Ајакс го отпушти тренерот Шројдер

Ивана Ефремовски — Fri, 27 Jan 2023 11:59:36 +0000

Актуелниот холандски фудбалски шампион Ајакс му врачи отказ на тренерот Алфред Шројдер поради „разочарувачки резултати“, соопшти клубот од Амстердам. Шројдер, кој минатото лето го презеде Ајакс кога екипата ја напушти Ерик тен Хаг, е разрешен од должноста по синоќешното реми против Волендам (1-1) и серијата од седум натпревари без победа во холандското првенство. -Тоа беше болна, но неопходна одлука. Верувавме дека Алфред може да ги промени работите. Ни стана јасно дека тоа нема да се случи, изјави директорот на Ајакс, Едвин ван дер Сар. Ајакс е петтопласиран на табелата во Холандија со седум бодови помалку зад водечкиот Феенорд. (МИА)

Откако падна договор за рекорден трансфер на Антони, тренерот на Ајакс разочаран: Денеска се е за пари

Ристе Здравков — Mon, 29 Aug 2022 13:04:44 +0000

Тренерот на Ајакс, Алфред Шројдер е разочаран откако клубот од Амстердам прифати да го продаде Антони на Манчестер јунајтед во рекорден трансфер вреден 100 милиони евра. Ајакс денеска даде зелено светло за продажба на Антони, последните информации велат дека се работи за трансфер од 95+5 милиони евра. Медиумите од Холандија велат дека техничкиот директор Гери Хамстра, неговата десна рака Клас Јан Хунтелар и тренерот Алфред Шројдер биле против продажба, но лидерите на Ајакс инсистирале дека сумата која е на маса е премногу висока за да се каже НЕ. Алфред Шројдер по мечот против Утрехт изрази разочарување од одлуката да се продаде Антони. „Денеска се е за пари, тоа е тажно, но таков е нашиот свет. Навистина е тажно и не ги одобрувам работите кои ни се случуваат“ – рече тренерот на Ајакс.

Алфред Шројдер – Kurir.mk

Ајакс го отпушти тренерот Шројдер

Откако падна договор за рекорден трансфер на Антони, тренерот на Ајакс разочаран: Денеска се е за пари