Алијанса за Албанците и Алтернатива – Kurir.mk

Митева: Алтернатива има две опции или да го послуша гласот на народот кои се спротивставија на политиките на СДСМ и ДУИ, или да тргне по позиции и да се претвори во криминално милје на Заев

Дарко Андоновски — Sat, 20 Nov 2021 13:17:22 +0000

Портпаролката на ВМРО-ДПМНЕ Марија Митева на денешната прес конференциоја одговарајќи на новинарско прашање кој е ставот на ВМРО-ДПМНЕ за можноста Алтернатива да биде дел од владата на СДСМ и ДУИ, нагласи дека Алтернатива има две опции или да го послуша гласот на граѓаните кои на овие избори гласно се спротивставија на политиките на оваа влада или да тргне по позиции и со самото тоа да се претопи во криминално милје на Заев. -Ако Алтернатива мисли дека треба да биди дел од влада на СДСМ и ДУИ и на сето она што тие како багаж го носат со себе, криминал, корупција, сиромаштија, тогаш навистина искрено жалиме. Алтернатива има две опции, едната е да го послуша гласот на граѓаните кои на овие локални избори гласно се спротивставија на политиките на СДСМ и ДУИ, или да тргне по трката за позиции и со тоа да се претопи во криминалното милје на Заев, вели Митева. Митева истакна дека во моментот владата се опстанува врз основ на киднапиран пратеник на кој што како што рече таа му пропаѓа оправдувањето кое што го дал за таков чекор, а тоа е добивање на датум за почеток на преговорите со Европска Унија. -Во однос на ситуацијата 60 - 60 во моментото можеме да кажеме дека власта се одржува врз основа на киднапиран пратеник на кој што гледаме дека му пропаѓа и она оправдување кое што го даде за таквиот чекор, а тоа е добивањето на датум за Европската унија, изјави Митева.

Алијанса за Албанците и Алтернатива: Уште еден неуспех во процесот на евроинтеграцијата

Дарко Андоновски — Wed, 23 Jun 2021 12:50:10 +0000

Вчера бевме сведоци на уште еден неуспех во редицата неуспеси во процесот на интеграцијата. Нема датум за преговори со Европската Унија. Од 2018 година сè било лага. Фотографиите во авион, трошоците на премиерот и министрите на Владата ќе останат само уште еден доказ на измамите на оваа власт и трошоци што ќе треба да ги сносат граѓаните. Што уште треба да се случи за да зелениот Министер за надворешни работи, Бујар Османи, да признае дека е неуспешен, Што уште треба да се случи за да оваа Влада даде оставка и да се врати на повторна проценка пред граѓаните, ова денеска преку соопштение до јавноста го истакнаа од Алијансата за Албанците и Алтернатива. -Ќе се правдаат со Бугарија, но, ние сите знаеме дека Европската Унија не прифаќа во нејзините прегратки корумпирани и криминализирани политичари и власт. Неодамна вакви проценки пристигнаа и од Вашингтон со указот на Претседателот Бајден. Коалицијата Алијанса за Албанците и Алтернатива има изјавено многу пати дека оваа Влада ниту земјата може да ја води кон Европа, ниту пак може Европа да ја донесе тука, велат од партијата.

Алијанса за Албанците и Алтернатива: Се потврди криминалната шема на Министерството за здравство и премиерот Заев

Ивана Ефремовски — Sat, 13 Mar 2021 14:30:01 +0000

Коалиција Алијанса за Албанците и Алтернатива порачуваат дека се потврди криминалната шема на Министерството за здравство и премиерот Заев „По објавувањето на преписката на Министерството за Здравство со фантомската компанија од Хонг Конг, со цел набавка на кинески вакцини, се потврди криминалната шема на ова министерство и премиерот Заев. Дури и во ова време на криза каде се заразуваат илјадници граѓани, кога бројот на заразени граѓани се зголемува секој ден, кога за жал се зголемува и бројот на граѓани кои ги губат своите животи, министерот Филипче и премиерот Заев немаат намера да обезбедат вакцини на редовна основа, но наместо тоа, се пазарат и за поволни цени и вложувања надвор од која било човечка норма. Изненадувачки е како премиерот Заев ги користи компаниите споменати во таканаречените „бомби“ од криминалното делување на Груевски, за истата цел, но сега на штета на здравјето на граѓаните. Во оваа ситуација, најлогично би било оставка од министерот Филипче и премиерот Заев, за доброто на граѓаните“ - порачаа од Коалиција Алијанса за Албанците и Алтернатива.

Алијанса за Албанците и Алтернатива: Титулата за Али Ахмети е политизација на Универзитетот во Тетово

Магдалена Андонова — Thu, 17 Dec 2020 15:38:04 +0000

Младинските организации на партиите Алијанса за Албанците и Алтернатива организираа прес-конференција пред Универзитетот во Тетово и посочија на политизацијата на одлуката да му се додели титула Доктор хонорис кауза на Али Ахмети. Тие поставија иронична изложба на наводни трудови кои според нив се дело на Ахмети. -На изложбата што ја гледате зад мене, ние откривме само некои од академските списи што оваа личност ќе им ги остави на идните генерации, меѓу кои се: „Стратегија за преместување на младите во егзил без насилство и репресија“, како и најдобрата книга продавач „Достигнувајќи 700 илјади мајки за 1 секунда”. Покрај овие добро познати списи, решивме да откриеме и некои експерименти кои како се резултат го има тоа што десетици Албанци кои денес се испраќаат во затворите во државата , рече меѓу другото Омер Ајдини, претседател на Младинскиот форум на Алијансата за Албанците. Адем Јашари од „Алтернатива“ рече дека Универзитетот во Тетово не е на Али Ахмети и неговите сопартијци и дека кога ќе бидат на власт ќе му го вратат достоинството. -Универзитетот во Тетово, кој се издигна над крвта и потта на Албанците не само во нашата земја, за жал денес падна под немилосрдните канџи на политизацијата и партизацијата што ја спроведува ДУИ .Така се вознемируваат коските на Абдилселам Емин, но и Фадил Сулејмани, како луѓе кои жртвуваа сè за формирање на овој Универзитет. Затоа, дури и денес се прашуваме што би рекол Фадил Сулејмани да беше жив за ова газење на Универзитетот за кој толку многу жртвуваше, рече Адем Јашари од „Алтернатива“. (МИА)

Алијанса за Албанците и Алтернатива: Ако ДУИ не го постави Насер Зибери за премиер треба да оди во опозиција

Ивана Ефремовски — Fri, 14 Aug 2020 12:19:27 +0000

Коалицијата Алијанса за Албанците и Алтернатива денеска на прес-конференција соопшти дека нивни претставници немале ниту една официјална средба и ниту друга средба на тема за учество во новата влада и дека нема да да преговараат додека ДУИ не го исцрпи правото да биде дел од идната влада односно да стане опозиција. За нив ДУИ е легален, но нелегитимен победник на изборите кај партиите на Албанците. -Иако ние сме легитимни победници на изборите на 15 јули во албанскиот политички камп, ние нема да влеземе во преговори, се додека ДУИ не го исполни предизборното ветување за премиер да биде Насер Зибери. Дури, како што кажавме, ако во Собранието доајде предлог Насер Зибери да биде премиер, ние со нашите 12 пратеници ќе гласаме за него. Но, ако ДУИ не успее да го реализира ова ветување, за што има легалитет, таа партија нема право да биде дел од идната влада и нејзиното место е во опозиција, истакна на прес-конференцијата Скендер Зеид Реџепи, генерален секретар на Алтернатива. Одговарајќи на новинарски прашања, тој рече дека тие очекуваат ДУИ да остане на предлогот за премиер Албанец во следните четири години, колку што трае мандатот, и дека доколку тие бидат вклучени во разговори за формирање Влада, нема да бараат премиер Албанец. Во однос на тркалезната маса што ја организираше ДУИ, а на која не присуствуваа лидерите на овие две партии, Зеид Реџепи рече дека тие позитивно одговориле на поканата, но оти побарале средбата да с одложи за неколку дена и да се одреди дневен ред. Датумот не бил пролонгитан, така што според него, целта на оваа шокана била тие да не учествуваат и средбата да не се одржи. -Како и да е, без оглед на ова ние посакуваме Тркалезната маса на парламентарните албански партии да продолжи, како инструмент за координација на албанските ставови во Република Северна Македонија, и во иднина да се надминат овие пречки, изјави Реџепи.

Утре во 19 часот Алијанса и Алтернатива ќе маршираат за демократија

Дарко Андоновски — Sun, 26 Jul 2020 13:21:50 +0000

Маршот за демократија не е само протест, туку е јавен израз на волјата на албанскиот граѓанин во Македонија, кој по последните избори смета дека сериозно се оштетени демократијата и начинот на изразување на слободната волја на албанскиот граѓанин, инаформираа во пресрет на утрешниот марш од Коалицијата Алијанса за Албанците и Алтернатива. Маршот ќе започне во 19 часот од паркот Чаир во Скопје, потоа ќе помине пред Влада и е планирано да заврши пред канцелариите на Делегацијата на Европската Унија. – Како знак на револт за потиснување на највозвишеното право на слободното гласање, овој марш – токму пред седиштето на Делегацијата на Европската Унија во Скопје – ќе испрати јасна порака дека една држава којашто ги започнува преговорите за членство во ЕУ не смее да дозволи дел од нејзините граѓани да бидат лишени од правото да избираат и да бидат избрани, што е основното човеково и политичко право во ЕУ, изјави на прес-конференција портпаролката на Централниот штаб на коалицијата, Нурџан Асановска. Симболи на маршот, посочи таа, ќе бидат националните симболи и симболите на нашите западни сојузници, а слоганите ќе се однесуваат на заштита на демократијата, укажувајќи дека секој друг симбол и кој било друг повик што искажува фобија, омраза или навреда за било кого, е против целта на овој марш. – За да се избегне каква билo можност за инфекција, организаторите се погрижија и за бројот на учесниците. Впрочем, за коалицијата ништо не е поважно од здравјето. Затоа, заштитните маски и одржувањето дистанца, како и грижата за здравјето на учесниците се задолжителни обврски за успешна граѓанска акција, рече Асановска. За маршот е известена и полицијата, а организаторите најавуваат и свои редари за успешен тек.

Алијанса за Албанците и Алтернатива ја официјализираат коалицијата- заедно ќе одат на изборите

Катерина Бојаџиева — Thu, 20 Feb 2020 17:10:26 +0000

Алијанса за Албанците и Алтернатива, утре официјално ќе го потпишат договор за коалиција за предвремените парламентарни избори закажани за 12 април. Во соопштението на Алијанса за Албанците, се вели дека договорот за соработка ќе биде потпишан откако двете парти се согласиле заеднички да учествуваат во изборите што следат. Свеченоста за потпишување ќе биде проследена со прес-конференција на која ќе се обратат Зијадин Села и Африм Гаши во Холидеј Ин. По потпишувањето, двајцата претседатели и другите членови на партијата ќе се сретнат со граѓаните во скопската чаршија.