алијанса – Kurir.mk

Мисајловски: Алијанса за Албанците велеше дека ДУИ е канцерот на општеството, а сега влегуваат во коалиција со нив

Ивана Ефремовски — Wed, 15 Feb 2023 17:34:10 +0000

Слушнавме од нелегитимниот премиер дека има разрешување, но зошто, никој не знае, вели пратеникот од ВМРО-ДПМНЕм Владо Мисајловски на денешната собраниска седница. Мисајловски рече дека со оваа реконструкција нема воопшто да го подобри животот на граѓаните во Македонија. -Дали нешто ќе донесе подобро во овие 10 месеци ако влезе Алијанса, апсолутно ништо. Но се работи за една интересна работа која што ја слушнавме од пратеничката од Алтернатива дека изминатиот период кога се состанувала владата на СДСМ, замислете премиер од друга држава помагал да се состави. И тоа е директно мешање во внатрешните работи на една држава и се поставува прашањето дали од други центри се контролира и самата политика во Македонија, праша тој. -Дали во Македонија се живее подобро? Дали во Македонија оди во подобра насока? Преку 74 проценти од граѓаните сметаат дека Македонија се грижи во погрешна насока и тоа го направија сите политики изминатите години. Дали сите министри што беа подобрија нешто? Не. Дали оваа влада ќе донесе реформи? Не, дециден е Мисајловски. Мисајловски кажа дека има еден куп изјави од страна на Алијанса на Албанците кога изјавуваа дека ДУИ се канцерот на општеството, а сега кога влегуваат во коалиција со нив, ништо од тоа не им смета. -Кога се збори за криминал многу е важно да се потсети Алијанса, Алтернатива дека секој ден збореа против ДУИ. Има еден куп изјави каде што изјавуваа дека се канцерот, сега тоа воопшто не им смета, додаде тој.

Села: 2021 е година на скандали на власта

Ивона Петрова — Tue, 28 Dec 2021 13:35:01 +0000

Доволна причина за да има предвремени парламентарни избори е „недостигот на легитимитет на власта“, изјави денеска претседателот на Алијанса за Албанците, Зијадин Села, на последната средба со новинари за ова календарска година, додавајќи дека 2021 е „година на скандали на Владата“ и тие како опозиција секогаш се тука за да прават се за да падне власта. – Главните актери во власта немаат легитимитет. Ковачевски нема легитимитет, бидејќи тој што победи на изборите беше Заев, а не Ковачевски, за да може да биде мандатар за формирање Влада. Зборот на Заев е даден пред јавноста и тој треба или да продолжи до крај ако може или да распише избори. Али Ахмети и ДУИ, исто така, немаат легитимитет да бидат дел од таа власт. Дојдоа со ветувањето дека ќе има премиер Албанец, а сега по втор пат гласаат премиер Македонец. Зошто не го гласа Насер Зибери, сега е моментот. Политичката партија која во првите 100 дена не ги исполнува дадените ветувања, од тој момент го губи легитимитетот. Африм Гаши и Алтернатива немаат легитимитет, бидејќи имаат добиено гласови заедно со Села и Алијансата за да донесат промена во албанското општество и да ја пратат ДУИ во опозиција, рече Села. Според него, треба да се формира преодна Владата, која „од институциите ќе ги искорени партиските службеници, кои се таму за да придржуваат криминалци, за да заплашуваат граѓани и да купуваат гласови“, и по една години, во октомври, да се одржат избори. – Целта е за оваа една година граѓаните бидат ослободени и слободно да ја искажат нивната волја со глас за која политичка партија сакаат, истакна Села. Одговарајќи на новинарско прашање за коалицијата на Алијансата за Албанците со ВМРО-ДПМНЕ на локано ниво, односно за Скопје, Села посочи дека се уште траат преговорите за тоа кои сектори во Град Скопје ќе ги водат кадри на неговата партија. – До овој момент Алијансата за Албанците ќе предводи со две директорски места и три заменици директори. Воедно и директорски места во средни училишта. Алијанса за Албанците ќе се грижи да се зачува нивото на застапеноста на Албанците на Скопје и да се унапреди, посочи Села. Тој најави дека „фамозниот проект“ ветен од страна на поранешниот градоначалникот за експресна автобуска линија до Порта Влае, ќе продолжи до Сарај. – Дел од предговорот беше и да се решат имотно правните работи и надоместокот на неколку жителите на село Рашче, од каде цело Скопје се снабдува со вода. Шпекулации се најавите дека албанските населените места се исклучени од инвестициите, изјави Села, обвинувајќи го лидерот на ДУИ, Ахмети дека во преговорите што ги водел „се откажал од половина власт, само да ја зачува власта во Скопје“. Села оцени и дека во земјава функционира половична демократија и дека сегашната власт е „слична на режимот кој падна во 2017 година“.

Алијанса и Алтернатива најавуваат дека со 3.000 амандмани ќе ги блокираат антикризните закони

Ивана Ефремовски — Thu, 25 Mar 2021 17:21:50 +0000

Собраниската Комисија за финансирање и буџет на која на дневен ред се трите закони поврзани со антикризните мерки за Ковид-19 од петиот пакет е закажана за попладнево 18:30 часот. Комисијата е закажана откако претходно денеска во Собранието владејачкото мнозинство и СДСМ постигнаа договор да се изгласаат овие закони. Но, пратеничката група на Алијанса за Албанците и Алтернатива, како што најавија, ќе ги блокираат законите. Според координаторот на пратеничката група на АА и Алтернатива, Скендер Реџепи, пратениците веќе ги потпишуваат амандманите што, како што посочи, ќе бидат преку 3.000. Комисијата за финансирање и буџет беше закажана откако денеска беше постигнат договор помеѓу владејачкото мнозинство и опозициската ВМРО-ДПМНЕ.

ДУИ за протестот на Алијанса: Срам да ви е, ама срам, срам, срам…

Љупчо Цветаноски — Tue, 28 Jul 2020 10:10:29 +0000

–Ако немаш срам, прави што сакаш. Да го етикетираш својот народ пред светот само за да бегаш од одговорноста за неуспехот е плафонот на срамот на оваа тинејџерска политика. Во услови кога ниту еден нивен претставник, или на било кој друг субјект, ниту еден преставник на невладините организации, ниту еден преставник на ОБСЕ/ОДИХР не констатирал ниту една забелешка за изборниот процес, срамно е да протестираш против народот кој не те гласал – пиша на Фејсбук Бујар Османи коментирајќи го протестот на Алијанса и Алтернатива на Села и Гаши за кражба на гласови. Надвор од реакцијата на Интергативците, може да се примети дека никој од ДУИ не се загрижи што освен албанското, американското и ЕУ знамето, никаде го немаше македонското. Ниту за лек, ниту некое малечко, најмалечко. Ги загрижи само тоа што обвинија за нерегуларности. И короносаниот Крешник Бектеши од карантин во кој е поради позитивниот тест на ковид-19 констатира дека протестот на опозициските партии е срамен. –Во карантин, слушајќи невиден срам до денеска. Срам да ви е, ама срам, срам, срам… Албанците ниту се купуваат ниту се продаваат, пусти да сте, туку достоинствено и гордо на секого му го кажуват местото кај им е, се огласи на Фејсбук Бектеши. Коалицијата на Алијансата и Алтернатива од протестниот марш порачаа дека држава што ги почнува преговорите за членство во Европската Унија не смее да дозволи дел од нејзините граѓани да бидат лишени од правото да избираат и да бидат избрани, што е основно човечко и политичко право во ЕУ. Лидерите на Алијанса за Албанците и на Алтернатива, Зијадин Села и Африм Гаши во обраќањето пред делегацијата на ЕУ од маршот упатија две барања до земјите – членки на ЕУ: да не се признае легитимноста на ДУИ како претставник на Албанците и да почне процесот на радикална реформа на Изборниот законик.

Заев пак фатен во лага – Алијанса, Беса и „незaвисните“ демантираат дека „бомбата“ ја снимил нивни пратеник до Собранието!

Љупчо Цветаноски — Mon, 24 Feb 2020 09:58:38 +0000

Независните пратеници од ВМРО-ДПМНЕ го демантираат лидерот на СДСМ Зоран Заев дека „бомбата“ која вчера ја објави Антонијо Милошоски е снимана од некој од нив и дадена на поранешниот пратеник, пишува Плусинфо. Дека снимале и дека некој од нив е укажувачот демантираат и од Беса, додека Алијансата за Албанците на Зијадин Села пак, воопшто не сака да биде инволвирана во „бомбите“ кои преку укажувачи ги пушта Милошоски во јавноста. Заев вчера потврди дека снимката е автентична и кажа дека најверојатно станува збор за некоја од средбите на која тој разговарал со независната пратеничка група или со партиите на Албанците за законот за јавното обвинителство. – Не станува збор за средба на која биле пратеници од Независната пратеничка група на ВМРО-ДПМНЕ. Не е точно дека некој од нас го снимал разговорот и го дал на Милошоски – изјави Нола Исмајлоска Старова за Плусинфо.

Од партијата на Зијадин Села велат дека не гледаат причина тие да бидат инволвирани во политичка битка помеѓу ВМРО-ДПМНЕ и СДСМ.

– Не коментираме бидејќи во изјавата Заев не ја апострофира Алијансата за Албанците – велат од Алијансата. Фадил Зендели од Беса е категоричен дека некој од нивната партија го снимал разговорот и е укажувач. – Апсолутно не. Никој од Беса не се занимава со нелегално снимање и доставување на такви снимки. Не се занимаваме со такви работи. Лично јас бев на разговорите со Заев за Законот за јавното обвинителство. Таму каде што јас учествувам во разговори ни случајно не може да се случи такво нешто – дециден е Зендели. Заев вчера во интервју за Прес 24 вели дека во објавените тонски снимки ја коментира одлуката на Врховен суд за непостапување за предметите од СЈО по јуни 2017 година, состојба со која предметите паѓаа, доколку не се изгласаше Законот за јавно обвинителство. Тој додава дека снимките најверојатно настанале на некој од состаноците во рамки на преговорите кои се водеа со групата пратеници кои беа исклучени од ВМРО-ДПМНЕ. – Разговорот некој од присутните неовластено го снимал додека се разговара за причините и потребата зошто треба да се донесе законот за Јавно обвинителство. Toa се веројатно разговори од состаноците кои се водеа со претставници на партиите од власта и опозицијата од албанскиот блок на партии, кога се убедувавме и објаснувавме со групата од осум пратеници од ВМРО-ДПМНЕ зошто е важно да се донесе Законот за јавно обвинителство – изјави Заев. Антонио Милошоски на вчерашната прес-конференција од партиското седиште на ВМРО-ДПМНЕ емитуваше разговор на кој се слуша гласот на екс-премиерот Зоран Заев. Милошоски на прес-конференција пушти аудио снимка заедно со транскрипт од разговорот, и рече дека се слуша од снимката како Заев, со поранешната обвинителка Катица Јанева, бил во дослух за сите нејзини одлуки. Аудио снимката, Милошоски кажа дека ја добил од свиркач и додаде дека по ваков материјал, Заев треба да биде приведен или викнат на распит. – Како премиер, во присуство на други лица, Заев дава експлицитно јавен исказ дека договарал одлуки со Врховниот суд, што е мешање во судската власт и флагрантно кршење на законите. Тој бил во тесна врска со Катица Јанева, која самоволно не можела да настапува. Јасно се гледа зошто му се брзаше на нелегален начин да се донесе законот за јавно обвинителство. Заев и Јанева биле во содејство на блиски соработници за секоја нејзина одлука. Тој бил и Врховен судија и специјален обвинител – тврди пратеникот Милошоски. Оригиналниот текст можете да го видите овде.

Уште тројца пратеници помалку за Заев: Алијанса за Албанците нема да го гласа Законот за ЈО

Љупчо Цветаноски — Mon, 10 Feb 2020 13:15:13 +0000

Пратениците на Алијансата за Албанците на Зијадин Села нема да гласаат за предложениот Закон за обвинителство бидејќи пристигнатата верзија на законот во парламентот не е иста со договорената, вели пратеникот Сурија Рушити. – Вистина е дека Алијансата на Албанците имаше свои забелешки на драфт верзијата на Законот за обвинителство и голем дел од нив беа прифатени од министерката Дескоска. Но она што стигна во Парламентот не е истиот предлог закон. Во членот 110 се предвидува амнестија, а ние никогаш нема да прифатиме Закон за јавно обвинителство кој овозможува амнестија – вели Рушити. Членот 110 предвидува „бомбите“ односно незаконски прислушуваните материјали кои лидерот на СДСМ, Зоран Заев ги предаде во Специјалното јавно обвинителство да бидат докази само во случаите за кои се покренати обвиненија до 30 јуни 2017 година, односно 18 месеци од предавањето на материјалите, во истрагите ќе бидат индиции, а во предистрагите нема да се користат ниту како индиции. Алијанса во Собранието на РМ има тројца пратеници. Претходно, двајцата пратеници на БЕСА исто така најавија дека нема да го гласаат спорниот закон. Љубов на „независните пратеници“ им откажа и Бети Канческа - Милевска, која соопшти дека нема да го гласа овој закон за кој експертите дадоа негативно мислење. Без овие шестмина пратеници, двотретинското мнозинство потребно за измени и гласање на контроверзниот предлог-закон за ЈО скроен по мерка и за заштита на криминалите на Зоран Заев станува невозможна мисија за СДСМ.

Таравари најавува дека Алијансата ќе биде дел од новата Влада

Љупчо Цветаноски — Tue, 14 Jan 2020 09:39:25 +0000

„Што се однесува до албанскиот политички блок, се надевам на долгоочекуваното ослободување од ДУИ. Па, како можеме да зборуваме за напредок и промени кон добро кога 18 години живееме во еднопартиски систем, во кој корупцијата, пресметките, калкулантството и реваншизмот биле главните „адути“ на располагање?, изјави Арбен Таравари, градоначалник на Гостивар и генералниот секретар на Алијансата за Албанците, во интервју за Фокус. Не можам со сигурност да го прогнозирам развојот на случувањата на изборите во македонскиот блок, но јасно е дека ќе имаме неизвесна политичка битка, вели Таравари. Тој додава дека преговараат со БЕСА и Алтернатива за предизборна коалиција, воедно истакнувајќи дека потребите и расположението на гласачите упатуваат на тоа дека Алијансата ќе биде дел од коалицијата која што ќе ја победи ДУИ. – Формирањето на Влада зависи од две работи – бројките и компатибилноста во програмите. Апсолутно не исклучуваме можна соработка со некоја од двете поголеми партии во македонскиот политички блок доколку се исполнат овие услови. Посакуван партнер гледаме во тој којшто ќе покаже дека иднината на оваа држава му е многу поважна отколку битката за да се застане на тронот – посочува Таравари.

Самит на НАТО во Лондон, 70 години од основањето на Алијансата

Ивона Петрова — Tue, 03 Dec 2019 06:24:31 +0000

Во Лондон денеска почнува дводневен самит на НАТО со цел да се покаже единството и силата на Алијансата, која ја слави својата 70-годишнина од основањето. Американскиот претседател Доналд Трамп пристигна во Лондон синоќа, а лидерите на НАТО ќе бидат денеска гости на кралицата Елизабета Втора во Бакингамската палата. Сепак, додека се подготвуваат за средба со Трамп, некои европски лидери продолжуваат да ја доведуваат во прашање посветеноста на Вашингтон кон НАТО. Конфликтите продолжуваат во североисточна Сирија по турската офанзива и одлуката на Трамп да ги повлече американските сили, без да се консултира сојузниците на НАТО. Повлекувањето на САД ја разгоре загриженоста за посветеноста на САД кон НАТО. Францускиот претседател Емануел Макрон неодамна изјави дека Алијансата е во состојба на „мозочна смрт“, апелирајќи од Европа да создаде своја безбедносна структура. Изјавата доби силен одговор од генералниот секретар на НАТО, Јенс Столтенберг, кој рече дека европското единство не може да го замени трансатлантското единство. Според Си-Ен-Ен, далеку од тоа дека е кревка алијанса, НАТО сега е многу помалку еластичен од порано. Затоа, кога лидерите ќе се соберат во Лондон, тие ќе треба да вложат повеќе напори за да премостат некои од нивните разлики.