алфа – Kurir.mk

Мицкоски гостува во телевизија Алфа

Ивана Ефремовски — Wed, 14 Jun 2023 13:37:30 +0000

Лидерот на ВМРО-ДПМНЕ, Христијан Мицкоски, денес ќе гостува во телевизија Алфа. -Следете го моето гостување на ТВ Алфа во 18:10 часот, напиша тој на својот Фејсбук профил.

Кашкачот Али и чистачот Таче

Љупчо Цветановски — Tue, 17 Jan 2023 11:09:04 +0000

Али тресна, а Таче плесна. Лоша потпикувачка навика, велат. Она, кога двајца политиканти ќе се заглават во сопствената стапица и повраќаници. Се вика „говор на омраза“, евтина фраза со која шарената банда направи кариера, а сега новокомпонирана тиња во која Ќуран пропадна до гуша. Оти, така да ти било во имагинарната северна, таму премиерот, коалиционер и мисир (Ќуран) морал да трчка по стопанот од ДУИ и да го заметува, поправа, чисти и пере она што алфа-орлето ќе го укашка, растури и расипе. Да, многу благородна улога имал Таче, толку соодветна на неговиот интелектуален и професионален капацитет. Чистач. Хигиеничар, се извинувам... Кога во напливот на емоции предизвикани од тресењето на фотелјата, земјотресче кое му го предизвикаа „огнените момчиња“, Алија плесна дека две македонски телевизии биле непријатели на Албанците, никој не ни очекуваше каква и да е осуда од неговиот коалиционер и поттрчко Ковачевски, тоа е неспорен факт. Ок. Но никој не очекуваше и таква жустра одбранбена реакција од сервилниот кумановац, кој ги претрка Артан Нежни и Бугар Османи и „главом без обзира“ истрча во први редови да го одбрани неодбранливото, ламентирајќи за некакви аргументи кои седокосиот демек морал да ги имал кога ги наклевети Алфа и Телма и ги нас’ска Албанците против нив. Да, знаевме дека нема да го куди, но не знаeвме ни дека толку многу ќе го брани, па уште квалификации, та нови етикети, абе увлекување толку длабоко што кога би ми „учиниле“ клистрација на главниот командант, знаете кого би извадиле од таму. Најверојатно, вистинскиот премиер Али и му срочил што да каже, та го видовме во живо кога му суфлираше на говорница, зошто не би и сега? И да, кога некогаш ќе заврши на геријатрија, сега знаеме и кој ќе му менува пелени. Иако, Груби гарант многу ќе му се лути... Туку, една работа заборавија и двајцата „лидери“. Не ли се сетија дека со ваквото инфантилно однесување и непромислено тресење квалификативи можат да загрозат нечиј живот? Не ли им текна на орелот и мисирот дека заради нив утре новинар на овие телевизии може да биде нападнат на терен од некоја дуевистичка вжештена глава, која чезнее да му се упика на Али за вработување, унапредување или тендер? Ако може да дојде на ред од Таче, де... Не, не се сетија, оти очебијно, толку им сече. Интересно, пак, Алија прв се поправи, а надобудниот одбранбен Ќуран молчи ко мисир, затоа што тој е безгрешен, најумен и најубав. Башка агресивен, арогантен, индолентен и инфантилен. Кај смее Таче да признае грешка, та толку народ гласаше за него за да биде премиер што тој не смее да ја изневери нивната доверба... Упс, чек, чек, да, никој не гласаше за него. Затоа и Ќуран нема да одговара на никого, повеќе од јасно... Сепак, „дејствувањето“ на мисирот не е изолиран случај, ова е стасано на ниво на кредо во неговата антидржавна и антинародна партија СДСССС. Ако си спомнувате, два дена пред Таче Стево преЦедник ги правдаше албанските лидери кои заминаа на „баци рака“ и инструкции кај менторот Еди Драма, па булазнеше дека целивачите не биле таму со големоалбански намери и бла,бла, бла. Оти Стеки им го должи изборот, та сега начека да и’ се одмаздува на македонската „стока“ товарана во автобуси и камиони, ко што милуваше да си рекне за народот кога беше обична комуњара во подем... Уште „почудно“ и троа симптоматично, среде Скопје саде еден ден пред Алија се изнаслушавме на вистинска река, порој на говор на омраза од бугарските неофашисти Џамбаски и Костадинов, кои од самозамислената им „втора бугарска престолнина“ изнатресоа вреќи бугарашки антимакедонски повраќаници, идиотизми и глупоштии. И си заминаа, без проблем и без конкретна осуда од стамениот Бујар кој мораше да ја „среди“ Украина. Оти, за Македонија и онака не му чуе... И повторно, Таче стапи на сцена па кажа дека не се занимавал со политички маргиналци ко европратеникот и човекот кој има 27 пратеници во бугарскиот парламент, ликчиња со кои требале да се занимавааат македонските политички маргиналци. И пак си пукаше во нога пустиот. Па Ќуране, ти си бре најголемиот македонски политички маргиналец и според анкети и според тоа што никој жив во Македонија никогаш и не гласал за тебе. Значи, по твое, ти треба самиот да се занимаваш со Џамбаски и Костадинов. Треба, ама не смееш, нели? Туку, пошто изигруваш и глумиш толку голем фраер и се шепуриш ко некој мисир на секое појавување, ајде покажи го тоа и на дело. Доста муабети. Еве ти одлична шанса, та нели имаш работа со обични политички маргиналци спроти тебе така големиот, моќниот и силниот? Ајде, храбар и доблесен северен лидеру со распаран стомак од продажба на национални светии и историја, бујрум на избори. Згази ги тоа „маргиналците“, аман, пепел да ги сториш. Ајде, по кој знае кој пат, стани бре Таче да те види народ! Фуфка, а?...

Алфа ТВ: Се уништуваат ли докази за криминал во ЈСП Скопје?

Ристе Здравков — Fri, 18 Nov 2022 16:14:38 +0000

Се бришат електронски записи и се уништуваат ревизорски документи кои соддржат индиции за сериозен финансиски криминал во градско сообраќајно прептријатие ЈСП, тврди суспендираната внатрешна ревизорка Николина Кузманова. – „Во моментот на суспензија ми беше одземен службениот лаптоп и документацијата без записник, значи буквално бев приморана да го напуштам работното место без да се направи записник за документацијата која ја оставам. Станува збор за мојата работа од 2014 година до 01.11.2022 година, значи, станува збор за извршени ревизии, прекинати ревизии, дописи, укажувања на можни кривични дела, укажувања на неправилности во работењето, значи, комплетна документација која ја вршев јас как внатрешен ревизор.“ – Изјави ревизорката Кузманова. Таа вели дека незаконски не и е дозволено да се врати на нејзиното работно место, иако ја обжалила суспензијата и се уште се води како вработена во прептијатието. Смета дека се користи нејзиното отсуство за да бидат уништени докази за проневера на народни пари. – „Во текот на ревизијата произлезе можно кривично дело, уништување на деловна документација, однонсо, се работи за финансиски документи за две календарски години, 2018та и 2019та кои што согласно законот за архивски материјал, законска обврска е да бидат чувани 5 години, бидејќи се составен дел на финанските извештаи кои што ги изготвува ЈСП.“ – Вели Кузманова. Иако во ЈСП поставивме серија на прашања за појаснување на состојбите, оттаму само накратко велат не можат да одговорат. – „Во интерес на постапките кои се во тек, во овој момент ЈСП Скопје би се воздржало од одговор на поставените прашања.“ – Ни одговорија од ЈСП. Ревизорката Кузманова се сомнева дека финансиските извештаи од 2018 и 2019 кои биле уништени во поплава намерно не биле соодветно заштитени, а за тоа постои одговорна личност. Инаку, Кузманова вели дека е под суспзнеија поради неизршени работни задачи, кои биле невозможно да се завршат за кракто време. Тврди дека ВД директорот Александар Стојковски задачата и ја доделил 3 дена пред суспензијата.

АВМУ со осуда за попречувањето на ТВ Алфа да го проследи настанот на Мечкин Камен

Ивана Ефремовски — Thu, 04 Aug 2022 15:15:30 +0000

Агенцијата за аудио и аудиовизуелни медиумски услуги го осудува попречувањето на новинарската екипа на ТВ Алфа, да го проследи настанот по повод одбележувањето на празникот Илинден на 2-ри август на Мечкин Камен во Крушево. -Потсетуваме дека е особено важно на сите медиуми без исклучок да им се обезбедат еднакви услови и пристап за известување на настани кои се од јавен интерес, а медиумските работници во ниту еден момент не смеат да бидат попречени во вршењето на работните задачи, особено кога се работи за информирање на јавноста за важни општествени случувања, порачуваат од АВМУ.

Малите коалициски партнери размислуваат дали да останат во Владата

Ивана Ефремовски — Fri, 01 Jul 2022 16:58:17 +0000

Молк кај малите коалициските партнери – се уште немаат конкретен став за францускиот откако истиои им беше презентиран бидејќи во тек се меѓупартиските консултации. Со почетокот на состанокот на владината коалиција, премиерот Ковачевски најави широк консултативен процес во кој ќе бидат вклучени претседателот Пендаровски, Собранието, опозицијата, експертската фела и граѓанскиот сектор. Претставниците на партиите имале државнички став, вели Ковачевски, но не е познато дали целосно се ЗА, францускиот предлог, анализира АЛФА. -Коалицијата беше информирана во однос на предлогот, сите политички лидери имаат свои политички партии, ќе разговараат и на следен состанок ќе изградиме заеднички став, но духот на разговор беше на ниво на исклучителна одговорност на моментот на кој што Македонија е исправена изјави премиерот Димитар Ковачевски. Дали помалите партии ќе ја напуштат коалицијата доколку не се согласуваат со францускиот предлог, како што претходно најавија е нејасно. Од партијата ДОМ, веќат дека за неколку дена ќе завземат став по ова прашање. -Во тек на следните неколку дена, ќе го разгледаме предлогот во партија, ќе ги земеме предвид мислењата на експертите и ќе завземеме став, одговори претседателката на ДОМ, Маја Морачанин. Пред средбата во Владата, претседателот на Демократски сојуз Павле Трајанов, порача дека е потребен Референдум, по ова прашање. -Ги повикувам сите партии, сите граѓани да го разгледаат овој предлог, и да изградат став. Нас ни треба да изградиме единство, изјави Трајанов. Претседателот на ВМРО-НП, Љубчо Георгиевски пак изјави дека требало да се земат предвид, позитивните страни на предлогот. -Се сеќавате имаше два става кои беа неприфатливи дека македонскиот јазик до 1945 година бил бугарски и дека македонскиот народ до 1945 година бил бугарски и она што беше уште потешко за нас, тоа требаше според таа нивна позиција да го прифати Македонија. Тоа сега го нема и затоа сметам дека не треба да ги цениме само негативните елементи што мислиме дека се негативни во францускиот предлог, туку дека треба да цениме она што е позитивно, изјави Љупчо Ѓеорѓиевски, претседател на ВМРО-НП. Помалите партии претходно најавија дека ќе излезат од владината колиција доколку се прифати предлог кој е против националните интереси. ИЗВОР: АЛФА

Мицкоски: Да го прифатеа предлогот на ВМРО-ДПМНЕ, сега народот ќе плаќаше 11 денари поевтино гориво

Ивана Ефремовски — Thu, 10 Mar 2022 22:13:59 +0000

Во вечерашната емисија на Алфа Телевизија претседателот на ВМРО-ДПМНЕ, Христијан Мицкоски истакна дека доколку власта го прифатеше предлогот на ВМРО-ДПМНЕ народот сега ќе плаќаше 11 денари поевтино гориво. „Доколку го намалите данокот, тогаш тоа нема ефект, даночната основица повторно е голема и повторно ќе имате зголемување на цените на основните артикли во маркетите. Тука е суштината, затоа ние сакавме да зафатиме со нашиот предлог повеќе во даночната основица, отколку отколку во данокот на додадена вредност. Се со цел да го заштитиме колку толку стандардот на граѓаните и да не дозволиме зголемување на цените. Ако го прифатеа тоа што ние го предлагавме тогаш безоловниот 95 и 98 октани, даночната основица ќе беше некаде за 11 денари по литар помала од таа која што ја предлага владата односно дизелот ќе беше некаде околу 9 денари поефтин отколку тој што го предлага Владата“ нагласи Мицкоски. Мицкоски додаде и дека ВМРО-ДПМНЕ се грижи за стандардот на граѓаните преку конечната цена на производите во маркетите а власта само за сопствениот приход во буџетот за да можат да поминуваат тендерите во четири очи.

„Алфа“: Ни трага ни глас од Зоран Заев среде најголемата економска криза

Ивана Ефремовски — Thu, 10 Mar 2022 17:35:02 +0000

Телевизија „Алфа“ истражува каде е екс-премиерот Зоран Заев во време кога Македонија минува низ најголемата економска криза. Нивниот прилог го пренесуваме во продолжение: „Што снимате и кои сте вие?“ – со овие зборови ни се обрати полицаец, кој се претстави дека еден од обезбедувањето на поранешниот премиер Зоран Заев, откако екипата на Алфа пред десетина дена проба однадвор да ја снима куќата на Заеви во Струмица и да покаже на јавноста што прави Заев, откако повеќе не е премиер. Полицаец: Бато шо снимаш? Камерман: Правам инсерти. Полицаец: Знаеш дека овде не смееш да снимаш? Ова е објект од прв степен на обезбедување. Камерманот: Да, ама јас снимам однадвор. Полицаец: Кога јас кажам дека не смееш, значи не смееш! Излези од колата! Откако ни побара да се легитимираме и утврди дека станува збор за новинарска екипа, полицаецот го смени односот и со поблаг тон продолжи да објаснува дека е строго забрането снимање на семејната куќа на Заеви. „На помалку од 200метра каде јас се наоѓам е лоцирана семејната куќа на Заеви. Телевизија Алфа беше на неговата улица, поразговаравме со соседите, но од страна на обезбедувањето ни беше забрането да го снимаме објектот со образложение дека станува збор за објект со безбедност од прв степен“. Алфа испрати допис и до МВР. Прашавме дали на овој начин ни го ускратуват правото професионално да ги извршуваме работните задачи, а истовремено прашавме колку време и какви ресурси од МВР користи бившиот премиер. Од таму одговорија:

Конкретните мерки и активности кои ги превземаат полициските службеници за обезбедување на поранешниот Претседател на Владата на РСМ г. Зоран Заев, претставуваат класифициран податок, се вели во дописот од МВР. Од таму додаваат дека Заев има лично полициско обезбедување од шест лица и има право на користење на возило и личен шофер .

Кон крајот на минатат година поради катастрофалниот изход на локалните избори, Заев се повлече од премиерската, но и од функцијата преседател на СДСМ. Тогаш најави дека ќе се вработи во една од семејните фирми, нема да користи апанажа и обезбедување ќе користи делумно, како што предвидува законот. Два месеци Заев не извршува држана функција. Не се појавува во јавноста, а не го виделе ниту првите соседи.

Слабо го гледам! Сега е зима, летото почесто го гледаме. Не поздравува, обично рака ќе дигне. Вие гласавте за него? Јас не гласам за никој! вели еден од соседите на Заев.

Алфа поразговара и со струмичани. Велат и порано ретко го гледале, а сега откако не е премиер воопшто го немат видено. „Не, не сум го видел. Тој сега одмара. Дванаеесет години градоначалник, па четири години премиер, сигурно е преморен човекот. Не сум го видел, јас и порано не сум го видел, а сега воопшто го немам видел. Не не сум го видел, ни порано да шета. Нормален човек, како и сите други, а не ни е ни битно„ велат анкетираните струмичани. Изминатиот период Заев повторно стана актуелни откако неовиот 18 годишен син регитрира претпијатие за производство на електрична енергија. Алфа ја пронајде канцеларијата на „Тотал Енерџи“ оставивме контакт, но до денес никој се уште не нема исконтактирано.

Тошковски: Во вештачењата на Управата за јавни приходи не постои долг за кој се терети фирмата Алфа Скоп

Магдалена Андонова — Fri, 04 Mar 2022 18:11:51 +0000

Адвокатот Панче Тошковски во гостување на емисијата Што не јасно на ТВ Алфа, вели дека верува дека има технички пропуст од страна на Управата за јавни приходи во однос на обвинувањата дека мајката фирма на Алфа, Алфа Скоп за даночно затајување, посочувајќи дека од вештачењата кои што тие го направиле не постои таков долг за кој се терети. - Јас морам да кажам за наводен долг, бидејќи вештаците се тие кои што треба да го утврдат дали е така или не е така, согласно вештачењето кое што ние го имаме односно нашето вешто лице тврди дека таков долг не постои, е донесено решение кое што за одредена сума Алфа Скоп е задолжена да исплати на име на даночен долг, при што оваа сума како долг произлегува од дејствија кои што се сторени заклучно со 2013 односно 2014 година. И во однос на таквите решенија и во однос на таквиот долг кој што е констатиран од УЈП и во рамки на управна постапка е донесена конечна и правосилна пресуда, отпочната е кривична постапка која што се води исклучиво против правното лице по обвинителен предлог од страна на ОЈО, каде што во рамки на оваа постапка имаме две контрадикторни вештачења, вели Тошковски. - Моментално сме во фаза да судот очекува да биде доставено до него супер вештачењето кое што ќе треба да ги расветли нејаснотиите и контрадикторностите од страна на двете вештачења, едното кое што го изработи ОЈО, другото кое што беше изработено по наше бара и се надеваме, односно ние сме убедени дека во таа постапка ќе ја докажеме невиноста на Алфа Скоп, додаде тој. Тошковски смета дека судот ќе ги прифати доказите што ќе ги достават и ќе донесат ослободителна пресуда, бидејќи како што рече тој не може да му се суди на сегашниот управител за дејствија за кое тој тогаш не бил на позиција и не бил во можност да ги направи. - И на крајот сме убедени дека судот од доказите кои што ќе бидат изведени ќе се увери во нашата невиност и ќе донесе ослободителна пресуда во однос на Алфа Скоп, затоа што е сторена техничка грешка во начинот на пресметка на долгот кој што наводно постои спрема државата, истакна Тшоковски - Во делот на денешниот управител на Алфа Скоп, дејствијата кои што се преземени и за кои се води оваа кривична постапка се за дејствија до 2014 година кои што биле преземени, едноставно кажано сегашниот управител не бил на таа позиција. Не можел да стори нешто бидејќи не бил на позиција за да го стори. Сакам да верувам во правна држава и правен систем, за кое денеска се поретко го гледаме и сакам да верувам дека УЈП ова го има сторено како техничка грешка, не посветувајќи внимание на тоа кој бил управител во кој временски период, но едноставно не возможно е некој да има вина пред да се роди. Ако сегашниот управител станал управител во 2016та година, не возможно е да одговара за 2013 година, рече адвокат Тошковски.

Николоски вечерва гостин во „Заспиј ако можеш“

Ивана Ефремовски — Thu, 24 Dec 2020 19:00:13 +0000

Потпретседателот на ВМРО-ДПМНЕ, Александар Николоски вечерва ќе гостува во „Заспиј ако можеш“ на ТВ Алфа.

Себастијан Буеми стана резервен пилот на Ред Бул и Алфа

Магдалена Андонова — Wed, 21 Oct 2020 08:52:46 +0000

Себастијан Буеми е назначен за резервен возач на Формула 1 тимовите Ред Бул и Алфа Таури до крајот на сезоната 2020 година. Претходно резервен возач на тимот беше Серхио Сете Камара, кој нема да може да присуствува на трките во Формула 1 поради учеството во Супер Формула. Буеми возеше за Торо Росо (поранешен Алфа Таури) од 2009 до 2011 година. (МИА)