алијанц арена – Kurir.mk

РАБОТАТА БИ МОЖЕЛА ЗА ЗАВРШИ СО ТРАГИЧЕН КРАЈ: Параглајдеристот кој што слета на теренот на „Алијанц арена“ бил под снајперски нишан !

Тале Кристо — Thu, 17 Jun 2021 08:25:32 +0000

Припадници на германските специјални безбедносни сили за малку ќе отвореле оган од снајперско оружје кон активистот на „Гринпис“, кој летајќи со параглајдер предизвика инцидент непосредно пред натпреварот меѓу Германија и Франција во Минхен во рамки на ЕУРО2020. Параглајдеристот, како што соопшти организацијата „Гринпис“, требаше да прелета над „Алијанц арена“ и да спушти на теренот гумена топка со протестна порака „Откажете се од нафтата“. Работите, сепак, тргнаа во погрешна насока, кога активистот на „Гринпис“ со леталото пресече телевизиски кабли на покривот на стадионот, а парчињата пластика и метал што паднаа на трибините повредија најмалку две лица, кои беа пренесени во болница. – Снајперистите веќе го имаа на нишан, соопшти министерот за надворешни работи на германската сојузна покраина Баварија, Јоаким Херман, „Доколку полицијата проценеше дека станува збор за терористички напад, човекот ќе платеше со својот живот“, додаде Херман. Активистот на „Гринпис“, 38-годишен Германец, на крајот слета на теренот во време кога двете репрезентации се загреваа пред почетокот на натпреварот, минувајќи без повреди. УЕФА го осуди инцидентот, нарекувајќи го „непромислен акт“, додека Германската фудбалска федерација ја оцени акцијата на „Гринпис“ како „неприфатлива“.

Тотенхем го крена трофејот од „Ауди Купот“ среде Алијанц Арена

Ивона Петрова — Thu, 01 Aug 2019 07:27:58 +0000

Финалистот во Лигата на шампионите, Тотенхем е новиот шампион во пријателскиот „Ауди Куп“. „Петлите“ го совладаа германскиот шампион Баерн Минхен среде „Алијанц Арена“. Во регуларното време, двете екипи одиграа со резултат 2:2, а по изведување на пенали, Британците беа посмирениот тим и победија со 6:5. Ерик Ламела го отвори резултатот во 19-тата минута, давајќи му на својот тим водство во финалето. До крајот на полувремето имаше неколку добри позиции пред двата гола, но на крајот немаше повеќе голови. Во вториот дел Тотенхем повторно прв нанесе удар, откако во 59-тата минута Кристијан Ериксен го удвои резултатот. Само две минути подоцна, сепак, одговорија Баварците. Јан-Фите Арп врати еден погодок, а во 81 минута Алфонсо Дејвис успеа да израмни и да го однесе мечот на пенали. При ударите од 11 метри, Давид Алаба и Кристијан Ериксен ги промашија првите пенали за своите екипи, па следеше серија од пет реализации за двата тима. Сепак, во шестиот обид на Баварците, Џером Боатенг промаши и му ја предаде титулата на противникот.

Швајнштајгер го одигра својот последен меч на „Алијанц Арена“

Ристе Здравков — Wed, 29 Aug 2018 07:54:00 +0000

Легендарниот германски фудбалер Бастијан Швајнштајгер синоќа на исполнетата „Алијанц Арена“ во Минхен го одигра прошталниот меч во дресот на Баерн Минхен. Баварците играа против сегашниот клуб на Швајнштајгер, Чикаго Фајр. Германскиот фудбалер првото полувреме настапи за американскиот тим, а во второто го носеше дресот на Баерн. Крајниот резултат е 4:0 за Баерн, а последниот гол го постигна токму Швајнштајгер.