Иранските власти затворија ресторан и златарски дуќан во сопственост на фудбалската икона Даеи

Ивана Ефремовски — Mon, 05 Dec 2022 19:47:36 +0000

Иранските власти ставија катанци на златарски дуќан и ресторан во Техеран во сопственост на иранската фудбалска легенда Али Даеи откако тој им се приклучи на апелите на протестантите за тридневен штрајк во земјата. „Како резултат на неговата соработка со контрареволуционерни групи кои дејствуваат на интернет за да го нарушат мирот и трговијата, ресторанот и златарскиот дуќан во сопственост на Даеи се затворени, јавија локалните медиуми, цитирајќи неименуван извор од власта. Претходно Даеи преку својот Инстаграм профил повика на тридневен штрајк и објави дека ги затворил своите локали. Даеи во ноември беше цел на закани откако јавно ги поддржа протестите кои се раширија низ Иран по смртта на Махса Амини, 22-годишна Иранка од курдско потекло, која почина на 16 септември, три денови откако беше уапсена од озлогласената иранска морална полиција. Даеи беше најдобар стрелец во историјата на репрезентативниот фудбал до септември 2021 година кога Португалецот Кристијано Роналдо ја зграби таа титула. Даеи, исто така, е еден од првите ирански фудбалери кои настапуваше во Европа. Во сезоната 1997/98 настапуваше за Арминија Билефилд, а следната ја мина во дресот на Баерн Минхен. (МИА)

Иран го осудил на смрт својот најдобар фудбалер во историјата?

Бошко Тасиќ — Sat, 12 Nov 2022 18:57:07 +0000

Поранешниот ирански репрезентативец Али Даеи (53) е осуден на смрт, пренесуваат медиумите во оваа земја. Даеи наводно бил осуден за учество во протестите за смртта на Махса Амини, 22-годишната Курдка која беше уапсена затоа што го прекршила кодексот на облекувањата на земјата. Смртта на Амини беше објавена на 16. септември. Засега од иранската држава не ги коментираат информациите за Даеи. Инаку, Али Даеи е поранешен капитен и најдобар стрелец во историјата на репрезентацијата. Претходно поради протестите му беше одземен пасошот. Тогаш неговиот брат Мохамед се огласи на социјалните мрежи. „Неверојатно е тоа што му се слува на Али. Целиот свој живот го даде за да го подигне иранското знаме, тој е човек што ја сака својата земја и народот кој живее тука“, истакна тогаш Мохамед.

Али Даеи – Kurir.mk

Иранските власти затворија ресторан и златарски дуќан во сопственост на фудбалската икона Даеи

Иран го осудил на смрт својот најдобар фудбалер во историјата?