алигатор – Kurir.mk

Американка паднала во езеро, па била убиена од алигатор

Тале Кристо — Wed, 17 Aug 2022 06:53:26 +0000

Жена од САД, 88-годишна, е усмртена од алигатор, откако случајно паднала во езеро додека си ги средувала растенијата, близу брегот, во рамки на населба-прифатилиште за стари лица, соопштија властите во американската сојузна држава Јужна Каролина. – Надлежни лица биле повикани во месноста Сан Сити Хилтон Хед завчера, по што е утврдено дека алигатор зграпчил женско тело близу околната вештачка лагуна и не го испуштал, изјави полицајката Анџела Виенс од Канцеларијата на шерифот на Округот Бофорт. Сан Сити Хилтон Хед е старечка заедница со повеќе од 16.000 жители. Жртвата Ненси А. Бекер од Јужна Каролина ја средувала градината, кога се лизнала и паднала во езерото, каде што живеел алигаторот. Надлежните подоцна го фатиле животното и тоа е усмртено. Полицијата и Округот Бофорт го истражуваат настанот. Се проценува дека околу пет милиони алигатори живеат во 10-те југоисточни сојузни држави во САД. Сепак, фаталните напади не се честа појава. Според наводите, од 442 случаи, 26 биле со смртни последици.

ВИДЕО: Ќе ве полазат морници, огромен алигатор изеде помал

Ивона Петрова — Sun, 03 Oct 2021 14:06:52 +0000

Тејлор Сопер, Американец од Јужна Каролина на Твитер објави видео снимка од огромен алигатор кој голта друг помал. Голем број корисници останаа зачудени од големината на животното. На снимката се гледа како од устата на големиот алигатор, висат задните нозе и опашката на помалиот. За само неколку секунди помалиот заврши во стомакот на џинот. Тејлор вели дека ова се случило во задниот двор од куќата не неговите родители, и дека алигаторот кој послужи како ужинка е долг два метри.

This happened in my parents backyard today… The snack is a 6ft gator #lowcountrylivin pic.twitter.com/O7Omsw42uL
— Taylor Soper 🤙🏻 (@Soper_TandC) September 30, 2021

ВИДЕО: Алигатор излезе од живеалиштето во Зоо и стана хит на социјалните мрежи

Ивона Петрова — Thu, 12 Aug 2021 11:35:24 +0000

Локалната Зоо градина за рептили во Калифорнија доби огромен број обожаватели откако еден од алигатор побегнал од своето живеалиште за време на хранењето. Алигаторот Дарт сега е вистина ѕвезда на социјалните мрежи. Дарт е снимен како излегува од живеалиштето. На снимката се гледа како Џули Бревер, една од сопственичките на Зоо која ја управува семејство, приоѓа до аквариумот за да ги нахрани животните кои не се трпеливи. Еден од алигаторите излегува целосно надвор за прв да добие храна, додека Џули се смее во неверување. Што се случува потоа, погледнете го видеото во продолжение.

ФОТО: Полицајците останале без текст – девојка во хеланки криела алигатор

Дарко Андоновски — Fri, 10 May 2019 20:32:04 +0000

Дека алигаторите се честа глетка на Флорида веќе сите навикнаа, но кога еден излезе од хеланките на една девојка, полицајците кои ја запреле не можеле да си поверуваат на очите. Кога заменик шерифот во Шарлот округот запрел камионет поради не застанување пред знакот „стоп“, 22-годишниот возач му рекол дека тој и неговата сопатничка собираат жаби и змии под надвозникот и дал дозвола да се претресе нивниот багаж. На свое изненадување, полицајците во женската торба нашле 41 пругасти желки, а потоа ги прашале дали имаат уште неколку изненадувања. Девојката тогаш извлекла мал алигатор од своите хеланки и ги оставила без текст. Комисијата за заштита на дивите животни од Флорида, покренала истрага, а полицијата се пофалила на Твитер со двосмислен коментар: „Може ли некој ова да го надмине - жена од Флорида токму ова го извчече од своите панталони“.

Баба брутално уби алигатор од одмазда: Кога ќе ја дознаете причината можеби нема да ја осудите (ВИДЕО)

Ивана Ефремовски — Mon, 24 Sep 2018 14:41:02 +0000

Бабата Џуди Кокран од Тексас успеала да убие 3,5 метри долг и повеќе од 260 килограми тежок алигатор. Таа вели дека на тој потег се охрабрила за да му се одмазди на животното зошто и изело едно нејзино коњче. Американката Џуди Кокран останала без своето мало коњче, а се сомнева дека алигаторот го изел. Останувајќи без својот љубимец, таа три години подготвувала одмазда на својот ранч во Гудрич, па со помош на еден куршум го усмртила опасниот рептил. -Еден куршум во глава и само потона во вода. Тие обично пред смрт почнуваат да се превртуваат, но овој не направи така, рече таа во интервју за локалните медиуми. Џуди додаде дека од исчезнувањето на нејзиното мало коњче цело време се сомневала дека токму овој рептил го изел. Нагласила дека нејзиниот коњ бил со големина на лабрадор, па алигаторот можел да го „изеде за ужинка“. -Обично алигаторите не не вознемируваат, но на овој внимававме, рече бабата, додавајќи дека планира да го препарира телото на живототното, главата и опашката да ги изложи, а месото да го изеде со своето семејство. Инаку, во овој округ еднаш годишно е дозволен лов на алигатори, во периодот од 10-ти до 30-ти септември, а еден од условите за лов е животното да биде намамено, а потоа убиено.