алфа телевизија – Kurir.mk

Мисајловски вечерва гостин во ”Што не е јасно” на Алфа телевизија

Тале Кристо — Mon, 26 Dec 2022 16:41:09 +0000

Потпретседателот на ВМРО-ДПМНЕ и пратеник Владо Мисајловски вечерва ќа гостува во емисијата ”Што не е јасно“ на Алфа телевизија. -Вечерва во 18.15 часот, гостувам во емисијата, ”Што не е јасно” на Алфа ТВ каде што ќе разговараме за сите актуелни теми и случувања, пишува Мисајловски во својата објава на социјалната мрежа на Фејсбук.

Александар Николоски вечерва гостин во „Заспиј ако можеш“ на Алфа телевизија

Тале Кристо — Thu, 16 Sep 2021 17:33:19 +0000

Потпретседателот на ВМРО-ДПМНЕ, Александар Николоски вечерва ќе биде гостин во емисијата „Заспиј ако можеш“ на Алфа телевизија. -Додека се уриваат безбедносниот , економскиот и дипломатскиот систем власта се мачи да докаже дека има морал а опозицијата укажува на нови афери на СДСМ и ДУИ. Што знаат за Заев притворените Рашковски и Кичеец кои шетаат слободно а што за струмичката група знае Филипче кој чека "пресуда" од премиерот. Во 22.30 во Заспиј ако можеш на Алфа ТВ гостин е потпретседателот на ВМРО-ДПМНЕ Александар Николовски, стои во најавата на Фејсбук страницата на телевизија Алфа.

Мицкоски вечерва од 18:15 часот гостин на Алфа телевизија

Тале Кристо — Fri, 26 Mar 2021 14:52:55 +0000

Лидерот на ВМРО-ДПМНЕ Христијан Мицкоски вечерва од 18:15 часот ќе биде гостин во емисијата „Што не е јасно?“ на Алфа телевизија. -Следете го моето гостување во „Што не е јасно?“ вечерва во 18:15 на Алфа телевизија, објави Мицкоски на својата Фејсбук страница.

ТВ Алфа: Владата на Зоран Заев шири лажни вести за телевизијата

Ивона Петрова — Sat, 06 Feb 2021 11:21:44 +0000

Владата на Зоран Заев продолжува со нападите на независните медиуми ширејќи лажни вести, злоупотребувајќи ги институциите на државата, овој пат Управата за јавни приходи, вели управителот на телевизијата Јани Бојаџи. -Вчера на веб страницата на “Владата на лажните вести” осамна список со компании што добиле, а не испалтиле субвенции за плати на вработени. На тој список лажно и тенденциозно е ставена и нашата телевизија. Субвенциите што Управата за јавни приходи на сметката на телевизијата ги има префрлено на ден 31 Јануари, петок, Телевизија Алфа, во потполн износ ги има исплатено на 03 и 04 Февруари, среда и четврток следната недела, 5 дена подоцна, како дел од редовните исплати на плати, придонеси, регреси и други додатоци на плати. Значи, еве ја технологијата на ширење на лажни вести: евтина, провидна и лесна. На 31 Јануари, петок, префрлате средства, а во понеделник, 2 дена подоцна, на 2 февруари, правите пресек за претходниот месец и објавувате список со лаги и невистини. Алфа Телевизија доби субвенции од 1 милион и седумстотини илјади денари, а на своите редовни вработени, хонорарни и други соработници во информативната, документарната, забавната и играната продукција, повеќе од 160 извршители, им исплати околу 10 милиони денари или околу 110.000 евра, вели Бојаџи. Бојаџи вели дека најсмешно во целата ова ситуација е тоа што сите тие движења на нивната сметка се на секојдневен увид на УЈП која има потполен преглед на приливот и одливот на средствата наменети за исплата на плати и придонеси на вработените. -Во овој случај, сметаме дека Владата на Зоран Заев шири лажни вести со цел да го наруши угледот и работењето на единствениот медиум кој има критичка уредувачка политика кон неа. Телевизија Алфа ова го смета како уште една злоупотреба на државни ресурси со цел партиски и владин притисок врз нашата телевизија, вели Бојаџи.

Алфа: Со симптоми на корона, седат дома, а нема кој да ги прегледа

Тале Кристо — Fri, 20 Mar 2020 17:06:23 +0000

Ниту знаат дали имаат корона, оти биле во контакт со заболени од вирусот, ниту пак некој им кажува што треба да направат во самоизолација, иако имаат симптоми на Ковид 19. Мојот соговорник кој бил во контакт со заболен, три дена седи дома, а од вчера веќе и со висока температура и болки во гардите, за Алфа сведочи дека никој не дошол да му земе брис за да се утврди дали и тој е позитивен на вирусот, единствено вели дека има контрола од полицијата, пренесува телевизија Алфа. -Во самоизолација сум веќе трет ден, редовна полициска контрола имаме три пати во денот. Сам се пријавив дека сум бил во контакт со заболено лице. Од вчера осетив влошување на состојбата и симптоми на болеста значи треска, грозница, болки во грло, во гради. Вечерта ми се влоши состојбата уште повеќе качив температура уште поголема, главоболката ми стана поголема се јавив повторно и ми рекоа утре доколку имаме слободни тимови ќе издејствуваме начин да ве видат, ако не некако ќе ве упатиме да одите да се проверите во Жан Митрев – вели мојот соговорник. Сакате да ми кажете дека до сега не сте тестирани од Институтот за јавно здравје ? – прашав. -Се уште не. Се уште не веќе втор ден сум со симптоми, телефонските броеви им се 90% зафатени, значи вртиме по 40 минути – вели тој. Ова не е единствениот случај, лица сведочат дека и покрај завршената изолација никој не ги тестирал. Ова ни го раскажа наш гледач кој е во групата позитивни на вирусот, а се тестирале во приватна болница. Тој пред две недели се вратил од странство првично немал никакви симптоми, седел дома но со денови никој од Институтот не го тестирал, па морал по изолацијата да оди сам до приватната болница каде излегол позитивен на вирусот. Бидејќи живее надвор од Скопје, патувал со автобус до главниот град. Дури 17 кои тестовите ги направија во приватна клиника, излегоа позитивни на Ковид 19. За едно деноноќие бројката на заболени во државата е покачена скоро 50 отсто. За сведоштвата на нашите соговорници. Министерот Венко Филипче одговори, дека последните два дена се создал метеж, ама во текот на денот ќе ги контактирале сите кои се јавиле дека имаат симптоми и веќе од утре ќе им биле земени брисеви. Од понеделник пак ќе биле активирани два пункта за земање брисеви, а закажувањето ќе оди телефонски преку системот мој термин.

СВЕДОШТВО ЗА АЛФА: „Како со тортура, закани и рекет паднав во пајажината на Заеви“

Ивана Ефремовски — Mon, 09 Dec 2019 17:53:25 +0000

„Како со тортура, закани и рекет паднав во пајажината на Заеви“. Ова го опишува бизнисмен кој го даде своето сведштво за телевизија АЛФА. Телевизијата најавува дека ова сведоштво ќе го обелодени утре, вторник, во 17:30 часот.

„Задруга 2“ од вечерва се емитува ексклузивно на Алфа ТВ во Македонија

Ивона Петрова — Mon, 15 Oct 2018 11:59:35 +0000

По успешната прва сезона на реалното шоу „Задруга“, неодамна започна и новата „Задруга 2“ кое во Република Македонија ексклузивно ќе се емитува на Алфа телевизија. Првото вклучување во најголемото реално шоу на Балканот кое го гледаат над 5 милиони луѓе, за македонската публика ќе се случи вечерва во 20:30 часот . Сите збиднувања, разговори, кавги, озборувања, другарувања, расправии, пресметки, љубовни афери, секс партии… и сето она што може да го привлече и задржи вашето внимание за она што им се случува на Луна и Адам Ѓогани, Станија, Зерина Хечо, Миљана, Александра Суботиќ, Цобе, Боро – Сантана, Давид Драгојевиќ, Доротеа, Наташа – Москва… и останатите помалку или повеќе познати фаци во „Задруга 2“, отсега во Македонија само на „Алфа ТВ“! Покрај станарите кои веќе се наоѓаат таму, мината недела ним им се приклучи и нашата Елеонора Миљковиќ. Дали раскошната македонска убавица ќе се вљуби во некого и во кого, со кого ќе се зближи или скара, кој ќе посака да му биде девојка, а кој(а) пријателка… Гледајте ексклузивно на ТВ Алфа. Вистина.мк

Ѓорѓиевски: Во ЕУ не се влегува со ваква криминална влада

Матеја Петровски — Wed, 10 Oct 2018 18:18:37 +0000

Во вечерашното издание на Отвореното студио на Алфа телевизија, Орце Ѓорѓиевски член на ИК на ВМРО-ДПМНЕ истакна дека Македонија не може да стане дел од Европската Унија со криминална влада каква што е владата на Зоран Заев. Имено, тој посочи дека за година и половина владеење на СДСМ, државата е во хаос, а капитулации има на секое поле. Во Европската унија забележа Ѓорѓиевски не може да влеземе со нерасчистени убиства на секој чекор и со криминална власт, ниту пак без притоа суштински да ги промениме состојбите во државата. -За интегрирање на Македонија во ЕУ треба најпрво внатрешно да се променат и да се уредат некои работи. Ако земе во предвид во каква состојба е доведена Република Македонија изминатава повеќе од година и половина, во време на владеењето на СДСМ ќе видиме дека имате хаос низ државата, капитулации имате на секое поле во секој ресор во секое министерство. Да го земеме земјоделие, да земеме образование, да земеме министерството за внатрешни работи. Тука би додал дека нема ден во РМ поминат на нашите граѓаните без страв, имаме убиства на секој чекор се претворивме во Дивиот Запад и ние ќе кажуваме дека доколку сето ова помине со договорот, а притоа ништо суштински не смениме внатрешно во уредувањето на Република Македонија дека ќе не прими некој во ЕУ. Во ЕУ не се влегува со ваква криминална влада, во ЕУ не се влегува со вакви политички маргиналци од типот на Зоран Заев. Во ЕУ се влегува со средени состојби во секоја сфера на живеењето во Република Македонија, потенцираше тој.

Димовски: Во момент каде пратеници од ВМРО-ДПМНЕ треба да донесат одлука како ќе постапат во Собранието се случуваат чудни пресуди

Матеја Петровски — Mon, 08 Oct 2018 19:48:16 +0000

Во вечерашното гостување во емисијата „Отворено“ на Алфа, Димитар Димовски кој е член на извршниот комитет на ВМРО-ДПМНЕ потенцираше дека целата ситуација со казната и самиот процес против поранешната министерка за внатрешни работи, Гордана Јанкуловска , СДСМ го прави за да го прикрие велепредавството кое се случува во Република Македонија. Тој истакна дека судството во државата е во многу силна спрега со власта и таа спрега функционира онака како што сака власта. Но,од друга страна пак истото тоа судство ослободило еден политичар кој е во највисок ранг во моментот во државата иако за тоа лице има снимки каде тој бара потпуп од 200.000 евра. -Во моментот каде пратеници на ВМРО-ДПМНЕ треба да донесат одлука како ќе постапат во Собранието се случуваат чудни пресуди, и најверојатно тоа треба да биде сигнал до нив дека доколку сте под некоја истрага или слично дека може да ги најде истата судбина, додаде Димовски. Според него специјалното јавно обвинителство било формирано за да го истражи крупниот криминал во Република Македонија и доколку има да спроведе постапки согласно законите и да се дојде до судска разрешница на тие постапки. До денеска сите тие постапки кошто тоа Јавно Обвинителство ги имало поведено, ниту една немало за сериозен корупциски криминал. Тој се надева дека еден ден ќе има ревизја на судството и ќе се ревидираат постапките коишто ги водело тоа судство. Димовски додаде дека власта сака да избега од избори, од причина што увидоа што им се случило на 30 септември и дека со тој резултата тие сфатија дека не можат да одат погоре, туку моќат да паѓаат во број на гласови. ВМРО-ДПМНЕ бара избори по пржински модел бидејќи е така по закон, и доколку имат избори по пржински модел, ВМРО-ДПМНЕ ќе победи.

Тасевски: Судењата траат предолго, имаме дискриминација во одредени предмети, која веќе ја докажа Јанкуловска кон неа

Матеја Петровски — Thu, 06 Sep 2018 20:15:30 +0000

Во емисијата „Отворено“ на Алфа телевизија адвокатот на дел од обвинетите функционери на ВМРО-ДПМНЕ, Боро Тасевски, вели дека маратонските судења треба да се анализираат од аспект на правата на обвинетите и на бранителите. Тасевски притоа прашува каква ефективност може да пружи еден адвокат после 20 часот, а каква ефективност може и некој од обвинетите да пружи во својата одбрана. -Не само што не би смеело да се оди во вакво продолжено време. Судењата по сите параметри би требало да траат дури и пократко. Ова е сосема непотребно и сосема непотребно се создава привид во јавноста дека судството многу работи и тоа е на штета на правата на бранителите и на обвинетите и тие не можат да пружат ефективна одбрана. Да не се закажуваат од ден за ден на исти обвинети. Тука имаме обемен доказен материјал и тој пристуствува на друго рочиште следниот ден и треба да формира своја одбрана со обемен доказен материјал, рече Тасевски Тасевски вели дека Судството со сите граѓани треба да поставува исто. Според него имаме диксриминација на обвинените. Тој не памети дека вака се постапувало во редовните рочишта. -Не паметиме да се закажат повеќе судења однапред закажани во повеќе месеци, не паметиме да се работи и после 20 часот. Овде се излегува од редовниот колосек. А секое излегување погубно ќе биде за судството. Јас сум убеден дека ваква дискриминација која се случува во различни предмети ќе остане незабележана. Гордана Јанкуловска веќе докажа дискриминација кон неа во предметот Тенк. Комисијата за дискриминацијата утврди дека таа е дискриминарана врз основа на нејзиното боледување и на нејзиното мајчинство, вели Тасевски Во однос на прислушуваните материјали Тасевски потенцира дека има можност за монопол на тие материјали и затоа во континуитет се бара пристап до тие материјали. Според него и обвнинетите реагираат дека тие правеле по 100-тина разговори дневно, а во судница се пушта само еден разговор. Тие стотици разговори Тасевски вели дека не се доставени до јавноста ниту до обвинетите.