пилотот на Алфа Ромео, Кими Раиконен го сподели своето мислење за почетокот на сезоната 2020 во Формула 1. -Малку е чудно да се вратиме на трки под вакви услови, но јас сум сигурен дека штом ќе се бидеме зад воланот, веднаш ќе заборавиме на сите ограничувања и ќе размислиме како подобро да управуваме со нашата работа. Паузата ни даде можност да поминеме време со семејството, но сега е време да се фокусираме на работата, изјави Раиконен. Сезоната 2020 од шампионатот во Формула 1 започнува со австриското Гран-при, што ќе се одржи од 3 до 5 јули.

Алфа Ромео казнети, Хамилтон и Кубица влегоа во топ 10 по ГП на Германија

Ивона Петрова — Mon, 29 Jul 2019 07:15:32 +0000

Двата болиди на Алфа Ромео беа казнети со по 30 секунди поради неправилност во болидите, па така Кими Раиконен и Антонио Џовинаци завршија на последните места – 12 и 13. Во конечниот пласман настапува следново разместување: Ромен Грожан со Хас од деветти станува седми, клубскиот колега Кевин Магнусен – од десеттото – осми, Луис Хамилтон со Мерцедес – од 11-ти – 9-ти, Роберт Кубица со Вилијамс од 12-ти – 10 и Џорџ Расел од 13-ти до 11-ти, исто така, со Вилијамс. За тимот ова се првите поени во 2019 година, како и за полската легенда по враќањето во спортот